Enjoy your reading 🥰🫶
ក្រោយពី ល ឈុតរៀបការរួច ហុីសុឺងមិនបាននាំ ស្រីតូចទៅដើរលេងតាមបញ្ជាលោកស្រីលីឡើយ គេក៏នាំនាងមកផ្ទះវិញតែម្តង។
"អរគុណ"នាងតូចនិយាយពាក្យអរគុណទៅកាន់រាងក្រាស់ទាំងស្រងូតស្រងាត់មុននិងបើកទ្វារឡានចុះ ហើយដើរចូលទៅក្នុងផ្ទះដូចមនុស្សគ្មានវិញ្ញាណ។រាងក្រាស់តាមសម្លឹងមើលនាង ចូលទៅក្នុងផ្ទះផុតទើបគេបើកឡានចេញទៅជាមួយស្នាមញញឹមចុងមាត់៕
_____________
"អ្នកនាងមកវិញហើយហេស ទៅ ល ឈុតរៀបការសប្បាយទេ"អ្នកបម្រើស្រីក្នុងផ្ទះម្នាក់ឃើញអ្នកនាងតូចចូលដល់ក្នុងផ្ទះនាងក៏រត់មកសួរទាំងរំភើបញាប់ញ័រ ព្រោះតែចង់ដឹងថាអារម្មណ៍ម្ចាស់ខ្លួនបែបណា
"បងសុីន ខ្ញុំហត់ណាស់ ខ្ញុំចង់ទៅសម្រាក"នាងតូចនិយាយតបទៅអ្នកបម្រើទាំងល្វើយហើយក៏ឡើងទៅបន្ទប់គេងបាត់ ទុកឱ្យអ្នកបម្រើស្រីម្នាក់នោះនៅអេះក្បាល ងឿងឆ្ងល់តែម្នាក់ឯង។
____________
ពេលវេលាតែងតែដើរយឺតសម្រាប់អ្វីដែលយើងចង់ឱ្យឆាប់មកដល់ ហើយតែងតែដើរលឿនសម្រាប់អីដែលយើងមិនចង់ឱ្យឆាប់ដល់។វាប្រៀបបាននឹងនាងតូចដែរ ដែលមិនចង់ឱ្យពេលវេលាថ្ងៃរៀបការមកដល់តែពេលនេះ វាក៏មកដល់ឱ្យទាល់តែបាន។ ស្រីតូចត្រូវបានគេហាមឱ្យនៅក្នុងបន្ទប់មិនឱ្យចេញក្រៅឡើយ លុះត្រាតែដល់ពេលវេលា នាងក្រមុំអង្គុយឱនមុខចុះ ជាមួយទឹកមុខស្រពោនស្ទើរតែស្រក់ទឹកភ្នែក ក្នុងឈុតកូនក្រមុំ
"រៀបការមួយទាំងមូលចិត្តថ្លើមឯងមិនគិតហៅយើងមិចូលរួមទេមែនទេ នាងមេមាន់"លឺសម្តី ដឹងដល់ម្ចាស់ ស្រីតូចងាកយ៉ាងហ័សបែរមករកម្ចាស់សម្លេងដោយក្តីរំភើបចិត្ត នាងខានជួបគេយូរហើយ បានគេមកជារឿងល្អណាស់ ល្អបំផុត
"នីគី"នាងតូចពោលហៅឈ្មោះគេហើយក៏ញញឹមពព្រាយ រត់ទៅជិតគេ
"អីយ៉ា នាងមេមាន់ ថ្ងៃនេះឯងស្អាតណាស់ទេតើ ពិតជាសមណាស់ សមធ្វើជាកូនក្រមុំ របស់យើងមែនទែន"នីគីនិយាយដៃក៏មិននៅស្ងៀមបន្លំបិចចង្ការស្រីតូច នៅព្រិចភ្នែកដាក់នាងទៀត
YOU ARE READING
ប្អូនស្រីសម្អប់🖤
Randomនាងជាមនុស្សស្រីដែលគេស្អប់ នាងតែងតែនាំបញ្ហាឱ្យគេឈឺក្បាលរហូត មាននាងនៅក្បែរលើកណាគេមានតែរឿងរញ៉េរញ៉ៃមិនចេះចប់។តែចំណែកនាងវិញគេកាន់តែស្អប់នាងកាន់តែចង់ក្បែរគេ ចង់ក្បែររហូតផ្លាស់ប្តូរខ្លួនឯងគ្រប់បែបយ៉ាងដើម្បីតែបានគេម្នាក់។តើការលះបង់ការផ្លាស់ប្តូរខ្លួនឯងរបស់ន...
