عند الجد عبدالعزيز الظهر
الجد حزيين: ماكلمكم ساري للحين ؟
ابو ساري يتنهد : لا للحين والله اني قلقان عليه وببلغ عنه الشرطة لو مارجع اليوم
ابو طارق : اكيد راح للمزرعه
ابو راشد نزل وجا يجلس معهم ويقوم ابو ساري : عججبك اللي صار في ولدي من تحتت راسك انت وولدك قهرتووه وراحح ومدرري وين راحح
ابو راشد : تعرف اني ماكنت اقصد الكلام اللي قلته ومن ورا قلبي ولا محد يعز ساري مثلي
ابو ساري : وش يفيدني كلامك الحيين ولددي ورااح وش اسسوي بتبريرك الحيين
ابو طارق يقوم : تعوذوا من الشيطان علامكمم ساري بيرجع ان شاء الله
يدخلون راشد وباهي ومنزلين روسهم
ابو ساري يفزز لهم: طمنووني عنه لقيتوه ؟
الجد : بشروننا انكم لقيتوه
باهي يتنهد وبصوت كله حزن : لا مالقيناه لا هو ولا فرسه لقينا سيارته وجواله
ابو ساري يصرخ ويأشر بسبابته ع راشد : كللله منننك انت وابوكك قهرتوا ولدي ولا اددرري عنه ويننه الحيين عجببكم اللي سويتوووه
راشد منزل راسه والدموع بعيونه وبحده: كففايه تلوموني ترى احس اني خسسرت اخخ ثاني وسساري ان شاء الله رحح يرججع وانا مارحح ارجع البييت لين الاقيه ويطلع
باهي : لاتضغطون عليه مثل ماضغطوا على ساري ويختفي هو ببعد
ابو راشد يلحق راشد : ياراششد وين تبي تروح ؟
راشد : بدور لساري برجع ادورر بنفس الاماكن اللي يروححها
ابو راشد : انتببه لنفسسك وانا ابووك
ام ساري تعبانه ومنهاره وتببكي وحولها اثير والاء ماتركوهها
ام راشد لسى حزينه ع ولدها وماهي معهم ابدا
ام طارق ماسكه احفادها وتدعي لساري مع انها ماتحبه كثيير بس كسرت خاطرها ام ساري
طارق جاي من دوامه : مساكم الله بالخير طمنوني فيه اخبار عن ساري ؟
باهي جالس وحاط يدينه ع وجهه : لا مالقيناه لا هو ولا فرسه كأن الارض انشقت وبلعته
طارق : طيب وجواله مايرد عليه لسى؟
باهي : لا لقيناه بسيارته عند المزرعة
ابو ساري : وجببت الجوال معك ؟ نكلم اصحابه يمكن يعرفون وينه
باهي مايبي يوريهم وهو عليه دم : لا خليته بسيارة راشد
يدق جوال باهي "رقم غريب"
باهي يرد : الو هلا
ساري : اذا انت عندهم اطلع
باهي ردت له الروح يوم عرف ان ساري بخير ويقوم ويطلع : انتت وينك قلبنا الدنيا عليك
ساري : لا تبالغ مالي نص يوم غايب ويضحك
باهي: ماشاء الله وتضحك واحنا القلق اكلنا وينك فيه اجي لك ؟
ساري : لا انا بمكان ماتعرفه اذا سألوك عني قول لهم اني بمهمة سرية واني ارسلت لك
باهي: وينك فيه قول لي وانا اجيكك
ساري : بعدين ياباهي بس الحين طمنهم ولا تبلغون الشرطة انا بخير
باهي: متأكد انك بخير ؟ والاصابه ؟
ساري : بخيير وعالجتني دكتوره بعد
باهي : انتت وينك فيه ياويلك تكون بالمستشفى وماتعلمني
ساري : لا ماني بالمستشفى قلت لك انا بخير وطمن امي وابوي وجدي قول لهم اني بخير
باهي : ترى راشد ندمان وعمي بعدد وراشد قال مابيرجع لين يجيبك
ساري يتنهد: صح كنت ماخذ بخاطري عليهم بس خلاص طمنهم هم بعد قول لهم ساري راح بمهمة وقول لهم اني كلمتك من جوال واحد من اخوياي
باهي : طيب وهذا رقم مين واقدر اكلمك عليه ؟
ساري : لااتتصل ابدا عليه انا بعدين اقولك كل شي
باهي : والله اني ماني متطمن
ساري : تطمن تطمن ولا تنسى سلم لي ع جدي وابوي وامي يللا فمان الله
باهي يطالع الجوال : الله يطمن قلبك ياساري مثل ماطمنتنا ويدخل وهو مبتسم
ابو ساري يطالعه : فيه خببر عن ساري ؟
باهي : عطوني البشاره واقولكم
الجد عبدالعزيز : لك اللي تببي لكن طمنا فيه خبر عن ساري
باهي : اييه كلمني من جوال واحد من اخوياه ويقول هو بخير بس انه طلع بمهمه سرية وقال اطمنكم مايمديه يمسك الجوال اكثر
ابو ساري قام وسجد سجود شكر: الحممددلله انه بخيير ويقوم ويطلع بيطمن ام ساري
الجد عبدالعزيز : الف الحمدلله انه بخير والله يطمن قلبك ويسعدك ياباهي مثل ماطمنتنا
ابو طارق : الحمدلله قلت لكم انه بخير
ابو راشد : بقوم اطمن راشدد
باهي : انا بكلمه ياعمي ويدق ع راشد
راشد بصوت كله ندم: هلا باهي
باهي : ارجع ارجع لقينا ساري
راشد يضغط ع الفرامل ويوقف فجأه والسيارات وراه يدقون بوري : اسألككك بالله ووينه ووين كان وليه خلى سيارته عند المزرعه
باهي: كلمني قال هو بمهمه سرية
راشد : تضحك علي انت ؟
باهي : والله انه كلمني وماقال لي هو وينه بس قالي اقولكم انه بمهمة سريه
راشد يتنهد: يعني باقي ماخذ بخاطره علي دامه ماكلمني
باهي : اييه حس شوي بغلطك انت وعمي
راشد : اسكت انت والله اني ندمان ومتحسف بعد ماارضى بساري
باهي : اجل ارجع البيت ارتاح باقي وراك دوام ولا نسيت
راشد : طمنتوا خالتي ؟
باهي: عمي قال هو بيطمنها
راشد : اجل جايكم
...
عند نيّاف
نيّاف لسى معصب من شِيام : تععانندني ماابي اهاوشها لكنها عنيده بتورطط نفسها
الجد عوض : لو عارضتها مارح تسوي الا اللي براسها بنت اختك وانت ادرى بها
الجده مليحه : وش صاير ؟
نيّاف يتنهد: حفيدتك ياخاله تبي تحمي اللي لقيناه وهو يقول فيه ناس يبون يقتلونه وانا خايف عليها
الجده مليحه تقوم : ووينها فيه ؟ مارح اسمح لها تتدخل بين المجرمين ماتدرون وش مسوي عشان يبون يقتلونه
مشعل لانه يعرف ان ساري محقق : طيب خلوها تسوي اللي تبيه اكيد مااخذت هالقرار اللي بعد مافكرت
عروب : اييه انا معاها تساعده ع الاقل لين ترجع له الذاكره واعرف شِيام مارح تترك احد بحاجتها
نيّاف بحده : انا ماابخليها ترمي نفسها بالنار عشان والله عنيده عناد بشي فيه خطر لها رح اكسسر هالعناد انا ماني مستعد اخسر بنات اختي عشان عنادهم
تدخل شِيام : خالي حبيبي لسى معصب؟
نيّاف يقوم لها : شِيام انتي تعرفين اني ماعمري رفضت لك طلبب واني احترم كل قراراتك لكن شي فيه خطر عليك لا والف لا
شِيام : ياخالي قلت لك اني واثقه من قراري ومارح اكلم الشرطة ولا رح نوديه مكان لين يتشافى جرحه وترجع ذاكرته
نيّاف يمسح وجهه وشعره بيدينه بقوه : شِييام انتي من متى ماتسمعين كلاممي ؟ اقولك ماله قععده هنا ماسمعتييه وش يقول ؟ يقول ناسس بيقتلونه يعني انتي الحين تحامين عن واحد حياته بكففه وتعرضين حياتك للخطر خلينا نسلمه للشرطة ونأمن عليه وعليك
شِيام : خاليي قلت لك خلك واثق اني مابورط نفسي ولو صار شي محد بيتحمل مسؤولية قراراتي هالشي راجع لي اننا واذا صار لي شي مارح الوم احد فيكم
نيّاف بصووت عالي وهو اول مره يرفع صوته عليهم : شِشششيامم لاتعععانددييني انا قلللت مارح يضل هنا يعني مارحح يضضل وبيطلع له نيّاف يوديه الشرطه
شِيام توقف عند الباب وتحجز الباب بيدينها : تككفى عشاني ياخالي وغلاةة مرييم لاتسلمه للشرطه
عروب تقوم وتوقف جنب شِيام ويلحقهم مشعل
عروب: خالي بس هالاربع ايام وبعدها اللي تبيه سوه بس تعرف ان شِيام مابتخلي مريض يروح من عندها وهو بحاجتها
مشعل : انا له بالمرصاد والله ان اذاهم مارحح اتركهه بس ماله حتى ٨ ساعات وجرحه باقي خطير
نيّاف: يارببب صببركك انتم بتجننوني ؟
انسام اول مره تشوف ابوها بهالعصبيه وتمسكه : بابا انت تعرف ان شِيام دايم قرارتها صح وماعمرها اخذت قرار غلط خلها هالمره تشوف نتيجة قرارها وانا متأكده مارح يصير لها شي لأن ذا اللي برا محق...
عروب تروح جنب انسام بسرعه وتقرصها
نيّاف: انتوا تعرفون شي ومخبين علي صح؟
انسام : لا يابابا بس انت تعرف اننا مستحيل نترك احد وهو بحاجتنا
مشعل : خلاص ياخالي كبرت الموضوع وهو مو مستاهل بنبقى معكم الاربع ايام لين شِيام تسلم ذا للشرطه او ترجع ذاكرته
انسام تبتسم : اييه هذا الكلام الصح
عروب تهمس لها : حبيبتي الحب طفح حتى من عيونك ووصل لعندي شوي شوي
نيّاف: هالمرره رحح اثق فيكم وان صار شي لشِيام كلكم مسؤولين ويدخل غرفته
شِيام تبتسم وتبوس راس نيّاف: مارح يصير لي شي خالي
مشعل يطالع عروب ويغمز لها انه حل الموضوع
عروب : ييع وش تسوي انت وتروح للمطبخ
انسام تقرب من مشعل اللي حبها له من طرف واحد : ممكن تعلمني ركوب الخيل ؟
مشعل : الله الله اعلمك بس خليها العصر ولا تبين الحين ؟
انسام : ابي الحيين عادي؟
مشعل: ماعندي مانع الحقيني ويطلع للخيول
انسام بتطير من فرحتها ولحقته : انت مين علمك ركوب الخيل جدي ولا لوحدك ؟
مشعل يضحك: لا والله جدي علمني ولا انا كنت مابي اتعلم
انسام تضحك من ضحكته
مشعل : عندك خيل لك ؟ وينه ؟
انسام: تبي الصراحه لا تو بابا جابهم قبل فتره وماقد جربت حتى اقرب منهم
مشعل بيدخل للاسطبل وتمسك يده انسام
مشعل توتر : وش فيك ليكون تخافين
انسام تطالع عيونه وهي بتموت من الحب وتبي تتقوله
مشعل : فيك شي ؟ اذا ماتبين عادي نرجع داخل
انسام تبلع ريقها وتبلل شفايفها: ابي اقولك شي
مشعل : قولي وش فيك وليه يدك ترجف؟
انسام : انا من زمان كنت انتظر هالفرصه وتاخذ نفس وتغمض عيونها وتعترف الاعتراف اللي لها سنين تبي تقوله ( مشعل انا اححبك وابيك وحببي لك سيطر على كل مشاعري ) وتفتح عيونها ومشعل متفاجئ منها
******************
انتهى البارت ونجمة لدعمي يانجماتي😔🤍
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
