يسحبه عمر ويوديه للسياره ويرجعه لمكان الحادث ويسحب وائل لمكان السواق وينزلون هو وماجد ويهربون
ماجد يمسك يد عمر : وش فيك ضحييت ب وائل ؟
عمر متوتر: اسسكت لايسمعك احد ماضحينا به ولا شي ولا تتببينا احنا ننسجن
ماجد ضميره يأنبه : لييه خليتنا نسوي كذا وائل مايستاهل
عمر : يستاهل ولا مايستاهل اهم شي ماانسجن ويروح
ماجد ماقدر يروح قعد يراقب من بعيد
عمر يسحبه : بتفضحنا انتت يلللا قداممي
مرت ساعتين ووائل ماصحى وهاني ينزفف مااحد انقذه
فجأه تمر سياره وينزل منها شخص ويبلغ الشرطه ويدق ع الاسعاف
................................
مزرعة الجد عبدالعزيز
جالسيين كلهم ومسوين دائرره وبينهم شبة نار وبين ضحك راشد وباهي وبين هواجيس ساري وياسر وبين طارق اللي يلعب عياله وبين الجد عبدالعزيز اللي يفكر يزوج احفاده قبل يجي يومه يبي يشوف عيالهم
وبين الاخوان ابو ساري وابو راشد وابو طارق
ـ عند الحريم -
ام طارق : متى تقريباً تولدين ؟
اثير : والله ياخالتي ع حسبتي باقي لي ٥ شهور واولد
ام طارق : الله يقومك بالسلامه وتجيبين حفيدي بخير وسلامه
ام ساري تطالع ام راشد : وش فيك ؟
ام راشد : مدري احس اني قلقانه على هاني ليته برد قلبي وراح معنا
ام ساري : مافيه الا العافيه تلاقينه رجع من الملعب ونام
ام راشد تتنهد : استودعته الله
الاء تفكر ب ياسر
يدق جوال راشد " سعد " خوي راشد شرطي في امن الطرق
راشد: هلا سعد وش اخبارك وش علومك
سعد متوتر : هلا راشد وينك فيه ؟
راشد: والله بالمزرعه تامرني بشي ؟
سعد: مايامر عليك عدو لكن اذكر الله قبل كل شي واذا انت واقف اجلس
راشد بدأ يقلق ويقوم بعيد عنهم وينتبه له ساري ويقعد يطالعه : وش فيك وانا اخوك وش صاير ؟
سعد: باشرنا حادث قبل ساعه لكن اول ماشفت اسمه عرفته اخوك هاني موجود بالمستشفى العام
راشد يحاول مايرفع صوته عشان امه وابوه مايسمعونه ويجلس ع الارض والدموع بعيونه : انت متأكد ؟ وكيفه الحين صار له شي تكفى قول لي انه بخير
سعد يتنهد بس مايبي يفجعه : ايه بس تعال
راشد: يللا عطني دقايق ويقوم ويروح لسيارته
ساري يمسكه : وش فيك وش صاير ؟
راشد والدموع متجمعه بعيونه والقلق ظاهر عليه : تعال معي
ساري ماتكلم ع طول قاله : انا بسوق انت اركب وقول لي وين تبي
ركبوا السياره
الجد عبدالعزيز : وين راحوا ؟
باهي : تلاقيهم نسوا شي
راشد منزل راسه ويداري دموعه
ساري : علامك ياراشد قول لي وين تبي نروح ووش صاير ؟
راشد : هاني ياساري هاني صار له حادث وكلمني سعد وانا ماني مرتاح من صوت سعد
ساري يضغغط ع الفرامل : وشش تقولل انتت متى ووين ؟
راشد : لاتوقف ياساري اممشش للمستشفى العام ابي اتطمن عليه قبل يدرون امي وابوي
ساري : لا اله الا الله ان شاء الله انه بخير
راشد: ان شاء الله الله يسمع منك حاول تستعجلل
ساري يسرع للمستشفى
......................................
عند نيّاف
شِيام في الحوش وتفكر بالمريضة اللي قالت عنها الجوهره وتكتف نفسها من نسمات الهواء البارده
نيّاف ينتبه ان شِيام ماهي جالسه معاهم ويقوم يدورها ويلاقيها واقفه بالبرد
نيّاف : وش تسوي هنا حبيبة خالها وبأيش تفكر ؟
شِيام تبتسم: ولا شي افكر بهالدنيا
نيّاف : وش اللي خلاك تفكرين فيها بهالتركيز فيه شي انا مااعرفه ؟
شِيام : لا والله ياخالي بس افكر بمرضاي كيف يكون السبب الرئيسي في انتكاستهم هم اهلهم
نيّاف: تعالي داخل لاتبردين ولا تبين اجيب انسام وعروب يلجونك بسوالفهم ؟
شِيام تضحك: لا ياخالي خلنا ندخل اصلا الجو بارد مابنقدر نجلس فيه
نيّاف يحط يده كتفها : بطلتي الحلوه لو فيه شي مكدر خاطرك علميني والله ان احرقه
شِيام تضحك: لا لا فكنا من الحرايق مافي شي
الجوهره : شِيام مااكلتي تبين احط لك شي تاكلينه ؟
شِيام : لا والله فديت روحك انا بروح انام لازم نطلع بدري عشان اسلم ع جدي وجدتي قبل اداوم
عروب : وانا بعد ياخالي بطلع انام عندي بكره شغل لراسي
انسام توقف وتحط يدينها ع خسرها : تستهبلون علي وين دوام الجمعه ؟
عروب تضحك: ترى شغلنا مايفرق بين الايام فيه موكلين لازم اشوف وش قضاياهم واتواصل معهم
شِيام: وانا بكره بروح لزياره منزليه لمريضه يعني لازم اصفي ذهني واشبع نوم قبل اروح
انسام تضحك: اييه وانا لسى ماتخرجت واحسب الجمعه مافيه دوام ولا شغل
نيّاف : خلاص اذا تبينهم بعدين يجون وينامون عندنا لاتزعجينهم
الجوهره تطالع شِيام وعروب : انسام شكلها كانت ناويه تخليكم للفجر صاحين
شِيام : لو ماوراي شغل والله اقعد معها للفجر كم انسام عندنا
انسام تضحك: دام بتنامون بنام حتى انا وتبوس نيّاف والجوهره تصبحون ع خير
ويطلعون غرفهم
عروب تطالع جوالها وتلاقي مكالمة من وائل: ياربي ماانتبهت بس بكره ادق عليه
الجوهره : الحمدلله اني شفتهم بخير
نيّاف يتنهد: لكن شِيام ماهي ع بعضها
الجوهره: يمكن عشان بعض مرضاها ذكروها باللي مرت فيه ؟
نيّاف: يمكن بس الله يهدي بالها ويسعدها ويبعد عنها كل شر
الجوهره تسند راسها ع كتفه : احب حنيتك مع ان اللي يشوفك يقول عنك قاسي
نيّاف يبوس راسها : ومين قال ان حنيتي للكل بس لك وللبنات ويضحك
الجوهره تضحك: وش صار ع كتاباتك لاتقول انك مااطريتني فيها
نيّاف : كتبت بأول الصفحه اهداء الى حبيبتي وزوجتي وام غاليتي التي اذهب اليها مثقلاً بهمومي واحزاني واعود وكأن الهم والحزن لم يمر قلبي ابداً
الجوهره بتدمع : انا كذا بالنسبه لك ؟
نيّاف : واغلى واعز انتي حب حياتي الاول والاخير
الجوهره تبوسه : وانت كل حياتي وماابدلك بكنوز العالمين
نيّاف يبي يستفزها ويضحك: واذا عطوك الكنوز ؟
الجوهره تقرصه : والله ماابدلك فيهم
نيّاف : طيب يللا ننام عشان نصحى للبنات قبل يروحون عند جدهم
............................................
بيت ابو شِيام
اسماء تحووس في البيت : ولددي مو معقوله يخلي جواله مقفل ومايطمني قرب يأذن الفجر وهو ماطمني
ابو شِيام يفتح عيونه ويشوف اسماء: وش فيك تحوسيين بالغرفه
اسماء: انت ماعندك احسساس الولد ماجا وجواله مقفل وانت نايم ولا هامك
ابو شِيام : يعني على اساس اول مره يتأخر كل مره يغيب عن البيت
اسماء: اييه بس ماعمره قفل جواله ومايطمنيي ققمم دوره
ابو شِيام : تراه مو بزر شوي ويدخل لك من الباب
اسماء: وش هالبروود انا بموت قلق عليه وانت ولا هامك
............................
بالمستشفى
سعد واقف عند باب المستشفى والقلق والحزن مبينه عليه
وقف ساري السياره ونزل راشد يركض : سعد وين اخوي ؟
سعد منزل راسه وماتكلم
راشد يمسسكه بقووه : ويين اخخوويي ياسععد
ساري يوقف السياره وينزل ويمسك راشد : اذذكر الله وش فييك انت ويطالع سعد ( وين غرفة هاني؟ وبأي قسم الطوارئ ولا )
سعد ياخذ نفس : انتم مؤمنين وتعرفون ان كلنا ع هالطريق والموت حق علينا
يصررخ راشششد : ههههانننيي وييينه ياسسعدد ويدخل يركض في الاسياب
ساري الحزن غلبببه وتتجمع الدموع بعيونه : وش صار ؟ وكيف الحادث ؟
سعد : والله وانا اخوك باشرنا الحادث وكان له ساعات لكن محد بلغ صادمه واحد ولقيناه بسيارته ومعاه حزمة مخدرات وهاني على الارض وكان ميت وماقدروا المسعفين يسوون له شي
ساري : لا حول ولا قوة الا بالله ويلحق راشد
راشد يمسك الممرض ومععصب: اخخوي وينه
ساري يمسكه ويضممه : راششد انت مؤمن وواعي ومصلي مسمي وتعرف ان القدر مكتوب ومانقدر نغيره وهذا يومه اذا انت بتتعب كذا كيف امك وابوك حاول تقوى عشانهم
راشد يضرب ساري وهو ضامه : هانني اللاعب هانني اللي توه ماحقق حلمه توه مبسوط بالناددي راحح ياساري راحح اخوي الوححيد ياساري
ساري تنزل دمعته : اذككر الله وانا اخوك اذكرر الله
اللي بالسيب في المستشفى كلهم يطالعون راشد وصراخه وحزنه ع اخوه
راشد : ابي اشوفه وابي اعرف وش سبب الوفاه ويروح للدكتور ووراه ساري
سعد يكلم اخوياه ويسألهم عن وائل: هاه صحى ولا بعد ؟
ـ عند الدكتور ـ
ساري يمسك راشد : انا بسأله ويطالع الدكتور ممكن نعرف سبب الوفاه ووقتها ؟
الدكتور : الضربه على راسه كانت قويه وكان عنده كسر بالجمجمه والرجل اليسار لكن سبب الوفاه كان نزيف داخلي حاد
راشد طلع ولحق سعد : سعد وين مكان الحادث ووين سيارة هاني ؟
سعد: والله وانا اخوك مدري وش اقولك لكن اخوك ماكان بسيارته كان يمشي على رجوله وصدمه واحد ننتظره يصحى ونشوف لكن المشكله انه كانت بالسياره مخدرات ماندري اللي صادمه كان واعي وقتها ولا تحت تأثير المخدرات
راشد مععصب ويياخخذ نفس : ووين اللي صادمه ؟ ووين مكان الحادث
سعد : مكان الحادث قريب من نادي الناشئين واغراض اخوك موجوده عند الشباب بالقسم
ساري عند الدكتور : طيب لو كان احد اسعفه كان يمكن مايموت
الدكتور : الموت وانا اخوك محد يقدر يمسكه لكن لو له يوم زياده كان عاشه
ساري يطلع من عند الدكتور وهو الدموع بعيونه : الله يصببر قلبك ياراشد ويصبر قلب خالتي وعمي
راشد ماقدر يشوف اخوه بثلاجة الموتى لين يهدى وراح للقسم مع سعد
ساري يطلع يدوره ولا لقاه ويدق عليه
راشد وصوته المليان حزن : انا بالقسم رحت مع سعد ابي اشوف قاتل اخوي
ساري عرف ان راشد مو بوعيه وبيتصرف غلط : انا جاييك لاتتحرك من هناك
راشد: لا تعلم الاهل لين اعرف التفاصيل
ساري : طيب يللا جايك
******************************
انتهى البارت ونجمه وكومنت عشان اكمل البارتات الجايه بدعمكم 😔
أنت تقرأ
نظرتك كانت بحر ونظرتي كانت غريق
Chick-Litالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
