عند الجد عبدالعزيز
ابو طارق : والله مع هالاجواء الزينه يبي لنا طلعه هالويكند
الجد عبدالعزيز : ماعندي مانع بس شوف للباقي ونروح من اليوم
ابو ساري : ايه والله لنا زمان ماطلعنا
ابو راشد : هاني مااظن انه بيروح معنا عنده مباراه اليوم
ابو ساري : الله يوفقه ويحققه له اللي يتمناه
طارق جاي هو وعياله من برا : السلام عليكم
ابو طارق : وعليكم السلام وين ياسر ؟
طارق : مانام الا الصبح ليه ؟
ابو طارق : الله يهديه مدري متى بيعقل
طارق يضحك : انا طالع فوق تبون شي؟
الجد عبدالعزيز : العصر بنمشي للمزرعه قول لزوجتك وامك خلهن يتجهزون
طارق : طيب ان شاء الله ويطلع
ابو راشد: وانا بعد بطلع اقول ل ام راشد والاء ويقوم
ابو ساري : مدري ساري بيرجع بدري ولا بيتأخر مثل امس
الجد عبدالعزيز : خله انا بتصل عليه ويمسك جوال ويدق بس ساري مارد
(عند طارق واثير )
اثير حامل في الشهور الاولى : هلا بحبيبي وعياله
طارق يبوس خدها : هلا فيك هاه كيفك اليوم ؟
اثير : الحمدلله شوي احسن بس مو مشتهيه الاكل ابدا
طارق يحط يده ع بطنها : اذا طلع نأدبه ع تعبه لك
اثير تضحك : ايه عشان اضربك لو ضربته انا عيالي محد يضربهم
طارق يزعل : بس ابوهم عادي ينضرب من امهم ؟
اثير تمسك يده وتتلمس وجهه بيدها الثانيه : وانا اقدر اضرب نور عمري وحب حياتي ؟
طارق يضحك ويمسك يدها : طيب جدي يقول نتجهز نروح للمزرعه العصر فيك حيل ولا نكنسل ؟
اثير تتدلع : اييه بس تشيلني مافيني حيل امشي
يوقف طارق ويشيلها وتصرخ وتضربه بخفه : نزلني وش تسوي انت
طارق : انتي قلتي اشيلك مافيك حيل تمشين
اثير تضحك : نزلني ولا اقرصك
طارق : اقرصيني فدى بس مارح انزلك
عزوز ومتعب يمسكون طارق بثوبه من تحت
عزوز بعمر السنتين والنصف : نزل ماما وشيلني انا
طارق يضحك : صار عندي مشاركين فيك وينزلها ويشيل عزوز ومتعب
اثير : حبيبي قرب شوي
طارق يقرب وبيدينه عزوز ومتعب
اثير تبوسهم الثلاثه : الله لايحرمني منكم
طارق : اميين ولا يحرمني منك تبين شي ؟ بروح لأمي اقولها
اثير : سلامة قلبك حبيبي
.........................................
بيت نيّاف
الجوهره: صارت الساعه ١٢ والبنات للحين ماجو مع انهم قالو بيجون بدري
انسام : ماما كلمت عروب وقالت تنتظر شِيام تجي من دوامها ويجون
الجوهره: الله يوفقك ياشِيام وصرتي دكتوره شاطره الله يعلي مناصبك اكثر واكثر
انسام: اممين بس مالي ياماما دعوه لو بالغلط ؟
الجوهره تضحك: ياربب اشوفك دكتورة اسنان قد الدنيا وتكون عندك عيادات بأسمك
انسام تحضن امها: اممين ويحقق لي اللي ابيه قولي امين ماما
الجوهره : اممين الله يحقق لك كل شي تبينه
انسام بينها وبين نفسها ( ويحبني مشعل مثل ماانا احبه وابيه )
عروب تتصل
انسام : هلا عروب
عروب : بنتأخر شوي شِيام كلمتني قبل شوي وتقول لسى عندها شغل
انسام : طيب بتجون لوحدكم ولا مشعل بيجيبكم ؟
عروب : لا بنجي انا وشِيام بسيارتها ليه ؟
انسام : بس اسأل
عروب تحاول تستفزها : تبين مشعل يجيبنا هاه ؟
انسام تضحك: اذا ماعندكم مانع
عروب : والله يامشعل طلع فيه وحده تحبك تراه بثر وينرفز من الحين اقولك
انسام توترت: وش حب انتي الثانيه بس قلت بشكره لان سوا سيارتي
عروب تضحك: ليه كم تشكرينه مرات تفكريني ماانتبهت لك لما مشيتي كنتي بتصدمين وانتي تطالعينه
انسام : بس عاد عروب ترى ابطل اقولك اسراري
عروب : والله ان تقولين موب كيفك عاد انا بيت الاسرار وتضحك
انسام : تعالوا بسرعه ماما وبابا اشتاقوا لكم وكمان انا اشتقت لكم ولسهراتنا سوا
عروب : طيب يللا بقفل بكلم شِيام بشوف وينها
........................................
عند شِيام وغيد
غيد: والله انك طلعتي داهيه وتعرفين تتكلمين كيف كلمهم وطلب منهم يطلقون سراحه
شِيام تبتسم : عشان تعرفين اني شِيام اذا ابي شي يصير يصير
غيد تضحك: ودي اشوف وجه المحقق الحين لما يجيه الاتصال
شِيام : لاتذكريني والله اني ندمت اني مااعطيته لكممه تهر اسنانه ينرففز
غيد : خلاص ان شاء الله معاد نشوفه مره ثانيه احمد اكيد بيكلمون امه تاخذه ويكون الامر راجع لها تبي تعالجه ولا كيفها
شِيام : لا انا لازم اكلمها بعدين لازم يتعالج حرام بهالسن وحالته مقدور عليها قبل يتدهور اكثر
غيد: طيب سيارتي خليتها هناك توديني ولا اطلب تاكسي
شِيام تضحك : يللا اطلبي تاكسي وتسحبها للسياره
غيد : وانا اتجرأ اطلب تاكسي وملاكمتي الحلوه بتوصلني لعند سيارتي
شِيام : ايه ولو تبين اوصلك البيت بعد
غيد : وسيارتي مين يجيبها
شِيام : نكلم المحقق الاهبل يجيبها لك عشان نستفرد فيه وابرد قلبي بكم لكمه وتضححك
غيد : اؤيد استغلال الفرص وتضحكك
............................
عند ساري وراشد
راشد يدق عليه : انت علامك ماترد كنت بنزل لك لو مارديت انا برا ولا ماتبي ترجع البيت
ساري معصب: ايه واذا ماابي ارجع بتسحبني يعني
راشد : بسم الله وش فيك خلاص ماتبي ترجع الحين عادي انتظرك ونرجع سوا
ساري يتنهد : خلاص انزل انتظرني شوي اخلص كم شغله
راشد يبي يعرف وش سالفته : طيب انتظرك ويقفل ويكلم نفسه ( وش فيه كان رايق شكله شي ضايقه )
ساري بمكتبه : ياصالح مين اللي موقع على اطلاق سراححه انا المسؤول كيف يصير هالشي بدون علمي
صالح : والله جات الاوامر من الجهات العليا ووقع المدير وهاوش انه ليه متحفظين عليه للحين دامه مريض نفسي والقاتل الحقيقي سلم نفسه وقال ان فيه تقارير تثبت انه يمكن يأذي نفسه واللي حوله واحنا اخلينا مسؤوليتنا
ساري يعصب اكثر ويمسك صالح من رقبته: انا اقول لييه ماعندي علم والقضيه قضيتي والله لو اعرف ان هذيك الدكتوره وراها مايصير خير
صالح: تعوذ من الشيطان الولد طلع برئ وماله اي داعي نخليه عندنا وانت تعرف هالشي والمدير قرر على هالاساس ولو انه قاتل فعلاً كان ماقدر يطلعه احد لا الدكتوره ولا غيرها
ساري يضربب الجدار بقوه ويصرخخ : انااا قللللت مايطلع يعني مايطلع سالفة ان عنده نفسيه وماقتل هالشي مايمشي عندي ويطلع
صالح يعدل لبسه : وش نسوي لك اذا هالمره تحقيقك مامشى مثل ماتبي
ساري معصب ويمشي مثل اللي داخل حرب
راشد يفكر باللي معصب ساري ويشوف بالمواقف البنت اللي اخذت قلبه وعقله الصبح ويعدل نفسه وينزل وهو لابس البدله ويجي يتقدم بيكلمها ويشوف البنت الثانيه اللي معها ويتراجع
غيد: تعبتك معي حبيبتي شِيام خليتك ترجعين لهنا
شِيام : وش تعب والله مافيها شي
غيد تطالع وتلمح راشد واقف عند سيارته : وش جابه ذا
شِيام : مين وتتلفت
غيد : ذا الاهبل اللي كان مع المحقق المهبول وتضحك
شِيام : مااستغربت لأنه اهبل واهبل وتطالع غيد .. تبين شي قبل امشي ؟ عروب تنتظرني
غيد تحضن شِيام : حبيبتي مابي الا سلامتك
شِيام : يللا باي وانتبهي لنفسك وتطلع سيارتها وتمشي
راشد لما شاف شِيام راحت قرب ل غيد : السلام عليكم عسى قابلتي مريضك السجين
غيد مستغربه منه : اييه وطلع الحمدلله
ساري جاي من وراهم ومعصب ويشوف راشد مع غيد
ساري بعصبيه : وشش عندكك لسسى جايه ووين دكتورتك المزوره
غيد عصبت وتاخذ نفس وترد عليه : اتوقع انك عارف كل شي ومافي شي مزور وان الولد منجد عنده مرض نفسي والشي اللي انت جاهل فيه مو شرط تعرفه ف ياليت تتقبل ان هالمره تحقيقك ماكان بمكانه
راشد يبتتسم وصافن فيها ويقول بباله وش هالقويه اللي تكلم محقق كذا
ساري بعصببيه: وصصلي كلاميي لدكتورتك الفاشلة اني بسجنكم مع مريضكم ويمشي
راشد يبتسم : تشرفت بمقابلتك وكان لقاء ماينتسى ويضحك ويلحق ساري
غيد تتنهد: ياربي انا مين داعي علي اليوم عشان اقابل هالاثنين وتطلع سيارتها وتمشي
راشد يلحق ساري ويمسك كتفه : علامك على البنت ؟ مو من عوايدك تكلم البنات بهالطريقة
ساري : راششد لاتسأل عن شي واذا بتقعد تلجني ف باخذ مشوار وارجع
راشد يضحك ويقوله بصوت واطي: ايه ع قولت الحلوه مو شرط نعرف كل شي نجهله
ساري : راششد ترى العنن شكلك هنا واصله لراس خشمي اي كلمه بمردغك هنا
راشد يضحك ويسوي حركة انه خيط فمه ولا بيتكلم
ساري يطلع السياره ويقفل الباب بقوه
راشد يطالعه وماسك الضحكه ومشوا للبيت
.....................................
بيت الجد عوض
الجده مليحه : كلمي شِيام والله اني قلقانه عليها
عروب : لاتخافين ياجده ترى حفيدتك ملاكمه بتدافع عن نفسها
الجد عوض : بس بعد نخاف عليها ماتدرون وش اللي يصير
عروب : جدي انتم قلقكم عالي
يدخل مشعل : مساكم الله بالخير
الجد والجده: الله يمسيك بالنور والسرور
عروب : ماشاء الله صاير تجي بدري وش الطاري ولا شغلك فشل
مشعل : ع اساس انتي اللي ماشاء الله عندك موكلين واصلين للبيت
عروب : اييه لاني محامية شاطره وش عرفك انت
الجد عوض : خلاص انت وهي ماتملون من الهواش
عروب: الحمدلله اني بروح عند خالي وبفتك من وجهه
مشعل خاف يفكرهم للابد: بتروحون عند خالك؟ ليه ومتى
عروب تطنشه وتطلع غرفتها تلبس
مشعل : جدتي كيف بيروحون عند خالهم ؟
الجده مليحه : بيزورونه وشو اللي كيف
مشعل يتنهد : الحححمدلله
الجده مليحه : وش فيك ؟
مشعل يتوتر : اقول الحمدلله اني بفتك من وجه عروب ويطلع لغرفته بسرعه
الجد عوض : والله اني بفقدهم
الجده مليحه : والله حتى انا بس وش نسوي خالهم
تدخل شِيام مبسوطه : هلا بأحلى جده واحلى جد وتبوسهم
الجده : ياجعلني اشوف هالوجه الحلو دايم مبسوط
شِيام : اميين وبوجودكم يارب
الجد عوض : بتطولون عند خالكم ؟
شِيام: مدري والله ليه ؟
الجد : بفقدك انتي وعروب
شِيام تبوس راسه : كلها كم ساعه ونهاجمكم وتضحك
عروب تنزل لابسه وجاهزه : شِيام طولتي مره
شِيام: كانت عندي حاله اليوم بالسجن وطلعناه ابشرك
عروب : الحمدلله وتطالع جدها وجدتها قلت لكم حفيدتكم ماينخاف عليها
شِيام تطالع عروب : عطيني خمس دقايق اغير واجيك
عروب تضحك : طيب اصلاً من اليوم وانا بس انتظرك
*********************************
انتهى البارت وراشد مضيع علومة وساري متوعد بالدكتورة😔
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
