သူ့ကို ဂရုမစိုက်ပါဘူး၊ ကျွန်တော် သူ(မ)ကို ဖွင့်ပြောတော့မယ်။
အဆုံး၌မူ ဤ မတော်တဆဖြစ်ရပ်မှာ ကိုင်တွယ်အဆုံးသတ်၍ ပြီးသွားချေလေပြီ။ တစ်အုပ်စုလုံးမှာ ခြေကုန်လက်ပန်းကျ၍ ဆာလည်းဆာလောင်နေကြလေပြီ ဖြစ်ရာ ဟော့ယွီက အကြင်သူတို့ကို ညလယ်စာ သွားစားချင်ကြသလား ဟု မေးမြန်းလိုက်ပေ၏။ ဤ အကြံ အပေါ်တွင် ပထမဆုံး အနေဖြင့် လက်ကို မြှောက်၍ တက်တက်ကြွကြွ ကြွေးကြော်ထောက်ခံလိုက်သူမှာ သူတို့နှင့် အဘယ်စပ်ဆိုင်မှုမှ မရှိသည့် ပိုင်ကျင်း ဖြစ်နေခဲ့လေသည်။
“ ကောင်းတယ်၊ ကောင်းတယ်၊ ဆန်ပြုတ်သွားသောက်ကြရင်ရော？ဝိုက်ထန်းဘက်က စားသောက်ဆိုင် တစ်ဆိုင် ရှိတယ်ရယ်၊ သူတို့ဆီက ငါးမန်းတောင်၊ သံပခြုပ်ဆန်ပြုတ်လေ၊ အဲ့ဒါက ပြိုင်ဘက်ကင်းပဲ၊ အဲ့ဒီ ဆိုင်မှာ သွားစားမယ် ဆိုရင်ရော ဘယ်လိုတုန်း？ ”
ဟော့ယွီက ရှဲ့ရွှယ်ဘက်သို့ လှည့်ကြည့်လိုက်လေ၏။
ရှဲ့ရွှယ်က မျက်ရည်စတို့ကို သုတ်လျက် အတန်ငယ် မရွှင်မပျဖြင့် ပိုင်ကျင်းကို တစ်ချက် ကြည့်လိုက်ရင်း：“ ငါက အသားကင် စားချင်တာ၊ လှားကျီး(အမှိုက်)ဈေးမှာ စားချင်တာ ”
“ အဲ့ဒါဆို လှားကျီးဈေးကိုပဲ သွားကြတာပေါ့ ”
ပိုင်ကျင်း：“ အာ ....... ဒါကြီးက အရမ်း ...... ကောင်းပြီလေ ...... ”
ရှဲ့ရွှယ် ရှိနေသဖြင့် ဟော့ယွီက ရှဲ့ချင်းချန်ကို အတန်ငယ်မျှ အလေးထားပေးသော အသွင်ဖြင့် အကြင်သူ့ကိုလည်း တစ်ခွန်း မေးလိုက်ပါ၏။
“ ခင်ဗျားကရော？ ”
“ ငါ မလိုက်တော့ဘူး၊ ဒီခွေး အတွက် ဆေးထိုးဖို့နဲ့ မမွေးခင် လုပ်ရမဲ့ ဆေးစစ်ချက်တွေ လုပ်ပေးဖို့ ငါ ခေါ်သွားပေးလိုက်ဦးမယ်၊ မင်း မွေးချင်တယ်ဆိုရင်တော့ နောက်ကျရင် ငါ မင်းဆီကို ပို့ပေးလိုက်မယ် ”
သူက ပြောရင်းနှင့် သူ့ခြေထောက်ဘေး၌ နာခံစွာ ထိုင်နေသော ရှောင်ဟွမ်ကို တစ်ချက် ကြည့်လိုက်လေသည်။
အံ့ဩစရာကောင်းသည်မှာ ရှောင်ဟွမ်သည် ရှဲ့ချင်းချန်ကို သဘောကျနေခြင်းပေ။ ရွှင်ပျမြူးထူးစွာဖြင့် အကြင်သူ့နံဘေးတွင် လှည့်ပတ်နေရင်း အမွေးပွပွအမြီးဝါလေးကို နှံ့လျက်ဖြင့် ဝုတ်ခနဲ ဟောင်လိုက်လေ၏။
YOU ARE READING
ဆေးမှတ်တမ်းချုပ်
Romanceစီအာ ရှောင်ဖို့ အပိုင်းတစ်ကနေ လေးအထိကို ပီဒီအက်ဖ်ဖိုင် သီးသန့်ထုတ်ပေးထားပါတယ်။ တယ်လီဂရမ် (binganbenarchives) ချန်နယ်ထဲက pin post #3 ကနေ ဖတ်လို့ ရပါတယ်။
