بيت الجد عبدالعزيز (الصبح)
طارق: لقوا اللي صدم اخوك وبيتنفذ عليه الحكم اكيد ياينسجن ياقصاص
اثير تبكي وتضرب صدر طارق : انا اللي بقتتتله مابنتظرر القصاص اخخذ هاني من بيننا وهو باقي في اول عمره
طارق يمسك يدينها : لازمم تقوويين يااثير عشانك وعشان عيالنا وعشان اللي ببطنك
اثير تضرب بطنها بقووه : اببيي اخخذ حقق اخووي انت لو تحبنني اخذت حق اخووي
طارق عصب: اثييير انتتي لازمم تسيطرين على حزنك كلنا حزننا على فراق هاني بس مو لدرجة تبين تأذين نفسسك
اثيرر منهاره : انت تعرف اني كنت اعتبره ولدي مو بسس اخوي انا مربيته يوم كانت امي تعبانه انا فقددت قطعه من قلبيي
طارق يحضنها : اعررف وحاس بحزنك بس مايصير كذا لازم تصبرين يومه محد يقدر يعيش اكثر من يومه
اثير تبكي وتحضن طارق بقوه وعندها بداية اكتئاب وقلق شديد وهي حامل
باهي جالس ويفكر يتصل على ساري ولا لا
راشد : زين لقيتك صاحي عطني الرقم اللي كلمك منه ساري
باهي : لا مااقدر حلفني مااقول لاحد وانت لو مااعرف ان ساري عزيز عليك ماكنت قلت لك انه مو بمهمه
راشد : باهيي طيب ع الاقل انت دق وعلمني وينه ووش فيه وليه مايبي يرجع البيت
باهي : طيب بشوف لان تعرف ساري مستحيل يقولك وش فيه واعتقد انك تعرف انت وابوك ليه مايبي يرجع البيت
راشد: طيب انا ابيه يرجع او اروح له واعتذر منه
باهي : طيب اذا كلمته قلت لك بس قول لي وش صار بقضية هاني
راشد يتنهد: الزفتت اعترف انه صدم هاني لكن انكر ان المخدرات له
باهي : اجل لمين اذا مو له وقبضتوا عليه وهي معاه
راشد: يقول لماجد ووائل
باهي قلقان : يعني المحامية اخوها مهرب مخدرات ؟
راشد: للحين ماندري مافي ادلة وساري هو ماسك القضيه
باهي هوجس بعروب ويقول بينه وبين نفسه : بس البنت شكلها متزوجة ويتنهد
راشد يطالعه : انت وش فيك ؟ صاير تسرح وتتنهد مو من عوايدك وبعدين ماعندك دوام ؟
باهي: باقي لي من اجازتي يومين وتفتك من وجهي
راشد : زيين وخلني اقابل ساري لايسوي انه يتغلى لااطرحه
باهي : خلاص طيب قلنا لك ويقوم
راشد: الحمدلله والشكر وش فيك الاخلاق يادوبك ويقوم وينزل عند جده وابوه
ابو راشد : تعال عرفت شي عن ساري ولمتى بيقعد بمهمته ؟
راشد: لا والله لسى
الجد عبدالعزيز : عسى الله يحفظه ماادري ليه احسه مو بمهمه
راشد : لا لا بمهمه وتعرف شغله يطارد قتله مو بسيط ولازم ماينتشر خبر المهمه
الجد عبدالعزيز : وهذا اللي مقلقني
راشد: وين عمي جاسر وعمي سالم ؟
الجد عبدالعزيز : جاسر مانام انا اجبرته يقوم قلقان على ساري وسالم مانزل لسى
ينزل طارق : راشد تعال شف اختك
راشد: وش فيها ؟ ويلحق طارق ويلحقهم ابو راشد
اثير تصرخ وماسكه اذونها
راشد يجي ويحضنها : اثيير وش فيك ياعين اخوك
اثير : هاني كل ماغمضت جاني يقول مااخذتوا ححقي انا لازم اقتل اللي قتله
راشد: تعوذي من الشيطان وانا اخوك هذي كلها كوابيس واوهام هاني راح لرحمة الله وامس قبضنا ع اللي صدمه واخذنا حقه الله يهديك انا قلت انك بتهدين امي طلعتي انتي اللي انتكستي
اثير تبكي وتدف راشد : كللها بسببك وانت تطارد المهربين لين انتقموا بأخونا
راشد عصب : اثيير ماله دخل شغلي بموتة هاني واحنا نطارد المهربين عشان نحمي عيالنا وبناتنا حتى لو بموت مارح اترك ولا مهرب
اثير : اطللع ياراشد ماابي اشوفكك اطللعع
ابو راشد : الله يهديك وانا ابوك انتي مؤمنه وتعرفين ان الاقدار بيد الله لا هي بيدك ولا بيد اخوك كلنا حزينين لكن ما باليد حيله اهدي وتعوذي من الشيطان وصلي ركعتين
راشد نازل وهو كل عصبية العالمين براسه وبيروح لعمر ووائل وماجد يطلع حرته فيهم
....
-بالمستشفى-
انسام بالطوارئ وعندها اضطراب ضيق التنفس اذا تضايقت يضيق نفسها وتفقد الوعي
الجوهره حاطه راسها على كتف نيّاف وتبكي: بنتنا يانيّاف
نيّاف وهو قلقان وحزين بس يهدي الجوهره: هي بخير بس يمكن جو المزرعة ماناسبها تعرفين بنتك ماتدفي نفسها
الجوهره تقوم وتمسك يد انسام : اصحي لاتموتيني رعبة عليك
انسام تفتح عيونها بشويش وتنطق ماما
الجوهره تفز: ياعيون ماما ياقلب ماما
انسام بتشيل الاكسجين
نيّاف: لا ياروح بابا لاتشيلينه شوي ويجي الدكتور
انسام تشيله وتبتسم : خوفتكم علي ؟
الجوهره: الله لايحرمني هالابتسامه وجععل يومي قبل يومك
نيّاف يشد خدها: اييه خوفتينا ليه ماقلتي لنا انك تعبانه ؟
انسام تتذكر مشعل وتاخذ نفس: بس انا مو تعبانه
نيّاف : بقوم انادي الدكتور
الجوهره تمسح ع شعر انسام : وش فيها حبيبة ماما ليه كنتي تبكين ؟
انسام : مافي شي ياماما بس حسيت بضيق بالتنفس وبكيت
الجوهره تحضنها : الله لايحرمنني منك
نيّاف رايح للدكتور ويدق جواله " شِيام"
نيّاف : هلا بحبيبة خالها تو بكلمك
شِيام : طمني ياخالي كيفها انسام
نيّاف: الحمدلله ابشرك انها بخير بس عندها ضيق تنفس يمكن من البرد
شِيام : الحمدلله والله اني قلقت عليها الله يخليها لك ياخالي ولا يفجعك فيها
نيّاف : اللهم امين ويخليك انتي واختك لي بعد .. الا اقولك المريض اللي عندك ان شاء الله انه قرر يروح
شِيام : والله مدري ياخالي للحين ماشفته اخر مره شفته معك البارح
نيّاف : شوفي له وحطي له فطور وانتبهي لنفسك هو ضيفنا مانقدر نجوعه وهو عندنا
شِيام : خيرك سابق ياخالي وماتقصر بس انا مانمت بدري عشان كذا ماصحيت الا توي وبروح اشوف له
نيّاف: والله ماكان ودي انها تخرب طلعتنا قلت ببعدكم عن ابوكم بس جاتنا مشاكل غيره
شِيام : لا تقول كذا ياخالي بس خلاص احنا بعد بنمشي اليوم كلمنا مشعل يجي لنا
نيّاف: والكارثه اللي عندك وش بتسوين فيه
شِيام: ماعليك بخلي مشعل يوديه الشرطه
نيّاف : ان شاء الله نرجع بعدين للمزرعه وبدون مشاكل ولا مصايب
شِيام: ان شاء الله واذا رجعتوا البيت طمنوني
نيّاف: طيب وانتم بعد لا رجعتوا طمنوني واذا مشعل مشغول عادي انا اجيكم
شِيام: لا ياخالي اصلا مشعل جا من الفجر بنتجهز ولما نمشي برسل لك
نيّاف : بحفظ الرحمن استودعت الله فيكم واعتذريلي من جدك وجدتك
شِيام: من عيوني وتقفل
أنت تقرأ
نظرتك كانت بحر ونظرتي كانت غريق
Chick-Litالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
