عند الجد عبدالعزيز
الجد عبدالعزيز : الله يرحمك ياهاني البيت انطفى بعد ماراح
ابو ساري : الله يعوضه بشبابه بالجنه
طارق : ساري للحين ماجاء ولا راشد ؟
ابو راشد: راشد جاي بالطريق اليوم قبضوا ع اللي اتهموه انه صدم هاني وباقي يقول ساري مسك القضيه
ابو طارق : يعني خلاص جنائيه مو غير عمد
ابو راشد يعصب : ايييه وقاتل ولدي لازم يقصوون به
يدخل باهي : غريبه لسى صاحيين
الجد عبدالعزيز : مارح نرتاح وننام لين تنحل القضيه ويبرد دم هاني
باهي : اليوم مسكوا المجرم وساري كان يحقق معه (ماقال لهم عن اصابة ساري لان ساري موصيه مايقول )
ابو ساري : وكيف ساري عساه بخير ؟
باهي : الحمدلله بخير وجاي وراي
ابو راشد : بشرني بيعاقبون اللي صدم هاني ؟
باهي : والله اني مدري لان المحققين بس يعرفون
ابو راشد: والله ان ساري بارد وماهو شايل هم ان اللي قتل ولد عمه فلتان
ابو ساري : عبددالله تراك زودتها على ولدي شفت بعينك انه صار حتى مايرجع البيت
يدخل راشد : وش فيكم اصواتكم واصله للشارع
ابو ساري : تعال فهم ابوك ان ولدي ماهو بارد وقاعد يسوي كل شي بيده عشان قضية هاني
راشد سكت ماقال شي
يدخل ساري : وش هالجمعه وش فيكم ؟ توقعت انكم نايمين
ابو راشد : جا محققكم اللي ماقدر ياخذ حق ولدي
الجد عبدالعزيز بححده: عبببدالله
ساري : خله ياجدي هو وولده يفكرون اني بسياحة ومو قاعد اقضي طول يومي على هالقضيه وترى انا ابي امسكك قاتل هاني لانه ماكان ولد عمي وبس كان اخووي الصغيير
راشد بعصبيه : اججل لييه ماخلييتني امسك قاتل اخووي واخليه يعترفف اخذته من بين يديني
ساري : تببي تصير قاتل ولا تبيي تاخذ حقك بالقانون وانت رجل اامن وتعرفف بالقانون
ابو راشد: والله ان ماجا بكره وقاتل ولديي بالسجن ان تندم ياساري
ابو ساري : خلااص وش فيكم سارري ماقال الا الصح
ساري عصصب وياخذ نفس مايبي يقول او يسوي شي ويندم عليه ويرجع يطلع وويلحقه باهي
ساري طلع سيارته وشغلها
باهي يوقف عنده وينن بتروح ؟ خلني انا اوصلك وجرحك ليه ماعاد رحت للطوارئ
ساري بعصبيه : باهههي بحريققه انا والجرحح وكل شي ببعدد عن طريقيي ويطلع وهو ماششي بسررعه
باهي : ياسسساري وين تببي تروووح
يطلع راشد : وين راحح ؟
باهي بحدده: كلها منك تعرفف ان سارري مستحيل يبيين انه متضايق وانت وابوك ماقصرتوا فيه وهو مصاب
راشد : مصصاب ؟ كيف ومتتى
باهي : هذا اللي تقولون عنه مادرا عن قضية هاني بيموت والسبب انتم حتى مارضى يعالج جرحه لين يخلص القضيه
راشد ندم انه هاوشه ويصرخ ويمسح وجهه بقووه : اخخخ ياسارري وين بترووح
باهي بعصبيه : لو صار له شي انت وابوك السبب ويدخل البيت
( عند ساري)
ساري معصصب ويده تنزف ويضررب بقوه على الدركسون : اججل انا مابي اخذ حق هاني ويضربب بيده بقووه ونسى الاصابه حتى
ويتجهه على المزرعه لما يكون متضايق يركب عالخيل ويفضفض لنفسه كتوم لدرجة يفكرون انه مايحس
...
عند نيّاف
الجوهره : تجنن المزرعه وكبيره زين انك اشتريتها مع هالاجواء شكلنا ماعاد بنرجع البيت
انسام تضحك: اييه مانبي نرجع البيت اذا كذا بنسكن هنا
نيّاف : اصبروا لاتقاعدت وتخرجت انسام بنعيش هنا ويضحك
شِيام مو على بعضها وتحس انها مخنوقه
عروب تدق كتفها: وش فيك مابتعلميني ؟
شِيام : مافيني شي افكر بحالة وائل الحين
نيّاف يحط يدينه ع اكتافهم : وش فيهم بناتي ؟ انا جبتكم تغيرون جو وتقولون رايكم بالمزرعه
عروب تبتسم : حلوه ومكانها بعيد شوي عن ازعاج المدينه
نيّاف : وانتي ياشِيام وش رايك ؟ وتعالي اوريك وش سويت لك
شِيام : والله حبيتها وتعرف اني اعشق المزارع واجواءها بالشتاء
نيّاف يسحبها من يدها ويوريها انه سوا لها مكان لرمي الاسهم
شِيام انبسطت وحضنت نيّاف: خالي هذا احلى مكان بالمزرعه
نيّاف يأشر ع بيت الشعر : وحطيته جنب بيت الشعر اعرف انك تحبين ترتاحين لما ترمين الاسهم
شِيام تضحك: الله يخليك لنا ولا يحرمنا منك
نيّاف : تعالي اول شي اعالج هالجروح عندي مرهم لها كنت احطه ايام الملاكمه يحرق شوي بس يعالج
شِيام : اييه مافي شي بدون ثمن نتحمل الالم عشان تتشافى الجروح
نيّاف يضحك ويضمها ويدخلون عند الجوهره وانسام وعروب
انسام : بابا تعلمني ركوب الخيل ؟
نيّاف : اعلمك ليه مااعلمك كم انسام عندي بس مو اليوم خليها بكره الحين ادخلوا ارتاحوا وناموا ويطالع شِيام احطه لك انا المرهم ؟
شِيام : لا والله عادي انا بحطه لنفسي او اقول لعروب
عروب: ايه ياخالي لاتشيل هم انا بحطه لها
يدخلون انسام وعروب وشِيام
نيّاف بصوت عالي : وتغططوا زيين لاتمرضون
الجوهره تحضن نيّاف: حبيبي الحنون ياحظي فيكك
نيّاف: انا اللي اقول ياكبر حظي فييك
الجوهره تطالعه: شِيام احسها مو ع بعضها احد مزعلها ؟
نيّاف: اكيد يوسف عسى الله ياخذذه
الجوهره: ابفهم وش باقي يبي منهم حتى طفولتهم سلبها وش يبي
نيّاف يتنهد : لو بيدي اخذت البنات وهجيت فيهم لمكان مايعرفون فيه الا الفرح
الجوهره تبي تغير موده : وانا بتاخذني ولا بتخليني
نيّاف : فيه احد يعيش بدون قلبه ؟ كيف اترك قلبي واروح
الجوهره تضحك وتبوسه : اخخ يابكاشش
...
عند ابو شِيام
اسماء: والله ان بناتك قاصديين يقهروني وعروبب مامسكت القضيه الا عشان تخلي وائل بالسجن
ابو شِيام : والله ان اورييهم شغلههم لو ماطلع وائل وولدك مالقى الا عروب تمسك قضييته شفتيه وشفتي عناده
اسماء: انا عارفه انهم يبون يقهرونني وينتقمون مني ومنك فالولد
ابو شِيام : والله لو يصيير له شي ان احرقهم هم يحسبوني مابسويها لكن والله ان احرقههم
اسماء تبكي: ضاع شباب ولدييي بسبب بناتتك وحده تقدر تدافع عنه وماسوتها ووحده تقدر تطلع له تقرير وتطلعه
ابو شِيام : لو ارقامهم عندي كنت وريتهم شغلهم الحين لكن بكره اروح لهم البيت
...
عند ساري
ساري من العصبيه والقهر ماهو شايف قدامه والاصابه تنزف لكن مااهتم وراح لمزرعتهم ترك سيارته برا المزرعه ودخل
ساري يمسك فرسه شهم ويمسح عليه بيده ويحط راسسه عالفرس ويتنهد : ياشههم خويك اليوم مقهورر ولا احد فهمه والله اني سويت كل شي بيدي ربي يشهد انه مابقى شي ماسويته حتى تدخلت بشغل مو شغلي عشان يتعاقب اللي صدم هاني ويتنهد ويركب ع الفرس ويألمه كتفه مكان الطعنة
ساري يضرب الفرس عشان يسرع فيه اكثر وياخذ نفسس بقووه
وهو مرتفعه حرارته من اثار الطعنه وماتعالج وكتفه بدأ ينزف اكثثر يوقفف فجأه ويطييح ساري فاقد للوعي من على الفرس الساعه كانت تقريباً ٣ الفجر
...
في بيت الجد عبدالعزيز
اول مره يصير بيتهم في هذي الحاله مخيم عليهم الحزن والندم
الجد عبدالعزيز تعبان وساند راسه ع عصاته : وينك فيه ياساري ليه ماطمنتني
ابو ساري : انا ماعاد فيني صببر انا بطلع ادوره
طارق : الله يهديك ياعمي ساري مو صغير خله بيريح باله ويرجع
ابو طارق : الله يهدي عبدالله اللي مسكه هواش من اول مادخل وهو يحبه واكيد انه زعل منه
ياسر: اييه ساري يحب عمي عبدالله وراشد اكيد انه اخذ بخاطره منهم وطلع لاتخافون بيرجع
باهي قلقان لأن يعرف ان ساري مصاب : الله يحميك ياساري وين رحتت وانت بهالحاله
يطالعه ابو ساري : ماقال لك وين بيروح ؟
باهي : لا والله كان معصب وتعررف ساري مايتكلم ولا يقول شي اذا عصب او تضايق
(عند الحريم )
ام ساري تبكي : ولددي اللي ماعمره قصّر معهم ودايم سبّاق بالفزعات حتى النوم ماصار ينام بالنهاية يلومونه ع شي ماهو بيده
ام طارق : الله يهديك ولدك مو صغير ورح يرجع اكيد ولا يمكن رجع للدوام ماتدرين
ام ساري تضرب ع قلبها : اناا قلبيي ماهو متطمننن انا اللي وحييدي بيرووح مني بسبب عمه وولده والله ان صار له شي اني مااخليهم
ام طارق : تعوذي من الشيطان واذكري الله هو دايم لازعل يطلع بدون مايقول شي اكيد هو بخير لاتخافيين
تطلع ام ساري اللي كل شي الا ولدها وتتجه لغرفة راشد
راشد اللي جالس ع سجادته ويدعي لهاني بالرحمه ويتنهد : ياربب اكشف لي اللي قتل هاني ياربب لاتخليني اظلم احد واخذ خطيته برقبتي ياربب لاتجعلني من الظالمين يارب انت تعلم ونحن لانعلم وياخذ نفسس يارب استودعناك ساري يارر...
تفتح ام ساري الباب بقووه ويفزز راشد ويوقف
راشد : هلا خالتيي
ام ساري : خالتتيي ؟ بعدد ماقهرتت ساري وخلييته يطلع وهو معصبب قاعد وجالسس بغرفتك ولا كأنك مسووي شي
راشد مدنق راسه وماقال كلمه لان هو بعد ندمان ع الكلام اللي قاله لساري
ام ساري : والله ان صاار لولديي شي اني مااخلييك تعيشش وتطلع من غرفته
راشد يتنهد : والله اني ماكنت قاصد ياخالتي والله اني اخاف ع ساري اكثر من خوفي ع نفسي ولو صار له شي مارح اسامح حالي
"في احد طرق المزرعه ساري لسى فاقد للوعي وللحين ماصحى"
*****************************
انتهى البارت وحياة ساري في خطر "تخميناتكم هل بيموت ولا بيعيش؟"😔
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
