بيت الجد عوض
مشعل يصرخ : ياعرررووب يا شِياممم تعالو
ينزلون ركض وتطلع الجده والجد من غرفتهم
الجد عوض : وشش فيك ؟ خوفتتنا
مشعل : عروبب سلمت ماجدد للشرطه وش بشارتي ؟
عروب : احححلففف وين ومتى
شِيام : انت لوحدك ؟
مشعل : اييه العنوان اللي وائل عطى عروب طلع منجد انهم فيه بس مالقيت الا ماجد
عروب تضحك : اييه مايجيببها الا رججالها
مشعل كان بيطير من الفرحه عشانها مدحته : اييه عشان ماعاد تستهينون فيني
شِيام تضحك: ومين مستهين بأخونا عشان امسح فيه الارض
الجده مليحه : يعني وائل بيطلع ؟
مشعل : والله اني مدري ياجده لكن نقول ان شاء الله
يدق جوال شِيام رقم غريب وترد
شِيام: الو هلا
صالح : السلام عليكم اعتذر على ازعاجك انا المحقق صالح مشارك في التحقيق اللي يخص وائل النميري ونحتاج مساعدتك لنا بالتحقيق
شِيام : وعليكم السلام وائل يعني فيه شي؟
صالح : لا يادكتوره شِيام اليوم مسكنا احد اطراف القضيه اللي تخص اخوك واتضح انه يعاني نفسيا وطلبنا مساعدتك تقدرين تجين ؟
شِيام : تمام رح اجي اعطني شوية وقت واكون عندكم
صالح : تمام بإنتظارك
عروب : وش فيه مين اللي كلمك ؟
شِيام : يقولون يحتاجوني فيه واحد في قضية وائل جاته اعراض نفسيه اتوقع انهم يقصدون ماجد
مشعل: اي لاحظت انه خايف مره ويصرخ مثل المصدوم
عروب : يستاهل واتمنى ماتعالجينه المجرم ذا
شِيام : بس هذا شغلي مجرم ولا غيره بالنهايه هو انسان
الجده مليحه: الله يوفقك ويحمييك كلمي صديقتك تروح معك
شِيام تضحك: طيب ياجده والله مارح يصير لي شي وبكلمها لازم اخذ اوراق معي بخليها تلحقني
عروب : وانا بعد بلحقك بس بمر المكتب اول
شِيام : طيب وانتبهي لنفسك
وتلبس شِيام وتطلع وتدق ع غيد
غيد: هلا مو ع اساس في اجازه شفت رسالتك
شِيام : فكرتك ماشفتيها المهم ابيك تجين للمكان اللي قابلنا فيه احمد في التحقيق وجيبي الاوراق اللي قلت لك
غيد : ابشري اصلا انا بالعياده باخذ الاوراق والحقك
........................................
بالمركز
صالح : كلمتها وقالت بتجي بس ماتبي نخلي مسؤوليتنا ونوديه المصحة ؟
ساري : لااا لو وديناه المصحه بيطول التحقيق اكثر ولما تجي الدكتوره نعرف وش فيه اذا جد ولا تمثيل
صالح : انت وش رايك ؟ تحس انه بريء هو بعد ولا
ساري : اعترف بس انهار بنص الاعتراف
صالح: تبي نبلغ المدير
ساري بعصبيه : انا قلت لك تحفظ ع الموضوع عطني شوية وقت لأن القضيه تخص ولد عمي ولازم اعرف
صالح: طيب اللي تشوفه
يدق جوال ساري "باهي"
ساري : هلا باهي
باهي : هاه طمني وش الجديد في القضيه ؟
ساري : باقي مافيه جديد
باهي: والله جدي تعبني بالاسئلة يبي يعرف كل شي
ساري : راشد كان هنا وطلع وانا باقي بشوف وش الادله الجديده بالقضيه واعلمك
باهي : طيب حافظك الله ويقفل
ساري دخل عند ماجد ولقاه جالس ويدينه ترجف ومتوتر ويهز رجله بسررعه : تبي تقنعني انك مريض ومانقدر نستجوبك؟
ماجد يطالعه بحده وماتكلم وياكل اظافره
ساري يضرب الطاوله بقوه ويقرب من وجهه : ميين اللي قلت له لايسوييها وسواها وائل؟ ميين اللي صددم هانني ومين له المخدرات
ماجد يطالعه وماتكلم ويهزز رجله بشكل مبالغ فيه
ساري تنرفز وعصصب ويرفع صووته : انتت ماتسسسمع ولا انصمخخت بعد عشان مانحقق مععك
ماجد بصوت اعلى من صوت ساري : انا مااسسسويت شي ومالي ذنبب
ساري يرمي الكرسي ويقربب من ماجد ويمسكه من رقبته : مالككك ذنب تقولي هاه مالكك ذنبب وراح واحد بعز شبابه بسبب استهتاركم وتقول مالك ذنب
جات شِيام وصالح اشر لها ع غرفة ماجد : ترى عنده المحقق ساري
شِيام : تمام وتتقدم للغرفه واول ماقربت من الباب تسمع صوت ماجد
ماجد: اقولللكك مو انا مو انا مو انااااا ويرتجف ويحط يدينه ع اذانه
شِيام تفتح الباب بسرعه وتشوف ساري ماسكه والولد يصرخ
شِيام تتقدم وتفك يد ساري : انتت ماعندك غيير هالاسلوب والشده والعنف الولد منهار ارحممه
ساري توتر ومايدري ليه توتر : يادكتورره المجرمين ماتمشي معهم الطيبه واظن انك تعرفين
شِيام : بس لما يكون المجرم مرريض مااعتقد ان لك حقق تهاجمه وتستغل ضعفه ومكانتك
ساري عصب من كلمتها: استغلل ضعفهم ؟ وياخذ نففس عميق انا ماني رايق للنقاشات معك بس ياليت تخلصين شغلك عشان اكمل شغلي وويمشي ويوقف بزاوية الغرفه
شِيام تطالعه وبحده : ممكن تطلع برا عشان اقدر اهديه ؟
ساري : عشان لو قال شي عن اخوك مااسمعه ؟ مارح اطلعع تبين تعالجينه وتهدينه بوجودي اذا ماتبين تقدرين تطلعين
شِيام تطالع ماجد وكيف القلق ضارب عقله وتقرب لساري وتكلمه بصوت واطي : والله لو مو هالولد مريض كنت شفت شغلي معك
ساري عصب ويقبض يده وماتكلم
شِيام : ماجد تسمعني ؟ اذا تسمعني هز راسك
ماجد يهز راسه يعني ايه اسمعك
شِيام تطالعه وهو من كثر ماشبك يدينه ببعض جرح نفسه وتفتح شنطتها وتطلع منها كرة تخفيف القلق وتفتح يد ماجد وتحطها فيها حاول تضغط عليها كل ماحسيت بقلق او توتر
ماجد يضغط عليها بسرعه ويعلى صوت انفاسه وعيونه ترتفع البؤبؤ وعرفت انه عنده اضطراب القلق والخوف
شِيام : اهدا محد يقدر يسوي لك شي خذ نفسس عميق وتتنفس معاه
ماتدري شِيام ان فيه عيون تراقبها وصاحب هالعيون جاهل وش الاحساس اللي يحسه
ماجد يغغمض عيونه ويتكلم بسرععه : انااا قلت له نسعفه انا قلت له قال عنده خطه انا مالي ذنب
ساري مافهم نص الكلام ويقرب : وش يقول؟
شِيام : ممكن تبعد بتزيد توتره وقلقه لو قربت
ساري يضغط على اسنانه وياخذ نفس ويرجع لمكانه
ماجد لسى مغمض عيونه ويضغط ع الكورة حقت القلق
شِيام : مافي احد غيرنا بالغرفه خذ نفس وكمل واذا حسيت بضغط وقف مافي شي ورانا
ساري خاف يتدخل تفصل عليه شِيام
ماجد يتنفس بسرعه ويضغط ع الكورة : وائل ماكان معنا تركناه بالاستراحه ورحنا
شِيام: ايه ؟ انت ومين ؟
ماجد بخوف وتأتأه: انا وعممر قلت له لاتسرع ماتعرف تسوق هالسيارات هو ماسمعني وصدمناه
شِيام بدأت تعصب : اييه ووش سويتوا بوائل؟
ماجد رجع يتوتر ويرتجفف
شِيام تقوم وتضرب ع الطاوله : وشش سويتوا بوائل
ساري ابتسم وقرب : مو على اساس اني انا استخدم العنف والشده
شِيام تطنشه وتاخذ نفس وتهدأ: ماجد قول وش سويتوا بوائل؟ ليه غدرتوا فيه؟
ماجد بتوتر : انا احب وائل واعزه مثل اخوي لكن هذي خطة عمر اعطاه مخدرات وحطه بالسياره ووداه لمكان الحادث
شِيام تطالع ساري : سمعت مو قلت لك ان وائل بريء
ماجد يبي يبري نفسه : عمر ببيت جدي حسين ويطلع طول الليل ويرجع الصبح
شِيام تكلم ساري : اظن انه لهنا وينتهي شغلي ويبدأ شغلك اخوي ماسوا شي
ساري: للحين مافيه دليل ولازم نمسك عمر عشان نعرف يمكن هم متفقين على عمر
شِيام عصبت: كل هذا عشان ماتعترف انك ظلمت شخص وسجنته لمده فوق الشهر ؟ وتاخذ كورة القلق وتحطها بشنطتها وتطلع
ساري عصب وبصوت عالي : هذا وجههي ان طلع اخوك من السجن
راشد جاي لساري وقابل شِيام طالعه من الغرفه : اكيد انتي الدكتوره
شِيام : اييه
راشد بصوت عالي : اخوك مارح يطلع تأكدي من هالشي لو عطيتيه مية تقرير انه مجنون
شِيام بعصبيه : وانتت ميين عشان تكلمني بهالطريقه
يسمعهم ساري ويطلع بسرعه وينادي راششد ويتقدم لهم
راشد بحده وعصبيه : انا اللي اخوك قتل اخوي والله ان طلع رح اقتله بيديني الثنتين حتى لو كان مجنون
ساري: خلاص راشد وش فيك
شِيام تطالع ساري وترجع تطالع راشد: اها فهمت كلكم نفس الكلام لكن اخوي بريء ورح يطلع وبالقانون
راشد عصب وماعاد شاف قدامه ويمسكها من يدها بقوه وتطيح شنطتها
ساري يجي بوجه راشد وبعصبيه : راششد وشش تسسوي انت مجنون ولا صاحي فكك يدها
شِيام فكت يده بقووه ودفته وطاحت الطرحه عن راسها : والله العظيم لو انك مو لابس رسمي ومو بمكان مثل هذا كان علمتك شغلك وتاخذ شنطتها وتروحح
ساري استغرب من قوتها وثقتها ويرجع يطالع راشد: انت صاحي ولا انهبلت تعررف ان هذا مكان تحقيق وامن وشرطه لو احد شافك كنت انسجنت وبعدين هي وش دخلها تهاوشها
راشد: وش دخلها ؟ مو اخوهاا القاتل ولا وش تشوف انت
ساري : ماجد اعترف بمكان عمر وبنروح نمسكه ونكمل تحقيق لكن انت ارجع البيت من قلة النوم بديت تتصرف مثل المجانين
راشد : اي تططور قول لي ويروح
ساري بيدخل الغرفه ويشوف كورة القلق والتوتر حقت شيام وياخذها ويطالع وش مكتوب " لا داعي للقلق انا معك " يتنهد ساري وتتلخبط مشاعره بين حقد وحزن وحنية وتوتر ولا يدري وش هالاحاسيس
غيد جايه بعد الزحمه شِيام راحت وتتصادف مع راشد
راشد يطالعها مانساها ويكلمها: الدكتوره راحت اذا انتي جايه عشانها
غيد : متى راحتت ؟
راشد : قبل شوي ويمشي لسيارته
غيد تطالعه : وش فيه حزين ومعصب ( ماتدري ان اخوه مات) وتمسك جوالها وتكلم شِيام
غيد: ليه ماانتظرتيني؟
شِيام وواضح انها معصبه: خلصت وطلعت انتي وصلتي هناك اسفه والله اني جبتك بس اذا الاوراق معك برسلك وش تعبين فيها وسلميها للمحقق المسؤول
غيد : ابشري وتجلس وتعبي الاوراق
ساري بمكتبه وماسك الكوره ويطالعها : معقول هالكوره تشيل القلق والله مدري عن هالدكتوره ذي اذا هي صادقه ولا تسوقها علينا
غيد تدق الباب
يتوتر ساري ويخبي الكوره بالدرج: تفضل
غيد تدخل : انا مساعدة الدكتوره شِيام وقالت لي اسلمك هالاوراق بخصوص المتهم ماجد واعطته الاوراق وبتطلع
ساري: وينها ماجابتها هي ؟
غيد مستغربه : الدكتوره راحت وقالت لي اسلمها لك
ساري تدارك نفسه: طيب مشكوره
غيد : العفو وتطلع
ساري يتنهد ويكلم نفسه : الله يهديك ياراشد ماصرت تفرق بين الحق والباطل ماكان لها ذنب عشان تهاوشها
صالح يدخل ويكلم ساري: طلعت مذكرة تفتيش نقدر نروح للبيت اللي قال عنه ماجد
ساري : توكلنا على الله ويطلعون
*************************
أنت تقرأ
نظرتك كانت بحر ونظرتي كانت غريق
Chick-Litالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
