جاء اليوم الثاني في بيت شِيام ذات العشر سنوات
اسماء : انا تعبانه حبيبي لاتخلي شِيام تروح المدرسة خلها تساعدني شوي
يوسف السلتوح : لو تبين افصلها من المدرسة بعد
اسماء: لا حبيبي تبي ابوك وامك يقلبون علينا وماعاد يعطونك شي من الحلال والفلوس
يوسف : والله انك صادقه وبصوت عالي ياااشِييام يابلوتي في الحياه
شِيام لابسة المريول : هلا يبه كنت اجهز عروب للمدرسة
ابو شِيام: اقول انقلعي غيري هالمريول واليوم مافي روحة للمدرسة انتي وهالعله الصغيره
شِيام: بس يبه احنا في اخر السنه لاز...
ابو شِيام وبصوت عالي : انتتتي ماتفهمين ؟ اقولك انقلعي غيري وتعالي ساعدي عمتك
عروب خافت وماطلعت من الغرفه
شِيام: مين عمتي؟
ابو شِيام يشدد اذنها بقوه : مين يعني اسماء زوجتي وعمتك تفهمين
شِيام وهي تكابر ماتبكي: ططيب وتروح
اسماء : حبيبي الله يخليك لي وللي في بطني
شِيام بقههر وتدخل عند عروب وتلاقي عروب تكلم خالها وتسحب الجوال
عروب تبكي: ماقلت له شي والله
نيّاف: شِيام ياحبيبة خالها كيفك؟ وكيف عروب محتاجين شي؟
شِيام وصوتها حزين : لا ياخالي بس متى بتزورنا ؟
نيّاف : بكره وانا عندكم وباخذكم تحضرون زواج خالكم ولا ماتبون ؟
وفيك شي ابوك او زوجته قالوا لك شي؟
شِيام ماتبي خالها يتأذى : لا ياخالي بس تعال اشتقنا لك انا وعروب
ويدق الباب
شِيام: خالي بقفل الحين جدتي وجدي جو عندنا
عروب ترركض بسرعه وتطلع لهم
مشعل يركض ويحضن عروب : احنا جيينا
عروب مبسوطه ومثل اي طفل يشوف جده وجدته وتبوسهم
شِيام وهي دموعها تسبقها : جججدتي وتححضنها
الجده مليحه : ههلا بالغاليه هلا بعيون جدتها وش فيك تبكين؟ وليه ماداومتوا المدرسه ؟
شِيام تناظر ابوها وزوجته : لا ماعندنا شي اليوم وماداومت
مشعل ببراءة: بس انتي وعروب لابسين لبس المدرسه
الجد عوض يطالع يوسف: وش صاير بالبنات ؟ وليه واضح عليهم التعب وكأن لهم شهر مااكلوا؟
يوسف يتوتر: لا يبه شوفهم وش زينهم واسماء ماتقصر معهم
اسماء: هلا خالتي وعمي حياكم الله
الجده مليحه خزتها ورجعت تكلم شِيام: ليه اذنك احمر ؟ وتتفقدها وتشوف ان الكف مبين بوجهها وش هذا ؟ احد ضربك ؟
شِيام بخوف : لا انا تضاربت مع بنات في الباص امس
عروب بتجي تتكلم وتعطيها شِيام نظره
الجده مليحه: اكييد ؟ والله ان اللي يلمس شعره منك ان يده اكسرها له
الجد عوض شك بالموضوع ويطالع يوسف: ليكون انت تضربهم ؟ والله لو اعرف انك تضربهم انت ولا ذي ويأشر ع اسماء ان يصير شي مايرضيك
ابو شِيام: يبه انت جيت تزورنا ولا تهاوشنا شوفهم قدامك اسألهم اضربهم ولا لا
شِيام: جدي مافي احد يضربنا
عروب تساسر مشعل وتقوله باللي صار وتقوله لاتعلم اذا علمت ابوي بيضرب خالي ويموت
شِيام: جدتي خالي بيجي بكره ياخذنا نحضر زواجه حتى انتي بتروحين معنا صح؟
الجده مليحه : اييه بروح وبنروح السوق قبلها تشترون فساتين
مشعل : وانا ياجده بروح معكم
الجد عوض : وانت بعد معنا هو مثل خالك بعد
اسماء تدق ابو شِيام عشان يرفض يروحون
ابو شِيام : بس انا ماابي بناتي يسافرون عشان يحضرون زواج
الجد عوض : الله يهديك خالهم الوحيد وماعندهم اهل ام غيره
ابو شِيام : ايه بس البنات وراهم مدرسة ولا نيّاف يبي يغيب البنات عن المدرسة اربع ايام
شِيام تطالع ابوها وعطاها نظره يعني ارفضي : ايه ياجدي عندي مدرسه انا وعروب ولازم نروح
........................
عند نيّاف وحبيبته واللي بتصير زوجته الجوهره
نيّاف يرد ع الجوال : هلا حبيبتي
الجوهره: ماتسأل عن حبيبتك اللي بعد اربع ايام بتصير زوجتك
نيّاف يضحك: هلا بحبيبتي وزوجتي والله اني كنت بتصل عليك لكن كنت اكلم بنات اختي
الجوهره: يابعد عمري هم وكيفهم ؟
نيّاف: تبينن الصدق قلبي مو مرتاح مع انهم يقولون كل شي تمام
الجوهره: مدري زوجة ابوهم كيف تعاملهم
نيّاف: صوت شِيام ماكان طبيعي لازم بكره اروح ازورهم
الجوهره: اييه حبيبي وجيبهم لزواجنا
نيّاف: اكيد ان شاء الله
الجوهره: الله يخليك لنا حبيبي الحنون
نيّاف : ويخليك لي ياحبيبة عمري ويطالع الجوال ان شِيام تتصل
نيّاف : حبيبتي شوي وارجع اكلمك ويققفل ويرد ع شِيام
شِيام: خالي كيفك
نيّاف: هلا بحبيبة خالها صار شي؟
شِيام بتوتر : خالي عادي انا وعروب مانجي زواجك؟
نيّاف: افا وليه ؟ ماتبون تشوفون خالكم عريس وتشوفون زوجة خالكم ؟
شِيام : الا بس عندنا مدرسه وصرنا اخر السنه اذا ماجينا بيخصمون درجاتنا
نيّاف: طيب انا بكلم مديرة المدرسة واستأذن لكم
شِيام: لا لا ياخالي بعد الزواج تعال زورنا انت وزوجتك
نيّاف وهو مو متطمن : اللي تبينه ابشري به
....................................
مرت الايام وولدت زوجة يوسف وجابت ولد وسموه وائل
اسماء: حبيبي نادي شِيام ترتب لي السرير معفوس
ابو شِيام : ياشِيام تعالي
شِيام : هلا بابا
ابو شِيام : يللا رتبي السرير لأم وائل
شِيام : يبه انا مااقدر ارتبه ثقيل و...
ابو شِيام يشيلها من تيشيرتها وبصصوت عالي : انا قققلت رتبيه يعني رتبييه
شِيام خافت ورتبته ع طول
ابو شِيام : هذا هو الولد اللي بيرفع راسي مو انتي واختك الله يفكني منكم
اسماء تبي تشردهم من البيت: ويبقى هالبيت لي ولولدي صح حبيبي ؟
ابو شِيام يضحك: صار بأسم ولدنا اصلاً
شِيام تناظرهم بتقزز : انا خلصت تبي شي ثاني ؟
ابو شِيام: اسألي عمتتك اول شي
اسماء: لا حبيبي بس ابيك تروح تجيب لنا اغراض انا وولدك
ابو شِيام : ابشري انا رايح ارسلي اللي تبينه وطلع
اسماء: تتعالي ياعله اجلسي عند البيبي بروح اجيب له ملابس واجي وياويلك لو جاه شي وراحت
جات عروب وتمسك البيبي: شِيام انا كنت صغيره مثله ؟
شِيام تضحك وتشد خدودها: اححلى منه انتي
عروب تهزه بقوه تبي تلعبه وجات اسماء وتحسب عروب تبي تخنقه
اسماء تصصرخ: ياححيوانه تبين تقتلينه صدق انكم خبيثين وتسحب عروب وتضربها بشكل مبالغ
شِيام قاممت بسرعه وتدافع عن اختها بس ماقدرت تفكها بس ععضتها بققوه
اسماء تفك عروب وتمسك شِيام من شعرها: اننننا مو قلت لك بككسر اسنانك لو عضيتيني مره ثانيه
عروب تبككي وببراءه : شِيام ماسووت شي وحتى انا ماسويت شي انا كنت ابيه يلعب
اسماء: كنتي تبينه يلعب هاه وتاخذ عروب وتسحبها وبمقاومة شِيام وتقفل عليها بغرفه فاضيه وعروب تصررخ وتدق الباب افتحي لي انا ماسويت شي
شِيام تقاومها تبي تاخذ منها المفتاح: عططيني المفتاح عروب ماسوت شي
اسماء: لا جا ابوك لنا تفاهم واختك بتنحبس لين يجي ابووك
شِيام : لااا عطييني المفتاح الححين اختي ماسوت شييي هي تخاافف
اسماء: تخاف هاه وكانت بتقتل ولددي
شِيام بالرغم من صغر سنها بس كانت ذكيه رككضت للغرفه واخذت وائل وهو باللفه وجابته
اسماء: جععل يدك الكسر مين قال لك تشيلينه جييبيه
شِيام تقفل الغرفه عليها: اذا ماعطيتيني اختي مافي ولدك
اسماء: الله ياخخذك ويقولون صغار وين الصصغر مع هالخببث وتفتح لعروب هذي اختك جييبي الولد ياحيوانه
شِيام تفتح الباب وتعطيها الولد وتمسك عروب بسرعه
اسماء ترفع يدها وتعطي شِيام كفف بقووه ع دخلة ابوها البيت
ابو شِيام: وش صار؟ وياخذ وائل من يد امه
اسماء تسوي نفسها تبكي: هذول الثنتين كانوا رح يقتلون ولدك يايوسف ياابو وائل
ابو شِيام عصصب: امسسكي ويناولها الولد ويمسك شِيام وعروب من شعورتهم امكم اللي ماربتكم ماقدرت تجيب لي هالولد يوم جاني ولد تبون تقتلونه
اسماء بخبث: حبيبي اخاف اذا نمنا يقتلونه قفل عليهم بالغرفه
ابو شِيام الخروف مسك البنات وقفل عليهم بغرفتهم : والله ان اخليكم بهالغرفه لين تلحقون امكم
شِيام تبكي بس تسوي نفسها قويه وتحضن عروب المرعوبه : انا معك حبيبتي مابخلي احد يأذيك
عروب ترتجف وتبكي وتحضن شِيام
اسماء تبكي كذب: كان بيموت ولدنا
يوسف: لا بارك الله فيهم من بنات مدري متى افتك منهم
اسماء: ليه ماتوديهم عند امك وابوك؟
يوسف : لااا ابوي لو عرف اني ضربتهم مابيعطيني شي
اسماء : اييه صح ويدق جوالها "راكان"
اسماء: هلا ب اخوي اللي مايسأل عن اخته
راكان ( كان داشر ومافي احد يذكره بالخير): انا عند الباب افتحي بشوفك وبشوف ولد اختي
اسماء: يللا بخلي يوسف يفتح
يقوم ابو شِيام ويفتح له الباب : هلا بالنسيب ويسلم عليه
راكان: هلا ب ابو وائل ويدخل
اسماء : مابغينا نشوفك قاطع اختك
راكان يضحك: كنت مشغول
اسماء تطالع يوسف: حبيبي خل شِيام تجيب لنا قهوه
ابو شِيام يقوم ويفتح باب غرفتهم بالمفتاح: بننت قومي سوي قهوه وجيبيها وبسرعه
شِيام خايفه وتقوم بسرعه وتسوي القهوه وتجيبها
راكان الخبيث يطالعها : هذي بنتك يايوسف ماشاء الله
يوسف: اييه ويطالعها وين التمرر انقلعي جيبيه
شِيام : طيب وتروح تجيبه
راكان : وين الحمام ؟
ابو شِيام: ثاني باب ع يمينك
ويطلع وهو حاط عينه ع شِيام ويروح لها المطبخ وهي تدور التمر ويمسك يدها ( وش تدورين ياحلوه)
شِيام تحاول تفك يدها منه : وانت وش دخلك فكنني ولا انادي ابووي
راكان بإستهزاء: يللا نادييه ويلمسس وجهها بيده الثانيه
شِيام خاييفه ومتقرفه منه وتقاوم وهو يسحبها وجمعت كل قوتها ودفته وجاء راسه ع طرف الدولاب وانجرح وهربت لغرفتها مع عروب وتقفل الباب
راكان: هيين اجل البزر ذي تجرحني انا اوريك ويرتب نفسه ورجع عند اخته
اسماء: وش هالجرح وش فيك؟
راكان بتوتر: لا طحت وصك راسي مغسلتكم ويضحك
ابو شِيام : بسيطه بسيطه ويضحك ويلتهون عن شِيام وعروب
شِيام تمسك عروب يللا بسسرعه
عروب : بس اخذ اغراض المدرسهه وكتبي
شِيام بسرررعه وتراقب الباب وتاخذ اختها وتتسحب وتطلع برا البيت وتدق ع خالها
نيّاف يطالع الساعه انها ١١ بالليل ويفزز ويرد : هلا بعيون خالها
شِيام تبكي ومنهاره: الحقنا ياخخالي بسرعه تعال قبل يعرف ابوي اننا طلعنا
نيّاف: وشش تقولين وينك فيه ووش صار ؟
شِيام تبكي بخخوف : احنا في البقاله اللي عند البيت
نيّاف يففز ويرككض : خلييك ع الخط لاتقفلين وكيف عروب صاير شي لكم؟
الجوهره وهي حامل : نننيّاف وين بترووح لييه طلعت بسرعه وش صاير بس نيّاف طلع ماسمعها
شِيام تبكي وماقالت شي
نيّاف بقلقق: شِيام وشش فيكم اختك صاير لها شي؟
تاخذ عروب الجوال: انا هنا خالي بس تعال بسرعه
نيّاف مسسرع وقطع الاشارات
شِيام حاضنه اختها وخايفه يجي ابوهم ولسى خالهم ماوصل
ابو شِيام : يااااشِيام وين التمر هالبنت نققمه والله ويقوم ومايلاقيها بالمطبخ ويدخل الغرفه ومايلاقيهم وبصوت عالي شِيييام عروووب انا اوريكم يابنات ابليسس
راكان واسماء جو رككض: وش فييك
ابو شِيام معصصب: البنات موب بالبيييتت ويطلع
راكان خاف : وين راحوا
اسماء تطالعه : وش فيك متوتر ينقلعون وين ماينقلعون وش علينا منهم
راكان يشبك يدينه ومتوتر : اييه صادقه
ابو شِيام يناديهم بالشارع
نيّاف توه واصصل ويشوفه ابو شِيام ويركض له وهو الشرار بيطلع من عيونه وفي وقتت وهو جاي طلعوا شِيام وعروب يبكون ويحضنون خالهم
شِيام شافت ابوها وتخبت ورا نيّاف : لاتخلييه ياخذنا
ابو شِيام: يابنااات اللي مانيب قاييل تعاللي انتي وههي
نيّاف : البنات مالهمم رجعه معكك
ابو شِيام: وانتت ميين عشان تقول اخذ بناتي ولا مااخذهم
نيّاف: انا خالهمم واقولك البنات مالههم رجعه معك
ابو شِيام يرففع صصوته اكثر: غصصب عنك وعنههم ويسححب يد شِيام بقووه يللا قداامي
نيّاف يمسك يد ابو شِيام بقوه ويدففه : اقولك مالهم رجعه معكك الله اعلم وش سويت فييهم وخافوا وهربوا
شِيام وعروب متخبيين ورا خالهم
نيّاف: يللا بنات اطلعوا للسياره
ابو شِيام يمسك نيّاف من رقببته: انا قلت مافي ييعنني ماففي ويللا قدامي ع البيت
شِيام تبكي: ماااببيي عندك ابي اروح مع خالي
نيّاف يفك يده بقوه ويعطييه لكمه: وان مسكتني مره ثانيه والله ان ادفنك هنا والبنات باخذهم وغصب عنكك
ابو شِيام: شِيامم متأكدده انك تبين مع خالك ؟ ويناظرها بتهديد
شِيام تبكي: ايييه بروح معه وماتقدر تسوي لخالي شي لأن خالي يقدر يدافع عن نفسه
ابو شِيام بيجي يضرربها ويمسكه نيّاف : انت شكلك ماتفهمم بالكلام ويضررب ابو شِيام
ابو شِيام يحط يده ع وجه مكان اللكمه : لا تستقوي علي (وبإستهزاء) ياملاكم والله ان اخلي ملاكمتك ذي توديك السجن
تصصيح عروب : انتتت يابابا اللي بتروح السججن انت ضربتني انا وشِيام
نيّاف ماعاد تححمل وضرب ابو شِيام ويجون الناس يفرقون بينهم
نيّاف ومععصب: انا حححذرتك يايووسف وقلت لك ان اذيتهم مارح اخليييك تضرب بنات اختي اللي هم بناتك وهم بهالعمرر تففف ع بعض الاباء
ابو شِيام خاف يفقد الورث لو دروا امه وابوه : ضربتهم اربييهم
نيّاف بيطلع السياره وقبل يطلع : لاتفكرر يايوسف انك بتقدر تشوفهم مره ثانيه حتى لو بتموتت ويرووح
********************************
أنت تقرأ
نظرتك كانت بحر ونظرتي كانت غريق
Chick-Litالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
