وصل ساري للمركز وماسك عمر من تيشيرته ويدخله لغرفة التحقيق
صالح: كتفك قاعد ينزف روح الطوارئ وانا بحقق مع عمر
ساري : بسيطه لاتخاف ويطالع عمر هلا بالمجرم المهرب
عمر يطالعه بثقه
ساري يضغط ع اسنانه ويكلم عمر: انتتت وش واثقق منه ؟ انك بتطلع ؟ والله ولا اكبببر محاممي رح يطلعكك انت قاتل تعرف وش عقوبة القاتل ؟
عمر: بس انا مو قاتل
ساري يقررب من وجهه : انتت قاتلل مايفرق طريقة القتل لكن انت قاتتل تفههم
عمر بصوت عالي : انا مماننيي قاتل ولا قتلت احد
ساري بعصبييه: واللي صددمته ومات وش تسميه اذا اعترفت ولا مااعترفت القضيه لابسستك لابستك
عمر : لا والله وتتبلوني بعدد انا ماصدممت احد ولا قتلت احد
ساري يمسكه من ذقنه : انتت تفكرر انك تقدر تضحك عليي ؟ هالنظره نظرة قاتتل وغددار ولا تحلم انك تطلع من هالمكان وانت مو معترف
عمر مازال ينكر وساري بدأ يألمه مكان الطعنه لكنه يكابر
ساري : انا مققابلك ليين تعترف ماوراي ششي
عمر بدأ يتوتر وساري يراقب تصرفاته
ساري : الافضل لك تعترف بسرععه لان فيه شهود وادله ضدك يعني اعترفت ولا مااعترفت انت مسجون
عمر: ماجد ووائل كذابيين
ساري يبتسم بسخرية: مين ماجد ووائل؟
عمر بتوتر : اخوياي
ساري عصب : اخوياك تقولي ؟ اخوياك وانت مورطهم بقضايا ؟
عمر: لا مااعرفهم
ساري : اول مره اشوف اعتراف بغباء انت اعترفت انك تعرفهم والحين تنكر ؟
عمر : مااعرفهم اقوولك
ساري ياخذ نفس ويحاول يهدأ : انت تبي تماطل لكن ماطل انا ماني متزحزح من هنا لين تعترف
باهي يشوف صالح : صالحح وين ساري ؟
صالح : والله مسكنا مجرم وتعرض ساري للطعن لكن مايبي يتعالج يعاند على حساب نفسه
باهي بقللق: ووينه الحين ؟
صالح : لاتخاف هو هنا بغرفة التحقيق بس يطلع بقوله انك تنتظره
باهي : روح ناده ابي اتطمن عليه
صالح : ابشرر
....
عند نيّاف
نيّاف: لازم اطلع البنات يغيرون جو بعيد عن ابوهم دام وائل بالسجن اكيد كل شوي بيجي يوسف لهم وبصراحه خايف عليهم
الجوهره: وش يببي بعد اللي سواه فيهم وفوق انه ميز هالولد عنهم الحين يبيهم يطلعونه من السجن طيب يمكن مو بريء
نيّاف : للحين مدري والله هو بريء ولا لكن ماحبيت اكسر بخاطر البنات وهم يبون يساعدونه
انسام : بابا وش فيهم شِيام وعروب كلهم اكلمهم ومايردون علي
نيّاف بدأ يقلق عليهم : انا بروح لهم مابقدر اصبر وانتوا تجهزوا بجيبهم وبنروح المزرعه نغير جو
انسام : زين ان ماعندي غيابات كثير بغيب هالاسبوع
الجوهره: لا مافي تهملين دراستك
نيّاف: خليها يالجوهره اللي تبيه تسويه العمر يخلص والدراسة ماتخلص
انسام تضحك وتبوس راس نيّاف : يااحلى اب بكل هالدننيا
الجوهره: اييه خلنا نشوف دلعك لوين بيوصلها
انسام تحضن الجوهره: ماما لاتزعلين والله ان منجد ماعندي غيابات كثير ويمدي اغيب
الجوهره تحاول تخفي ابتسامتها : اييه وماتنتبهين لدراستك انا زعلانه
انسام تبوس الجوهره : تزعلين من بنتك حبيبتك ؟
نيّاف يضحك: شكل زعلكم بيطول انا بروح اجيب شِيام وعروب واجيكم
انسام : بروح معك بابا انتظرني
نيّاف : يللا ياروح بابا لاتطولين علي بنتظرك بالسياره ويطالع الجوهره تجهزي بمرك بعد مااجيب البنات
الجوهره: طيب حبيبي كم يوم بنقعد بالمزرعه ؟
نيّاف : والله مدري بس دام عندي ٤ ايام اجازه رح نقعدها هناك وش رايك؟
الجوهره : طيب حبيبي بجهز لك ملابس بعد لان اخاف ع حبيبي يبرد وتبوسه
نيّاف يبتسم : الله يخليكم لي واستعجلي بنتك انتظرها برا ويطلع
انسام جات : ماما جهزت اغراضي
الجوهره: ماشاء الله بهالسرعه
انسام : اييه بنتك ماتحب تماطل وتروح
...
بيت الجد عوض
شِيام يدها تجرحت من كثر مالكمت كيس الملاكمة ومنسدحه وحاطه يدها على عيونها
عروب تدق الباب: وش فيها بطلتي معصبه؟
شِيام تشيل يدها عن عيونها : هلا عروب متى جيتي
عروب : تو قبل شوي جيت
شِيام تجلس : طيب وش صار ؟
عروب: مافي شي بس ماسمحوا لي اشوف ماجد يقولون المحقق المسؤول راح في مهمه ومااقدر اشوفه الا بموافقته
شِيام تتنهد
عروب : قوليلي وش فيك
شِيام تمسح على شعر عروب : مافيني شي حبيبتي انتي
عروب : تضحكين علي انا اعرف متى تكونين صادقه ومتى لا يللا قوليلي
شِيام : لاتضغطين علي عروب خلاص قلت مافيني شي يعني مافيني شي
عروب : عصبيتك ذي تأكد لي ان فيك شي
شِيام تاخذ نفس : عروب قلت لك خلاص
عروب تبوسها على خدها : بعرف بعرف
شِيام تبتسم : خلاص عاد
يدق الباب ويفتح مشعل
نيّاف : هلا مشعل كيفك
مشعل : هلا فيك ياخالي الحمدلله بخير
انسام تتقدم جنب ابوها وتبتسم وهي قلبها بيطلع من الحب : كيفك مشعل
مشعل : بخير ويطالع نيّاف تفضلوا
نيّاف : جيناكم بوقت متأخر
مشعل يضحك: وين متأخر ياخالي ترى الساعه ١٠ توه يبدأ الليل عندنا
الجد عوض : هلا بنيّاف وانسام ويسلمون على بعض
الجده مليحه : زين انك جيت يانيّاف ابي اشكي لك من بنات اختك
انسام تطالع مشعل ماشالت عيونها عنه
مشعل توتر ولايدري وش فيها تطالعه وتبتسم
نيّاف : اففا وش فيهم اصلا جيت لهم لأنهم مايردون علي
الجده مليحه : من بعد ماانسجن وائل والبنات لاياكلون ومهملين نومهم وصحتهم
نيّاف : الله يهديهم قد قلت لهم لايرجعون ابوهم لحياتهم
مشعل بصوت عالي : يا شِيام ياعرووب تعالوا خالكم هنا يبيكم
عروب : قال خالي ولا انا سمعت خطأ
شِيام : يللا ننزل ونشوف
نيّاف : والله اني ابيكم تجون معي للمزرعه ابي البنات يغيرون جو ويبعدون عن التوتر وابوهم شوي
الجد عوض : الا وش رايك تجون مزرعتنا
نيّاف : لا انا ابي ابعدهم عن ابوهم بقد مااقدر انت ياعمي يوسف يعرف مزرعتك واخاف على نفسية البنات ترجع تنتكس
انسام : ايه ياجدي انت وجدتي تعالوا معنا نبيكم معنا
الجده مليحه : والله وانا بعد ابيكم لكن الليله الوقت متأخر بكره نلحقكم ان شاء الله
شِيام: هلا بخالي وانا اقول ليه البيت منور
نيّاف يبتسم : هلا بحبيبة خالها ويحضنها
عروب : والله انك النور بوسط الظلام ياخالي وتحضنه
نيّاف : ترى جاتني شكاوي عليكم اجل مهملين صحتكم واكلكم
شِيام : والله ياخالي ناكل ومهتمين بصحتنا
عروب تحضن انسام : غريبه جايه بدون اتصال
انسام تبتسم : يعني اروح ؟
عروب : ياعبيطه تعالي وترجع تحضنها مافي روحه
مشعل : الله يعينك ياانسام عروب اذا نشبت لأحد ماتفكه
عروب : انقلع انت محد كلمك وبعدين خيير ليكون انت اللي مشتكي لخالي
الجده مليحه : والله اني انا اللي شاكيه له
مشعل: ايه تجيك التهايم وانت نايم
انسام تطالع مشعل وتعرف انه يحب عروب بس هي تحبه : تطورت التهايم يامشعل صارت تجيك وانت صاحي
مشعل يضحك : والله انك صادقه عروب لازم تهاوشني كل يوم ويطالع عروب
عروب تطنشه وتكلم خالها : بمسك انسام مابخليها ترجع معك
انسام : ياحبيبتي احنا جايين ناخذكم معنا
شِيام جالسه جنب نيّاف: تاخذوننا وين
نيّاف : اشتريت مزرعه وابي اخذكم معي عندي ٤ ايام اجازه ولاتردوني
انسام : شِيام ترى قالتلي عروب انك ماخذه اجازه مايمدي تعتذرين
شِيام تطالع عروب : تنقلين علومي حتى لأنسام مو بس لجدتي وتضحك ماعندي مانع نروح معكم
عروب : وانا مع شِيام اللي تبيه ابيه
انسام : وجدي وجدتي ؟
مشعل : بكره اجيبهم انا بس عطوني لوكيشن المزرعة
انسام بدون تفكير : ولييه بكره ليه مو الحين ؟
مشعل: لان جدي وجدتي ينامون بدري وبكره اجيبهم ماورانا شي
عروب تعرف بحب انسام لمشعل وتهمس لها بإذنها : انسام تبين مشعل ولا تبين جدي وجدتي
انسام توترت : لا اكيد جدي وجدتي
عروب تضحك: ايه صدقتك يادلوعة خالي
نيّاف : اذا كذا ماعندي مانع ويطالع شِيام وعروب يللا قوموا تجهزوا وتعالوا
شِيام شارده
نيّاف: شِيام وش فيك ؟ ويطالع يدينها متجرحه ويسألها بقلق وش صاير ليدينك ؟
شِيام : ولا شي ياخالي بس تدربت اذا اعرف للملاكمة ولا نسيتها وتجرحت شوي
نيّاف عرف انه فيه شي مضايقها : يعني مافي شي مضايقك اكيد؟
شِيام : مافي شي والله يللا بقوم اجهز اغراضي وانتي ياعروب تعالي
مشعل من ورا قلبه : اخيرا بصحى الصبح ومااشوف وجه عروب
عروب: الا انا اللي بفتك من وجهك وتلحق شِيام
انسام تطالعه كيف يتعامل مع عروب وتتنهد
نيّاف: اجل خلاص ماعاد برجعهم هنا
مشعل بصوت عالي : لا لا ياخالي والله اني امزح بس احب انرفز عروب
نيّاف يضحك: ايه اعرف لو ادري انك ماتمزح كنت منجد مارجعتهم
انسام : مشعل تعرف للخيول ؟
مشعل : وش هالسؤال المفاجئ ويطالع جده اييه علمني جدي وانا صغير
انسام تبتسم : لا بس اسأل لان بابا جاب خيول بالمزرعة
مشعل متوتر من نظرات انسام : طيب ياخالي ماتبي اقهويك او اسوي شاهي ؟
نيّاف : لا والله ماتقوم مانبي شي ارتاح
جهزوا شِيام وراحوا مع خالهم
............................................
بالمركز عند ساري
ساري لسى جالس ومكتف يدينه وساند راسه عالجدار من الم الطعنه وعمر مُصر انه مايعرف ماجد ووائل
ساري : انا قاعد احاول مااقوم واخليك تعترف غصب عنك قاعد اعطيك وققت
عمر يحرك رجله من التوتر ويدق ع الطاوله بيده : انا اللي عندي قلته لك تبي تصدق صدق ماتبي بكيفك
ساري ياخذ نفس ويقوم : ياعممر انا قاعدد اعطيك فررص مو فرصة اعتترف
عمر : اعترف على شي ماسويته ؟
ساري يسحببه من رقبته ويوقفه ويرفس الكرسي من تحته : انتتتتت شكلك ماتففههم بالطيبب حاولنا معك باللين والطيب مانفع مععك ومححد بيفكك منيي ان مااعترفت والله ان ادفنك هنا واقولهم موته طبيعيه
عمر يطالع بوجه ساري ويستفزه : ماتقققدر
ساري عصبب ويدففه عالجدار ويلوي يده وراه ويعلى صوته : الا اقددر ليه مااقدر اني اذبح مجرمم ومهرب مثللك
عمر يقاوم يبي يفك يده
ساري يلوي يده اكثثر ويلفه وبعصبييه : اجل تقول مااقدر شكلك ماسمعت عنيي الكذابين والمجرمين امثالكك مكانهم يالقبر يالسجن مو بين الناس
يدخل صالح بسرعه ويمسك ساري : اذككر الله ياساري اتركه انت ارهقت نفسك معاه رح يعترف ورجله فوق رقبته
ساري بححده : صالححح فككني خلنني ادففنه هنا
عمر خاف من ساري وتوتر
ساري ياخذ نفس: صالح فكني خلاص هديت ويطالع عمر ترى مو من صالحك انك تماطل اككثر
صالح : خلاص اطلع وشوف لجرحك وترى ولد عمك ينتظرك بالمكتب له وقت انا بحقق معه
ساري : طيب بس لايتوقع اني بخليه وهو يماطل ويطلع
صالح يسحب عمر بقوه : اجل تقول ماتبي تعترفف ويعطيه كف انت كل الادله ضدك ومايمديك تنككر بوجود الشهود واذا اعترفت بدري رح نقلل مدة السجن
عمر: اعترف بشي ماسويته
صالح : لا شكله صادق ساري انك ماتفهم بالطيب
يطلع ساري ويدخل لمكتبه
باهي يفز: مجنون انتت يدك تنزف وانت مو مهتم تبي تموت يعني
ساري يتنهد : لو سمعت راشد وش قال يقول اني ماابي اخذ حق هاني
باهي : اجلس وخلني اشوف جرحك
ساري يضحك : لييه انت غيرت مهنتك من طيار لدكتور
باهي : بلا كثرة كلام انت مو شايف دمك قاعد يتصفى ولسى رايق وتضحك ويجلسه غصب ويقطع التيشيرت من كتفه
ساري يكابر ع الالم : قلت لك بسيطه
باهي : الله يهديك وين بسيطه والله عميقه انتظر اجيب شنطة الاسعافات ويجيبها من الدولاب ويعالج ساري ويحط له شاش
ساري : ماكنت ادري انك تعرف تنظف الجروح
باهي : مو يعني ماتروح الطوارئ الوضع خطير ومكان الطعنه بعد خطيره انت ماتفكر بأمك وابوك لو صار لك شي وش بيسوون
ساري يتنهد: اخوك ماخذ بخاطره من عمه وولد عمه
باهي : يللا عاد تعرف انهم مو قاصدين ومن حرقة قلوبهم مايدرون وش يقولون
ساري يغمض عيونه : انا مابرجع البيت لين احل القضيه
باهي : رجلي ع رجلك عمي موصيني عليك ولا ترى كان بيجيك هو
ساري : طيب بس احقق معه لأخر مره
باهي : لا مو بس انت محقق هنا خل صالح او محمد يحقق معه انت مصاب ولازم ترتاح
ساري : طيب انت ارجع وانا بلحقك بمر الطوارئ
باهي : انا اوديك يللا قمم
ساري : والله ماتوديني خلاص انا بروح وانت ارجع قبلي دقايق والحقك
باهي : انت وهالراس شكله فيه حديد مو مخ على هالعناد
ساري : يللا توكل ويطلع
باهي وهو طالع ويكلم نفسه : وش هالعناد يعاند ححتى نفسه
ساري يدق الباب ويفتح غرفة التحقيق
صالح : هاه كيف جرحك ؟
ساري : الحمدلله مافي شي خطير بس انا بروح اطمن امي وابوي علي واجيك انت حقق معه لين اجي خله مايجي بكره الا وهو معترف
صالح: الله الله انت ارتاح وريح نفسك اعتمد على اخوك ويدق الصدر
ساري : الله يخليك ويبقيك واعز من الاخ بس مثل ماقلت لك ممنوع اي احد يشوفه غيرك تعرف التحقيق لسى جاري
ويطالع عمر : لاتفكر انك لو سكت مابنحقق معك ولسى وراك تحقيق عن تهريب المخدرات يعني ياليت تريح نفسك وتريحنا وتعترف ويطالع صالح تعرف اذا مااعترف بالطيب وش تسوي
صالح يضحك: اييه مارح نقصر معه
ساري يطلع ويروح لسيارته بس ماقدر يسوق الا بيد وحده وماراح الطوارئ اجلها لبكره
**********************
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
