بيت الجد عوض
الجده مليحه : ابي ازورها لكن مابي اتعبها وهي توها جايه من المستشفى
الجد عوض: خليها لا جاء مشعل يودينا روحوا يابنات لاتتأخرون عن خالكم
عروب عيونها من البكى تورمت
شِيام: عروب حبيبتي خلاص وقفي بكى شفتيها بعيونك مافيها شي
عروب: الا فيها يدها انكسرت وجرح براسها يعني انا السبب
شِيام تمسح ع راسها: طيب اذا قعدتي تبكين مابنروح نبي نهون عليها مانبي نزيدها
عروب : الا نرروح وبنام عندها
شِيام : طيب بس امسح... يدق جوال شِيام "المحقق المهبول" وتتنهد وتقوم عنهم وترد
شِيام : الو هلا
ساري عايش فرحة ماعمره عاشها انه يسمع صوت شِيام ويكلمها : هلا فيك فاضيه ؟ ابي اقولك خبر
شِيام : طيب تقدر ترسل الخبر بدون ماتتصل ولا انت تبي تستغل الفرصة؟
ساري حس ان صوتها متغير وكأنها كانت تبكي وحب يغير مودها : واذا قلت ايه ؟
شِيام تبتسم بوسط حزنها وقلقها على انسام : انت شكلك تبيني هالمره اقتلك ماانقذ حياتك
ساري الدنيا ماهي شايلته : اذا بيريحك اقتليني
شِيام: انت رايق وش تبي وقول بسرعه مشغوله انا
ساري: اخوك جلسة محاكمته الاسبوع الجاي وبيطلع براءه الشباب حاولو يتواصلون مع محاميته وماردت
شِيام : الله يبشرك بكل اللي تتمناه ومشكور انك قلت لي عشان افرّح عروب
ساري يبتسم ويقول بينه وبين نفسه انتي كل اللي اتمناه
شِيام تفكر الخط انفصل : الو باقي معي؟
ساري : ايه ايه وكل العمر ان شاء الله
شِيام بتوتر : طيب خلاص لسى عندك شي ولا اقفل مشغوله انا
ساري : وش مشغوله فيه وانتي الغيتي كل مواعيدك ولا فيه مجرمين تبين تلحقينهم ؟
شِيام بدت تتنرفر: وانت وش دراك ان مواعيدي انلغت ولا حاط جواسيس ؟
ساري يضحك: والله لو بيدي حطيت لك جواسيس بسبب تهورك
شِيام: انا بقفل انت شكلك فاضي وتقفل بوجهه
وتبتسم وتكلم نفسها ( ماكذبت يوم قلت عنه مهبول) وتروح لعروب يللا مشينا؟
ويمشون البنات لخالهم
مشعل تو جاء بعد ماطلعوا البنات
........
بيت نيّاف
الجوهره: ياحبيبة امك ياجعل يومي قبل يومك
انسام : بعيد الشر وتطالع يدها اللي انكسرت من المعصم ماما ماعاد بقدر اصير دكتورة اسنان صح ؟
الجوهره: لاا ياحبيبتي مين قال ؟ كثيير عندهم كسور بيدينهم وجبرت والحين من احسن الدكاتره بعد
انسام: بس انا لا صح ؟ وترجع تطالع يدها وتبكي حتى احلامي ماتبي تتحقق
الجوهره تحضنها: لا ياماما احلامك رح تتحقق ورح تشوفين مستقبلك قدامك
انسام تبكي بشكل هستيري ان قلبها انجرح بسبب مشعل وكلامه لها وتخاف ان حلمها انهدم بسبب الكسر
نيّاف: وش فيها عين ابوها ؟ شي يألمك نرجع المستشفى
انسام تبكي: لا ابيي اجلس لحالي طلبتكم خلوني لحالي
نيّاف يطالع الجوهره ويميل راسه يعني تعالي
الجوهره تنزل دموعها على بنتها اللي يتقطع قلبها عليها وتقوم مع نيّاف
انسام تبكي وتضرب قلبها : انا وش ناقصنني عشان مايحببني ومايبيني اناا ماعمري حبييت احد كثرك يامشعل وتطالع يدها بسببك حلمي مارح يتحقق
نيّاف : خلاص حبيبتي انتي تعرفين بنتك وعنادها نخليها شوي ونرجع لها
الجوهره: تدري وش تقول ؟ تقول ان يمكن ماعاد تصير دكتورة اسنان بسبب الكسر
نيّاف: لا مو لهالدرجة رح يجبر الكسر ورح تصير احسن دكتوره
الجوهره : خايفه عليهاا مااحس بس الكسر احس فيه شي ثاني ابي اعرف
يدق الباب ويقوم نيّاف يفتح
نيّاف: هلا بشِيام وعروب
شِيام: هاه ياخالي كيفها انسام؟
نيّاف: والله انها تعبانه وتبكي وانا وامها مانحس انه بس بسبب الكسر
عروب : انا بروح لها ياخالي وتروح غرفة انسام
انسام اللي سانده راسها عالكنبه وهي بالارض جالسه تدخل لها عروب
انسام تطالع عروب وهي عيونها مليانه دموع وتتنهد : انا ليه ماحبني مشعل ؟
عروب تبكي وتنزل لها للارض وتحضنها : هو الخسران لاتبكين مايستاهل حتى دموعك
انسام ماتبي تخسر عروب ماتبي تقولها عن مشعل انه يحبها هي وتضم عروب وتبكي
عروب : انا اسفه انسام بسببي انا صارلك كذا لو ماقلت لك تعالي ماكان صار لك شي
انسام تبكي وماقدرت تنطق
تدخل شِيام ويطالعونها عروب وانسام وهم الثنتين يبكون تننزل لهم شِيام وتحضنهم : ممكن تمسحون دموعكم وماتبكون ؟ انسام الحمدلله اصابتها بسيطه وانتي ياعروب مالك ذنب كل شي مكتوب
عروب تحضن شِيام اكثر: بس انا قلت لها تعالي مشعل مابيرجع
انسام تطالع عروب وهم الثنتين بحضن شِيام وتقولها: انتي مالك ذنب مثل ماقالت شِيام
شِيام: يللا امسحوا دموعكم وتعالوا طمنوا خالي والجوهره
انسام تبتسم بس قلبها يحترق من مشعل : طيب يللا؟
عروب تبوس انسام من خدها بقوه : لاعاد تختفي هالابتسامة الحلوه لا بسبب الطعس ولا غيره
انسام تطالعهم وتطالع يدها : احس حلمي اني اصير دكتوره ماعاد بيتحقق
شِيام: لاتقوليين كذا وبعدين الكسر يجبر ورح تصيرين دكتورة واحلى دكتورة
عروب تحس بالذنب وتطالع انسام
.....
بيت الجد عبدالعزيز
ساري بالحوش ومعاه شاهي ويتأمل السماء ويبتسم وهو ماكان يتأمل السماء كان يهوجس بشِيام
باهي يجي من وراه: وش فيه بالسماء يخلي الابتسامة شاقه وجهك ؟
ساري يطالع باهي : وانت وش تبي ياهادم اللحظات خلني اشوف اللي اشوفه بالسماء انقلع
باهي بخبث ويقرب من اذنه ويهمس له : لهالدرجة طحت بحب الدكتورة ؟
ساري يتنهد: اييه طحت واحبها بس شكله من طرف واحد وانا اخوك
باهي يتنهد بعد : وقعونا بنات النميري وشكلهم بيعذبوننا ويطالع السماء مع ساري
يجيهم راشد وياسر
راشد: كنا بنفسيه واحد صاروا اثنين وش تطالعون وتتنهدون
ياسر : ساري وباهي وراهم شي اكيد الاثنين متغيرين الله اعلم وش صابهم
يطالعونه مع بعض ويرجعون يطالعون السماء
راشد يجلس جنبهم ويطالع السماء ويفكر برسالة غيد اللي كان محتواها " مساء الخير انا غيد مساعدة الدكتوره شِيام اول شي احسن الله عزاك والله يتقبله برحمته وانا اسفه ماكنت ادري ان اخوك توفى وطلبت منك تحقق في المتهمين لكن ان شاء الله نتقابل مره ثانيه بظروف احسن" ويتنهد
ياسر ضحك: انت تتصل معهم بلوتوث ولا ايش انا بدخل قبل اصير مثلكم مجنون
ساري : كيف ترجع الصدف تجمعنا انتهى السبب اللي كان يجمعنا
باهي: وانا اتمنى الصدف تجمعني بها مثل ماجمعتك مع الدكتوره بس شكله مستحيل
ساري: ليه مستحيل؟
باهي : نسيت ولد عمهم مشعل ؟
راشد يطالعهم مايدري وش السالفة : وش اللي مااعرفه انا ويأشر بسبابته عليهم
باهي وساري طالعوا ببعض ورجعوا لنفس جلستهم وكتفوا ايدينهم وطالعوا للسماء
راشد: والله ان تقولون وش صاير ومين مشعل وولد عم مين
ساري: تذكر اللي جاب ماجد المتهم بالقضيه حقت صدم هاني ؟
راشد: اييه؟ وش فيه
ساري : ولد عم الدكتوره شِيام والمحامية عروب
راشد بخبث : طيب الدكتوره وعرفنا من اللي يحبها بس المحامية؟
باهي يتنهد وبصوت كله خبية امل: اننا
راشد يقرب منه: وانا اقول الولد صاير زيارات رايح راد لساري طلع مايبي ساري
باهي: ومين يبي ساري انا كنت اجي لعل وعسى المحها
راشد بأبتسامه : يمكن الدكتوره تبيه ؟ ولا وش رايك انت ياساري
ساري يضغط على اسنانه: اييه وحتى لو ماتبيني انا ابيها ويقوم ويدخل للبيت
باهي: اخص ساري طلع هيمان بعد يبيها حتى لو ماتبيه
راشد : معاه حق الحب مو بيدك غصب عنك
باهي يصغر عيونه ويطالع راشد: تعال تعال انت وش عرفك عن الحب ؟
راشد يبتسم: تعرف ان الحب من اول نظره ماطلع كذب ؟
باهي ياخذ نفس عميق : اييه اسألني
وكلن يهوجس باللي يحببه وطال ليلهم
...
عند الجد عوض
مشعل : وش قالوا البنات وش صار لأنسام ؟
الجده: كسر بيدها وجرح براسها وكدمات
الجد عوض : الحمدلله ان ربي سلمها
مشعل يتنهد ويحس بتأنيب الضمير : طيب متى تبون نروح لهم ؟
الجده: خلها بكره البنت توها طلعت من المستشفى وشِيام وعروب بينامون هناك
مشعل : اجل بكلم عروب واخليها تعطيني انسام ويقوم لغرفته ويتصل على عروب
*****************************
أنت تقرأ
نظرتك كانت بحر ونظرتي كانت غريق
Literatura Kobiecaالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
