عند ابو شِيام
يوسف : الله يهديك ياولدي هذا رابع مره تصدم بسيارتك انت تفحط ولا وش سالفتك
وائل توتر: لا يببه وش افحط شايفني بزر بس لف علي واحد
اسماء : والله اني خايفه عليك من هالسيارات متى بتعقل وتهتم بدراستك شوي ابيك تصير ناجح ولك مستقبل
وائل : طيب طيب يمه
اسماء : لاتسايرني انا ابي مصلحتك مارح ينفعونك عمر وماجد وابيك ماتمشي معهم سمعتهم ماهي بزينه وانت لسى مخاويهم
وائل : والله يمه انهم اعز الرفقه واعرفهم من يومنا صغار ومافيهم شي
يوسف: بس ابو عمر كان مهرب ومسكوه اكيد ولده بعد
وائل: يبه ماله ذنب في اللي سواه ابوه
اسماء: كيف ماله ذنب وهو ولد مهرب ابعد عنه واهتم بدروسك
وائل: يووه انتوا تبون تتحكمون فيني تراني مو بزر
يوسف: ولد احترمني انا وامك وش ترفع صوتك علينا مو يعني كبرت تقدر تكلمنا بهذي الطريقة
وائل يقوم ويطلع ويصفق الباب بقوه
اسماء: الله يهديه هالولد مارح يرتاح لين يطيح مصيبة براسه
يوسف : تعوذي من الشيطان الله يبعد عنه الشر
.......................................
بيت نيّاف
الجوهره : وينك ماتقولين لأمك وين بتروحين ووين بترجعين من يوم رجعنا من حايل
انسام : والله ماما اسففه كنت بقولك ونسيت انا عند شِيام وعروب
عروب تقرب من انسام وتكلم الجوهره: اييه ماما جوهره بنتك عندنا وبعيوننا
الجوهره تضحك: زيين خفت ان صار لها شي
انسام : ماما ابوي قد جا ولا باقي ؟
الجوهره : باقي ليه ؟
انسام : بس اسأل عنه
الجوهره: لاتقلقيني وش فيه ؟
انسام : والله يمه مافيه شي بس كنت بقوله اني برجع مع عروب سيارتي بنشرت
الجوهره: وين بنشرت وصار لك شي ؟
انسام : عند بيت جدتي مليحة بخليها عروب تقول بتكلم مشعل يوديها
الجوهره: وش ذنب مشعل تكلفونه يسويها اذا جا ابوك خليته يكلم سطحه
انسام : طيب ماما شوي ونجي انا وعروب
الجوهره : طيب حبيبتي وسلميلي ع شِيام وجدتك
انسام : من عيوني
وتقفل الجوهره وبتمسك الجوال تكلم نيّاف بس دخل من الباب قبل تدق
نيّاف: وش فيه القمر وجهه مايتفسر ؟
الجوهره: بنتك دلوعتك بتجنني راحت لعروب وشِيام وانت تعرف انهم مو فاضين لها عندهم دوامات
نيّاف يضحك: بس عشان كذا ؟ ماعليك بيتفاهمون بيناتهم
الجوهره : وتقول سيارتها بنشرت عند بيت جد شِيام وبتقول لمشعل وقلت لها لاتقول له
نيّاف : الله يهديها ووش ذنب مشعل تخليه يكرف لها انا بروح واشوف
الجوهره: مو الحين لأن قالتلي انهم بيجون هي وعروب
نيّاف : الله يحفظهم اجل برتاح شوي وبعدها اشوف لسيارتها
الجوهره تحضنه : الله يخليك لي ولها
نيّاف : ويخليكم لي ياسعادتي
......................................
بيت الجد عبدالعزيز
ياسر يلعب بلايستيشن ومدمن له بزياده
الجد عبدالعزيز : سالم شوف حل لولدك خطبنا له الاء عشان يسترجل ويدور له وظيفه لكن اشوف انه مبسوط بالعطالة
ابو طارق : وش اسوي فيه يبه والله انه تعبني معه
الجد عبدالعزيز : شد عليهم شوي انا لا شديت عليهم زعلت فوزية تحسبني مااحبهم واحب بس ساري
ابو طارق : وهذا الصدق يبه
الجد عبدالعزيز : وانت لسى ماتغيرت بعد كل هالسنوات والله اني احبهم كلهم
ساري: مساكم الله بالخير
الجد وابو طارق : مساك الله بالنور
راشد : والله اني تمنيت انه اليوم اكون مشارك بهالسباق
ساري: كنت مع المرحومين انت وغشامتك
راشد: فال الله ولا فالك وتراني فنان بالرالي لازم تشوف ويضحك
ساري يضحك : شفناك ياراشد ويضرب ظهره
الجد عبدالعزيز : الحمدلله انك ماصرت في المسابقات وصرت شرطي ورفعت راسي
راشد: جدي يعني اللي بالرالي مايرفعون الراس
الجد يضحك: لا ماقصدت كذا لكن انك رجل امن في هالدوله انت رافع راسي
ساري يطالع جده ويرفع اكتافه : مانسيت احد جدي ؟
الجد عبدالعزيز يضحك: وانا اقدر انسى الساري اللي رافع راسي من يومه صغير
راشد : اييه لنا الله حتى في المدح مشترك ساري معي ويضحك
ويجي طارق ومعاه عبدالعزيز الصغير
راشد: هلا بحبيب خاله هلا بعزوز الصغير نبيك تصير مثل جدك
عبدالعزيز كان بعمر السنه والنص
ساري جيبه جيبه وياخذه ويبوسه : عزوز لاتطلع ع خالك المهبول خلك بطل مثل عمك ساري
راشد: انت بس تبي تمدح نفسك يعني ياعزوز صير مثل خالك وبس ويضحك
طارق : الله يخليكم له ويصير مثلكم الاثنين ولا يطلع علي فاشل دراسيا وعمليا ويضحك
ساري : اول مره اشوف واحد يذم نفسه انت عندك هالكنز عزوز ومتعب
طارق يضحك: الله يجبر بخاطرك
ابو طارق : نبيه يطلع مثل سميه هيبه وشخصية
راشد : بس مايكون عصبي
ساري : راشد ليله طويل انا بطلع انام تبون شي؟
........................................
بيت الجد عوض
انسام وعروب يسولفون وطالعين
مشعل توه وقف سيارته : مساء الخير
انسام قلبها ماوقف ينبض ححب : هلا مساء النور
عروب تضحك: غريبه جاي بدري ماكنت تجي الا اخر الليل
مشعل يحب عروب بس ماتدري : اييه يامحامية اليوم قلت خلني ارجع بدري وطلع فيه سبب ويضحك
عروب: ياشينك والله
انسام تتأمله وتبتسم وماقالت ولا كلمه
مشعل يطالع سيارة انسام: كفر سيارتك مبنشر
عروب : ايه المسكينة جات من الجامعه لهنا وهو كذا
مشعل : عرضتي نفسك للخطر لو خليتيها لين يجي خالي يغيره لك او تكلمين سطحة
انسام تبتسم انه خاف عليها : ايه كلمت بابا اني برجع مع عروب وقال بيجي للسيارة
مشعل : ولييه تتعبين ابوك يجي لهنا عشان كفر انا اغيره لك الحين ويرفع ثوبه لخصره ويربطه ويطالع انسام افتحي السياره وادخلوا انتظروني داخل اذا خلصت ناديتكم
عروب تضحك: طيب يارجل المهام
انسام تبتسم وتقعد تراقبه بعيونها ويطالعها مشعل وتتصادف عيونهم وتتوتر : يللا ندخل عروب
مشعل : ياعروب خذي شنطتي دخليها معك
عروب : طيب بس متأكد ماتبي مساعده ؟
مشعل : ايه والله لو احتجت ناديتكم
ويدخلون وتقعد انسام واقفه بعيد وتطالعه
عروب تجي من وراها وتهمس : قلبك دقاته وصلت لعندي وش فيك
انسام توترت: هاه لا ولا شي تعالي داخل عند جدتي وجدي
الجد عوض: علامكم ؟
عروب تضحك: جدي كنت برجعها انا بس مشعل جا وقاعد يسوي الكفر
الجد : انتوا كيف تسوقون وحتى الكفر ماتعرفون له
الجده : مشعل ماقصر وبعدين مو لازم يعرفون لكل شي وتضحك
عروب تبوس جدتها : اييه مو لازم وجدي لو يدري اني للحين ماافرق بين الفرامل والبنزين
الجده تضربها ع خفيف : لازم تعرفين الفرق في هذه وتضحك
الجد عوض : الحين جدتك كل ماتأخرتي تفكرك مافرقتي بين الفرامل والبنزين
عروب تضحك: والله اني امزح مو لهالدرجة غشيمة
انسام ماهي معاهم وبالها مع مشعل
الجد: الا وين شِيام ؟
الجده مليحه : والله ياعيني عليها مشغوله مع المرضى اللي عندها وقالت بتنام بدري عندها بكره زياره لواحد مسجون
الجد يقلق: والله اني خايف عليها من هالوظيفه مالقت شغله غيرها
عروب: بالعكس بتخصصها هذا بتساعد اللي مروا مثلنا بصدمات طفوله وبتعالجهم
انسام: عروب شوفي مشعل خلص ولا اخاف امي وابوي يقلقون علي
عروب تطالعه من الشباك وتناديه : هاه خلصت يالبطل الخارق ترى كلها تغيير كفر
يطالعها مشعل : وانتي تفكرين انه بسيط تراه صعب بس مايعرف له الا الرجال
عروب تخزه : وش قصدك ترى لو اتعلم له عرفت بس انا مابي وتقفل الشباك
مشعل يضحك : وانتي فيه شي ماتعرفينه
انسام : عروب انا بطلع اشوف وتقوم
مشعل يسمع الباب ينفتح ويفكرها عروب : هاه جايه تبين تتعلمين ويرفع راسه ويشوف انسام ويعتذر معليش افكرك عروب
انسام : لا عادي ولو انا ابي اتعلم بتعلمني ؟
مشعل : الله الله اعلمك ليه مااعلمك ويوقف وخلصنا
انسام : تسلم يدينك تعبتك معاي
مشعل : لا تعب ولا شي بس اذا وصلتي طمني البنات ويدخل
انسام تتنهد : وراك وراك يامشعل لين تعرف اني احبك
تطلع عروب : انسام بتروحين بدون ماتودعيني وتحضنها
انسام ماتكلمت وتتنهد ومنزله راسها
عروب تدنق وتطالع عيونها: وي مين مزعل دلوعتنا
انسام تبتسم وتقرص خد عروب : محدد بس لو انه ماسوا سيارتي كنتي مشيتي معي
عروب : الويكند بنجيكم انا وشِيام جهزي نفسك
انسام تضحك: الله يحييكم اي وقت وتشغل سيارتها وتروح
عروب تدخل وتلاقي مشعل جالس وثوبه وسخ من تغيير الكفر : ججدي وجدتي اشهدوا اني اذا قلت انه معفن تصدقوني وجالس ورايق
مشعل يموت اذا مانرفز عروب : اييه انا معفن وش تبين بعد
عروب تحط يدها ع خشمها وتروح
الجده مليحه : قم غير ملابسك وتعال اكل شي
مشعل : وعروب وشِيام اكلوا؟
الجده: ايه اكلوا انت غير ملابسك وتعال
........................................
الساعه ١٠ الصباح في بيت الجد عبدالعزيز
باهي : اليوم عندي رحلة طويله ويبي لي اشبع من اكل امي ويضحك
ام طارق : وانا لو تبي عيوني عطيتك مو بس اطبخ لك
باهي يبوس راسها : الله يخليك ليي يمه
ابو طارق : الله يحفظك احيانا ماندري عن ارضك من سماك
باهي : والله انها متعه لازم اخذكم معي بعدين وافر فيكم العالم بعد
ام طارق تضحك: الله يبلغني فيك واشوفك متزوج وعيالك حوالينك وتلف فيهم العالم
باهي يضحك: اللهم امين ويبوس روسهم تبون شي ؟
ام طارق وابو طارق: سلامتك
باهي : يللا فمان الله ادعولي
وينزل ويصادف ساري مستعجل
ساري : هلا باهي حتى انت تأخرت ؟
باهي : لا لسى عندي وقت
ساري : انا تأخرت والله راحت علي نومه
وينزل راشد مستعجل بعد : كلها منك ياساري تأخرت عن دوامي
ساري يضحك : شف الملعون والله انها كلها منك انت وهالراس
راشد يقلد صوت جده : يللا قدامي ع دوامك ولا عاد تأخرنا بطلعاتك ويضحك ويطلع
ساري يلحقه وبصوت عالي : ياجدي راشد نسيت مفاتيحك ويرميها له
باهي يضحك : والله انكم مهابيل لو يشوفكم جدي يزعل منكم
ساري يضحك ويضرب كتف باهي : اذا ماعلمته مارح يدري ويروح
باهي بصوت عالي : وش شايفني يالمحقق ويضحك
ياسر توه مانام كان يلعب
ابو طارق : وش فيك انت متى بتعقل ؟ معلق بنت عمك وانت لا شغل ولا مشغله
ياسر : ترى طفشتوني شغل وشغل مابي لا شغل ولا زواج ويروح غرفته
ام طارق : الله يهديه البنت مثل القمر وهو ولا فكر فيها حتى
ياسر يكلم نفسه : ازعجوني الاء الاء عاد من زينها شكلها تشبه ابوها ( ماشافها من يومهم بالابتدائي)
الجد عبدالعزيز : جاسسر يللا
ابو ساري: جيت جيت يبه
الجد عبدالعزيز : والله ان صارلي فتره ماداومت المعرض لكن ابي اشوف وش صاير وماصاير
................................................
بيت الجد عوض
الجد عوض : طيب اكلي شي قبل تروحين
شِيام : حبيبي ياجدي والله غيد تنتظرني برا لازم اطلع
الجده مليحه تجيب لها قهوه بكوب : طيب وهالقهوه من يدين جدتك
شِيام تبوس يد جدتها : جعلني فدى هاليدين ياجده ويدق جوالها "غيد"
شِيام : يللا انا بطلع وخلو عروب تاكل لها شي قبل تطلع وتفتح الباب وتروح
الجده مليحه: يابعد عمري شايله هم اختها وناسيه نفسها
الجد عوض : اي والله وتخاف عليها بزياده
الجده مليحة: ماتنلام والله وتتنهد
مشعل : صبحكم الله بالخير
مليحه وعوض : صبحك الله بالنور
مشعل: البنات راحوا دواماتهم ؟
الجد عوض : لسى عروب اعتقد انها مابتداوم بدري
مشعل : ياكل لقمه ويرووح مستعجل
الجده مليحه : الله يهديهم ودي الواحد يجلس ويتهنى بأكله ومايكون مستعجل
****************************
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
