عند نيّاف والجوهره
نيّاف ماصحى الجوهره راح يتطمن ع شِيام واختها قبل يروح اخر اختبار في الجامعه وشافهم نايمين
عروب انتبهت له وصحيت تركض له : خخالي يعني مو حلم اننا عندك مو عند بابا وتضحك
نيّاف يضحك: ياروح خالك انتي ايه مو حلم وماعاد فيه روحة عند ابوك ولا رح يشوفكم
عروب تنط من الفرحه : يعني بصير اروح المدرسة انا وشِيام ومانغيب
نيّاف: اي حبيبتي واليوم خالكم معطيكم اجازه بس ارجع نطلع ونتمشى وش رايك؟
عروب تضحك وتبوس خده : خخالي وشِيام والجوهره معنا؟
نيّاف يشد خدها : ايه معنا اكيد
عروب : خالي عادي اشغل التلفزيون ؟
نيّاف: عادي ياروح خالك اللي تبينه سويه ويبوسسها انا بطلع مابطول ساعه وارجع اذا جعتي شوفي بالمطبخ كل شي طيب؟ وصحي اختك بعد تاكل وتتفرج ويطلع
شِيام صاحيه بس ماقامت لسى مرعوبة من راكان وتبكي
عروب تجي وتنط فوقها : ليه ماجينا عند خالي من زمان ليه قعدنا عند بابا
شِيام تحاول تبتسم عشان عروب وتحضنها : خلاص ماعاد فيه نروح هناك بنقعد عند خالي
.......................................
بيت ابو شِيام
يوسف يفكر لو درى ابوه وامه انه كان يضرب البنات
اسماء: وش فيك شارد؟
يوسف: افكر لو دروا اني اضربهم
اسماء : بسيطه اجحد قول ماضربتهم وان البنات كذابين عشان مايبون زوجة ابوهم
يوسف يبتسم : ياشيطانه جبتيها وياخذ وائل من يدها ويبوسه انت ولد ابوك واللي بترفع راسي
اسماء: واللي بيرفع راسك ماتبي تأمنه بشي؟
يوسف يضحك: كل شي بأسمه حتى انا
اسماء: الله يخليك لننا حبيبي
يدق جوال يوسف
ام يوسف: صدق اللي سمعته انك خليت البنات يروحون مع خالهم ؟
ابو شِيام: طيب يمه اول شي سلمي اييه خليته ياخذهم
ام يوسف وهي قلبها قارصها: كذا وافقت انهم يروحون معه ؟
ابو شِيام: حيرتوني يمه مو انتم تبونهم يعيشون عند خالهم
ام يوسف : ابيهم يعيشون عندي
ابو شِيام : كلمي خالهم انا ماعاد لي علاقة فيهم
ام يوسف : وش قصدك ب ماعاد لك علاقه فيهم؟
ابو شِيام يتلعثم : يمه اقصد انهم هم يقررون وهم مع خالهم
ام يوسف: طيب نشوف اخرتها معك انت وسعيده اللي معك وتقفل
اسماء: وش فيه ؟
ابو شِيام : ابوي وامي بس يهاوشون ع هذول العلل ليتهم ماتوا مع امهم وريحوني
اسماء: لا تعصب حبيبي خلاص
........................................
بيت عوض ابو يوسف
ام يوسف: ماادري ليه قلبي ماهو مرتاح تذكر كيف اخذ البنات لما ماتت امهم بالغصب ؟ كيف الحين سمح اكيد فيه شي صاير
ابو يوسف : والله وانا مثلك يوم كلمني البارح عرفت انه فيه شي ولا ليه يتصل ويبرر الله يستر من هالولد لايكون سوا في البنات شي
ام يوسف : الله يهديه من زمان وهو يعاملهم بقسوه مو ذنبهم اذا ماجاه ولد الله يهديه ويصلحه
ابو يوسف : خليني اكلم نيّاف اعرف منه وش السالفه ويتصل ع نيّاف
نيّاف: هلا عمي كيفك وشخبارك
ابو يوسف: بخير ياجعلك بخير ليكون اشغلتك ولا ازعجتك
نيّاف يضحك: لا والله ياعمي اني تو مخلص اخر اختبار بالجامعه وراجع البيت باخذ البنات اطلعهم يتمشون
ابو يوسف : اتصلت عليك ابي اتطمن عليهم كيفهم واخبارهم قال لي ابوهم انك اخذتهم
نيّاف يتنهد : والله مدري وش اقولك ياعمي لكن ولدك مايستاهل انه يكون اب اعذرني في هالكلام
ابو يوسف : افا وانا ولد ابوي وش صار ؟
نيّاف : ولدك البارح ضارب البنات واتصلت علي شِيام وهي خايفه ومرعوبة هربت منه واخذتهم غصب عنه
ابو يوسف عصب وفار دمه : يووسف سوا كذا بالبنات انت متأكد؟
نيّاف : ايه والله واذا منت مصدقني تعال شوف اثار الضرب عليهم وماعاد بخليهم يرجعون له لو تنطبق السماء ع الارض
ابو يوسف مععصب: لا حول ولا قوة الا بالله مدري وش فيه هالولد وش ذنب البنات يضربهم
تشههق ام يوسف : يوسسف ضرببهم وتبكي ابي اشوفهم
نيّاف : والله وضرب حتى الكبار مايتحملونه وشِيام من جبتها ماقالت كلمه وتبكي وترتجف
ابو يوسف: انتظر مشعل يجي من المدرسه وجايك فاضي ؟
نيّاف: ايه والله اني فاضي بأجل طلعة البنات للعصر
ابو يوسف : الله يحفظك فمان الله ويقفل ابو يوسف ويتنهد هالولد سود وجهي سود الله وجهه
ام يوسف تبككي: كنت حاسه انه فيه شي ولا ولدك من يصدق انه عطى البنات خالهم حذرته لو مد يده عليهم مايصير له خير
ابو يوسف: ربيناه احسن تربية ولا مدينا يدنا عليه وش فيه صار كذا
ام يوسف : كله من اسماء من يوم عرفها والولد ماهو طبيعي وغصبناه يتزوج مريم وليتنا مازوجناه ضربها وماتت بحسرتها والحين جا دور البنات
ابو يوسف : الله المستعان ويهديه ويرد له عقله
ام يوسف تبكي: وياعيني ع شِيام وعروب توهم بزران مافتحوا للدنيا وكذا يضربهم وتمسك جوالها بتدق ع يوسف ويمسكها ابو يوسف
ابو يوسف: خلينا نعرف السالفة من البنات اول وبعدها اشوف شغلي معه الله يسود وجهه
..........................
بيت نيّاف الساعه ١٢ الظهر
عروب: الجوهره عادي اناديك ماما
الجوهره تضحك: اييه ياعيون ماما اللي تبين تناديني فيه ناديني كم عروب عندي؟
عروب تضحك وتحضنها : انا احببك ماما جوهره
الجوهره تبوسها: وانا اححبك بس وين شِيام للحين نايمه ؟
عروب : لا صاحيه من الصبح بس تبكي وماقامت
الجوهره تفزز: تبكي ؟ وش فيها وتقوم لها وعروب وراها
شِيام حاضنه نفسها وتبككي
الجوهره تمسح ع راسها : وش فيك حبيبتي شِيام ؟ ماتبين عندنا؟
شِيام تبكي وماتكلمت
الجوهره: يللا حبيبتي قومي اكلي شي وتجهزي نطلع نتمشى
شِيام بخوف: لا انا ماابي اطلع مكان
الجوهره: طيب ليه ؟ ماتبين تقولين لي ؟
شِيام تطالعها وعيونها مليانه دموع وخوف وتحضنها
الجوهره حنونه بكت معها : وش فيك ياعمري قوليلي
عروب تتجمع الدموع بعيونها : شوفي يدها لونها ازرق بابا ضربها تعورك صح عشان كذا تبكين
الجوهره تطالع اثار الضرب: الله يككسر يدينه ولا يسامحه وتمسح ع ظهر شِيام وهي بحضنها
شِيام ماتبكي من الضرب تبكي من الخوفف اللي سببه لها راكان
نيّاف يدق الباب : يقولون ان فيه قمرين ببيت خالهم شفتوهم ؟
عروب تركض لحضن خالها وبكل براءه : خالي شوف ( وتوريه يد شِيام) هي تبكي عشان بابا ضربها وسحب شعرها
نيّاف يروح لشِيام وتقوم الجوهره وتوقف جنبه : البنت مرعوبه الله ياخذه ماادري وش مسوي
نيّاف يحضن شِيام: ماتبين تتكلمين وتقولين وش فيك ؟ ولا ماعندك ثقه بخالك ؟
شِيام لسى مو قادره تتكلم من هول الموقف اللي تعرضت له
نيّاف : طيب متى ماتبين تقولين انا موجود بس ماتبين تاكلين ؟ عشان نروح نتمشى العصر ؟
شِيام خافت وتحضن نفسها: لا لا انا مابي اروح مكان ماابي اطلع
نيّاف بدأ يقلق : ياروحي انتي وياريحة الغاليه خلاص انا معك مابخلي احد يضربك ولا يأذيك حتى لو كان ابوك
.......................................
بيت الجد عبدالعزيز
ابو ساري : والله اللي تبيه يبه انا ماعندي مانع
ابو راشد : وانا بعد اليوم ماعندي دوام
الجد عبدالعزيز : خلاص ان شاء الله اول مايجون العيال من المدرسة نمشي للمزرعه
ساري وراشد جايين ركض لجدهم والتراب معبي ملابسهم
ساري يطالع راشد: هاه مو قلت لك ماتقدر تسبقني
راشد يضحك : بس وصلنا لجدي سوا
الجد عبدالعزيز يضحك : هلا بأحفادي الغاليين وين الباقي ؟
طارق وياسر وباهي جايين مغبرين ويسحبون شنطهم
ابو طارق يفزز: وش صاير لكم طلعتوا من مقبره ؟
طارق : تسابقنا بس سبقونا ساري وراشد
ابو طارق يشمر عن اكمامه: حتى في هذي مافلحت وفاز عليك ساري
يمسكه ابو ساري : يارجال وش فيك وتقول علامهم مايفوزون خلاص كل واحد وقدرته ولا طارق بطلل واخوانه ابطال بعد
طارق يتأفف ويدخل البيت
ياسر : يبه والله سبقناهم بس بعدين هم سبقونا
باهي يضحك: تضاربت انت وطارق وسبقوكم
ابو طارق : تضاربت انت واخوك؟ ولييه
ياسر: ولا شي يبه بس هواش عادي ع مين سبق الثاني
الجد يضححك: لو انكم سويتي مثل ماقلت وكلكم يد وحده كنتوا وصلتوا سوا
ابو ساري : ساري رح غير ملابسك وتجهز بنروح المزرعه وقول لأمك تجهز لنا عزبة الشاهي
ساري وراشد يركضوون متحمسين
ابو راشد يضحك: الله يكبر محبتهم ويكونون مثل الاخوان واكثر
الجد عبدالعزيز : اميينن ويطالع ياسر وباهي وانتوا بعد لازمم ماتتهاوشون لا مع طارق ولا مع ساري وراشد
ياسر : ان شاء الله جديي ويدخل
باهي : جدي في المزرعه تعلمني القنص؟
ابو طارق: ياولدد يللا ادخل وتجهز القنص مافي توك بزر
باهي يزعل ويدخل البيت
الجد عبدالعزيز: انت نازل تحطيم في عيالك علامك عليهم
ابو ساري : والله صادق ابوي واذا تبي تعلمهم لاتهاوشهم قدامنا
ابو طارق: جاسر انت تقول كذا لأن ماعندك الا ولد انا ثلاث وطيروا عقلي
ابو راشد: الله يخليه له ويجيبون له اخ او اخت
ابو ساري يعرف وضع زوجته الصحي انها ماتقدر تجيب غير ساري: والله اني مالك الدنيا بهالولد الله يطول بعمره واشوفه رجال
الجد عبدالعزيز : اللهم اميين
***********************
انتظر دعمكم وتعليقاتكم عشان اتحمس اكمل 😔🤍
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
