بيت الجد عوض
الجد عوض: يامشعلل قم ماتبي انت تصلي الفجر
مشعل : ياججدي والله اني ابي اصلي بس انتظررني شوي والحقك
الجد عوض: شوي ليه ؟
مشعل يضحك : افتكينا من عروب جيت انت خلاص بلحقك هذاني قمت
الجد عوض: والله اني اشتقت لهم
الجده مليحه : مكانهم خالي ماعرفت انام كنت قبل انام اتطمن عليهم وقلقانه على شِيام
مشعل: مافيها شي ياجده مافيها الا العافيه وتجهزوا بنمشي بعد مانجي من المسجد خالي كلمني قال المزرعه بعيده شوي يعني يمكن مسافة ساعه ونص
الجده مليحه : ليكون صار شي للبنات ؟
مشعل : جده تفائلي مافيهم شي بس خالي يبينا نجي بدري
الجد عوض : جدتك لازم تهول الامور وانت يللا قدامي لانتأخر على الجماعة ويطلع
الجده : وش اسوي قلقانه عليهم فجأه حالتهم انتكست
مشعل : الله يحميهم استودعي الله فيهم يللا بطلع قبل جدي يصلي علي
الجده : استودعت الله فيك وفيهم الله يحفظكم
....
بالمزرعة عند نيّاف
نيّاف :يللا اصححوا وصحصحوا جينا هنا نغير جو مو ننام
شِيام تضحك: خالي تصدق انهم ماناموا الا قريب الفجر يعني انسى انهم يصحون الحين
نيّاف: طيب الساعه ٦ والاجواء زينه كنت ابيهم يفطرون وينبسطون بهالاجواء
شِيام : ماعليك شوي ويقومون
نيّاف: حتى الجوهره ماصحيتها قلت اخذ فطور جاهز
شِيام : تبي انا اطبخ شي ياخالي ؟
نيّاف : لا والله ماابي تطبخين بس ابي تجين معاي تساعديني وش ناخذ فطور ونتسلى بالطريق ساعه ونص روحه وساعه ونص رده
شِيام تضحك: طيب ياخالي على كذا بيصير غداء
نيّاف : اييه مافي مانع ناخذ بعد غداء ويضححك
شِيام : مدري وش صار على وائل
نيّاف : خلاص قلت لكم اليوم ماابيكم تفتحون اي موضوع فيه ابوكم او وائل اذا بريء بيطلع
شِيام : بس عروب هي ماسكه قضيته لو طول بيرجع ابوي يهاوشنا
نيّاف: والله اني قلت لكم ابعدوا عنه وعن مشاكله لكن ماسمعتوني
شِيام : والله ياخالي ان وائل يستاهل نساعده وماله دخل بظلمهم لنا
نيّاف : طيب روحي البسي وتعالي نروح ناخذ فطور ونتمشى شوي
شِيام تروح وتلبس ويطلعون هي وخالها
نيّاف: والله ان ودي اننا نعيش هنا بعد التقاعد انتي وش رايك تعيشون معنا ؟
شِيام شارده وتتنهد
نيّاف : شِيام وش فيك ؟ مابتقولين لخالك ؟
شِيام: مافيني شي والله
نيّاف يضغط عالفرامل ويوقف السياره فجأه ويحط يده قدام شِيام عشان مايصك راسها قدام
شِيام بقلق : وش فيك وقفت فجأه
نيّاف: تشوفين الخيل اللي هناك ؟
شِيام تطالع وتتلفت : وين ؟
نيّاف : اذا ماخاب ظني كأن احد طايح عنده ويفتح باب السيارة ويركض
شِيام تنزل وتلحق خالها: انتببه ياخالي
ساري فاقد للوعي وملابسه مليانه دم ووجه شاحب وشفايفه متشققه وله ضربه براسه
شِيام تو توصل بعد خالها : وش فيي.... وتطالع الا تشوف ساري طايح ومغمى عليه
نيّاف يوقف ويتلفت اذا احد معاه وينادي : ياهيييه فييه احد هنا
شِيام تنزل ع ركبها وتحط يدها مكان النبض وطلع عايش : لسى ععايشش بس حرارته مرتفعه ولونه شاحب والمستشفى بعيد
نيّاف يحط يدينه على راسه : ندق على الاسعاف ويطلع الجوال
شِيام تمسك يد خالها : بيطولون خلنا نرجع للمزرعه ونعالجه
نيّاف : بتقدرين تعالجينه ؟
شِيام : اييه عندي خبرة بالتضميد وتشوف يد ساري وتفك طرحتها وتربط على الجرح تخفف نزول الدم
نيّاف: بعدي اجل خليني اشيله للسياره
تفتح شِيام باب السياره ويحطون ساري بالمرتبه الخلفيه وشِيام حطت مخده تحت راسه عشان يتنفس ومايختنق
شِيام : خالي عندك ادوات اسعافات اولية صح ؟
نيّاف متوتر خايف لايموت ويتورطون : اييه ايه ويدعس على البنزين ويسررع مالهم ربع ساعه من يوم طلعوا
شِيام حست انها قلقانه على ساري : وش فيه وش صاير له وليه مصاب
رجعوا للمزرعه وحطوا ساري ببيت الشعر مايبون يقلقون اللي داخل
شِيام : خالي روح جيب شنطة الاسعافات
نيّاف : لو خليتينا نطلب له الاسعاف ويروح
شِيام تحط يدها على جبهة ساري : وش ذا كأنه طالع من نارر وتقوم تاخذ فوطة ومويه بارده وتسوي له كمادات وتفتح مكان الجرح وتشيل الشاش اللي عليها وتشوف الجرح شوي مو عميق وتتسائل ( وش صابه اكيد مع اسلوبه ذا ان عنده اعداء )
نيّاف جاب شنطة الاسعافات : متأكده بتقدرين تضمدينه ولا اكلم الاسعاف
شِيام : ماعليك ياخالي بقدر اضمده بس ساعدني
يمسك نيّاف يده وتقص شِيام الشاش والتيشيرت وتبدأ تعالجه وتضمد الجرح وساري مابعد استعاد وعيه
.....
عند الجد عبدالعزيز
ام ساري تبكي وماغمضت لها عين وابو ساري بعد
الجد جالس بغرفته ويدق على ساري ومايرد
ابو راشد: من حزني وقهري على ولدي قلت له هالكلام ماكنت اقصد
ابو طارق : بس الولد تعرف انه ماقصر ويدور ويحقق كان مسكت نفسك وماتكلمت
ابو راشد يتنهد: الله يجيبه سالم غانم
راشد : انا بطلع ادور عليه
باهي : وانا معكك يللا ويطلعون
طارق : راشد يعرف الاماكن اللي يروحها ساري وان شاء الله يجيبه
ياسر توه رايح غرفته ويصادف الاء طالعه من عند امه ويناديها
الاء وعيونها كلها حزن على اخوها : هلا
ياسر يتقدم خطوتين ويطالع عيونها ويمسح بيدينه على وجهها
الاء رجعت وبعدت يده : وش تسسوي تفكر انك تستغل حزني على اخوي وتقرب ؟
ياسر توتر وتلعثم : لاا انا بسس كنت..
الاء بحده : كنت ايش؟ صح خطيبتك لكن مافي شي رسمي وتبعد يده وتروح
ياسر تنهد : والله اني كنت بقولك لا عاد تبكين عيونك ذبلتت من البكى
الاء تدخل غرفتها وبعصببيه :يحسب اني بسممح له يستغلني وتحط يدها ع قلبها اللي تسارعت نبضاته وتكلم قلبها( وانت بعد وش فييك ) وتحط راسها ع المخده وتغمض عيونها
-عند باهي وراشد بالسياره-
راشد : والله اني ندمان ماكنت اقصد اضايقه ولا اقهره انا اكثر واحد يعرف كيف ساري يتعب لاحط شي براسه
باهي : وش يفيد كلامك الحين ان شاء الله نلاقيه بخير وعافيه ومعالج اصابته
راشد يضرب بيده الدركسون : لو صار له شي مابسامح نفسي
باهي بحده: اييه لاتسامحح نفسك ولا تسامح ابووك ماخلاه حتى يدخل من الباب استلمه اول مادخل
راشد : ان شاء الله نلاقيه وانا اعرف وين يروح لاتضايق ويتجهون ع المزرعة
....
عند الجد عوض
مشعل: اظن اني ضيعت طريق المزرعه شكلي دخلت من شارع مو لها
الجد عوض : من اول اقولك ركزز بالطريق لكن عقلك مدري وينه
مشعل : وش فييك ياجدي تراني امزح معك قربنا نوصل بس خالي مايرد
الجده مليحه: يمكن انه نايم وانت جبتنا من صباح الله خير
الجد عوض : والله انها صادقه جدتك خليتنا نداهمهم المساكين
مشعل يرجع يتصل ع نيّاف : الو هلا ياخالي اخيرا رديت وينك فيه
نيّاف : موجود موجود انتوا وينكم فيه قربتوا ولا بعد
مشعل : قربنا بس تبي نجيب شي معنا
نيّاف: لا والله ماابي الا سلامتك
الجوهره : قربوا ؟
نيّاف : اييه
الجوهره: الله يسامحك لو صحيتتني بدري كنت جهزت الفطور
نيّاف يحضن الجوهره: ماكنت ابي اصحيك شفتك بنومه عميقه
الجوهره تضحك: طيب يابكاش انا بروح ل انسام وعروب وشِيام اصحيهم
نيّاف : شِيام صاحيه من بدري واشك انها نامت اصلاً وفيه شي صار بعد بس روحي صحي البنات وجهزي الفطور وبعدها اقولكم
الجوهره : طيب حبيبي تعرف اني فضولية بس بمشيها بما ان خالتي مليحه قربت
وتروح لغرفة البنات وتلاقي عروب تمشط شعرها
عروب : تو كنت بجي اساعدك
الجوهره تبتسم: لا جهزت كل شي حبيبتي
عروب: حتى الشاهي؟ كنت ابي اسوي لكم
الجوهره : لا للامانه الشاهي لسى وتطالع انسام يللا ياماما اصحي
انسام :هممم ماما ششوي واقومم
الجوهره : يللا اصححي عروب وشِيام صحوا وانتي لسى ماتبين تفطرين ؟
عروب : خليها علي انا بصحيها انتي روحي
الجوهره تضحك: يللا مهمتك لانها عنيده مارح تصحى لك بسرعه وتروح
عروب تقرب من اذن انسام : يللا قوومي
انسام تحك اذنها بقوهه : عرووبب خلاص ماببي اصحى الحين
عروب تقرب اكثر : بس مشعل جاي
انسام تفزز وتجلس : اسألك بالله ؟ جاا ولا لسى جاي
عروب تبتسم بخبث وتكتف يدينها: وش تعطيني واقولك
انسام : عيوني الثنتين اعطيك بس قوليلي وينه
عروب تضحك: الله يعني مشعل يسوى عيونك الثنتين
انسام تتنهد : ايييه واكثثر بس ليته يعررف
عروب : تراه فاهي مارح يلاحظ لين تقولين انا اعرففه
انسام تبتسم : يعني اقول له ؟
عروب تسحب انسام : اييه ويللا قومي كلمت جدتي وقالت انهم قربوا
انسام تحضن عروب : والله اني احببكك وتروحح تتجهز
عروب تناديها: تحبينيي ولا تحبيين علومم مشعل
**********************
أنت تقرأ
نظرتك كانت بحر ونظرتي كانت غريق
أدب نسائيالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
