بيت نيّاف
الجوهره: وش فيه ؟ البنات صاير لهم شي؟
نيّاف : الله يهديهم بيرجعون ابوهم وزوجته لحياتهم من اول وجديد
الجوهره بقلق: لييه وش صاير ليكون بيرجعون عنده
نيّاف: لا بس وائل اخوهم دخل السجن وعروب مسكت قضيته
الجوهره: طيب وليه مسكت هي القضيه ؟ ابوهم بينكد عيشتهم لو ماطلعوه
انسام تنزل من غرفتها : وش فيكم ؟ ومين اللي ابوهم بينكد عيشتهم ؟
نيّاف: شِيام وعروب الله يهديهم ويصلحهم ويبعد عنهم كل شر
انسام : وش السالفه
الجوهره: اخوهم الصغير مسجون وعروب بتمسك قضيته
انسام: ووش قضيته
نيّاف: والله مدري ماسألت عروب
انسام : الله يستر مايكون قاتل احد
الجوهره: لا بسم الله اكيد مايسويها
انسام : والله مدري من سوالفكم عن امه وابوه اتوقع بيطلع هذي تربيتهم
............................................
بيت الجد عبدالعزيز
ساري محتار وضايع وجالس بالحوش ويتأمل السماء ويتنهد
باهي: وش فيك صاير شي جديد بالقضيه ؟
ساري : لا بس ماادري فيه احساس يقولي انه صادق وبريء
باهي مانسى عروب يبي يعرف وش علاقتها : طيب البنت المحاميه هي بتمسك قضيته ؟ اللي شفناها يوم رحت مع راشد
ساري : ايه اظن انها اخته بعد
باهي : بعد ؟ مين غيرها
ساري يتنهد : الدكتوره النفسيه
باهي : اللي يقول راشد انها هاوشتك؟
ساري : محد هاوشني لكن كان سوء تفاهم
باهي : اها سوء تفاهم
ساري يطالعه ويعصب: والله سوء تفاهم
باهي : طيب صدقتك ليه معصب
ساري توتر: طيب بقوم انام عندي يوم طويل بكره بنطلع ندور على ادله
باهي : والمحامية بتجي بكره ؟
ساري يطالعه بإستغراب : مدري بس اكيد ايه ليه تسأل
باهي : ولا شي بس اسأل
ساري ماصدقه بس مو فاضي له الحين : طيب انا بقوم انام
باهي: تصبح ع خير
ساري : وانت ماوراك شي بكره ؟
باهي : لا ماعندي هالاسبوع شي
ساري : طيب تصبح ع خير ويروحح
باهي يحط يدينه تحت راسه ويتكي ع الكرسي : مدري هي بخير الحين ولا ويتنهد
.................................................
الساعه ١١ الصبح في بيت الجد عوض
يدق الباب ويفتح مشعل
ابو شِيام يدفه : ابععد عن وجههي وين عرووب وشِيام
مشعل عصب : وشش تبي فييهم ؟
ابو شِيام: مشعلل انقللع عن وجهي لاادفنك هنا
مشعل : يللا اذا اننت قددها ادفني هنا
ابو شِيام : انتتت قليل ادبب كيف تتتكلم معي كذا
مشعل : والله اللي مايحترم نفسه مانحترمه
عروب وشِيام ينزلون ع صوت ابوهم
الجده مليحه : وش جاييبك ؟ حتى مافكرت تسأل كل هالسنين والحين جاي تبيهم
ابو شِيام : مو انتوا تبريتوا مني عشان هالعلتين
شِيام عصبت : نعم وش جايبك ؟ هذا انا قدامك ولا ماكفاك الكف اللي عطيتني اياه ؟
الجد عوض ماكان يدري انه ضرب شِيام : ياللي ماتستحي ع وجهك سنين ماجيت واول ماشفت بنتك تضربها ؟ والله اني ماني ندمان اني متبري منك
ابو شِيام : تببريت ولا ماتبريتت ماتفرق لكن والله ياعروب انتي وشِيام ان ماطلعتوا اخوكم هاليومين ان اشوف شغلي معكم
عروب بعصبيه : والله لو مو وائل واعرف انه مسكين ومظلوم ماكنت مسكت قضيته لأنك انت ابوه واسماء امه بس وائل ماله ذنب انكم اهله
ابو شِيام يقرب يبي يضربها ويوقف في وجهه مشعل
مشعل: لاتتجرأ وتلمممسها والله ماافكر اذا كنت عمي ولا بطييخ الا عروب
شِيام تتقدم وتجي بين مشعل وابوها : شِيام الصغيره اللي كانت تخاف وتهررب ماتتت والله ان لمست عروب ان اسجنك
ابو شِيام : يالعاقييين ياللي ماتسوون ريال خساره انكم حامليين اسمي
شِيام بعصبييه : لو بييدي ماربطت اسمي بأسمك وياليت لاتتدخل في قضية وائل لانك انت السبب انه وصل لهالحاله
ابو شِيام بصوت عالي : اقسسم بالله ان ماطلع وائل ان احررقكم ويطلع
عروب تجلس ع الارض : كلام خالي كان صح رجعنا المشاكل لبيتنا
مشعل واقف يطالعها وهو يحترق ووده يضمها
شِيام تنزل لها وتحضنها : لا تخافيين انا موجوده انا مارح اخلييه يدخلل حياتنا مره ثانيه
نيّاف يدق الباب : وش فيكم وليه الباب مفتوح ؟
الجد عوض : حياك الله تفضضل
عروب ع الارض وتبكي وشِيام حاضنتها ويشوفهم نيّاف ويتقدم لهم بسرعه : وش فيكم ؟ احدد سوا لكم شي ؟ عروب فيها شي؟
عروب ماقالت شي
شِيام : لا خالي مافي شي
نيّاف: شِيام قووولي وش صاار ولا تخلييني اععصب قوولي
مشعل : جا ابوهم وهاوشهم عشان وائل
نيّاف عصب: ييوووسف انا اوريييك حذذرتهه انه مايقربب منهم ويطلع بسرعه ويطلع معاه مشعل
الجده مليحه: الله يهديك يامشعل ليه تقوله الحين بيتضاربون
الجد عوض جلس ع الكنبه ومنزل راسه : انا ماربيته كذا ماعمري رفضت له طلب ليه طلع كذا
الجده مليحه: والله ماقلب عقله الا اسماء الله لايسامحها
شِيام تسند عروب ويروحون الغرفه
عروب تبكي : طيب احنا وش ذنبنا احنا وشدخلنا اذا ولده ماطلع صح كاسر خاطري وائل لكن احنا بعد نكسر الخاطر احنا بعد بناته
شِيام : لا احنا مانكسر الخاطر ولا نسيتي انك كبرتي وصرتي قوويه ومحامية ولك هيبتك انتي مو عروب الضعيفه
عروب تحضن شِيام : دامك معي انا بخير وقوييه
شِيام تضحك : طيب انا معك وناشبه لك بعد
عروب تمسح دموعها : انا بقوم اتجهز بروح لوائل اسبوع ماشفته ابي اعرف وش تذكر بعد عشان يفيدنا
شِيام : طيب ياعمري تبين اروح معاك ؟
عروب تبتسم : لا اختتك قويه وقدها لاتخافيين
شِيام : طيب يالقوية انا بخلص شغلي بالعياده وباخذ اجازه عشان نقدر ندور شي ينفعنا لوائل
عروب : طيب يامساعدتي الجديده وتضحك وتروح
.............................................
بيت الجد عبدالعزيز
الجد عبدالعزيز : صار شي جديد بقضية ولد عمك ؟
ساري : لا والله للحين لسى نبحث عن ادله وتعاوننا مع مكافحة المخدرات
ابو راشد معصب: مر اسبوعيين وانت باقي تماطل عشان مايدخل هالولد السجن انت ماتبي ولد عمك يرتاحح
ساري: والله اني قاعد اسوي كل شي بيدي
ابو ساري : عبدالله اذكر الله الولد يقولك قاعد يسوي كل شي بيده
راشد نازل من فوق : اييه لسى نبحث عن المهربين لكن مايمنع ياساري انك تسجنه بتهمة قتل عمد لانه عرف اني اخوه وقتله
ساري عصب: راششد انت تعرفف بالقانون ومايحتاج اقولك وش لازم نسوي
راشد بعصبيه : ساااريي انا ادري انك تماطل بالقضييه لكن تققدر تدخخخله بتهمة القتل وبعدها نضيف قضية التهريب
ساري مسك نفسه يعرف ان راشد تعبان ع موت اخوه : طيبب انا برووح
راشد: الييوم تسجنونه انه قاتتل تسمعني ياساري
ساري عصب وطلع ونسى جواله ع الطاوله
الجد عبدالعزيز : عبدالله انت وراشد علامكم على ساري هو مايقدر يسوي شي الا بأدله
ابو راشد: والادله موجووده طيب وش يبي اكثر
ابو ساري : ولدي مايبي يظلم احد ويقوم
يصادف باهي نازل من الدرج : مساك الله بالخير عمي
ابو ساري مارد معصب وطلع لغرفته
باهي ينزل ويشوفهم كلهم معصبين : وش فيكم ؟
راشد يقوم ويطلع ماقال شي
ابو راشد : سساري مايبي يسجنن الولد اللي قتل هاني
باهي : اذكر الله ياعمي ساري اكثر واحد يبي ياخذ حقق هاني بس تعرف شغله صعب ومايقدر يظلم احد
ابو راشد : اييه كلككم ضد ان اللي قتل ولدي يتعاقب مو مظللوم هو قاتتل ويقوم
الجد عبدالعزيز ياخذ نفس : لا حول ولا قوة الا بالله
باهي يجلس ويشوف جوال ساري ع الطاوله : مو هذا جوال ساري راح وتركه
الجد عبدالعزيز : اذا بيمديك الحقه والله اني خايف عليه طلع وهو معصب
باهي : ابشر ياجدي وياخذ جوال ساري ويطلع
..................................................
بيت ابو شِيام
نيّاف يدق الباب بقوه ومشعل يمسكه : خلاص ياخالي انت تعرف ان البنات ماقالوا لك عشان مايدخلونك بالمشاكل
نيّاف يطالع مشعل بعصبيه : انا ححذذرته ومن سنننين
ابو شِيام يفتح الباب : اوههه نيّاف وش جاببك
نيّاف يسحبب ابو شِيام من رقبته ويحده ع الباب : انننا مو حذرتك لاتقرب من بنات اختتي ؟
ابو شِيام يحاول يفك نفسه : انتت باققي مستقووي علينا ترى بنات اختك بناتي بعدد
نيّاف بعصبيه : بناتتك هاه وتوك تتذكر ان عندك بنات ويضررب ابو شِيام ويدخل بينهم مشعل يفرق بينهم بس ماقدر يفك ابو شِيام من نيّاف
ابو شِيام : اييه ولا كنت ابي اتذكرهم بعد ورح يطلعونن اخوهم وغصب عنك وعنهم
نيّاف : والله ولدكك يايوسسف وتربيتك وصلته لهنا تحممل اعقاب تربيتك وان سمعت انك قربت للبنات والله العظيم ان ادفنك تفههم ادفنك وماني سائل عن شي ويفكه ويدففه
ابو شِيام : هيين يانيّاف وان ماطلع وائل وورطوه بنات اختك بالقضيه اقسم بالله ان احرقك واحرقهم
نيّاف بيهد عليه مره ثانيه ومسكه مشعل : خلاص ياخالي لاتكبر الموضوع تعرف انه مشكلجي
ابو شِيام : والله وطلع لك لسان يامشعل
مشعل طنشه وسحب نيّاف للسياره
نيّاف معصب ويضرب الصدام بيده : انا ققلت للبنات لايررجعون يدخلونه لحياتهم بس ماسمعوني الحين حالتهم رح تنتكس
مشعل: لاتخاف عليهم البنات اقوى من قبل
نيّاف يتنهد : حسبي الله عليه من اب والله انها حوبة البنات وصل ولده لهالحاله
مشعل: اهدأ ياخالي والله انه بس كلام مايقدر يسوي شي ويشغلون السياره ويمشون
***************************
انتهى البارت ارائكم تهمني وتشجعني😔🤍
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
