بالمستشفى
الجوهره تركض : شِيام وين بنتي وش قالو لها ووش عندها
شِيام مدنقه وتبكي
نيّاف: شِيام ويطالع عروب قولولي الصدق ليه تبكون وش فيها بننتي؟
شِيام : انسام ياخالي سوت حادث وماادري عن شي للحين بالطوارئ وماخلونا ندخل
الجوهره طاحت من سمعت خبر حادث بنتها فقدت الوعي
نيّاف يشيلها وينادي الممرضه : زوجتتي فقدت وعيها ويركض يدخلها
الممرضه: ممكن تطلع احنا نشوف شغلنا وهي عندها امراض ولا ؟
نيّاف والدموع بعينه: لا ماعندها بس سمعت ان بنتها سوت وحادث وطاحت
عروب منهاره وبس تبكي
شِيام: عروب خلاص اذا انتي كذا كيف الجوهره
عروب : انتي ماشفتي انسام وهي مثل الجثه والدم مغطيها
شِيام: خلاص لايسمعك خالي
نيّاف : شِيام قوليلي وش صار
شِيام: والله مدري ياخالي عروب تقول انها كانت تمشي بسرعه وماندري وش صار
نيّاف: انا بدخل مارح ارتاح لين اشوفها بس مابي الجوهره تصحى وماتلاقيني جنبها
شِيام: انا بضل معها خالي انت روح وطمنا عن انسام
عروب تبكي: وانا بروح مع خالي ابي اشوف انسام
نيّاف يطلع ويسأل الممرضات وينها انسام وهو بيموت من داخله خايف
الممرضة : انت ابوها؟
نيّاف: اييه ابوها ابي اشوفها ووش فيها وليه مانعين الدخول؟
الممرضه : اسعفناها الحمدلله وحالتها غير حرجة والدكتور يعطيك باقي التفاصيل الحمدلله على سلامتها
نيّاف يدخل يركض ووراه عروب ويشوف انسام متسطحه وحاطين لها اكسجين ويدها عليها الجبس ولها وشاش على راسها وتتجمع الدموع بعيونه ويتقدم بكل حزن لها : انسام ياروح ابوك انتي وش صايبك وينزل راسه عندها وهي نايمه بعد المهدئات اللي عطوها الله لايفجعني فيك
عروب تبكي وتقرب لها : انسام اذا تسمعيني اصحي لاتخوفيني عليكك
تدخل الجوهره تركض بدون وعي وتشوف انسام بهالحاله : يابعد قلبب امك يابعد روحح امك ليتته فييني ولا فييك انسام افتحي عيوننك انا امموت بدونك وتنهار بكى ويحضنها نيّاف
نيّاف وهو حاضن الجوهره: لاتسوين كذا بنتنا بخير وبتصحى
الجوهره تضربه وهي بحضنه: قلتت لها لاتروح لحالها قلبي ماكان متطمنن انا كنت حاسسه
شِيام سانده عروب اللي انهارت لأن تحس هي السبب انها قالت لها تعالي
نيّاف : انا بروح للدكتور انتي خليك هنا
الجوهره : تكفى يانيّاف ابي بنتي تصحى صحها انا مااعيش بدونها
نيّاف : اللي تسوينه مارح يفيدها بالعكس بتتعبين قلبك وقلبي اكثرر خليك جنبها انا بروح للدكتور وارجع
شِيام تودي عروب تجلس وتمسك الجوهره: اهدي واذكري الله
الجوهره تمسك يد شِيام: بنتي ياشِيام بنتتتي
انسام تفتح عيونها وتشوفها عروب وتتقدم بسرعه : انسام تسمعيني طمنيني عنك
الجوهره تلاحظ انها صحت وتقوم لها بسرعه وتضمها وهي متسطحه وتبكي وانسام تحط يدها اليسار ع ظهر امها وتضمها
انسام تبكي ومانطقت بكلمة
الجوهره تفكها من حضنها وتطالع وجهها : ايش يوجعك وبأيش تحسين ؟ عرفتيني ؟ وش فيك ماتتكلمين ياروح امك
انسام بتأتأه : ووشش صصار وتطالع يدها المكسوره
يدخل نيّاف ويتقدم لأنسام بسرعه : ياعين ابوك الحمدلله على سلامتك خوفتينا عليك وتقوم الجوهره ويجلس نيّاف ويشيل الاكسجين ويمسك وجهها بيدينه قوليلي وش اللي يخليك تسرعين وتتهورين ؟
انسام تطالع عروب وتبكي اكثر
عروب تقرب من انسام : انا اسففه انسام بسببي جيتي لبيتنا
نيّاف والجوهره مستغربين ليه عروب تعتذر
انسام وهي تبكي : ممكن تتركوني لحالي
الجوهره: مارحح اتركك ليه اتركك لحالك وش فيك قوليلي انا امك اللي انتي بكفه والعالم كله بكفه
نيّاف يمسح على شعرها: صاير شي انا مااعرفه؟ وليه عروب تعتذر منك؟
شِيام : عروب تحس بالذنب لأن هي قالت لها تعالي بيتنا وسوت حادث
عروب ماتتأسف على كذا وبكت وطلعت من الطوارئ وتلحقها شِيام
شِيام : عرووب وش تسوين انتي مالك دخل كلنا ماندري انه بيصير كذا
عروب بعصبيه : والله ان اخذذ روحك يامشعل وتطلع
شِيام تمسكها: والله ماتروحيين وش فيك انتي تبين تتأذين ؟ خلاص انتظريني نرجع سوا
عروب تخفي العصبيه وتبتسم : لاتخافين مارح يصير شي وتروح
شِيام : الله يحميكك انا انقسمت ياربيي ماادري اضل مع خالي وانسام ولا الحقك ياعروب وتتنهد وتدخل
نيّاف: الحمدلله ربي حماك بس كسر بالرسغ ورح تتشافين بسرعه ان شاء الله وبتطلعين الحين
الجوهره تحضنها: الحمدلله على قضاءه وقدره والحمدلله ان ربي حماك لي
شِيام جات: وش قال الدكتور ياخالي ؟
نيّاف : الحمدلله بس كسر وبتتشافى والحين بنطلع
شِيام تقرب وتمسك يد انسام: الحمدلله على سلامتك وعروب تعتذر منك
انسام ماتكلمت ودموعها تنزل
شِيام : ياحبيبة عمري انتي
وتطالع نيّاف: انا ياخالي برجع البيت اغير ملابسي وبجيكم اول ماتوصلون البيت ارسلوا لي
نيّاف: طيب واذا انتي مشغوله عادي تعالي بكره
شِيام: وفيه شي يشغلني عن انسام ؟ لا بجيكم انا وعروب وتطلع
...
بيت الجد عوض
الجد عوض : وش صاير يابنتي وليه معصبه وتدورين مشعل
عروب : بنت خالي سوت حادث وكنت ادور لمشعل بس
الجده مليحه: وش تقولين وكيفها الحين ؟
عروب: الحمدلله بس كسر بيدها
الجد عوض : الحمدلله على سلامتها وبتضل بالمستشفى ولا بتطلع عشان نلحقهم
عروب: مدري بس شِيام هناك "وتطلع لغرفتها" وتتصل على مشعل لكن مايرد
-عند مشعل-
وصل للمزرعه وجالس مع هواجيسه ومقهور من عروب ويكلم نفسه : انتي غبيه ياعروبب ولا تستغبين لييه مالاحظظتي كيف ماعرفتي اني احبك انتي ولا ابي غيرك ويضرب على صدره تحديداً قلبه ويشوف مكالمات عروب ال 23 مكالمة ويقلق ماقدر يطنشها اكثر ويرد
عروب بعصبيه : وييننك فييهه
مشعل : وشدخلك وش تبين
عروب : وش قلت لأنسامم؟ وش سويت بالبنت حسبي الله عليك
مشعل: ماقلت لها شي مداها تشكي لك
عروب تاخذ نفس وتمسك اعصابها : وهي مداها مسكينه حتى تتكلم بسببك البنت سوت حادث وهي بالمستشفى
مشعل يفز ويوقف : وشش تقولين انتي ؟متى ووين
عروب: بعد ماطلعت انت طلعت هي وسوت الحادث والله يامشعل لو اعرف انك جرحتها بكلامك ياويلك
مشعل بدأ يحس بالذنب: لا ماقلت لها شي يللا انا جاي
عروب : اييه تعال واعتذذر منها ولا وربي مايصير لك خير يامشعل وتقفل
مشعل يتنهد : عروبب والله اني ماسويت شي حتى انا ماابيها تتأذى ويتمدد ويطالع السماء وش اسوي يارببي
..
بيت الجد عبدالعزيز
ساري: لا والله اني مازعلت واعرف انك مو قاصد
ابو راشد: والله اني اشوفك مثل عيالي
ساري: الله يخليك ويبقيك اكيد بشروك اننا لقينا اللي صدم هاني واحتمال يحكمونه قصاص لأنه مهرب مخدرات وابوه تاجر مخدرات بس هارب للحين مالقوه
راشد: والله لو يطيح بيدي ماارحمه لا هو ولا ولده
يدخل باهي : مساكم الله بالخير وش هالجمعه الحلوه
ساري : تعال تعال لقينا اللي صدم هاني
باهي : الحممدلله يعني اخ المحامية بريء؟
ساري يقوم ويهمس له: ايه اخ الحب بريء
باهي : ايه واخ حبك بعد ولا انا غلطان
ساري يبتسم: لا والله منت غلطان ويروح لغرفته
باهي يطالعه بإستغراب : والله انه طاح في حبها منجد ويلتفت لأبو راشد الحمدلله ياعمي قلت لك حق هاني مارح يضيع
ابو راشد: اييه وساري وراشد ماقصروا الله يقويهم
راشد تجيه رساله على جواله وتتغير ملامحة ويبتسم
باهي يجلس جنبه: وش فيك انت بعد لحقت ساري يبتسم وهو لوحده
راشد: هاه ولا شيي ويقوم ويقابل امه قبل يدخل غرفته ويبوس راسها ويبشرها
ام راشد: الحمدلله والله يبارك فيك انت وساري وحق ولدي ماضاع الله يرحمه ويعوضه بشبابه في الجنه
راشد: اللهم امين وكيف اثير مرت ٣ شهور وهي على حالتها
ام راشد: الحمدلله اليوم احسن بس ماقلنا لها انهم مسكوا قاتل اخوها لين ترتاح اكثثر
راشد يتنهد : الله يصبر قلوبنا كلنا حزينين على فراقه لكن قدر ومكتوب ولا بيديننا شي
ام راشد تنزل دموعها : الله يجبر قلوبنا ياولدي انت ارتاح واذا جهز الاكل قلت لك
راشد: ان شاء الله يمه
الاء : يمه اللي سمعته صح لقوا قاتل هاني ؟
ام راشد: اييه الحمدلله
الاء : يارب لك الحمد ولك الشكرر بروح ابشر اثير
ام راشد تمسك يدها : لا بعدين خليها ترتاح الحين
-غرفة ساري-
ساري متكي ويفكر في شِيام كيف لوت يد عمر وانقذت حياته للمره الثانيه ويبتسم : شِيام والله اني احببك ليت الصدف جابتك لي من زمان ويقوم ويجلس ويتربع بس ليه الغت المواعيد ليكون ناويه تتهور وترمي نفسها بمصايب اكبر ويمسك جواله يبي يتصل عليها ويتراجع ويتأفف الحين بتهاوشني لو اتصلت ويمكن تعطيني بلوك بعد
يدق جوال ساري "صالح"
ساري : هلا صالح بشر وش صار
صالح : ابشرك كل شي مثل ماقلت بس وائل جلسة محكمته بعد اسبوع اتصلت على محاميته وماترد
ساري : الله يبشرك بالخير خلاص انا ببلغهم وعمر متى يدخل السجن ومتى جلسته بالمحكمة
صالح : بعد شهر وان شاء الله نحاول نستعجل ونرسل الادله ويحكمون عليه بسرعه لأنه مازال ينكر مااعترف بشي
ساري : بيعترف وغصب عنه وضيف له تهمة التهديد والابتزاز لأنه يهدد الدكتوره هو ورضوان الدكتور حقه
صالح : ابشر ابشر اي اوامر ثانيه ؟
ساري : لا يعطيك العافيه ويقفل ويبتسم ويقول جاتني الفرصه لعندي عشان اتصل عليها ويدق على شِيام
**************************
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
