بيت الجد عوض
شِيام : وش فيكم والله كان عندي شغل وتأخرت شوي وش اللي يخوف
الجده مليحه : انا خفت عليك من ابوك
شِيام : وانتي مصدقه تهديده ياجده انه بيحرقنا مايقدر يسويها
الجد عوض : لا عاد تروحين مكان وماتقولين لنا واختك انهارت خوف عليك
شِيام : انا اسفه ياجدي وتبوس راسه
الجد عوض : ماابيكم تتأذون
شِيام: لاتخاف ياجدي مابيصير شي وتطالع جدتها وين عروب ؟
الجده : فوق بغرفتها من يوم كلمتيها وهي تبكي
شِيام : يللا تبون شي بشوف لعروب وبنام وانتم بعد ناموا
الجد والجده : تصبحين على خير
وتطلع شِيام لغرفة عروب وتلاقيها حاطه راسها ع السرير وجسمها بالارض وتبكي وتركض لها شِيام : عروب فيك شي ؟؟ وش صاير
عروب تطالعها وتحضنها : لييه ماطمنتيني تفكريني غبيه مااعرف وين رحتي وتضربها وهي بحضنها
شِيام تمسح على راسها : خلاص حبيبتي شوفيني قدامك مافيني الا العافيه
تطالع عروب رقبة شِيام وصاير لونها احمر : ليه رقبتك كأن واحد خنقك وبعدين ليه رحتي تدورين ورا عمر وماقلتي لي اروح معك؟ بكره رجلي على رجلك
شِيام تمسك وجه عروب بيدينها وتبتسم : بس عمر قبضوا عليه وبالجرم المشهود هو ودكتوره اللي مطلعه بتقرير
عروب تمسك يدين شِيام: اماننه ولقوا معاه مخدرات ؟
شِيام : والله اني مدري مشيت عشان مااعطل شغلهم بس بكره نروح انا وانتي لهم نسأل وش رايك؟
عروب : يعني وائل بنقدر نثبت براءته ؟
شِيام :اييه ويللا قومي على سريرك وان شفت دموعك تنزل مره ثانيه ياويلك
عروب: اييه ووش بتسوين وتمسكها من رقبتها ترى مو يعني ملاكمة مااقدر ابرد حرتي فيك اجل تعرضين نفسك للخطر عشان ولد اسماء
شِيام تضحك: بس ولد اسماء اخونا وطلب فزعتنا ولا تبين نكسر ثقته فينا
عروب : الله يخلييك لي ياشِيام وجعل يومي قبل يومك
شِيام: بعيد الشر لاتفاولين على نفسك يومي قبلك ان شاء الله
عروب : ياربب يومنا وقدرنا بيوم واحد مااقدر اعيش بدونك وانتي ماتقدرين تعيشين بدوني صح ؟
شِيام تشد خد عروب : اييه صح ياروح اختك يللا نامي اذا تبين بكره نروح نقابل المجرم عمر وتطلع من الغرفه وترجع الا اقولك وين مشعل ماله حس
عروب بعصبيه: خلييه ينقلع معصب مني كأني قاتله له احد
شِيام: وليه معصب منك ؟ قلت لك لاتتدخلين بينه وبين انسام بس انتي عنيده
عروب : ينقلع بكيفه ماعاد بتدخل فيه عصبني ورفع ضغطي
شِيام تضحك: طيب خلاص اهدي ونامي انا بروح انام
....
الصبح في بيت الجد عبدالعزيز
ابو ساري: انت مانمت ؟
ساري مبتسم : الا يبه نمت وصحيت
الجد عبدالعزيز : لا حفيدي اليوم رايق عساه دوم
ساري: ايه ابشرك قبضنا ع اللي صدم هاني
الجد عبدالعزيز : الله يبششرك بالخيرر
ابو طارق : الحمدلله بيرتاح ولدنا بقبره قلت لعمك عبدالله؟
ساري: لا والله ماشفته من يوم جيت ماقابلته بس انتم بشروه تعرفون انه كل ماشافني هاوشني
ابو ساري يحط يده على كتف ساري: لاتشيل همه وهو ماكان قاصد يهاوشك
ساري : راشد باقي ماصحى؟
راشد جاي من وراه: مين قال اني باقي ماصحيت اليوم بالذات لازم اصحى
ساري يقوم ويسحبه : يللا ابي اشوف عمر والدكتور
راشد : نسيت اقولك ان عمر بالمستشفى امس قاومنا واضطرينا نطلق عليه
ساري: يادلخ وكيف تنسى تقولي شي مثل هذا؟
راشد: مالدلخ الا انت نسيت وانت هريتني بالاسئلة عن الدكتوره حقتك ذي
ساري يمسك فم راشد
الجد عبدالعزيز : مين الدكتوره ؟
ساري توتر: ولا شي ياجدي بس ذا يضخم الامور ويسحبه
راشد : ابي افطر طيب
ساري: بالمركز افطر يللا قدامي
الجد عبدالعزيز : الله لايفرق بينكم
طارق نازل توه: وش فيهم هالاثنين
ابو طارق: كالعاده ماتدري هم متهاوشين ولا متراضين
-بالسياره عند ساري وراشد-
راشد يخز ساري وساري يسوق
ساري: خير وش تطالع
راشد: اطالع تغيرك المفاجئ حتى ملامح وجهك اللي تسد النفس راحت
ساري يبتسم : دامها كانت تسد النفس زين انها راحت
راشد: لا تسوقها علي وش اللي مخليك مهتم بالدكتوره واخبارها ؟
ساري يأشر على قلبه : يمكن عالجتني؟
راشد يتحمس ويصرخ ويحط يدينه على وجهه ويشيلها ويطالع ساري : اقسسم بالله انه كان واضضح في عيونك ياشيخخ
ساري : لا عاد لاتبالغ لو واضح كانت شافت
راشد يقرب من وجه ساري : وانت متى قابلتها بدون هواش عشان تشوف
ساري: لاتكثر كلام قول لي حالة عمر كيف؟ ليكون خطيره ويفطس ومااعترف
راشد: برجله الاصابه واتوقع نقدر نستجوبه اليوم
ساري: يعني اخ شِيام بريء جد ؟
راشد : اشوف شلت لقب الدكتوره
ساري : وش دخلك خلاص انت تبي تتسحبني بالكلام
راشد : والله ان اعرف
....
بيت نيّاف
الجوهره: ماتبين ابوك يوديك ؟
انسام : لا ماما لاتخافين مافيني شي وبابا تو جا من الدوام ونايم
الجوهره: اول ماتوصلين الجامعه كلميني واذا حسيتي بششي كلميني
انسام : طيب ياماما يللا انا بطلع تبين شي ؟
الجوهره: ماتبين تفطرين
انسام: بفطر بالجامعه يللا باي
الجوهره: استودعتك الله ربي يحميك
انسام طلعت سيارتها وتتذكر لما مشعل سوا لها السياره وتتنهد : ليه اللي احبه ماحبني
تمشي انسام للجامعه وهي بالها وقلبها عند مشعل اللي رفضها وقالها بالصريح انه مايحبها
....
بيت الجد عوض
الجد عوض: والله مدري علامه طلع وقال مابيرجع اليوم بدري طلع وماافطر
الجده مليحه : الله يهديه ماشكى لي وش فيه
شِيام وعروب لابسين ونازلين
شِيام : صباح الخير وش فيكم مافطرتوا للحين
الجد : مشعل من الفجر طلع وقال بيتأخر
عروب: مسوي زعلان انا الزعلانه طردني من غرفته
شِيام: خلاص عاد انتي ومشعل مثل البزران هو زعلان وانتي زعلانه
عروب: طيب يللا افطري بسرعه نلحق ع ذا عمر
الجده: مين عمر ؟
شِيام: اللي مورط وائل
الجده: وعسى وائل بيطلع
عروب : نقول ان شاء الله ويفطرون ويطلعون
-عند عروب وشِيام بالسياره-
شِيام : تتوقعين بنلقى الاهبل هناك ؟
عروب: مين ؟ المحقق ؟ ليه تسألين
شِيام تحس بأحاسيس غريبه وهي ماتعرف تعبر عن مشاعرها بسبب كتمها وحمايتها لمشاعرها وخوفها من ان قلبها ياخذه احد يكسره
عروب تأشر بيدها عند وجه شِيام: الوو وين رحتي
شِيام تبتسم : بس اسأل وهو امس ماسكني ويهددني مااروح وان هذا شغلهم
عروب تطالع شِيام بخبث: اها يعني خايف عليك؟
شِيام: بس عاد وش يخاف علي هو مين عشان يخاف
عروب تضحك: مددري بس احس من يوم جاء مزرعة خالي وانتي مو طبيعيه تفكرين ماانتبهت لنظراتك ؟
شِيام بتوتر: وش فيها نظراتي يالمحلله؟
عروب: اللمعة بعيونك ونظرات الاعجاب !
شِيام تنرفزت: عروب انتي شكلك بتخليني اضربك الحين وانا اللي ماعمري ضربتك
عروب: لا لا خلاصص امزح معك
شِيام تهف بيدها على وجهها تحس انها بتموت من الحر والاحراج
عروب تبتسم : تبين اعلي المكيف؟
شِيام: لا بس امشي لمكافحة المخدرات اكيد ان عمر هناك
....
وصل ساري وراشد لمكان دوام راشد
راشد: بدر جيبوا لي الدكتور رضوان
بدر: ابشر ويروح يجيبه
ساري: وعمر ماطلع لسى ؟
راشد : ايه وبيودونه التحقيق وابيك انت تحقق معه لاتسلمه لغيرك
ساري: اكييد اصلاً انا ماسك القضيه والله هالمره مايطلع منها لو جنازه
يدخل بدر ومعاه الدكتور
ساري يمسكه من يده بقوه ويلويها : هلا بالكذاب والنصاب اللي ماسلم احد من شره واستغل ضعف مرضاه وعطاهم مخدرات واللي يطلع المهربين والمجرمين ويضغط على يده بقوه ويلصق وجهه بالجدار اجل بهاليد رفعت سلاح على الدكتورة وكنت تبيها رهينه
راشد عاجبه ان ساري ضرب الدكتور وماتدخل
الدكتور رضوان يقاوم ساري : ورح اطلع بس مارح اخذها رهينه هالمره رح اقتلها واسلمها لكم
ساري عصب اكثر ماتوقع انه يتهدد فيها ولوى يده اكثر : واللي رفع السماوات والارض ان ماتطلع من هالمكان الا لقبرك ونشوف وش بتسوي وقتها ويلفه ويضربه بقوه على وجهه
رضوان يضغط على اسنانه : طلعت ولا ماطلعت بس دكتورتكم ذي اللي بلغت علينا بلغها سلامي وقول لها تنسى الامان بحياتها اذا انا هنا فيه غيري برا
ساري يضربه بقوه لين طيحه للارض : والله ان لمست الدكتوره انت ولا غيرك نننذذر عليي ماتعيشش وان اليد اللي تنمد عليها رح استأصلها ويمسكه من رقبته تفهممم!!!
راشد يفك ساري بالقوه : خلااصص فككه تعرفف ان المجرمين يهددون بهالكلام ولا يسوونه مو اول مره تتعامل مع مجرمين وش فيك انتت
ساري وراشد ماسكه ويحاول يهد على رضوان مره ثانيه : انا احذذرك ان قربتوا منها مايصير لككم خيرر لا انت ولا اللي متحامي فيهم
رضوان ماقال شي بس يحاول يستفزه بنظراته
راشد : ياببددرر تععال خذذ ذا عنيي لا ارتكب انا فيه جريمه
بدر جا ركض : حاضر ويمسك رضوان بقوه ويسحبه
ساري يحوس بالمكتب ويتحرك من اول المكتب لاخره ويمسح وجهه بيدينه : انا قلت لها لاتورط نفسسها لاتروح لهم لاتدور وراهم بس العناد براسها
راشد : طيب اجلس فريت راسي معك مارح يصير لدكتورتك شي خلاص ذا يهدد بس عشان جبت طاريها
ساري مايدري يفرح لأنهم صايرين ينادونها بملكيته ولا يخاف عليها : دكتورتي ياراشد متهوره وعنيده شوف وش ورطت نفسها فيه مع مدمنين ومهربين
راشد: اهدأ انت الدم بينط من عيونك مارح يسوي شي مابيقدر ولا رح نسمح لأحد يزوره
ساري يضغط على اسنانه : هي بس لو تسمع الكلام وماتتدخل بكل شي
يدخلون عروب وشِيام ويسألون عن مكتب راشد
شِيام تدق على الباب ماتدري ان ساري داخل مع راشد
****************************
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
