Enjoy your reading 🥰🫶
"មិនបាច់ខ្មាស់ទេ!អូនដឹងទេ ថាពាក្យដែលអូនប្រាប់ថាស្រឡាញ់បងនោះ វាជ្រួតជ្រាបដល់បេះដូងបងធ្វើឱ្យបងញាប់ញ័រខ្លាំងណាស់"ហុីសុឺងនិយាយដោយស្នាមញញឹមស្រទន់ ចំណែកនាងតូចដែលស្តាប់ឮហើយសម្លឹងមើលមុខគេឥតដាក់ ជាហេតុធ្វើឱ្យគេឆ្ងល់ជាខ្លាំងទើបសួរ
"មិចក៏អូនសម្លឹងមុខបងបែបនេះ?"
"លោកក្តៅខ្លួនមែនទេ?"ស្រីតូចមីនជូសួរទៅកាន់ហុីសុឺងដោយទឹកមុខស្មើសោះកក្រោះគ្មានអារម្មណ៍អ្វីទាំងអស់ រីឯហុីសុឺងឮហើយក៏ហួសចិត្តមិនស្ទើរទេ គេនិយាយពាក្យពិតទៅនាងបែរជាទទួលយកមិនបានទៅវិញ
"ក្តៅខ្លួនអីទៅ?"
"ព្រោះលោកមិនដែលមានកាយវិការបែបនេះដាក់ខ្ញុំទេ!"នាងតូចនិយាយដោយរក្សាទឹកមុខមាំដដែល
"គ្រប់យ៉ាងមកពីបងជ្រួតជ្រាបពីចិត្តរបស់អូននោះអី អូនគឺលះបង់គ្រប់យ៉ាងដើម្បីបង ទង្វើរល្អរបស់អូន ចិត្តដ៏ស្មោះបរិសុទ្ធរបស់អូនធ្វើឱ្យបងចុះចាញ់ហើយក៏មិនអាចប្រកែកបេះដូងនឹងខួរក្បាលខ្លួនឯងបានឡើយ ថាអូននេះហើយជាគូជីវិតរបស់បង ជាម៉ាក់របស់កូនបង"ហុីសុឺងនិយាយចប់នាងតូចទៅជាទឹកភ្នែករលីងរលោង។ពេលនេះក្តីស្រមៃនាងក្លាយជាការពិតហើយ។នាងអាចយកឈ្នះចិត្តគេបានហើយ តើនេះជាយល់សប្តិមែនទេ នាងស្ទើរតែមិនជឿឡើយ។
"មីនជូ ពេលអូនសម្រាលកូនហើយ ពួកយើងរៀបការជាមួយគ្នាទៅបានទេ"ហុីសុឺងមិនអូសបន្លាយពេលវេលា មកទល់ពេលនេះគុំនុំក៏បានសងសឹក ចំណែកស្នេហាក៏បានជួប តើមានអ្វីដែលល្អជាងនេះទៀតទៅ វាល្មមដល់ពេលគេគិតគូរពីអនាគតម្តងហើយ
"....."
"អូនមិនឆ្លើយ ឬក៏អូនស្អប់បង ឬក៏អូនមិនពេញចិត្តនឹងសាងគ្រួសារជាមួយបងទេ"ឃើញនាងតូចទៅជាស្ងាត់ក្រោយខ្លួនសុំរៀបការ ហុីសុឺងទៅជាក្តុកក្តួលភ្លាម កាយវិការនាងធ្វើឱ្យបេះដូងហុីសុឺងចាប់ផ្តើមឈឺឡើងខ្ទោកៗ បើសិននាងស្អប់គេ មួយជីវិតនេះគេក៏មិនយកអ្នកណាឡើយ
"អត់ទេ អូនពេញចិត្ត អូនពេញចិត្តនឹងសាងគ្រួសារជាមួយបងយូរហើយ ហុឹក"នាងតូចនិយាយបណ្តើរយំបណ្តើរព្រោះតែក្តីរំភើបជាពន់ពេក ចំណកហុីសុឺងបានឮចម្លើយហើយគេក៏សប្បាយចិត្តណាស់រហ័សទាញកាយតូចមកឱបថ្នមៗ មុននឹងនិយាយទៅកាន់ស្រីតូចទាំងទឹកភ្នែករលីងរលោង
YOU ARE READING
ប្អូនស្រីសម្អប់🖤
Diversosនាងជាមនុស្សស្រីដែលគេស្អប់ នាងតែងតែនាំបញ្ហាឱ្យគេឈឺក្បាលរហូត មាននាងនៅក្បែរលើកណាគេមានតែរឿងរញ៉េរញ៉ៃមិនចេះចប់។តែចំណែកនាងវិញគេកាន់តែស្អប់នាងកាន់តែចង់ក្បែរគេ ចង់ក្បែររហូតផ្លាស់ប្តូរខ្លួនឯងគ្រប់បែបយ៉ាងដើម្បីតែបានគេម្នាក់។តើការលះបង់ការផ្លាស់ប្តូរខ្លួនឯងរបស់ន...
