عند اسماء وراكان
اسماء: الله ياخخذك ياراكان البنت صغيره حسبي الله عليك افرض تقول لأبوها او جدها
راكان: وش اسوي الشيطان ضحك علي
اسماء: لاتحطها ع الشيطان كيف تتحرش ببنت عمرها ١٠ سنين الله لايوفقك ويدخل ابو شِيام
ابو شِيام الشرار بيطلع من عيونه ووجه مفقع من ضرب نيّاف: وششش تقوليين ؟؟؟
اسماء : لا بسس راكان
ابو شِيام يمسسك راكان ويضضربه: يالواااطي دخلتك بييتي تقوم تطالع ببنتي الصغيره
اسماء: يوسسف خلاص ضحكك علييه الشيطان
ابو شِيام : الشيطان هااه الشيطان اخووك والله ان اذبحهه ويفك راكان نفسه ويهررب
اسماء: خلاص تعوذ من الشيطان اكيد هي قالت له شي
ابو شِيام يطالعها : بنت عمرها ١٠ سنوات وش بتقوله؟ ولا تدافعين عن اخوك النذل
اسماء توترت: لا حبيبي بس خلاص خوفتوا وائل ب اصواتكم العاليه
ابو شِيام: الحين البنات راحوا مع خالهم وبيوصل الخبر لأمي وابوي والله ماعاد اخذ شي من الاملاك
اسماء خافت ع اخوها: الله يستر مايقولون لخالهم عن راكان
ابو شِيام : خليهم يقولون له افعال اخوك النذل الواطي ويروح غرفته ويطالع بالمرايه ويتهدد في نيّاف
......................
عند نيّاف بالسياره
شِيام تبكي وخايفه
عروب : خالي ماعاد بنعيش عند بابا صح ؟ ترى كل يوم يضربنا وماخلانا نروح المدرسة
نيّاف مقهور ويضرب بيده الدركسون : انا كيف خليتكم عنده والله مايشوفكم مره ثانيه
شِيام ترتجف وتبكي ويطالعها خالها في المرايه : مابتقولين لخالك وش فيك ؟
عروب ببراءه تتكلم عن وش صار : بابا واسماء ياخالي ضربوها وضربوني وبعدها قفلوا علينا الباب
نيّاف : شِيام اللي تقوله عروب صح ؟
شِيام تهز راسها يعني ايه
نيّاف : الحين بتعيشون مع خالكم واوعدكم اني مااخلي ابوكم يقرب منكم
الجوهره قلقانه وحامل وتدق ع نيّاف مايرد
نيّاف وصل البيت ويفتح الباب
الجوهره تفز: وين رحت وخبصت قلبيي من القلق
نيّاف يبتسم لها : جبت لك ضيوف تعالوا
شِيام وعروب يدخلون ومستحين منها
الجوهره: بنات اختكك صح ؟ وتبتسم تعالوا حبيباتي وتحضنهم
نيّاف : من اليوم بيعيشون عندنا
الجوهره تحضنهم: اذا ماشالهم البيت بعيوني احطهم تعالوا ياريحة الحبايب
عروب تضحك: انتي حلوه
الجوهره تقرص خدها : وانتتي احلى
نيّاف: شِيام من يومنا بالسياره ماقلتي كلمه وش فيك ياحبيبة خالها؟
شِيام تبكي وتحضن خالها : انا خايفه
نيّاف: افا تخافيين وانا خالك؟
شِيام تبكي بخووف وواضح الخوف والقهر بعيونها
الجوهره : خلاص نيّاف لاتضغط عليهم خلهم ينامون ويرتاحون وبكره نعرف وتوريهم غرفتهم
نيّاف: الله ياخذ ابوهم اللي شتتهم وعقدهم البنات طول الطريق يبكون وخايفين
الجوهره : البنات ماجابوا غير ملابس المدرسه روح اشتري لهم ملابس
نيّاف يطالع الساعه: ان شاء الاقي مكان فاتح ويطالع الجوهره اسف اني اتعبتك
الجوهره: اشش ترى بنات اختي بعد ولا تحسب اني نسيت مريم
نيّاف يبوسها ع خدها : مابطول برجع بسرعه وانتي حاولي تعرفين من البنات ليه هربوا فيه شي غير الضرب وانا لازم اعرفه
عروب تحضن الجوهره: انا ابي اعيش هنا ماابي ارجع عند بابا
الجوهره تبوسها: وهه وهالخدود باكلها مافي رجعه مابخليكم
شِيام لسى ترتبك وخايفه وسرحانه
الجوهره تناديها وماسمعت تقدمت لعندها ولمستها
شِيام صررخت وترجع لورا وتدف الجوهره: لااا لاا
الجوهره : شِيام انا الجوهره يابعد عممري وش فيك وتحضضنها بقوه لين هدت تبكي ومرعوبه
شِيام : انا خايفه ماابي ارجع هناك
الجوهره : ومين قال اني بخليكم ترجعون انتي واختك رح تعيشون معانا انا ونيّاف
شِيام تتمسك فيها بقوه
..........................
بيت ابو شِيام
اسماء متوتره تخاف نيّاف يسوي شي بأخوها : يوسف تتوقع نيّاف درى ولا بعد
ابو شِيام: وانا وش دراني وياليته يعرف عشان يربي اخوك
اسماء تغير الموضوع : وجهك كله كدمات حبيبي تبي اقوم اجيب لك ثلج
ابو شِيام: لا خليك مع وائل انا بقوم
اسماء: طيب وش رايك تعلم امك وابوك ان البنات قالوا يبون خالهم وانت سمحت لهم عشان يعرفون منك
ابو شِيام: لو يدري ابوي اني اضربهم او باللي سواه اخوك راحت علينا الفلوس والحلال
اسماء: عشان كذا اقولك كلمه
يمسك ابو شِيام الجوال ويتصل ع ابوه
عوض : الو هلا يوسف عسى ماشر داق بهالوقت
ابو شِيام: اسف مزعجك لكن ابي اقولك ان شِيام وعروب راحوا عند خالهم
عوض: كيف راحو ؟ انت وديتهم ؟
ابو شِيام: لا يبه خالهم جا واخذهم وانا رضيت
عوض : الحمدلله دام انهم بخير وعافيه هذا اهم شي وبكره بكلم نيّاف اشوف اذا بيخليهم يعيشون معي
ابو شِيام: اللي تبيه يبه وتنتهي المكالمة
اسماء: زين انه عرف منك مو منهم
...........................
بيت نيّاف
يفتح نيّاف الباب : تأخرت ؟ مالقيت الا محل فاتح وجبت لهم اغراض
الجوهره : اشش ناموا روشتهم ولبستهم من ملابسي مع انها كبيره لكن مابغيتهم ينامون لين يتروشون ويرمون الملابس اللي كانت عليهم
نيّاف: طيب عرفتي شي منهم ؟
الجوهره: تبي الصدق ؟ حتى انا مثلك احس فيه شي غير الضرب وخصوصاً شِيام
نيّاف يتنهد ويجلس : امانة اختي ماحافظت عليهم
الجوهره تحط يدها على كتفه: لا تقول كذا انت ماكنت تدري ان ابوهم بيسبب لهم كذا
نيّاف: مابيتطمن قلبي لين اعرف وش فيها شِيام البنت كانت تستقبلني بالسوالف اليوم ماتكلمت وترجف وتبكي
الجوهره : قبل تجي بشوي قربت منها ابي اكلمها وفززت زي المرعوبين وتقولي لا لا
نيّاف: لازم لما يصحون اعرف ويطالع الجوهره ويبووسها ( تعبتك وانتي حامل روحي ارتاحي )
الجوهره : ترجع له البوسه وين التعب ؟ بالعكس انبسطت انك جبت البنات ومعزتهم من معزتك ومعزة مريم الله يرحمها
نيّاف يبتسم : الله لايحرمني هالوجهه ويطالع بطنها وذا متى ناوي يطلع
الجوهره تضضحك: بس عاد نيّاف استعجلت عليه وبعدين اقولك بنت تقول ذا
نيّاف يضحك: بنت ولا ولد مادامك امهم ابيهم
الجوهره: طيب حبيبي ماتبي تنام ؟ بكره اخر اختبار لك ولا ماتبي تروح؟
نيّاف يتنهد : شايل هم البنات بس بقوم انام قلتي لهم لو احتاجوا شي يقولون لنا ؟
الجوهره: ايه حبيبي وانا كل شوي بطل عليهم
......................
الساعه 6 الصبح في بيت عبدالعزيز ابو جاسر
الجد عبدالعزيز: لازم كلكم تكونون موجودين عالفطور
ابو ساري: ان شاء الله يبه ومابيصير خاطرك الا طيب
الجد عبدالعزيز : وين ساري ؟
ابو ساري: بينزل الحين هو وامه
ام ساري : وهذا احنا جينا
ساري يبوس راس جده: صبحك الله بالخير جدي
الجد عبدالعزيز : الله يرضى علييك يللا يابطل اجلس جنبي نفطر سوا
ساري: ماتبي ننتظر عمي سالم وعمي عبدالله ؟ والعيال
الجد عبدالعزيز يبوس راس ساري: والله انك رجال لو هم كانوا اكلوا وخلوك ويضححك
ينزل سالم وعياله طارق وياسر وباهي
الجد عبد العزيز: هلا بأحفادي طارق زعلان وماسلم ع جده
ابو طارق: ولد سلم ع جدك
طارق يتكتف يدينه: جدي مايبي الا ساري
الجد عبدالعزيز: والله اني ابيكم كلكم لكن الغلط غلط
يجي راشد ركض ويسلم ع راس جده : صبحك الله بالخير ياجدي
الجد عبدالعزيز : الله يصبحك بالنور والسرور ويطالع طارق تعال اجلس لاتسلم ع جدك
يمشي طارق بشويش ويبوس راس جده بدون نفس ويجلس
باهي: ججدي ابي تعلمني القنص مثل ساري
ابو طارق : وش لك بالقنص مايصلح لك انت صغير
الجد عبد العزيز يضحك: لاتدلعه علمت ساري القنص وهو مثله
( الامهات اكلوا فوق مانزلوا ياكلون معهم )
ام طارق: تسمعين ياامينه عمي ماعنده طاري الا ساري
ام راشد: حفيده الاول اكيد انه يميزه شوي
ام طارق تشمق: مابينه هو وطارق الا اسبوعين بس عمي مايحب الا هو
تجي ام ساري : مايحب الا مين؟
ام طارق : هيله لاتتغابين تعرفين اني اقصد ولدك مدلل جده وتقوم
ام ساري: الله المستعان ماعندها غير ولدي والله اني خايفه عليه منها ومن زوجها
ام راشد: هم بس يتكلمون ولا هم يحبونه مثل عيالهم
ام ساري : والله مدري عن صدقهم من كذبهم
ام راشد تضحك: خليني اصب لك شاهي وخلي عنك الافكار اللي مالها داعي
ام ساري تتنهد وخايفه عليه
*************************
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
