عند الجد عوض
عروب : تبون شي ؟ بطلع لوائل بشوف وش الادله الجديده اللي بتثبت براءته
الجده مليحه : الله يحفظك وانتبهي لنفسك
الجد عوض : ماابي الا سلامتك وشِيام هناك ولا ؟
عروب : لا والله ياجدي قالتلي انها طلعت من هناك
مشعل جاي من غرفته : انا بروح معك مابخليك تروحين هناك لوحدك
عروب : ليه وش شايفني بزر ؟ ترى محامية والكل يخاف مني
مشعل : بس اخاف تقابلين ابوك وزوجته هناك انا بوديك وبنتظرك برا لين تخلصين
الجد عوض : وهو صادق اخاف ابوك يعصب عليك هناك خليه يروح معك
عروب : طيب يللا ولاتبثرني بحركاتك
مشعل يضحك : طيب بخيط براطمي عشانك ويطلع
عروب : الله يعينني عليك يامشعل وتلحقه
مشعل : شِيام قالت لك شي عن ماجد ذا ووش صار ؟
عروب : لا والله وواضح من صوتها انها كانت معصبه مااعطتني اي خبر بس قالتلي جايه
مشعل : الله يعين ويبين في عيون ابوكم وزوجته تعبكم
عروب : تبي الصراحه والله اني ماانتظر منهم شكر ابي بس براءة وائل
شِيام جات للبيت وهي معصبه ومقهوره بس تكابر : مساكم الله بالخير
الجد عوض : مساك الله بالنور
الجده مليحه: هلا بنور البيت وش فيك وجهك مقلوب ؟
شِيام تبتسم بالغصب وتحضن جدتها : مافيني شي بس ابي تضميني ممكن
الجده مليحه تضحك وتضمها وتمسح ع شعرها : مين مزعل شمعتي ونور عيني ؟
شِيام : وهو فيه احد يقدر يزعلني وجدتي مليحه؟
الجد عوض : بس جدتك ؟
شِيام : وجديي عوض اللي منجد عووض الله يخلييكم لنا
شِيام حاطه راسها بحضن جدتها وتطالعها جدتها : مابتعلميني وش فيك؟
شِيام تبوس يد الجده : والله مافيني شي لاتقلقين بس ابي اطلع غرفتي
الجده : طيب غيري ملابسك وتعالي اكلي لك شي
شِيام : ماني مشتهيه شي الحين ياجده لا اشتهيت اكلت وتقوم غرفتها
الجده تطالع عوض : والله ان فيها شي وماتبي تعلمني
شِيام تدخل غرفتها وترمي نفسها ع سريرها وتاخذ نفس عميق : مين مفكر نفسه عشان يمسكني بس واضح انهم عائلة مجانين وتتنهد وتقوم وتلم شعرها وتنزل لغرفة الرياضه وتلبس قفازات الملاكمه وتحط حرتها وعصبيتها كلها بكيس الملاكمه وتكلم نفسها والله لولا المكان والبدلة الرسمية كنت عرفت كيف اتعامل معه
...
عند راشد بمكافحة المخدرات
راشد : طيب انا جاتني معلومات عن مهرب ومكان بيته مهيء انه يكون وكر للمهربين
المقدم عبدالرحمن : وانت واثق من المعلومات اللي جات ؟ مانقدر نمشي ع احاسيسنا لازم ادله
راشد بحده : اقوولك المعلومات اكييده ومن مصدر موثوق ومااقدر اقولك مين
المقدم عبدالرحمن : لاتخلي عاطفتك تغلبك وتخلينا نتحرك ونعرض اصحابنا للخطر الا لازم نكون على بيّنه
راشد: انا اتحمل كامل المسؤوليه لو طلع البلاغ كاذب تكفى ابي امسسك قاتتل اخوي
المقدم عبدالرحمن : طيب بس ترى لو البلاغ كاذب او تعرض احد افرادنا للخطر انت تتحمل المسؤولية
راشد ابتسم : مشككور والله اني جيتك وانا كلي امك فييك ويروح يجهز نفسه ويبلغ الشباب يتحركون لبيت حسين السارح جد ماجد وعمر ويدق على ساري لكن ساري مايرد
....
بيت الجد عبدالعزيز
الجد عبدالعزيز : ساري وراشد ماصاروا يرتاحون ومهملين صحتهم واكلهم
ابو راشد: ومين له بال يرتاح وقاتل ولدي باقي ماتعاقب
ابو ساري: تعوذ من الشيطان كلمت ساري قبل شوي وقال انهم لقوا ادله جديده
ابو طارق : عبدالله بتكمل شهرين على هالحال تعرف ان ساري مارح يقصر وبيدور على قاتل هاني
ابو راشد يقوم ومعصب : انتت قلتها شهرريين وماسوا شي ساري
ابو ساري : ولديي صار حتى مايرجعع البيت وانت تقول ماسوا شي
ابو راشد : هذا وجههي ان كان ولدك ماشي بالقضيه ويروحح
ابو ساري عصب : ولدي يتعب ويشقى ولا احد يذكره بالخيير ويطلع من البيت معصب
يقابل باهي بالحوش جالس
باهي : وش فيك ياعمي ليه معصب ؟ ساري فيه شي؟
ابو ساري : عمك عبدالله وكأنه يقول ان ساري مايبي يساعدهم يلاقون اللي صدم هاني
باهي: والله انه ماقصر وقاعد يدور ادله اكثر بس عمي وراشد مدري وش بلاهم عليه
ابو ساري : وانا قلقان على ساري ومايرد على جواله اخاف صاير له شي
باهي : تبي اروح اشوف له واخذ له معي اكل ؟
ابو ساري : والله اني مابي اشغلك بروح انا
باهي : لا والله ماتروح ارتاح انت انا بروح اصلا كنت رايح بشوف وش الجديد بالقضيه جدي من الصبح يسألني
ابو ساري : الله يحفظك ويوفقك
يقوم باهي ويروح لساري
....
بالمركز
عروب : ابي اشوف ماجد لان له علاقه بقضية موكلي
محمد: والله يااستاذه مااقدر الا لازم ابلغ المحقق المسؤول
عروب : طيب بلغه انا انتظرك
محمد: لكن مو هنا
عروب تجلس : مو مشكله انتظره لين يجي
محمد: المحقق ساري احتمال مايرجع بدري
عروب : بس انا محامية وائل ولازم اشوفه كيف مااقدر ؟
محمد : التحقيق لسى جاري مع ماجد ماتقدرين تشوفينه الا بموافقة المحقق تبين تشوفين موكلك تقدرين
عروب : طيب بشوف موكلي بس انا انتظر موافقة اني اشوف ماجد
وتدخل عند وائل
وائل منهار نفسيا وجسديا: عروب ابي اخبار حلوه
عروب : انت ماتنام ؟
وائل : واللي بمكاني تتوقعين يجيه النوم
عروب : بس مايصير تسوي كذا بنفسك خلك واثق فيني رح اطلعك من هنا واليوم مسكوا ماجد وان شاء الله يمسكون عمر ويعترفون ع اللي سووه فيك
وائل يمسك عروب: اححلفي ياربب يمسكون عمر والله اني بريء ياعروب
عروب : ايوه والله اني اعرف
مشعل برا ينتظر عروب وماتحرك
....
عند ساري في المهمه
صالح : صار لنا ساعه نراقب البيت مافي احد دخل او طلع منه
ساري: ماجد قال انه مايطلع بالنهار والحين احنا المغرب واكيد انه بيتحرك بعد شوي
صالح : لو خليتنا ناخذ باقي الشباب معنا
ساري : لا انا وانت نكفي لو جبنا اكثر رح يلاحظ لأنه مهرب واكيد مو غبي وبيلاحظ
صالح : سساري شفف الباب ينفتح
عمر يفتح الباب بشويش ويطلع راسه يشوف وش الوضع لان مايدري وين راح ماجد
ساري ينزل بسرعه ويرففس الباب برجله ويطيح عمر على ظهره لأنه ماكان متوقع ان احد بيرفس الباب
صالح يدخل ورا ساري ويدخل يفتش البيت
عمر: ووشش تسسوي ومييين انت
ساري بعصببيه : تببي تعرف من انا ؟ ويضرربه على وجهه اجل تقتل وتبي تعييش طبيعي
عمر يحط يدينه على وجهه ويقاوم ضربات ساري : انا اللي باخذ روحك ويدف ساري بقووه
ساري بعصبيه : من الافضضل انك تسلم نفسك وماتقاوم لان مالك مهرب من هنا لو على ججثتي
عمر يضحك بإستهزاء ويطلع السكين : ايييه وهذا اللي بيصيير ويهاجم ساري وساري يقاووم الضربات
ساري: لاتزييد على نفسك قضايا وسلمم نفسك ياعممر
عمر يجرح يد ساري بالسكين بلوح الكتف اليسار من قدام
ساري عصب اكثر ومسك يد عمر بقوه وضربه بركبته لين طاحت السكين ولوى يده وسنده على الجدار : انا كنت متساهل مععك بس الواضح ان التساهل ماينفع مع اشكالك ويلويي يد عمرر اكثثر
صالح جاي من جوا : سااري يدك تنززف ويمسك الجهاز اللاسلكي ويبلغ عن وجود عمر ووجود كمية من المخدرات في البيت
ويسمعون صوت الشرطه ويطالع ساري بصالح ويبتسم : اكيد راشد لان ارسلت له العنوان
يدخل راشد ومعاه اعضاء من فريق مكافحة المخدرات
صالح يدخل وراهم ويبقون راشد وساري وعمر اللي مكتفه ساري
راشد يمسك عمر من شعره : اجلل انت الراس المدبر وقاتل اخوي
عمر يقاوم يبي يفك نفسه من ساري وراشد : انا ماسوييت شي فكونني
راشد يشد شعره اكثر ويسحبه لورا وبعصبيه : تقققولي ماسسوييت شييي هاه ماسويييت شييي والله ان اذبححك ومارح اتركك ويدف ساري ويمسك عمر ويضرببه ضرب بدون وعي
ساري ويده تنزفف يفك عمر من راشدد : راششد اذذكر الله اللي تسوويه مايصصير كلنا نببي ناخذ حق هاني لكن مو بهالطريققه
راشد يطالع ساري وبصوت عالي: لاااا ماههمك هاننني لو يهممك كنت خليتني ااذبححه هنا واخذ حق اخخوي
ساري زعل من راشد ويمسسك عمر ويحط الكلبشات بيده ويمششي لسيارته وينادي صالح
صالح : هلا سيدي
ساري : يللا انتهى شغلنا لهنا قضية المخدرات الشباب بيهتمون فيها ويطالع راشد ويروح
راشد يضرب بقبضته الجدار بقووهه ويصررخ
ساري مكلبش عمر ومجلسه بمرتبة الراكب وصالح ورا
صالح يضحك: شفت ياعمر اول مره اشوف مجرم قدام ومحقق ورا ويشدد اذن عمرر
عمر يقاوم يبي يفك نفسسه
ساري معصب من كلام راشدد وماتكلم
...
بالمركز
باهي يفتح مكتب ساري ومايلاقيه ويدق عليه ويشوف انه ترك الجوال: يموتت اذا مانسى اغراضه ويطلع يدور عليه
عروب طالعه من غرفة وائل وتكلم المحقق محمد : طيب المحقق طول وانا لازم اعرف الادلة اللي بتكون في صالح موكلي
باهي وهو يدور لساري صادف عروب ويبتسم ومايدري ليه ابتسم
عروب : طيب كلمه انا لازم اشوفه
محمد : والله اني مااقدر لكن تعالي بكره
عروب : لي ساعتين انتظر وتقول لي ارجع بكره؟
باهي يطبق شفايفه وياخذ نفس ويتقدمم ويسلم على محمد
محمد : هلا باهي حتى انت تدور ساري ؟
باهي يطالع عروب ونبضاته متلخبطه : ليه مين غيري يدوره ؟
محمد : محامية متهم عنده بس انه طلع بمهمة وللحين مارجع
باهي : الله يحمييه ويرده بالسلامه ويطالع عروب السلام عليكم محامية عروب
عروب مستغربة كيف يعرف اسمها : وعليكم السلام وتطالع محمد انا رح ارجع بكرره ان شاء الله وبلغ المحقق اني ابي اشوف كل الادله الجديده وتستأذن وتمشي
باهي يراقبها لين طلعت ويلحقها يبي يتطمن اذا هي بخير ولا بترجع تطيح : ويناديها لو سمحتي
لكن عروب كانت تكلم مشعل بالجوال: اييه تو طلعت قلت لك لاتروح معي وتنتظرني لاني بطول يللا تعال انا عند الباب
مشعل: وليه مااروح عادي مافيها شي تاخري مثل ماتبين حتى لو للصبح
عروب تضحك : رايحه عرس انا عشان اجلس للصبح وتقفل
باهي يرفع صوته : لو سممحتي محاميه عروب
تلتفت عروب وهي لسى مبتسمه وتضيع علوم باهي
عروب : هلا !
باهي يطالع فيها ونسى الكلام
عروب تأشر بيدها : وش فيه ؟ ناديتني تكلم
باهي يرجع للواقع : بس كنت بسأل اذا انتي بخير
عروب تكتف يدينها : هذي ثاني مره تسألني وانت مين عشان تسألني انا بخير ولا ؟
باهي يبتسم : انا اللي ساعدتك يوم طحتي هناك ويأشر على المكان
عروب : اها هذا انت قالتلي مساعدتي انك من اهل الضحيه احسن الله عزاك
باهي: جزاك الله خير بس ابي اعرف كيفك الحين
عروب ترفع حاجبها ويدق مشعل بوري
باهي يطالع مشعل
مشعل ينزل القزاز : يللا ولا تبين منجد تقعدين للصبح هنا
عروب تضحك : جايه جايه وتطالع باهي نسيت اشكرك مشكور على مساعدتك وتطلع السياره
باهي عصب وانقهر : مينن ذا اللي خرب علي لايكون متزوجه بعد ويتنهد
مشعل يخز عروب وبدأ يغار : مين اللي كنتي تكلمينه ؟
عروب : تصدق لو قلت لك اني مااعرفه بس يقول ساعدني يوم طحت قبل
مشعل يوقف السياره فجأه ويلتفت بقلق : طححتي؟ متى ووين وليه ماعندي خبر
عروب بعصبيه : انتتت تببي تموتتني ؟ وش فيك وقفت فجأه تقدر تتكلم بدون ماتوقف
مشعل : اسفف بس انفجعت ليه انا ماعندي علم انك طحتي
عروب تاخذ نفس: طحت وقمت خلاص لاتهتم ودنا البيت واحنا سالمين
مشعل يتنهد ويطالع عروب ويرجع يشغل السياره ويمشي
********************************
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
