عند يوسف ابو شِيام
اسماء: يابعد روحي توك صغير مافي سيارة
وائل : كلهم معاهم سيارات الا انا يمه
اسماء: وانا قلت لا يعني لا
وائل: اجل بروح لجدي مثل شِيام وعروب
اسماء تعصب وكانت بتضربه : تببي تصير عاق مثلهم
وائل: اجل كلمي ابوي اني ابي سياره
ابو شِيام تو داخل البيت : مين اللي يبي سياره تعال تعال
وائل: يبه ترى كبرت واحتاج سياره وامي تقول لا
ابو شِيام : كم وائل عندي ابشر بالسياره اللي تبيها
وائل يبوس راس ابوه : الله يخليك لي ويطالع امه بطلع مع اصحابي
اسماء : ومين هم اصحابك اللي كل ليله تروح معهم
وائل: كل يوم اقولك يمه ولد جيراننا عمر وولد خالته ماجد
اسماء: استودعتك الله مع اني ماابي تمشي معهم سمعتهم موب زينه
وائل يأشر لها بيده يعني مع السلامه بروح
ابو شِيام : والله اني سمعت عنهم بعد انهم مفحطين
اسماء : الله يحفظه
ابو شِيام: ماودك نجيب له اخ
اسماء: تعرف اني رحت كل المستشفيات بس الله مارزقنا الا ب وائل الله يجعله بار ومرضي والدين ولا يطلع مثل شِيام وعروب
ابو شِيام : اللهم امين
......................................
عند الجد عوض
شِيام : انت احكم بيننا ياجدي
مشعل: اييه جدي له سنوات يعلمك ترمين اسهم يعني اكيد بتفوزين
شِيام تضرب راسه : وعلمك انت بعد بس مشكلتك غبي
عروب تضحك: شِيام تكفين خفي عليه لاتخوفينه وماينام من الرعبه
مشعل : خالي شف لك حل مع بنات اختك تراهم شيبوا راسي
نيّاف يضحك: علامكم عليه هو بعد يعرف يرمي سهام
مشعل يطالع نيّاف وبصوت واطي : تبي الصدق لا والله اني مااعرف ويضححك
عروب : اجل ليه تقبل تحدي منت قده ولا شِيام عطتك نظره وخفت
مشعل : عروب لاتخليني اجيب الددسن وارجعك فيها
عروب : لاتككفى صارر كابوسي هالقرمبع حقتك ذي اللي يشوفك يقول مسكين ماعنده شي
الجد عوض : وهي صادقه اعتق هالسياره عندك غيرها
مشعل يضحك: لا الا القرمبع لحد يغلط عليها
نيّاف يستفز عروب : عطها لعروب تداوم فيها وبشتريها منك
مشعل : اي والله فكره ويطالع عروب وش رايك وترى سريعه
عروب : انت شكلك اشتقت للضرب
مشعل : اييه والله منك ايه بس من شِيام لا كنت بفقد كليتي ويضحك
شِيام: مشعل لاتبالغ ترى اخليك تفقدها الحين من جد
مشعل: عروب انا في وجهك قولي لأختك اني امزحح
عروب تضحك: خلاص ياشِيام بوجهي هالمره
يضحكون عليهم الجده والجد وخالهم
نيّاف: عسى الله يديم ضحكاتكم والله اني ارتاح لاشفتكم مبسوطين
شِيام : ويديمك لنا انت وجدتي وجدي الله لايحرمنا منكم
عروب: اميين ويرحم امي ويغفرلها ويبدأ يعم الصمت في المكان
مشعل وهو يبي يغير الجو وبصوت عالي : ياججدي شف حفيدتك تقول عني طعسس
الجده مليحه : وهي صادقه انت وهاللبس وهالسياره
عروب تضحك : الحمدلله ان جدتي شاهده معي
الجد: الا مشعل هو صح فيه حركات الطعوس شوي بس ماهوب طعس
مشعل : اووهه ياجدي جيت بتكحلها عميتها ابيك معي صرت علي
نيّاف يضرب كتفه : مشعل ماله في هالامور مشعل رجل اعمال ناشئ
عروب تضحك بصوت عالي : اييه هيين
مشعل وهو يطالع ضحكات عروب وبس يبتسم
شِيام : مابتذوقيننا شاهي من يدينك ؟
الجده مليحه : لا اخاف عليها من النار
عروب : يابعد راسي ياجده لاتخافين ماعادني عروب الصغيره
مشعل : مسويه انك راعية شاهي بعدي بس انا بسوي لكم هذاك الشاهي
الجده : شِيام البسوا انتي وعروب شي يدفيكم لاتمرضون
نيّاف : انا بشرب معكم الشاهي وبتيسر باخذ الجوهره وانسام وارجع البيت
شِيام : والله اني اشتقت ل انسام والجوهره
عروب : والله وانا بعد وتطالع خالها لاتقول انك مو مطولين هنا
نيّاف : والله ان ماعندي الا ٣ ايام بس وش رايكم تروحون معي لحايل ونرجع ؟
مشعل بدون مايفكر : لا
يطالعونه شِيام وعروب
عروب: وانت وشدخلك
شِيام تضحك: وش قال وش فيك مستقعده له
عروب : ينرفزني هالطعس وترجع تطالع خالها بكره جيب ماما جوهره وانسام
نيّاف: من عيوني بس ماجاوبتوني
شِيام : والله اني مااقدر اروح واترك جدتي وتعرف عندي تدريب مااقدر اروح
عروب : انا مع شِيام اذا راحت اروح
نيّاف يبتسم : الله لا يفرقكم
مشعل ارتاح انهم مابيروحون : وجبت لكم احلى من شاهي عروب بمية مره
عروب : لو قلت بمرتين صدقتك بس بميه كثير
مشعل يصب الشاهي لعروب: واول فنجان لعاشقة الشاهي ذوقي وعطينا رايك ويبدأ يصب للباقي
نيّاف: المفروض اول فنجان لجدك والثاني لججدتك بعدها احنا
مشعل : ماتعرف طبع بنت اختك؟ اذا ماشربت اول فنجان ماتتقهوى
نيّاف يضحك: اذا كذا بنمشيها لك هالمره
وتقهووا وراح نيّاف ياخذ الجوهره وانسام وبقوا الباقي بالمزرعة
...............................................
( جاء الوقت الحاضر وكلن حقق حلمه شِيام طبيبه نفسية بمستوى عالي ، عروب محامية مع ماجستير ومالها كثير من يوم رجعت من لندن ، مشعل رجل اعمال درس بالخارج ورجع وطور شغل جده وصارعندهم شركات ، ساري صار محقق مايخسر ابدا ، راشد شرطي في مكافحة المخدرات ، باهي طيّار، طارق محاسب في معرض سيارات لجده جاب من اثير ولدين واحد سماه ع اسم جده عبدالعزيز والثاني سماه متعب وزوجته حامل ، ياسر عاطل وجده ربطه ببنت عمه الاء ، وائل صار حتى مدرسته مايروح من الهياته ، هاني دخل نادي كرة القدم وحلمه يصير لاعب ، انسام تدرس طب اسنان )
عند بيت الجد عبدالعزيز
الجد عبدالعزيز : للحين ماجاء ساري ؟
طارق تنرفز: اييه للحين ما جاء محقق الغفله
الجد عبدالعزيز يضرب بفنجان القهوه ع الطاولة بقوه : وش تقول عن ولد عمك؟ رفع روسنا احسب كم قضية مسكها
طارق : اييه وهو ماشاء الله يجي لك ويعطيك كل شي يصير وبعدين ترى تعتبر اسرار دولة
يدخل راشد : السلام عليكم ويطالع طارق وش هي اللي اسرار دوله يالنسيب
طارق : اسأل جدك ويقوم
الجد عبدالعزيز : ابي اعرف ليه مايحبون ولد عمهم مع انه اطيب واحد ولا عمره اذاهم
راشد يضحك: خلهم انا احبه عنهم كلهم والله انه اخوي اللي ماجابته امي
الجد عبدالعزيز : الله لايفرقكم ويحببكم ببعض ويهدي طارق وياسر يعقلون
ساري دخل من الباب : مسساك الله بالخير ياعزوز ويسلم ع راسه
الجد عبدالعزيز : مساك الله بالنور هاه علامك طولت اليوم
راشد يضرب راسه : وش عزوز اصغر عيالك هو ويضحك
ساري يلف يده ع رقبة راشد ويضحك : ترى اطرحك هنا
راشد يضحك : لاتتحدى شرطي
ساري : ايه ياحضرة الشرطي قم صب للمحقق قهوه خلني اقولكم وش صار اليوم
الجد عبدالعزيز : قم وانا جدك صب
راشد يضحك: من شرطي لصباب لكن لعيون ساري نبي نعرف العلم من نقال العلوم الرسمي
ساري : اقولك وش صار ع المهربين اللي كنتم تراقبونهم ؟
راشد: والله للحين نراقبهم ومافي دليل
ساري : لاحظت انهم بدأو يستهدفون الشباب للترويج والتعاطي اليوم كانت فيه قضية لولد تقريباً عمره ٢٠ سنه اجبره ابوه يهرب ورفض ولما ضربه ابوه اخذ السكين وقتله
راشد: لا اله الا الله ووش صار بعدين هو اعترف ؟
ساري : الولد عنده نوبات يضرب نفسه بعنف واستدعوا الشباب اطباء نفسيين
راشد: مو لازم تودونه مصحه ؟
ساري: والله القضية جنائية مانقدر نطلعه لمكان والتحقيق جاري
الجد عبدالعزيز : الله يحفظ عيالنا وذريتنا منهم
ساري: اللهم امين الولد مسكين امه منهاره عليه
راشد: وش مسكين قاتل
ساري : الله يعين وصغير تدمر مستقبله بسبب غلطة ولحظة غضب
راشد: ساري انت طيب بزياده
ساري يضحك: لا طيب ولا شي بس قم زيدني قهوه
راشد : قم قم تروش وغير ملابسك ونطلع نتمشى وانا بعد بقوم
ساري : والله انك رايق تعبان مافيني اطلع ويمكن يستدعوني في التحقيق اي وقت
راشد : اقول قم مااستأذنك انا ابي نروح سباقات الرالي
ساري : مع انه مايمديني بس يللا تجهز نروح
ابو ساري وابو راشد جايين من المعرض
ابو راشد: تروحون وين
ساري : نروح للرال....
راشد : للرياضة نروح ويطالع ساري يعني اسكت
ابو راشد يضحك:والله اني عارف انك تبي تروح لسباق الرالي وش لك ووش للرالي
ابو ساري: خله يارجال ولا حتى مواهبه بتتدخل فيها
راشد يضحك: تكفى علمه ياعمي
ساري: بحسب لك ٥ دقايق ان مامشينا
راشد: يللا عطني بس دقيقتين وانت يللا لانتأخر
ابو ساري : الله يحميكم
.........................
بيت الجد عوض
الجده مليحه : ارتاحي يابنتي خلي الشغل للشغل وتعالي اكلي شي
شِيام : فديت راسك ياجده والله اني ماني مشتهية شي الحين انتي ارتاحي وانا اذا جعت بقوم اكل
الجده مليحه: اهم شي عندي صحتك قومي اكلي وبعدها كملي
عروب تجي من مكتبها وتبوس راس جدتها: هلا بجدتي وعيوني
الجده : هلا فيك ياروح جدتك اقنعي اختك تخلي الشغل شوي وتجي تاكل
عروب : يانججمة البيت تعالي اكلي وبعدها كملي
شِيام تضحك وتقوم: وردة لندن رايقه اليوم عسى دومم يارب
عروب واللي يشوفك مايروق وتبوسها ع خدها: يللا عشاني وعشان جدتي تعالي
شِيام : عندي استشارات مرضى بعد شوي وقلت اقرا حالاتهم ابي اعرف
عروب : الله يعيينك انا الحمدلله هالشهر مرتاحة مامسكت ولا قضية
شِيام تقرص خد عروب: مين كان يصدق ان هالحلوه بتكون محامية قد الدنيا
الجده تناديهم
شِيام : يللا تأخرنا ع جدتي
يدق الباب
عروب اسبقيني انا بفتح
انسام: وين بنات عمتي القاطعين وتضححك
عروب : هلا ب انسام وتحضنها خالي جا معك؟
انسام : لا جيت من الجامعه عندكم ولا ماتبوني ارجع ؟
شِيام بصوت عالي: عرووب مين اللي جا
انسام : تت را انا جججيت
وتقوم شِيام وتحضنها هلا والله
الجده مليحه: تعالي يابعد روحي وتحضنها جيتي بوقتك تعالي اكلي معنا
انسام تعشق مشعل مع انه بينهم اكثر من 6 سنين : الا وين مشعل ياجده ماشفت سيارته برا
شِيام : والله صاير مايجي الا متأخر يقول مشغول
عروب: مسوي انه رجل اعمال وتضححك
انسام تبتسم: ايه رجل اعمال ناجح
الجده : الاكل بيبرد وانتم لسى تسولفون
شِيام يدق جوالها : هلا غيد وش صار ؟
غيد ( ممرضة ومساعدة شِيام) : الصبح يمديك تجين بدري؟
شِيام: ليه صاير شي ؟
غيد: الولد اللي قلتي رح تمسكين حالته قتل ابوه والحين هو بالتحقيق وامه قالت لهم انه كان عنده مواعيد عندك
شِيام : بس اني ماشفته غير مرتين وكانت واضح عليه انه يعاني من ضغط ابوه والله اني كنت حاسه انه بيسوي شي يابنفسه يا باللي حوله
غيد : بس امه رفضت علاجة تتحمل مسؤولية قرارها
شِيام : لا حرام عليك بكره نروح له ونشوف بس نقدر نشوفه؟
غيد: ايه لان طلبوا له اصلاً طبيب نفسي وامه كلمتهم عنك
شِيام : تمام ماعندي مشكلة ياتمريني ياامرك
غيد تضحك: لا انا بمرك يللا مع السلامه بكره نتقابل
شِيام : ان شاء الله
عروب : وش فيه؟
شِيام: فيه حاله من الحالات اللي كانوا عندي ارتكب جريمه وبكره بروح له
انسام: يممه تخصصك يخوف
عروب تطالعها: ع اساس تخصصك اللي مايخوف وتضحك
انسام تضضحك : ياغبيه اقصد يعني يمكن احد يقتل نفسه قدامها او يأذيها هذا اللي اقصده
عروب تحضن شِيام : ويييه بسم الله علييها
الجده : الله يحمميك يالغالية
عروب: جدي تأخر برا
الجده: لا يقول مابيرجع لين يصلي العشاء
**********************************
انتهى البارت واقترب اللقاء الاول لأبطالنا 😔🤝
أنت تقرأ
نظرتك كانت بحر ونظرتي كانت غريق
Genç Kız Edebiyatıالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
