အချစ်၏ဖော်ပြခြင်းများ - အခန်း (၂၅)
မနက်စာစားပြီးနောက် ည ပါတီအတွက် အကိုက စီစဉ်ဖို့ ဦးလေးဖြစ်သူထဲမှ ဖုန်းလာသောကြောင့် ထွက်သွားလေသည်... အကိုက မသွားခင်က မှာသွားသေးသည်...
" မီးလေး ညနေလောက်ကျ ကိုယ်ပြန်မလာခင် မီးလေးကို ပြင်ဆင်ပေးမယ့် ကောင်မလေးတွေရောက်လာလိမ့်မယ် "
"ဟင် မလိုပါဘူး အကိုရဲ့ ပိုး ကိုယ့်ဘာကိုယ်ပြင်လိုက်ပါ့မယ်"
" ကိုယ်နဲ့မင်းနဲ့ လူတွေကြား အတူထွက်ပြမှာ မင်္ဂလာဆောင်ပြီးမှ ပထမဆုံးလေ ပြီးတော့ ကိုယ် မီးလေးအတွက် ကိုယ်တိုင်ရွေးချယ်ထားတဲ့ ဝတ်စုံလေးကို ဝတ်စေချင်လို့ "
" ဟင် အကို ပြင်ထားတာလား "
" ဟုတ်ပါ့ဗျာ ကိုယ်သွားတော့မယ် တစ်ခုခုဆို ကိုယ့်ကို ဖုန်းဆက်လိုက်နော် "
" ဟုတ် "
ခုနကဖြစ်ပျက်သွားတဲ့ အကြောင်းရာတွေကို ပြန်တွေးနေတုန်း....
" မမပိုးရေ မမပိုး "
" ဟင် မိလုံး ဘာဖြစ်လို့လဲ "
အိမ်ထဲကို ပြေးဝင်လာတဲ့ မိလုံးကြောင့် လူကလန့်သွားရ၏
" ဟို...ရှေ့မှာ အမကြီးတစ်ယောက်ရောက်နေတယ် "
" ဟင် ဘယ်သူလဲ "
" မသိဘူး အကိုလေးနဲ့တွေ့ဖို့လာတာတဲ့ "
" အကို့ဧည့်သည်လား မိလုံး အထဲဝင်လာခိုင်းလိုက်လေ ဧည့်သည်ကို အပြင်မှာဘာလို့ ထားခဲ့တာလဲ "
" ဟုတ်ဟုတ် မိလုံးသွားခေါ်လိုက်မယ် "
မိလုံး ခေါ်လာတဲ့ ဧည့်သည်ကို မြင်ပြီး ပိုး စိတ်ထဲ စနိုးစနှောင့် ဖြစ်သွားမိသည်...ဘာကြောင့်လဲဆိုတော့ အကို့တပည့်ဆိုသူ ဝတ်လွှာဆိုတဲ့ မိန်းကလေးဖြစ်နေသောကြောင့်...
သူက အကို့ကို အိမ်အထိ ဘာလို့ လာရှာရတာလဲ...ဘာကိစ္စကများ အရေးကြီးနေလို့ပါလိမ့်...
" မီးပိုးအိမ်ပါ့လား ဆရာရှိလား "
ဘာလား ဒီမိန်းမက အကိုလေးအိမ်ပါဆို မမပိုးရှိတာဆန်းလို့လား ...ပြီးကျ အိမ်ရှင်ကတောင်မထိုင်သေးဘူး သူက ဆိုဖာပေါ် အသင့်ခြေချိတ်ဝင်ထိုင်နေလေရဲ့....
YOU ARE READING
အချစ်၏ဖော်ပြခြင်းများ ( Completed )
Romanceအရှက်အကြောက်ကြီးလွန်းတဲ့ မီးပိုးအိမ်ဆိုသောသူမ နဲ့ တည်ကြည်ရိုးသားအလုပ်ကလွဲမသိ အချစ်ရေးဆိုစိတ်မဝင်စားတဲ့ နေလင်းစစ် ဆိုသောသူ လက်ထပ်ဖို့ဖြစ်လာသောအခါ ယောက်ျားဖြစ်သူကိုချစ်နေမိပေမဲ့ ယောက်ျားဖြစ်သူကိုကြောက်ပြီး စကားတောင်မပြောရဲတဲ့ သူမ ဘယ်လိုများ ယောက်ျားဖြ...
