بيت الجد عوض
شِيام: رجعنا لكم بدري مافي فكه وفرصه للرومانسية وتضحك
عروب: ايه فضى لكم الجو
الجده مليحه تضحك: واللي يشوف وجه جدك يعرف رومانسيه
الجد عوض : افا وانا ولد ابوي والله اني كنت حتى الشعر اكتبه لك
عروب تحمست وتجلس جنب جدها: احللفف اييه ووين شفت جدتي اول مره
الجد يضحك: طلبتني مويه وعطيتها وسألتها انتي بنت مين وردت ورحت اخطبها من ابوها
الجده مليحه: ياكذبك ماخطبتني الا بعد ماتأكدت اذا ابيك ولا لا
شِيام: الله الله وش هالحركات ياجدي كنت رومانسي وقلبك رهيف خفت ترفضك "ويدق جوال شِيام رقم ماتعرفه "
عروب : مين؟
شِيام : مدري رقم غريب وتقوم بعيد عنهم وترد الو هلا
ساري الثقيل والعصبي بدأت تنهد اسواره فعلاً وتدخل شِيام لقلبه وياخذ نفس عميق ويحاول يهدي من توتره ونبضات قلبه اللي بتطلع حتى بالمكالمه : هذا جوال الدكتوره المتهورة شِيام؟
شِيام ابتسمت عرفت ان محد يقولها متهوره الا ساري : ايه من معي ؟
ساري الابتسامة شاقه وجهه ويبي يماطل بالمكالمة لوقت اطول : ماعرفتيني ؟ انا المحقق اللي انقذتي حياته
شِيام : اها قصدك المحقق اللي يتدخل بشغلي وش تبي متصل ؟
ساري يضم شفايفه وياخذ نفس : مين تهور وتدخل بشغل الثاني ؟ بس مو هذا اللي اتصلت عشانه انتي وينك ؟
شِيام ترفع حاجبها مستغربه : وانت وش تبي وين مااكون اكون
ساري يبي يعرف بأي طريقه : اجل خلاص كنت بقولك خبر حلو بس شكلك مشغوله
شِيام استسلمت لخطة ساري : لا لا مو مشغوله تو وصلت البيت وش الخبر
ساري يضحك ومبسوط انه عرف مكان بيتها : غريبه ماتهورتي ورحتي تقبضين على مهربين او ارهابيين
شِيام : وش الخبر ولا بقفل اذا بتقعد تقول هالكلام الفاضي
ساري: الله يسامحك وش كلام فاضي تراني ابي احميك
شِيام : لا والله وانت مين عشان تحميني ؟
ساري : انتي مسؤوليتي ومواطنه اكيد بحميك حتى من تهورك
شِيام : طيب انا مواطنه مو مسؤوليتك لوحدك مثل ماتقول وانت تبي تسولف صح ماعندك خبر ولا شي وبعدين تعال من وين جبت رقمي ؟
ساري توتر من الحب والسؤال : جبته من ملف ماجد اللي انتي سويتي معه استشاره ولا وش ابي برقمك يعني والخبر ان عمر ودوه للتحقيق ورايح الحين احقق معه
شِيام مبسوطه: الله يفرح قلبك ياساري مثل مافرحتني
ساري بدون تفكير: بس قلبي الحين فرحان بصوتك وفرحتك اكثر من اي شي اتمناه
شِيام الغامضه واللي حاطه حواجز على قلبها تعصب وترد : انت وش تبي ؟
ساري عرف انه خربها ويعرف ان شِيام غامضة وعنيده ومستحيل تفتح طريقه لقلبها : اذا تبين تشوفين اللي غدر ب اخوك تعالي ويقفل
شِيام: وش هالاهبل ذا يبي يلخبط مشاعري بكلامه السخيف
ساري يتنهد ويبتسم ويحط الجوال عند قلبه : كيف اصارحك اني ابيك ولا ابي اي شي ثاني ويشغل سيارته ويمشي للمركز
عروب تمشي بشويش من ورا شِيام وتهمس لها : صرتي مجنونه وتكلمين نفسك ؟
شِيام تفز: فجععتيني عروب وش فيك
عروب تكتف يدينها وتطالع شِيام بخبث: مين كنتي تكلمين ؟
شِيام واول مره تبين توترها : مين يعني غير المحقق الاهبل ذا يقول جابوا عمر وانا بروح اشوف لحالته النفسيه واطعن بتقريرهم المزيف ويتعاقب
عروب تبتسم: اهاا وبس كذا ؟ وبعدين ليه ماكلمني انا محامية وائل؟
شِيام : اييه بس كذا وانتي خلييك هنا انسام جايه فشله تجي وماتلاقينا واحنا قلنا لها تعالي وتطلع شِيام من البيت
عروب تضحك : والله جا اللي يغيرك ويوترك ياشِيام
يدخل مشعل: الحمدلله والشكر كان ناقصنا جنانك
عروب تخزه : وانت يعني اللي صاحي وليه جيت بدري مو ع اساس مارح تجي بدري
مشعل بعصبيه شايل عليها انها تبيه مع انسام : وانتي وش دخلك ارجع بدري ولا متأخر
(انسام قربت توصل لبيت الجد عوض)
عروب : انقلع اجل الشرهه علي اللي اسأل عنك وتروح لجدها وجدتها ويلحقها مشعل ويسلم على جده وجدته
الجده مليحه : هلا بحفيدي زين انك رجعت بدري قلقت عليك رحت ومااكلت شي
عروب تدق جدها وتهمس بأذنه : الموضوع اللي قلت لكم امس ياجدي
الجد عوض : وش رايك يامليحة نزوجه ونفرح فيه وتهتم فيه زوجته
الجده مليحه: ايه والله وش رايك يامشعل نخطب لك وحده تهتم فيك وتحبك ولا تخليك
مشعل ابتسم يفكرون انهم يتكلمون عن عروب : ايه ومن هي ذي اللي بتحبني وتهتم فيني على يدك ياجده
الجده مليحه : ماهي بعيده قريبه وبنت ناس وزينه انسام بنت خالك نيّاف
مشعل عصب وقام : وميين قال لكم اني ابيها ؟
انسام توها واصله بتدق الباب وتسمع صوت مشعل ويضيق نفسها
الجد عوض : وشو له هالعصبيه ؟ اخواتك اختاروا لك وحده تحبك وتبيك وانت بعد تحبها وماهي غريبه ربيناها هي بعد حفيدتنا
مشعل بعصبيه وحده: اننننا ماععندي اخواتت وماااببييييي انسام لو انها اخر بنت بالدنيا
عروب : خيير وش فيك ماتبي قول ماابي وشو له هالصراخ
مشعل يطالع عروب بخيبه وعصبية: انتتي اسكتتي اخر وحده تتكلمين معاي بهالموضوع وانااا اللي عننندي قلته وماابي انسسام ويروح للباب بيطلع الا يقابل انسام واقفه عند الباب
عروب بعصبيه : وش فيه جن علينا
انسام متوتره : اا نن اا بسس
مشعل يمسكها من ذراعها ويصرخ عليها: انتتتييي مماتفهممين؟؟ انا قلتتت انني احبك ؟؟ انا قلت انيي ابييك ؟ وش موصله لعرووب انتي ؟؟ ويرجع يخفض صوته ويقولها بأذنها ( انا قلبيي مافييه الا عرووب ومافي اي مكان لغييرها ) ويرفع صوته تفهههميين ؟؟ ويدففها ويمشي جاهل ان انسام تعبانه وعندها ضيق تنفس وتسمعه عروب وتطلع بسرعه
انسام تحاول تاخذ نفس ودموعها تنزل وتحط يدها على قلبها وتاخذ نفس
عروب تتقدم بسرعه وتمسكها : انسسسام حبيبتي وش صاييررر لك بسم الله علييك
انسام تطالع عروب وعيونها مليانة دموع وتفك يد عروب وتروح لسيارتها وتممشي بسرعه وعروب تحاول تلحقها لكن ماقدرت وتدخل تاخذ عباياتها واغراضها وتطلع بسرعه ورا انسام
انسام تبكي بإنهيار وكسر وخاطرها شاييل ححيل على مشعل وماتكلمت ب ولا كلمة بس تزيد بالسرعه وتقطع الاشارات وعروب مالحقتها لأن وقفت الاشاره
عروب: اووفف وش تسوين ياانسام وتتصل عليها وماترد
انسام ماعاد سيطرت على ضيق التنفس وارتخت عيونها وفكت يدينها من الدركسون واغمى عليها والسياره كانت مسرعه فوق المسموح وتنحرف السياره وتصطدم في عامود اناره بوسط الشارع الرئيسي
وينزلون مرتادين الطريق ويتقفل الطريق ويتصلون على الاسعاف
عروب باقي ماوصلت لمكان حادث انسام
مشعل معصب : اججل تبيين تخطبين لي انسام ياغبييه انا ابييك انتتي ويضغط على البنزين متجه لمزرعة جده عوض
....
بالمركز
ساري توه وصل قبل دقايق ويدخل عند عمر
صالح: ماهو راضي يتكلم بحرف يفكر ان السكوت بيفيده
ساري يبتسم بسخرية: تكلم ولا ماتكلم مكانه السجن
عمر يرفع راسه ويطالع ساري بحقد
ساري يقرب ويمسك ذقنه : اجل تقول انك مجنون واللي تسويه اانت مو مسؤول عنه اذا كذا انا بعد مجنون ويخنقه
عمر يضغط على اسنانه ويفك يدين ساري : تفككر انك بتخوفني بأسلوب المحققين هذا انا رح اطلع وطرق عن خشومكم مثل المره اللي قبل واتحدى اكبر محقق يرجعني هنا
ساري عصب ومسكه من تحت الذقن ويدفه على ورا: لا تتححداني ياقاتلل والله ان طلععتت من هننا مايكوون اسمي سساري
عمر يضحك بصوت عالي: اجل من الحين غير اسمك
ساري يضربه: انتت مستقووي بالمهربين اللي وراك انهم بيحموونك والله ان اجيببهم واحطهم جنببك
يدق الباب
ساري يفك عمر ويسحبه للكرسي ويجلسه بقوه ويطالع الباب : تفضضل
شِيام فتحت الباب بشويش : ممكن ادخل ؟
ساري نسى انه بالتحقيق ويبتسم : اييه ممكن ليه مو ممكن
شِيام: اعترف بشي؟
ساري : لا للحين
شِيام تقرب من عمر وتشوف ان توتره وقلقه فوق الطبيعي : ماتقددر تضحك على دكتوره نفسيه توترك وقلقك هذا يثبت ان وراك شي ياليت ماتطول القضيه اكثر واعترف
ساري يجي جنب شِيام: اعتقد انك ماتقدر تتهرب هالمره وهذي دكتوره نفسية شاطره ورح تعرف اذا انت مجنون ولا لا
شِيام تطالع ساري وبصوت واطي : مين تدخل بشغل الثاني ؟
ساري بإبتسامة توتر ويروح بعيد عنهم شوي
عمر لسى عيونه على ساري ويضغط على اسنانه
شِيام عرفت ان توتره وراه شي : عمر احنا ماظلمناك كل الادلة ضدك مايحتاج تنكر اكثر قول لي ليه سويت بوائل كذا؟ وش سوا لكم وائل عشان تغدرون فيه
عمر يضغط على اسنانه وبصوت عالي: وانتتتي وششش دخللككك
شِيام تحاول تمسك نفسها وماتعصب: اننا..
ساري يقرب من شِيام ويطالع عمر: هذذي ياقاتل دكتوره ولازم تقول لها هالتفاصيل ولا تخاف نعرف انك موب مجنون وواعي وعارف كل تصرفاتك
شِيام تحط يدها قدام ساري: خلاص اسكت لاتتدخل ابعد شوي لاتوتره اكثر بشوف انا لوضعه
ساري يوقف بالزوايه ويمسح وجهه بقوه يحاول مايعصب عشان شِيام
وترجع شِيام تطالع عمر اللي لسى يطالع ساري بحقد ويحاول يطلع شي من كم البلوفر وتنتبه انه يبي يهاجم ساري وتطالع ساري ان لسى يده على وجهه يمسحه
***********************
انتهى البارت .. 😔💔
أنت تقرأ
نظرتك كانت بحر ونظرتي كانت غريق
Chick-Litالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
