عند ساري وراشد
راشد يدق الباب ويدخل ويلاقي ساري مغمض ويضغط على كورة القلق
ويبطئ خطواته ويقرب منه وبصوت عالي : هههللا بالعصبي الزعوول
ساري يفز: الله ياخخذ ابليسك شكلك بتقصر عمري انتت
راشد يضمه: والله انك وحشتنني عاد اكيد باهي قال لك اني ابي اعتذر منك
ساري : موب كيفك انا مو قابل اعتذارك
راشد يفكه ويطالع وجهه ويطالع الكوره اللي بيده : انت وش صايبك وجهك متغير
ساري : للاحسن ولا للاسوء
راشد: اكيد للاسوء
ساري : رح رح انت وهالراس المربع
راشد يمسكه من كتفه ويتألم ساري
راشد: يعني من جد انك مصاب افكر باهي يبي ضميري يأنبني
ساري : اييه مصاب بس تعالجت على يدين دكتوره ولا اي دكتوره
راشد يقرب منه ويطالع عيونه : دكتوره ؟ مين ووين ؟
ساري يضرب راسه : بعدين تعرف الا اقولك ابيك بموضوع يخص قضية هاني
راشد يتنهد : الله يرحمك ياهاني اييه ووش هالموضوع ؟
ساري : مدري وش اقولك لكن عمر طلعوه الصبح بتقرير نفسي وانه غير واعي ابوه جاء وطلعه بهالتقارير
راشد عصب وبصوت عالي : كييف يطلع ؟ اكيد الدكتوره النفسيه اختت وائل والله ان اربييها ويطلع ويلحقه ساري ويمسكه بقوه من يده وبحده : راششد انهبلت انت وش دخلها هي وكيف بتطلع عدو اخوها مو كل شي تحطه براسها تعال نشوف وش نسوي
راشد: اييه هي تطلعه وبعدها تطلع اخوها
ساري عصب مايبيه يسب شِيام : اقوولك مو هيي انت ماتسممع هي كانت هنا وعصبت وقالت هي بتجيب عمر من يده وانا قلت قبل ماهي تورط نفسها نبدأ شغلنا لانها تقول ابو عمر بعد مسكوه زمان بالتهريب وطلع منها
راشد يضرب بالكرسي بقوه: والله مايمسسكه هو وابوه غييري ويتصل على اخوياه يبدؤون يراقبون بيت جد عمر
ساري : ماظنتي انه بيرجع لنفس المكان اللي قبضنا عليه فيه مو غبي
راشد: يللا ارجعك البيت ترتاح وبرجع للشباب عمر مارح ينام ببيته
ساري : خلني اشتغل وانت روح
راشد: لا تستهبل انت عمي بيموت من قلقه عليك وامك بعد قالت بتذبحني اذا ماجيت
ساري: طيب بس انت بعد ارجع معي البيت وبكره نبدأ شغلنا
راشد يسايره : طيب خلاص برجع
...
بيت الجد عوض
الجد عوض : وينه فيه مشعل ؟
الجده مليحه : بغرفته وانا بديت اقلق ان فيه شي مخبيه علينا
تدخل عروب : مين اللي مخبي عليكم شي ؟ وتبوس راس جدها وجدتها
الجد عوض: جدتك قلقانه على مشعل تقول انه فيه شي
عروب : طيب ووينه هو ؟
الجده مليحه : بغرفته من يوم طلعتوا ماشفناه
عروب تنزل عبايتها وشنطتها: طيب انا بشوف له
مشعل منسدح بالظلام وحاط يده على عيونه ومتسطح على الكنبة
تدق عروب الباب وتناديه : يامششعل
مشعل يفز ويجلسس قبل تدخل عروب
عروب تفتح الباب بشويش وتشغل الاضاءة : نايم ؟
مشعل : ايه نايم واحلم بعد وش فيك مين ينام جالس
عروب : وش فيك معصب اقلقت جدي وجدتي وش صاير لك
مشعل: تستهبلين ماتدرين وش فيني يعني
عروب : لا والله وش فيك
مشعل يخزها ويتأفف
عروب : وش فيك وليه تطالعني كذا ؟
مشعل : خلاص ولا شي اطلعي وقفلي الباب
عروب : غصبب عنك تقول لي مو انا زي اختك ؟ ولا تخبي علي بعد
مشعل عصب ويقوم : لااااا مو زيي اختتي انتي مو اختتي وييللا اطلعي
عروب : بسم الله خلاص خلاص بطلع بكيفك ازعل ولا ارضى
مشعل بعصبية : اختتي اختي اختتي غبييه
عروب تطلع لجدتها وجدها: تكففون خلوه ينقلع بغرفته لايطلع وتاخذ اغراضها وتطلع غرفتها
الجد عوض : هوشاتهم زايده هالايام
الجده مليحه: مالنا الا شِيام تحل بينهم
...
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
