-عند ساري وباهي بالسيارة-
ساري بس يبتسم ويتذكر كل خطوة وكل كلمة وكل ضحكة لشِيام
باهي اخذته الهواجيس لأبتسامة عروب الخاطفه اللي طيحته مره ثانيه ويتنهد ويطالع ساري اللي متكي بيده على بالباب وكفه ع خده وشارد ومبتسم
باهي : يللا قول لي وش جابك هنا عندهم لاتقول صدفه
ساري مبتسم وشارد وماهو معاه
باهي يضغط على الفرامل فجأه ويتحرك ساري وكان بيضرب راسه بالطبلون ويطالع باهي
ساري : ماتشووف وش فيك ويمسك يده مكان الجرح
باهي : من يوم طلعنا وانا اراقبك بس مبتسم وشارد والحين اسألك وماتررد قول لي وش جابك عندهم
ساري : تصدق اذا قلت لك اني اتمنى كل مره اتصاوب واطيح وتساعدني شِيام
باهي يحط يده على جبهة ساري : حرارتك ماهي مرتفعة انت واعي ؟
ساري يبتسم: اييه وواعي اكثر من قبل وغرقت ولا ابي النجاة
باهي يضحك: انت ساري حقنا ولا ارجعك لمكان مااخذتك
ساري يطالعه : تقدر ترجعني ؟
باهي : سساري والله انك انهببلت لو يشوفونك امك وابوك بهالحالة بيقولون ودوه شهار انهبل
ساري : طيب ابي توديني المركز جبت لي ملابس صح؟
باهي : اييه جبت لك ويطالعه تيشيرت مين اللي عليك ؟
ساري : والله مدري عطاني جد الدكتوره "جاهل ان الجد اخذ من ملابس شِيام الاوفر سايز"
باهي : بسألك ذا مشعل وش علاقته فيهم ؟
ساري : ولد عمهم
باهي : يعني مو زوج المحامية ؟
ساري : والله مدري اذا زوجها ولا
باهي يتنهد : ان شاء الله لا
ساري ينزل راسه ويطالع وجه باهي من تحت : انت وش اللي تفكر فيه ؟
باهي يضرب راس ساري : انت وش فيك انهبلت هالمره منجد وين ساري الثقيل واللي الكلمه منه ماتطلع الا بالتقسيط
ساري : مدري دور له بس لاتصرفني وش اللي تفكر فيه اصلا ملاحظ عليك من اول انك بس تسأل عن المحامية
باهي يتنهد : يمكن انخطف قلبي ؟
ساري يضحك ويضرب رجله بكفه : بلغ عن المحامية بتهمة الاختطاف
باهي يضحك من ضحك ساري : والله انك عبيط لاتخليني انزلك هنا
ساري : ايه ياليتت
باهي : اييه عاد كل ماضيعناك بندورك هنا
ساري : الا كيف راشد وعمي ؟
باهي: الحمدلله صابرين وراضين بقدر الله وراشد من البارح يصحيني اكلمك يبي يعتذر منك
ساري : والله اني اخذت بخاطري منهم لكن الله يسامحهم
باهي : وعمر ذا وش بيصير له ؟ قصاص ولا سجن ؟
ساري : والله مدري اذا صدم غير عمد والمخدرات مو له مارح ينحكم قصاص
باهي : الله يجعلها له وينحكم قصاص وتبرد قلوبنا
ساري : اييه والله
ومر الوقت ووصل ساري للمركز وباهي رجع البيت بعد ماوصل ساري
.....
بيت نيّاف
نيّاف : كلموني البنات يقولون راجعين
الجوهره: بعد عيني هم خرب جوهم واحنا كنا متفقين نرجع بعد اربع ايام
نيّاف يمسح راس انسام وهي نايمه : ان شاء الله تتحسن انسام ونروح مره ثانيه
الجوهره: ماني مصدقه سالفة ان ضيق التنفس والبكى من البرد ابي اعرف وش فيها
نيّاف يمسك يد الجوهره: لاتبالغين وتتعبين قلبك تعرفين انسام مستحيل تخبي عليك شي
انسام تسوي نفسها نايمه لأن ماتبي يعرفون ان سبب حزنها رفض مشعل لها ولمشاعرها وهي اللي ماعمر احد رفض لها طلب
الجوهره: حبيبي روح نام ارتاح انا بضل عندها
نيّاف : لا مااقدر انام وبنتي تعبانه وامها حزينه كيف بنام؟ ويقوم ويبوس راس الجوهره "انتي نامي انا بضل مع انسام ارتاحي وريحي قلبي
الجوهره تحضنه بقوه من جهته اليسار وتحط راسها عند قلبه : قلبك الحنون ذا الله لايحرمنا منه
نيّاف: ولا يحرمني منك ولا من بنتنا
الجوهره تنسدح جنب انسام وتتحضنها وتغمض
نيّاف يجلس على الكنبه ويقابل الجوهره وانسام وماغمضت له عين من القلق بس مايبي يخوف الجوهره
....
بيت الجد عوض
مشعل متسطح على الكنبه ويده على عيونه
الجده مليحه: وش فيك يامشعل تعبان؟
مشعل يتنهد : هموم الدنيا ياجده
الجده تقرب منه وتمسح على راسه : بسم الله عليك من هموم الدنيا وكدرها
مشعل يرفع يده عن عيونه ويطالع جدته : وش علاج اللي تحبه ومايحبك
الجده تبتسم وجلست جنبه : حفيدي يحب ؟
مشعل مايبي جدته تعرف بحبه لعروب وهو باقي مااعترف لها : لا ويني ووين الحب ياجده بس اسأل
الجده : لاتخبي على جدتك ياحبيبي وتكتم بقلبك وانت تعرف لو كتمت ماهوب صالحك
تنزل عروب لابسه بتروح للسجن تشوف وضع اخوها وتشوف الجده جنب مشعل ويدها على راسه
عروب : وش فيه دلوع جدتي
مشعل يفز : وانا حفييد عوض مين الدلوع
عروب : انت من غيرك يعني
مشعل: عروب بتسكتين ولا شلون
عروب تطلع لسانها عشان تقهره وتطالع جدتها : تبين شي جدتي بروح لوائل بشوف التطورات بقضيته
الجده مليحه: الله يحفظك حبيبتي وشِيام وينها؟
عروب: فوق تتجهز بتروح للعياده تقول فيه مرضى
مشعل : تبين اروح معك ؟
عروب : تروح معي وش تسوي خلك هنا جدتي تمسح شعرك وتعطيك حلاوه وتضحك وتطلع
مشعل يطالع جدته : شفتي ههي اللي تنرفزني ويقوم
الجده مليحه : الله يهدي بالك ويبعد عنك هموم الدنيا
الجد عوض جاي من غرفته : علامك تكلمين نفسك
الجده: مدري احس مشعل مهموم ولا شكى لي
الجد عوض : وش يشكي لك رجال تراه ويعرف يحل اموره بنفسه
شِيام : تبون شي ؟ ابي اروح العياده
الجد عوض : ماتبون تريحون انفسكم شوي توكم جايين من المزرعه
شِيام : والله عندي مرضى ومااقدر ارتاح وهم بحاجتي
الجده: الله ينور دربك يالغاليه
وتطلع شِيام من البيت وتركب سيارتها بس قبل تمشي اتصلت غيد
غيد : الو شِيام وينك
شِيام : جايتك للعياده ليه وش فيه ؟
غيد: كلمني دكتور نفسي من جهة عم ماجد اللي بالسجن
شِيام: اي ماجد ؟ اللي ورط وائل؟
غيد: اييه يقول يبي التقارير وقلت له مااقدر اعطيك الا بوجود الدكتوره وهو ينتظر
شِيام : طيب يللا جايتك لاتعطينه شي لين اجي
.....
في المركز
ساري معصب ويضرب بالملفات الطاوله : وشش يطلععع مجرم وممسكوك بالجرم المشهود وكل الادله ضده وانتت قلت لراشد انه اعتررفف ككيف ييطلع ؟
صالح : والله انه اعترف وتعال اوريك التسجيلات لكن جابب ابوه تقارير انه مريضض نفسي وغير واعي لتصرفاته
ساري يضحك بإستهزاء ويمسك صالح من رقبته : عمرر مريض نفسسي ؟؟؟ عمر مجرم ولا عنده اي اعراض للنفسيه يعني غبت يومين تقومون تطلعوون القتله والمجرمين
صالح يفك ساري : طيب ش نسوي اووامر ولازم نتبع الاوامر واذا عندك شي رح لمديرنا جاتنا الاوامر من عنده
ساري بعصبية: اييه اروووح له ليه مااروح ماهوووب حلى اللي يقتل ويهرّبب يطلع تقرير نفسسي وينفذ ويطلع ويصك الباب بقوه
صالح يتنهد: والله انه موب يدي وانا اعرف ومتأكدد انها واسطه
-عروب وصلت للمركز-
تكلم المسؤولين انها تبي تقابل وائل وتدخل
ساري بصوت عالي : سييدي انا اكلمك بصفتي محقق مو بصفتي قريب للضحية وارفض رفض تام انه يطلع وبدونن مايتعاقب او يتحاسب على افعاله
المدير : يامحقق ساري انت تعرف بالنظام وانا طبقت النظام جاب ورقه رسمية وجاب دكتور ان الولد ماهوب بوعيه من لما كان صغير عنده نفسيه ولا يحق لنا نعاقبه وهو غير واعيي
ساري يمسح وجهه بقوه : انااا مارححح اخليي الموضووع يمششي
المدير يعصب ويرفع صوته : وشش تسوي انت تتحداني ؟
ساري ماتكلم وطلع من عند المدير بسرععه ويقابل صالح
ساري: مو قلت لكم ماتسمحون لأحد يشوفه ؟
صالح: جا ابوه ومعاه دكتور نفسي واثبتوا وجابوا اوراق رسميه وطلع اليوم الصبح
ساري : لاتقول ان ماجد بعدد طلعع ؟
صالح: لا لسى بالحجز
ساري يروح لماجد
-عند عروب ووائل-
وائل شاحب ونحفان وواضح الم القهر والحزن فيه
عروب: وائل حبيبي رح تطلع قريب ان شاء الله
وائل : اطلع ؟ ماعاد عندي امل وثقت فيك وفي شِيام لكن صار لي شهرين ومابقى شي وتكمل ثلاث شهور على وجودي هنا
عروب : يشهد الله اننا قاعدين نساعدك وجبنا عمر واعترف بعد بس قلت لك من اول القضية ماهي بسيطه
وائل يمسك يد عروب: احلفيي انه اعترفف واعترف وش سوا فيني بعد؟
عروب : لسى بطلع الحين اشوف اقواله لكن ايه اعترف انه هو اللي صدم الولد
وائل يدنق ويحط يدينه على راسه : الحمدلله ياررب الحمدلله انهم عرفوا اني بريء ومظلوم
عروب تمسح على ظهره : انا بطلع انت انتبه لنفسك ولأكلك وصحتك ان شاء الله خروجك قريب
وتطلع عروب بتروح مكتب ساري وتلاقيه موب بمكتبه وتسأل عنه قالوا لها عند ماجد
عروب : طيب اقدر اشوف عمر؟ ابي اعرف وش سوا في وائل
صالح : والله مدري وش اقولك لكن عمر طلع اليوم الصبح
عروب : وشش طلع اقصد عمر اللي متهم بقتل هاني
صالح : ايه هو طلع بتقارير نفسيه تثبت انه موب بوعيه
عروب عصبت: ممكن تنادي المحقق المسؤول؟
صالح : دقايق ويجيك ويروح يناديه
عروب تمسك جوالها وهي بتموت من القهر وتكلم شِيام
شِيام : هلا عروب
عروب والغصه بكلامها: طلعوا الطرف الثاني في قضية وائل طلعوه بتقارير نفسية
شِيام توقف وهي كانت جالسة: وشش تقولين مين ؟ عمر ولا ماجد ؟
عروب: عممر جعل ماففي عمر يقولون ابوه طلعه بتقارير نفسية تذكرين وش قال مشعل ؟ قال ان ابو عمر برضو قبل سنين قبضوا عليه بنفس التهمة اظن انه طلع منها بنفس الطريقة
شِيام : اييه وانا اقول ليه طلبونا تقارير ماجد ناوين يطلعونه بعد انتي وين لسى عند وائل؟
عروب : ايه بالمركز ابي اقابل المحقق المسؤول
شِيام : المحقق المسؤول مو ساري ؟
عروب: اعتقد انه مو موجود اليوم نسيتي ان ولد عمه اخذه اليوم اكيد مابيكون موجود
شِيام: طيب انا جايتك والله مايطلعون منها مثل الشعره من العجينة واخونا يتورط
غيد: انتظريني بجي معك
عروب : طيب انتظرك وتلتفت وتشوف صالح ومعاه ساري
عروب تتقدم لهم وتتكلم : السلام عليكم توقعتك مارح تداوم
صالح يطالع بإستغراب: ليه مين قال لك انه مارح يداوم ؟
ساري : لا مريت هنا مارجعت البيت تعالي للمكتب
عروب تدخل وراه وعلى طول تسأله: عمر ليه وكيف طلع ؟
ساري يتنهد: انا اللي بشرت الدكتوره ان اخوها بيطلع الحين كيف لي عين اشوفها طلعوه الشباب الصبح جاب ادلة رسمية انه مريض نفسي
عروب : طيب وكيف سمحتوا له يطلع وهو قاتل يعتبر ؟
ساري : جاب ادله رسمية
عروب : شِيام قالت لي انهم طلبوا بعد تقارير لماجد
ساري يعصب: وش قاعدين يسوون ذول
**************************
أنت تقرأ
نظرتك كانت بحر ونظرتي كانت غريق
Chick-Litالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
