အပိုင်း ၂၁
နားမလည်နိုင်မှုတို့ အပြည့်ရှိနေသည့် ခါဆယ်ရ်၏ မျက်လုံးများ လှုပ်ရှားသွားတော့သည်။ မိဖုရားက ယခုအထိလည်း လူမမာဖြစ်နေဆဲဟူသည့်အချက်ကို တဒင်္ဂ မေ့သွားမိခြင်းပင်။ မှတ်ဉာဏ်များ ပျောက်ဆုံးသွားသူ၏ စိုးရိမ်ကြောင့်ကြမှုများနှင့် နာကျင်မှုတို့ကို စိတ်ကူးကြည့်၍တောင်မရခဲ့။
"တောင်းပန်ပါတယ်။ ငါလည်း စိတ်လောနေတာနဲ့ မင်းကို အရမ်းတွန်းအားပေးမိသလို ဖြစ်သွားတယ်။"
"မဟုတ်တာ၊ ကိစ္စမရှိပါဘူး။ မမှတ်မိရင်တောင်မှ ကတိတည်ရမှာပေါ့။"
"မင်းရဲ့မှတ်ဉာဏ်တွေ...အခုအထိလည်း အရင်အတိုင်းပဲလား။"
"ဟုတ်ကဲ့။"
"မှတ်မိတာတစ်ခုခုများ မရှိဘူးလား။"
"ဘာမှကိုမရှိတာပါ။"
ခါဆယ်ရ်က စိတ်သက်သာရာရစွာ သက်ပြင်းချလိုက်သည်။ ရင်ထဲတွင် ဖိစီးနေသည့် တစ်စုံတစ်ရာက နောက်ဆုံးမှာ လျှောကျသွားသလိုပင်။ မနေ့က မိဖုရားတစ်ယောက် စာကြည့်ခန်းသို့သွားကာ အကြာကြီးနေခဲ့သောကြောင့် သူ့ခမျာ အလုပ်ကိုတောင် ဖြောင့်ဖြောင့်အာရုံမစိုက်နိုင်ခဲ့။
"အတင်းမလောတော့ဘူး။"
"ရပါတယ်။ လာခဲ့ပါ၊ ဒီနေ့။"
နှစ်ဦးသား အကြည့်ချင်းဆုံသွားတော့သည်။ ခါဆယ်ရ် တစ်စုံတစ်ခု ပြောရန်ပြင်လိုက်ချိန်တွင် ယူဂျင်းက လက်ဦးသွား၏။
"ကြိုးစားရင်တောင်မှ ကိုယ်ဝန်က ရည်ရွယ်သလို ရလာမှာမျိုးမဟုတ်ပါဘူး။ ကျွန်မရဲ့ မှတ်ဉာဏ်တွေက ဘယ်တော့ပြန်ပေါ်လာမလဲ အတိအကျ မသိရဘူးလေ။ ပိုပြီးတော့ မြန်မြန်လေး လုပ်သင့်တယ်မဟုတ်ဘူးလား။ ကျွန်မ မှတ်ဉာဏ်တွေ ပြန်ရလာပြီး စိတ်ပြောင်းသွားရင် ဘယ်လိုလုပ်မလဲ။"
ယူဂျင်းက သူ၏ နှုတ်ဆိတ်နေမှုကို အဖြေဟု ယူဆလိုက်သည်။
"သွားလိုက်ပါဦးမယ်။ သွားလို့ဖြစ်တယ်မဟုတ်လားရှင့်။"
ယူဂျင်းအား ဘာမှမပြောဘဲ စိုက်ကြည့်နေခဲ့သည့် ခါဆယ်ရ်က ခေါင်းတစ်ချက်ဆတ်ကာ တုံ့ပြန်ခဲ့သည်။ ကျောခိုင်းလှည့်ထွက်လိုက်သည့် ယူဂျင်း၏ မျက်နှာထားက တစ်ချက်ရှုံ့မဲ့သွားပြီးမှ ပြန်ပြေသွား၏။
YOU ARE READING
နောက်ဆုံးခရီး နိဋ္ဌိတံသော် (MM Translation)
Roman d'amour🚨🚨🚨 သတိပေးချက် - ဒီဝတ္ထုက R-19 အမျိုးအစားဖြစ်တာကြောင့် အရွယ်မရောက်သေးသူတွေ ဖတ်ရှုဖို့မသင့်တော်တဲ့ အကြောင်းအရာတွေ ပါဝင်မှာဖြစ်ပါတယ်။ Original Name - 마지막 여행이 끝나면 (When The Last Journey Ends/ Living As The Villainess Queen) Author - Covering The Sky...
