عند نيّاف يدق الباب ويفتح له عوض ابو يوسف
نيّاف يبوس راسه: هلا ياعمي وش اخبارك وش انت مسوي
عوض: بخير ياجعلك بخير تفضل حياك الله
مليحه ام يوسف : هلا بولدي وش اخبارك واحسن الله عزاك في فقيدتنا
نيّاف : الله يجزاك الخير ياخاله
مشعل يروح وينادي شِيام وعروب : خالكم هنا
شِيام وعروب يركضون ويحضنونه
نيّاف : هلا بالغاليين بنات الغاليه ويحضنهم
عروب : خالو انت تدري اننا بنسكن هنا ؟
نيّاف: ماتبون تعيشون مع خالكم ؟
ابو يوسف: ياولدي انت توك في بداية شبابك واخر سنه بالجامعه خل البنات عندي والله ان اربيهم مع مشعل ومااقصر عليهم بشي
نيّاف: والله ياعمي قربت اتخرج وباخذهم معي
ام يوسف تسايره: طيب لاتخرجت تعال خذهم الحين لما تداوم مين بيهتم فيهم بس انا هنا جدتهم ورح احطهم بعيوني
نيّاف يطالع شِيام وعروب : هاه وش رايكم بكلام جدتكم ؟
شِيام : اييه ياخالي بنقعد عند جدتي وانت زورنا
مشعل يركض ويمسك يد نيّاف: خلهم هنا ابيهم يعيشون معي
نيّاف يبوس خده : خلاص عشانك بخليهم لكن فتره واخذهم
مشعل بيطير من الفرحه ويركض هو وعروب بالبيت
عوض : هذا هو الكلام وانا ابوك
مليحه: الله يوفقك ياولدي انتظر اجيب لك قهوه
نيّاف : لا والله ياخاله لاتكلفين ع نفسك مالها شهيه تامروني بشي تبون شي؟
عوض ومليحه : الله يحفظك مانبي الا سلامتك
نيّاف: وانتوا ياحبايبي تبون شي قبل امشي ؟
شِيام وعروب يهزون روسهم يعني لا
نيّاف: وانت يامشعل ؟
مشعل يحضنه: ابي تخليهم هنا
نيّاف: ابشر ويطالع ابو يوسف وام يوسف يللا فمان الله
ويطلع ويصادف يوسف ابو شِيام تو موقف سيارته
ابو شِيام يضحك ضحكة استهزاء ويحط اصبعه السبابه ع صدر نيّاف : اجل انت يابزر تبي تسجني ؟ هذا انا طلعت وبنفذ اليمين اللي قلته لك
نيّاف : شِيام وعروب لو طلعوا من هنا رح يطلعون معي انت فاهم؟
ويرجع يدخل ورا يوسف للبيت
ابو شِيام وبصصوت عالي: يابنتتتت انتي وهي يللا قدامي ع البييت
نيّاف: يوسسف وش تحسب نفسسك
ابو يوسف: وش جابك هنا ؟ مو قلت لك لااشوف وجههك
مليحه ام يوسف : اذكرروا الله علامكم
ابو شِيام: يممه انا ابي بناتي ولا احد يقدر يمنعني
شِيام تتخبى ورا خالها : انا مابي ارجع معك البيت
عروب ورا جدتها وتمسكها بقوه
الجده مليحه تحمي عروب: انت وش فيك خوفت البنات
ابو شِيام ياخذ نفس : عطوني بناتي يمه
ابو يوسف: وانا قلت مالهم طلعهه من عندي
ابو شِيام ينزل عند شِيام ويهمس لها: اذا ماجيتوا معي رح اضرب خالك مثل امك ويموت
شِيام ع طول بكت وتطالع خالها وتطالع ابوها
نيّاف: وش قال لك ؟ لاتخافين مايقدر ياخذكم
شِيام : خالي انا ابغى ارجع مع ابوي
ابو شِيام يبتسم بخبث ويطالع نيّاف: هاه ياخالهم وش رايك ؟
نيّاف ينزل ع ركبه ويمسك شِيام: ماتبين خالك؟
شِيام تبكي وتروح عند ابوها: لا ابي مع ابوي
عروب تركض وتحضن شِيام: انا معك وين ماتروحين
مشعل يطالع عمه بحقد: انتت حراممي
ابو شِيام يرفع يده بيضرب مشعل ويمسك يده ابوه : ماعاد الا هي تضربه وقدامي انقلع الله لايردك بس البنات مالهم طلعه من هنا
شِيام تبكي وتحضن جدها: خلاص انا ابي اروح معه
مليحه : اكيد ياشِيام؟
نيّاف قلق عليها لكن يفكر انها رغبتها تبي ابوها : طيب ياعين خالك انا بعطيك جوال وخليه معك اذا صار شي او تبون شي كلموني
ابو شِيام يضحك: ترى انا ابوهم
نيّاف يعطيه نظره يعني بتسكت ولا اعطيك لكمه : شِيام اتفقنا اي شي يصير تكلميني
شِيام تبكي بكاء خوف وقهر وتروح ورا ابوها
نيّاف قلبه مو مرتاح بس مايبي يحرمهم من ابوهم بعد امهم
مشعل وجدتهم وجدهم انقهروا انهم ماقدروا يحمونهم
مشعل: جدي انت قلت مارح تخلي عمي ياخذهم
ابو يوسف: بس مثل ماشفت شِيام مُصرره انها تروح الله اعلم هالولد وش مهددها فيه
ام يوسف تبي اللي يكون ببالها غلط : لاتبالغ ولدك وتعرفه من يوم مارضينا نزوجه اسماء وهو صاير كذا عصبي
ابو يوسف: الله يهديه ويحننه ع بناته
نيّاف يلحقهم بالسياره لين البيت ويوقف ويوصي شِيام على نفسها وعلى اختها : اسمعي اي شي يصير كلميني بالجوال اللي عطيتك اياه طيب؟ ويبوسهم ويروح وهو قلقان عليهم
ابو شِيام لما دخلوا البيت مسكهم الثنتين ودفهم الغرفه: اجل تقولون انكم ماتبوني حتى انا ماابيكم وندمان اني اخذت امكم وجبتكم ياعلة وبكره بتزوج وبجيبها وان سمعتتكم تشتكون والله ان خالكم يلحق امكم ويعلى صوته فاهممميين!!
شِيام تبكي وتحضن اختها بقوه من الرعب وبتأتأه : اييهه
عروب تحضن شِيام بقوه وتكلمها : ليه ماخليتينا عند جدي وجدتي ومشعل؟
شِيام تبكي ماتبي عروب تخاف
( بعد مرور شهرين من لما تزوج ابوهم من اسماء اللي كان يبيها من زمان)
شِيام وعروب راجعين من المدرسه ويصادفون زوجة ابوهم اسماء
اسماء : وش تناظرون؟ اني اسوي لكم غداء؟ مابقى الا هي وتمسك شِيام من مريولها وتدفها للمطبخ عمرك ١٠ سنين وماتعرفين تطبخين يللا اطبخي وان كسرتي شي كسرت راسك
عروب بالزاويه تطالع وخايفه
اسماء : وانتي بعد يللا انقلعي مع اختك وتدفها
شِيام ترفع صوتها: الا اختتي مين انتي عشان ترفعين صوتك عليها وتضربينها
اسماء تضحك بصوت عالي وتقرب من وجه شِيام : مابقى الا انتي تعلميني وش اسوي
شِيام ماخافت وحطت عيونها بعيون اسماء: اييه واذا لمستي اختي مره ثانيه ر.........
اسماء تشدها من شعرها : وش بتسوين يابزرر هاه يللا علميني وش بتسوين ؟
شِيام عضتها بقووه
اسماء عطتها كفف: جعل هالاسنان بالكسر انا اوريك اذا ماقلت لأبوكم وتروح
عروب تضحك وتحضن شِيام : انا احببك
شِيام : وانا احبك لاتخافين من شي انا مارح اخليها تلمسك
ابو شِيام دخل البيت
عروب : بابا جا اخاف تقوله
شِيام : خليها تقول له
ابو شِيام وهو داخل عليهم مثل الثور الهايج ويسحب شعر شِيام وتجي عروب تساعدها ويدفها : انتي يابززر ياعله تعضيين زوجة ابوك ؟ تبين اكسر لك اسنانكك الحين ويرميها بالغرفه لااشوف وجهك قدامي
عروب خايفه ومرعوبه : بابا بس اسماء هي ضرب شِيام
اسماء : بزران وكذابين متى ضربتها وبعدين انا مااضرب صح حبيبي
ابو شِيام : ايه ياحبيبتي ماتقولين الا الصدق
اسماء : حبيبي تدري اني حامل ؟
ابو شِيام : انتي صادقه ولا تمزحين معي ويروح معاها للصاله
شِيام وبصغر سنها وبكل قهر وحزن وحرقة قلب وقلة حيله تددعي : جععلكم ماتتهنون فيه
عروب مرعووبه وتحضنها شِيام
عروب : وش رايك نكلم خالي؟
شِيام : لاااا ابوي بيضربه مثل امي
..............................
عند عوض ابو يوسف
مليحه : انا قلبي ماهو متطمن ان البنات يعيشون عند اسماء
عوض : والله ولا انا بعد تبين بكره نزورهم ؟
مليحه : اييه ونشوف يوسف وزوجته
مشعل سمعهم ويجي ركض : جدتي بنروح لعروب بكره ؟
مليحه تضحك: اييه ياحبيبي بكره نروح
..........................
بيت الجد عبدالعزيز
ابو طارق: بس يايبه انت تفرق بينهم
عبدالعزيز : انا ربيتهم كلهم سوا بس لازم يتعلمون طبع الغدر لايدوسونه
ابو ساري : توهم بزران
عبدالعزيز الجد بصوت عالي: بزران لمتى وهم اعمارهم فوق العشر سنوات صاروا يعرفون الصح من الغلط
ابو طارق: ماتدري يبه انت شفت وسمعت من طرف واحد اللي هو ساري
ابو ساري: علامك انت على ولدي ترى من يوم جلسنا ماعندك سالفه غيره
الجد عبدالعزيز : انا شفت بعيني مااحد قال لي وساري وضحت فيه التربيه ولا غدر فيهم مثل ماسوو
ابو طارق يعصب : ساري وساري خلاص خلنا نطلع من البيت وخله له
عبدالعزيز وبصوت عالي وبحده: ترففع صوتك بوجهي ياسالم ؟
ابو طارق : انا اسف يبه لكن اللي سووه مايستاهل كل هالعقاب
عبد العزيز : انا توني ماقلت العقاب وابي ساري هو يختار
وبصوت عالي : ياسسساري
ساري يجي ركض: سسم جدي ناديتني
عبدالعزيز : سم الله عدوك تعال جنبي ابيك بموضوع
ابو راشد وابو طارق يطالعون بعض حاقدين ع هالبزر
عبدالعزيز الجد : وش علمتك انت وعيال عمك عن الغدر؟
ساري: الغدر طريقه مسدود حتى لو فزت بالبدايه رح تضل عالق لا بتقدر ترجع ولا بتقدر تتقدم هذا اللي علمتني ياجدي
عبدالعزيز الجد يحضنه: وتلوموني في سساري طيب وش تبي يكون عقاب اللي غدروا فيك؟
ساري: ولا شي بسامحهم
عبدالعزيز الجد : والله انك كففو اييه هذا حفيدي
ابو طارق عصب وقام : مابقى الا البزران
ابو ساري : علامه سالم الله يكفي ساري شرك وشر عيالك
عبدالعزيز الجد : هو بس عصبي ماعليك منه شوي ويجيك مبسوط
راشد : ساري يللا نروح نلعب في الحاره مع العيال
عبدالعزيز الجد : اشوفك ياراشد تأقلمت مع عيال الحاره بسرعه
ساري يحط يده ع كتف راشد: اييه ياجدي انا عرفته عليهم ويروحون
عبدالعزيز الجد: الله لايفرق بينكم وتكونون سند لبعضكم
*********************
انتهى البارت وقرب يجي ربيع شِيام وعروب😔🤍
أنت تقرأ
نظرتك كانت بحر ونظرتي كانت غريق
Chick-Litالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
