بيت الجد عبدالعزيز
دخل عليهم عبدالله ابو راشد جاي من دوامه اللي بمدينه ثانيه
عبدالله بصوت عالي: مسساكم الله بالخير يااهل البيت
الجد عبدالعزيز : ياهلا ومسهلا بعبدالله هلا بالعسكري
عبدالله يدق التحيه ويسلم ع ابوه : كيفك يبه ووش احوالك
الجد عبدالعزيز : بخير عساكم بخير غريبه ماقلت لنا انك جاي
عبدالله : راشد اثير الاء سلموا ع راس جدكم وش فيكم واقفين
يبوسون راسه احفاده
راشد: جدي وين ساري ؟
الجد عبدالعزيز يضحك : ساري راح مع ابوه للمعرض
عبدالله : ماشاء الله والله وصار ساري رجال
راشد : وانا بعد رجال مثل ساري
اثير : وانا والاء ياجدي ماتحبنا
عبدالعزيز يضحك ويضمهم : انتم نور البيت ونجماته كيف مااحبكم
ام راشد تبوس راسه: كيفك ياعمي عاد عبدالله عنده لك بشاره
عبدالعزيز : عسى الله يكثر من البشاير علمني ابي افرح
عبدالله ابو راشد: من اليوم ماعاد به سفر بنضل مقابلينك
عبدالعزيز يضحك ومبسوط : الحمدلله عيالي بيصيرون حولي ومابيفارقوني
راشد ينط بحضن جده : وانا ياجدي ماعاد بسافر بضل معك ومع ساري
عبدالعزيز الجد : اييه وتكبرون سوا وتصيرون سند وظهر لبعضكم
ابو طارق ينزل من فوق : ياهلا بعبدالله خشمك يارجال صارلنا ٨ شهور ماشفناك
عبدالله : هلا فيكك ومن اليوم مابنروح مكان مقابلينكم
ام راشد تطلع وتقابل ام طارق وام ساري وتسلم عليهم
ام ساري : تو مانور البيت والله اني انبسطت بشوفتك
ام راشد : النور نوركم
ام ساري تحب اثير والاء : تعالوا يانجمات البيت وتبوسهم
الاء بعمر الست سنوات توريها ملابسها : خالتي وش رايك في فستاني
ام ساري : يههبل مثلك ياحبيبتي
اثير بعمر ال ٩ سنوات : خالتي وين طارق ؟
ام طارق : بالحوش مع اخوانه ماشفتيه ؟
اثير : لا بس بروحح له
الاء: انا ابغى اروح بعد وينزلون
طارق وياسر وباهي بالحوش خطط ع ساري منذ الصغر لكن باهي ماقبل خطتهم
طارق بعمر ال ١١ سنه : انت انقلع ياجبان خل ساري يصير كل شي له ونقعد بالشارع ( تأثر بكلام امه)
باهي بعمر ال٧ سنوات : اذا ضربتوا ساري بقول لجدي
ياسر بعمر ال ٩ سنوات : نضربه عشان ماعاد يضرب طارق مره ثانيه ونقول لجدي انه هو اللي بدأ
باهي يزعل منهم ويروح مابيسوي معهم خطتهم ودخل وجلس جنب ابوه وكتف يدينه
الجد عبدالعزيز : ياباهي الوجه وش فيك زعلان ومكشر
باهي يطالعونه اخوانه بتهديد : ولا شي ياجدي
يجون اثير والاء من فوق ويركض باهي يبي يلعب ونسى الخطه ماقال لجده
................
عند عوض ابو يوسف
عروب في بيت جدها الكبير والفخم : جدي احنا بنعيش هنا معك صح؟
مشعل يحط يدها حول رقبتها : ايه بتعيشون معنا انتي وشِيام
الجده مليحه تضحك: اييه ويصيرون يلعبون معك
شِيام والحزن بعيونها: جده انا اخاف ابوي يهاوش
الجد عوض : خليه يهاوش وانا اضربه ب ذي ويأشر ع عصاته
شِيام تحضن جدها: ماابي عند ابوي
الجد عوض يحضنها: ومين قال اني بخليكم عنده
الجده مليحه تمسك يد شِيام الصغيره وتبوسها : يالغاليه مالك روحه من عندي وبكره اخر يوم في عزاء امك بناخذكم ونروح البر ويعلمك جدك الصيد ولا ماتبين؟
شِيام : الا ياجده بس انا خايفه
تحضنها الجده : لاتخافين ابوك هو ولدي مايقدر يعصاني وياخذكم
عروب تنط هي ومشعل ومبسوطين انهم رح يعيشون سوا
..............
عند ابو شِيام
نيّاف يدق الباب بقوه : افتح يايوسف لااكسر هالباب ع راسك
يفتح ابو شِيام الباب : انت علامك مستقوي هاليومين ولا تبيني اعلمك الادب
نيّاف: ماهو انت ياقاتل تعلمني الادب ووين بنات اختي مارح اخليهم يعيشون مع قاتل امهم
ابو شِيام يضحك: قاتل مره وحده ترى هي ماتت من نفسها
نيّاف يمسكه من رقبته: والضرب اللي كان ع جسمها ماحبيت اقولها لك قدام البنات عشان لايتأثرون لكن لاتحسبني بمشيها لك وانا اخو مريم
ابو شِيام يمسك يدين نيّاف ويدفه : ورني وش بتسوي يااخو مريم
نيّاف يبتسم ابتسامة انتصار لما وصلت الشرطه : هذا هو السبب في موت اختي
الشرطي: ياليت تتفضل معنا للمركز
ابو شِيام : والله اني مماسويت شي ماتت موته طبيعيه
الشرطي: نشوف بالمركز وياخذونه
ابو شِيام يهدد نيّاف : انا اوريك يابزر انا توديني مراكز شرطه والله ماتاخذ بنات اختك وراسي يشم الهواء
نيّاف بصوت عالي: والله ان اخذهم وغصب عن خشمك ويدخل البيت ويدور للبنات مايلاقيهم ويخاف ويطلع يدور لهم برا وينادي شِششيام ععععروبب وينكمم
يطلع له جارهم : تدور ع البنات ؟ اخذهم جدهم اليوم
نيّاف يتركهه ويرككض لسيارته ويمسك الجوال ويكلم عوض جد البنات
عوض : هلا ياولدي احسن الله عزاك مره ثانيه والله انها خساره كبيره لنا
نيّاف: الله يجزاك خير ياعمي لكن سمعت انك اخذت البنات وينكم فيه؟
عوض: ايه اخذتهم وهم معي بخليهم يعيشون عندي
نيّاف: انا ابي ازوركم اقدر الحين ؟
عوض : حياك الله في اي وقت البيت بيتك
............................
بيت عبدالعزيز
يدخل ساري وابوه للبيت ويجي راشد رككض ويحضن ساري
ابو ساري : هلا برفيق ولدي وين ابوك؟
راشد : هناك جوا عند جدي وعمي سالم
ساري : متى جيتوا
راشد : تو جينا العصر وترى ماعاد بنسافر بنقعد هنا
ساري ينط من الفرحه وينط معه راشد ويركضون لجدهم
عبدالعزيز : عسى الله مايفرقكم ايه ابيكم عزوه ويطالع ياسر وطارق وانتوا بعد كلكم مثل الاخوان
طارق : ساري يللا تعال نلعب بالحوش
ساري : يللا ويطلع هو وراشد ويلحقونه ياسر وطارق
باهي تذكر الخطه وراح يهمس لجده
عبدالعزيز : افا انا ماربيتهم يكونون غدارين بس قرر يراقبهم ويشوف
ابو ساري : وش فيه يبه ولا اسرار بينك انت وباهي
ابو طارق : باهي ولد تعال وش قلت لجدك
ابو راشد: خلوه علامكم عليه بينه وبين جده اسرار ويغمز له صح ياباهي
باهي خايف ويدخل ورا جده
عبدالعزيز : لاتخاف انت بطلل
طارق وياسر الغدارين رموا الكوره بعيد ويطالعون بعض وبصوت واحد : ساري روح جيب الكوره
راشد يركض : انا بروح اجيبها
طارق وياسر يطالعون بعض لان راشد خرب خطتهم
الجد عبدالعزيز اخذ باهي وطلع ويراقبهم من بعيد يبي يعرف اخرتها
ساري: ليه رميتها بعيد كان يمديك ترميها قريب
طارق يقرب منه ويمسكه من رقبته : ليه بتروح تشتكي لجدي؟
ياسر يمسك يدين ساري من ورا ويكتفه عشان طارق يضربه
الجد عبدالعزيز كان بيتدخل لكن شاف ساري تصرف ودف طارق براسه وطاح ع الارض ومسك ياسر ورماه : انا جدي ماعلمني اشتكي علمني اخذ حقي بيدي قبل يبرد
يضحك الجد عبدالعزيز وينادي: ياسسااري والله انك بططل ورجال
باهي يركض لساري: ترى طارق وياسر كانوا ناوين تطلع برا ويضربونك ويقفلون البوابه
طارق يتوعد اخوه الصغير وياسر منزل راسه خايف من جده
يجي راشد بالكوره : وش فيكم ياعيال وش صار
ساري يضحك: هزمتهم بضربه وحده
راشد يطالع بإستغراب وش فيهم
الجد عبدالعزيز عصب : يللا قدامي كلكم
وخافوا من صراخ جدهم ويدخلون كلهم منزلين روسهم الا ساري ماخاف ولا نزل راسه
ينزلون امهاتهم ركضض لما سمعوا صوت عبدالعزيز
ابو ساري : خير يبه وش صار؟
ابو طارق يركض لطارق وياسر: وش فيكم وليش ملابسكم كلها تراب
ابو راشد : وش فيه يبه ؟
الجد عبدالعزيز يأشر ع طارق وياسر : انا ماعلمتكم انكم تاخذون حقكم بمرجله وبدون غدر هاه؟ ولا تبون تصيرون انذال وغدارين لاكبرتوا
ابو طارق: يبه وش هالكلام ترى توهم بزران
ابو راشد: ايه والله يبه ماينفع هالشده معهم وهم صغار
ابو ساري يطالع ساري : وش صار وانا ابوك؟
الجد عبدالعزيز : جاسر ولدك مو هو المقصود بكلامي اقصد هذول الاثنين كنتم تبون تضربون ولد عمكم عشان ايش ؟ واثنينكم ليه ماواجهه واحد منكم
ساري يجي جنب جده: لكن ياجدي انا مسامحهم
الجد عبدالعزيز : لكن انا ماني مسامحهم تبون تصيرون اذا كبرتوا غدارين ؟
طارق وياسر واقفين ماتكلموا
عبدالعزيز بصوت عالي: جججاوبوني تبون تصيرون غدارين ؟
طارق وياسر : لا
عبدالعزيز : رح تمشي هالمره لكن ان عدتوها ياويلكم ويللا انقلعوا من قدامي
باهي خايف وجاء ورا ساري
ساري: علامك ؟ لاتخاف حتى لو اخوانك مابخلي احد يضربك
راشد يجي جنب ساري ويضرب ظهره : انا وانت جدي يقول عننا ابطال ويضحك
ام طارق تهاوش ام ساري: ولددك المدلل ذا رح يخلي جدهم يكرههم وهم ماسوو شي
ام ساري : الا ساري يافوزية والله ان احد قرب له لاانتي ولا عيالك ان اقطعه ومايهمني صغار ولا كبار
ام طارق : اييه ساحرره عمي ومخليته مايحب الا ساري ادري فيكك
ام راشد تدخل بينهم: خللاص تعوذوا من الشيطان علامكم تتهاوشون ع البزران يتضاربون ويتصالحون
ام طارق تطننش وتاخذ عيالها وتروح غرفتها
ام ساري: فوزيه وعيالها حاطين دوبهم من دوب ولدي
*****************************
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
