Enjoy your reading 🥰🫶
"ពួកឯងថាមិច ផាក មីនជូ បាត់ខ្លួនអញ្ចឹងហេស"រាងក្រាស់ស្រែកសួរកូនចៅភ្លាត់សម្លេង ភ្នែកគេឡើងក្រហម ស្ទើរចេញឈាមតាមភ្នែកទៅហើយ ដៃគេក្តាប់យ៉ាងណែនជាមួយពាក្យក្នុងចិត្ត
«កុំឱ្យខ្ញុំចាប់នាងបានឱ្យសោះ ផាក មីនជូ»
"ពួកឯងធ្វើការយ៉ាងមិច? ស្រីមាឌតូចតែមួយបណ្តោយឱ្យរួចខ្លួនទៅកើតដែរ"រាងក្រាស់សួរកូនចៅ ដោយកំហឹង ចំណែកអង្គរក្សគេវិញបានត្រឹមឱនមុខចុះប៉ុណ្ណោះ ព្រោះមិនដឹងត្រូវតបចៅហ្វាយខ្លួនបែបណា
"ពួកឯងនៅឈរ រកងាប់ស្អីទៀត មិចមិនឆាប់តាមនាងទៅ"ឃើញកូនចៅគិតតែពីឈរឱន មុខធ្វើស្ញមៗ រឹតតែធ្វើឱ្យហុីសុឺងមួម៉ៅ ក្តៅគុណនឹងដប់ មនុស្សរត់គេចបាត់ទៅហើយមិនគិតតាមរកបែរជាមកឈរ ឱនមុខទៅវិញ ពិតជាគួរឱ្យចង់ធាក់មែន។
"បាទចៅហ្វាយ!"ពួកគេឆ្លើយព្រមគ្នា ហើយក៏បែងចែកគ្នាទៅតាមរកនាងតូចទាំងគ្មានសង្ឃឹម ព្រោះនាងរត់ទៅរយៈពេល4ម៉ោងទៅហើយទើបរាងក្រាស់ទំនេរឱ្យពួកគេចូលមកប្រាប់បាន។
ហុីសុឺងដើរចូលក្នុងកម្មវិធីវិញទាំងមុខក្រញ៉ូវ គ្មានអារម្មណ៍គ្មានព្រលឹងក្នុងខ្លួនអ្វីទាំងអស់។ទីនេះដោយគ្មាន ផាក មីនជូ វាពិតជាល្ហល្ហេវណាស់ រកកន្លែងស្រស់បំព្រងគ្មានទេ ដ្បិតថាកន្លែងមង្គលការតុបតែងទៅដោយផ្កាស្រស់យ៉ាងប្រណិតយ៉ាងណាក៏ដោយក៏វាស្វិតស្រពោនតែទាំងអស់នឹងនៅក្នុងភ្នែកគេ។ក្នុងខួរក្បាលគេគិតតែពីនាង នាងថ្លើមធំណាស់ហ៊ានរត់គេចពីគេ បើហ៊ានតែគេចាប់បាន ច្បាស់ជាព្រមាននាងមិនឱ្យនាងដើររួចមួយអាទិត្យតែម្តង ឱ្យនាងដឹងខ្លួន ថាមនុស្សដែលព្រហើនដាក់គេនឹងត្រូវជួបរឿងបែបណា។
"បងហុីសុឺងទើបមកពីណា អូនរកបងយូរហើយមិនឃើញសោះ"អ៊ែលឡាឃើញហុីសុឺងឈរម្នាក់ឯងក៏ដើរមកសួរដោយស្នាមញញឹមរីករាយ តែអ្នកម្ខាងទៀតហាក់ដូចជាភ្លឹកៗមិចមិនដឹងទេ នាងសួរគេតែគេដូចជាមិនចាប់អារម្មណ៍នឹងនាងសោះ
"...."ស្ងាត់គ្មានសំឡេងតប
"បងហុីសុឺង កើតអីទេ? បងមិនស្រួលខ្លួនមែនទេ?"អ៊ែលឡាឃើញស្វាមីបែបនេះនាងសួរទាំងបារម្ភ ពេលនេះហុីសុឺងគេបានឮសម្តី អ៊ែលឡាហើយ រាងក្រាស់ឱនសម្លឹងមើលអ៊ែលឡាព្រមទាំងញញឹមមិនសូវសមដាក់នាងមុននិងតប
YOU ARE READING
ប្អូនស្រីសម្អប់🖤
Randomនាងជាមនុស្សស្រីដែលគេស្អប់ នាងតែងតែនាំបញ្ហាឱ្យគេឈឺក្បាលរហូត មាននាងនៅក្បែរលើកណាគេមានតែរឿងរញ៉េរញ៉ៃមិនចេះចប់។តែចំណែកនាងវិញគេកាន់តែស្អប់នាងកាន់តែចង់ក្បែរគេ ចង់ក្បែររហូតផ្លាស់ប្តូរខ្លួនឯងគ្រប់បែបយ៉ាងដើម្បីតែបានគេម្នាក់។តើការលះបង់ការផ្លាស់ប្តូរខ្លួនឯងរបស់ន...
