بالمركز
عروب تدخل ومعاها رانيا ويسألون عن وائل
تدق الباب ويقوم ساري ويفتح
عروب : انا عروب محامية وائل النميري وهذي مساعدتي نقدر نقابل وائل؟
ساري : طيب تفضلي بعطيكم ٥ دقايق بس ويطلع
وائل يقوم ويحضن عروب : انا بررييء والله اني بريء عمر وماجد غدروا فيني
عروب : طيب اهدأ وقول لي وش صار ؟
وائل : متهميني اني مهرب مخدرات ومتعاطي وصادم واحد اخوه بمكافحة المخدرات
عروب : طيب وانت لك يد يعني ؟
وائل: حتى انتي ياعروب مصدقه ؟ والله اني ماسويت شي كنت العب ودقيت عليك وقتها ومارديتي وجاء عمر وماجد وطلبوني السياره وعطيتهم وبعدها جو واعطوني ابره وماعاد عرفت انا وين وماصحيت الا هنا
عروب : طيب وعمر وماجد مين ذول ووينهم ؟
وائل: جيراننا عمر وولد خالته ماجد اكيد تعرفون مكان بيتنا روحي لهم وشوفي
عروب تتنهد : القضيه كبيره ومااظن تطلع بسهوله مارح اعطيك امل عالفاضي لكن التزم الصمت لين ادور ع عمر وماجد واشوف وش الوضع
وائل يمسك يد عروب : انا ماسويت شي انتي مصدقتني صح ؟
عروب : اييه مصدقتك لكن الشرطه ماتصدق الا الادله الملموسة
وائل : ماخلوني اكلم امي وابوي قالوا هم بيتواصلون معهم
عروب تتنهد: ليش تمشي مع عمر وماجد وانت تعرف انهم مهربين ؟
( باهي جاب راشد ماخلاه يجي لوحده )
راشد : ويينه قاتل اخوي
ساري : اهدا عنده محاميته
راشد عصب : محاميته اجلل ويفتحح الباب بقوه ويدخل ووراه ساري وباهي
باهي يمسك راشد : وشش فيكك ماتعرف انك قاعد تتهور الحين
ساري : باهي خذه وطلععه
عروب : ياليت ماتضغطون على وائل والمتهم بريء حتى تثبت ادانته ومافي ولا دليل انه يهرب او يتعاطى
راشد يتقدم لعروبب ويأشر بسبابته على وائل: موكلك يامححاميه متعاطيي ومههرب وماهو بريء وقاتتل اخووي لسى تبين اكثر ؟ ماعنندده رخصة قياده
وائل: والله ياعروب اخوك بريء
عروب تعصب وترفع صوتها : كللل اللي قاعد تقووله مافيي ولا دليل ان المخدرات له او انه مهرب ومتعاطي وياليت تتبع القانون اعزيك في موت اخوك لكن القانون يمشي على الكل حتى الضحايا
راشد يرففع صوته وبعصببيه : اخخوك وتحاميين عنه وانا اخووي مات بسببه واحامي عن اخوي واخذ حقه
عروب : كل اخ عنده اخ اغلى من روحه وانا ماررح اسمح لاخوي يدخل السجن وهو بريء
ساري يتدخل : للحين مافي اي دليل ان اخوك بريء وياليت انتي بعد تتبعين القانون واذا متهم رح يياخذ عقوبته
راشد يصرخخ ع عروب : اخخخخوك مارححح يطلع لو جبتتي كل محاميين المملكه تفهممين
باهي يدخل بينه وبين عروب لما شافها ارتعبت ويمسكه : وشش فيك خلاص اهدأ تعوذ من الشيطان
عروب تكره الصوت العالي في الاماكن المغلقه والضيقه وتتسارع نبضات قلبها منه وتقلق : اععتقد اننا كلنا نسمع ومحنا صمخخ وانا ماررح اتكلم معاك الا بالادله والقانون وتفتح الباب وتطلع ووراها رانيا
عروب توترت وتتنفس بسرعه وتاخذ نففس
رانيا تمسكها وتجلسها : اههدي بسم الله علييك الله يجعله بالصمخ فقع طبلتنا بصراخه انتظريني هنا بقرب السياره واجيك
عروب ماتكلمت وتتنفس بسرعه ضاق نفسسها
رانيا تطلع بسرعه بتقرب السياره
عروب تحاول تسيطر على نفسها لكن بسبب ابوها وزوجته تنرعب وتنهار من الاصوات العاليه في الاماكن الضيقه
ساري : علامك ياراشد ماهقيتك كذا اخوك رح ناخذ حقه لكن مارح نظلم احد بفعلة احد
راشد: انتت مو حااس باللي احسس فيه اقولك كلل شي ضد هالملعون وانت تبي تطلعه مظلوم ؟
ساري : الله يهدييك انا قلت رح اطلعه ؟ انا قلت لكك رح اخذه حقه لكن بدون مانظلم احد ولا تبي قاتل اخوك برا وعايش ؟
باهي : خلاص انا بطلعه انت خلك هنا ياساري وشوف تحقيقك
ساري : وده مكتبي دقايق واجييكم
باهي يطلع ويشوف عروب حاطه يدها ع صدرها وتتنفس بسرعه ويطالع راشد اسبقني لمكتب ساري وانا بجيب مويه واجيك
ويتقدم باهي عند عروب : لو سمحتي فيك شي ؟
عروب عيونها مليانه دموع وتحاول تتنفس لكن ماهي قادره
باهي يتقدم اكثرر : تبين شي؟ وين خويتك ؟ اجيب لك مويه ؟
عروب ماهي قادره تتنفس مخنوقه وتجي بتوقف وتطيحح قدام باهي
باهي يركض لها ويرفع راسها ويضرب خدها : انتتي وش صار لك هيي
تشوفه رانيا وترككض : عرووبب وش فييك وتطالع باهي وش سويتوا لها
باهي : ماسويتت شي كانت تبكي وتتنفس بسرعه ويشيلها عندك سياره ولا اوديها ؟
رانيا ترككض قدام باههي : هنا سيارتي رحت اجيبها ماتوقعت تطيحح
عروب مغمى عليها وماهي داريه عن شي
باهي : افتحي باب الراكب عشان اسطحها
تفتح رانيا الباب وهي تببكي : عروب لاتخوفيني علييك
باهي يدخل عروب السياره ويقفلها
رانيا بسرعه تركب حتى ماعاد شكرت باهي وتروح لأقرب طوارىء
باهي : وش صاير لها وليه كانت ماسكه قلبها ويتنهد ويرجع يدخل عند راشد وساري
............................
عند الجد عوض
شِيام : السلام عليكم
الجد والجده يردون السلام
شِيام : وين عروب اتصل عليها ماترد
الجده : والله طلعت مع رانيا وكان وجهها شاحب
شِيام : ولوين راحوا ؟
الجده : والله مدري قالت انها نست اوراق
شِيام تقلق وتمسك جوالها وتتصل ع رانيا
رانيا : الو هلا شِيام
شِيام : وينك انتي وعروب وليه عروب ماترد
رانيا بقلق : تعالي للطوارئ في المستشفى العام
شِيام خافت: عرووبب صاير لها شي؟ وتطلع بسرعه
الجده : يابنتتي وشش صاير بس شِيام راحت بسرعه
رانيا : رحنا لأخوك بالسجن كلمها هو وفجأه انهارت ماادري وش فيها
شِيام : مين ؟ وائل؟ ووش جابه السجن ؟
رانيا : بقفل الحين تو وصلت انتي تعالي
شِيام قلقت اكثثر وتركب سيارتها وتمشي بأقصى سرعتها وهي تردد: يارب لاتفجعني بعروب يارب لاتفجعني فيها
عروب بالطوارئ ويعطونها اكسجين
رانيا : دكتوره هي فجأه ضاق تنفسها واغمى عليها ماادري وش فيها
الدكتوره : الحين نفحصها ونشوف لاتخافين
رانيا : وش صاير لك ياعروب الله يقومك بالسلامه
توصل شِيام وتشوف رانيا : وينها عروب وش فيها وش صار ؟
رانيا : والله مدري تهاوشت مع اخ الضحيه وفجأه ضاق نفسها وطاحت
شِيام تبكي وتدخل لعروب وتلاقي حاطين لها مغذي واكسجين : عروب ياروح وقلب اختك وش فيك وتمسك يدها
عروب تفتح عيونها وتنزل دموعها وتشد ع يد شِيام وبتجي تشيل الاكسجين بس تمنعها شِيام
شِيام تطالع رانيا : احد ضربها او قرب منها ؟
رانيا : لا والله ماغير كنا في غرفة التحقيق ودخل اخ الضحيه يصارخ
شِيام : وكيف يدخل اخ الضحيه مو ممنوع ؟
رانيا : الله اعلم انه عند صلاحيه يمكن محامي او شرطي
شِيام تاخذ نفس وتمسح ع شعر عروب
رانيا : بس ماكان له داعي يصرخ نسمع احنا فجعني الله لايوفقه
شِيام تعرف ان اختها عندها فوبيا الاماكن الضيقه والاصوات العالية
عروب تشيل الاكسجين : شِيام روحي لوائل لاتخلينه يقول شي لين اشوف الادله
شِيام : طيب بس انتي اهدي لاتتعبين نفسك
عروب : مافيني شي والله روحي له رانيا معاي
شِيام : طيب اسماء وابوي عرفوا ؟
عروب : والله مدري قالوا هم بيبلغونهم
شِيام : رانيا اذا صار شي كلميني مابطول
عروب : لاتخافين والله مافيني شي انتظر المغذي وبطلع
شِيام تبوسها من راسها وتروح
رانيا: الله لايفرقكم مره خافت عليك واخذت الطريق في ربع ساعه
عروب : حبيبتي ربي يحميها لي
************************
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
