مشعل متوتر يبي يكلم عروب بس خايف من ردة فعلها ويطلع برا المستشفى ينتظر لين تهدأ
شِيام باقي ماصحت من البنج وعندها عروب ونيّاف
عروب تمسك يد شِيام وتحط راسها على السرير: الله ياخذذ اللي وصلك لهنا والله لو اشوفه ان اقتله
نيّاف يتنهد: طيب انا لازم اعرف من وين كانت تجيها رسايل التهديد ماقالت لك شي؟؟
عروب : لا والله ياخالي اصلا هي ماقالت لي انا شفت الرسايل بالصدفة
نيّاف : وش محتوى الرساله طيب؟
عروب : مدري كان مكتوب مو حذرناك ومن اليوم تنسين الامان والراحة
نيّاف عصب: ومين يتجرأ يأذي بنت من بناتيي ولا يهددهم
وصلت الجوهره وانسام للمستشفى وشافوا مشعل برا
الجوهره: هلا مشعل طمني عن شِيام
مشعل : بخير الحمدلله تو طلعوها من العمليات وهي تحت تأثير البنج
الجوهره تتصل على نيّاف وتدخل
انسام قلبها مليان على مشعل وخيبة املها فيه كبيره ناظرته وبتمشي
مشعل يناديها بتوتر وبتأنيب ضمير : انسام
انسام تغمض عيونها وتتنهد : لاتناديني مو شايف وش صار فيني بسببك؟
مشعل : بس انا
انسام: بس انت ايش؟ انت كسرت قلبي "وتدخل"
مشعل يتنهد وماعاد عرف يراضي مين ولا مين يحس بتشتت ومتاهات
انسام تدخل ورا امها ويدخلون لشِيام
نيّاف بعز عصبيته شاف انسام والجوهره وتنهد : شفتوا وش صار ببنتي شِيام؟
الجوهره: قول لي وش صار ومين اللي اذاها وليه
نيّاف : مدري انا لازم اعرف التفاصيل بس انتظرها تصحى
الجوهره: بتطول لين تصحى من البنج انت روح وانا بضل عندها ومعاي عروب وانسام ابي اعرف مين سوا كذا بشِيام وليهه
عروب تحضن انسام: اختتي كانت بتموت وانا ماقدرت احميها طاحتت قدامم عيونني
انسام وهي حاضنه عروب بيد وحده والثانيه مكسوره : بعييد الشر عنها وجعل عمرها طويل وشوفيها قدامك الحمدلله
عروب تبكي اكثر: انا لييه صاير كل شي بسببي لو مامسكت قضية وائل ماصار لشِيام شي ولو ماقلت لك تعالي قبل ماكان صارلك كذا
انسام : اشش خلاص ماصار شيي
الجوهره: خلاص ترى شِيام بتحسس فيكم وبتتعبونها اكثر يللا اطلعوا اذا هديتوا تعالوا
انسام تمسك عروب ويطلعون ويجلسون عند باب الغرفه
ساري يبي فرصه يشوف شِيام بأي طريقه ويشوف عروب ومعاها انسام ويهمس لباهي : مو تبي فرصة تكلم عروب ؟ روح وناديها
باهي يعدل نفسه وياخذ نفس عميق ويتقدم لعروب وهي مدنقه وانسام تمسح على ظهرها : محامية عروب ممكن شوي؟
انسام : مين انت ؟
باهي : انا ولد عم المحقق ساري وابي المحامية عروب شوي
عروب ترفع راسها وعيونها صارت مثل الدم من البكاء وتشوف باهي اللي تتلخبط مشاعرها كل ماشافته : وش تبي ؟
باهي يأشر لها على ساري : نبي نكلمك شوي ممكن ؟
تتنهد عروب وتقوم
ساري : عروب ابي اشوف شِيام ابي اتطمن عليها
عروب : وبصفتك مين عشان تشوفها وبعدين شغلك مو هنا شغلك انك تروح تشوف مين سوا كذا بأختي ولا انا غلطانه ؟
باهي يتأملها ويحفظ تفاصيل ملامحها
ساري يضغط على اسنانه : انا ابي اشوفها وبسس مو كل شوي احد يسألني بصفتي مين ؟؟؟
عروب : لو يشوفك خالي هنا بيدفنك تعرف هالشي؟ وياليت تتوكل وتروح "وترجع لمكانها"
ساري يطالع باهي : لو اموت مارحح اروحح لين اشوفها
عروب تطالع يد انسام : وش رايك نروح نشوف للكسر ؟ دام جينا للمستشفى
انسام : طيب عشانك يللا
يشوفهم مشعل ويلحقهم يبي يعتذر منهم الثنتين
ساري يبطأ خطواته ويفتح الباب ويشوف وحده عند شِيام ويرجع لورا وينادي باهي
باهي: وش فيك يللا ادخل قبل يرجعون وتفصل عليك عروب
ساري : وش فيك انت فيه وحده جوا مدري مين ويضرب ظهر باهي ساعد ولد عمك يللا خش وقولها الدكتور يبي وصي شِيام
باهي : لا انت تبي تورطني انا طيّارر مو ممثل
ساري يدفه جوا الغرفه
الجوهره : بسم الله مين انت ؟
باهي يتوعد بساري : انا اانننا
الجوهره: وش تبي ؟
باهي : الدكتور يطلب وصي شِيام
الجوهره: وانت مين طيب
باهي: انا ممرض بس تو تبدأ مناوبتي ومالبست لبس الدوام لسى ياليت تتفضلين للدكتور المسؤول عن حالة شِيام ويطلع بسرعه
يمسكه ساري: هاه وش صار وش قلت ؟
باهي: الله ياخذ هالراس التنكه انت بتورطنا يعني بعنادك
ويشوفون الجوهره طالعه وباهي يسوي نفسه يقرأ عند اللوحات
ساري يمشي بشويش ويدخل غرفة شِيام ويشوفها ويتنهد بكل قوته ويقرب خطوه خطوه من شِيام اللي تحت تأثير البنج ويسحب الكرسي ويجلس جنبها ويمسك يدها: شِيام ياما وصيتك ماتتدخلين ولا تتهورين هذا اللي كنت خايف منه ويضغط على يدها انا حلفت احمييك وماقدرت بس من اليوم وطالع مارحح اسمح لأي احد ومين من كان يلمس شعره منك ولا ظفرك حتى وبحميك حتى لو ماطلبتي مني
شِيام حست فيه ونبضات قلبها تتسارع بس ماتبي تفتح عيونها وتنحرج وتحس انها استسلمت لمشاعرها
ويتنهد انا كنت ناوي اليوم بعد قضية اخوك اعترف لك اني حبيتك وماصرتي تطلعين من بالي وكل وقتي افكر فيك سرقتيني حتى مني اوعددك مااحد يأذيك واوعدك ماانام ولا اهدأ لين اخذ حقكك من اللي سوا فيك كذا اعرف انك مو قاعده تسمعيني بس انا اليوم حسيت شكثر انتي مهمه بحياتي ولا اقدر استغني عنك ياشِيام ابيك تصحين وتطببين قلبي لو بنظره منك انا احبك وبضل اعترف لك اني احبك لين اموت حتى لو ماقبلتي حبي لك راضي يكون حبي لك من طرف واحد بس لاتتأذين لايصيبك سوء ويشد على يدها اكثثر ويدنق ويتنهد ويكرر لايصيبك سوء ياشِيام
شِيام طلعت عن صمتها وتحرك يدها اللي ماسكها وتقوله: متأكد ؟
ساري يفز ويتوتر ويفك يدها بسرعه : شِيام صحييتي ؟ الحمدلله على سلامتك تحسين بشي؟ تحسين بألم ؟
شِيام تبتسم وتهز راسها ب لا وتقوله: ماجاوبتني متأكد تحبني حتى لو ماحبيتك وتحميني حتى لو ماطلبت ؟
ساري يبلل شفايفه ويضمهم وياخذ نفس عميق : اييه متأكد و اكتشفت بعد ان عيونك ترد لي الحياة
شِيام جات تتحرك وتألمت
ساري بقلق وخوف: تتألمين انادي الدكتور ؟
شِيام تطالع وجهه وفيه كدمة بخده من مضاربته مع نيّاف: وش فيه وجهك؟
ساري يبتسم : ولا شي
شِيام : طيب وين عروب ؟ وانت كيف دخلت هنا
ساري يتنهد : موجوده اختك برا وانا دخلت بالخش والدس لأن اهلك كل واحد يهددني من جهه
شِيام تبي تضحك وتتألم
ويمسك يدها ساري : وش فيه تتألمين ؟
شِيام تفك يده : اننت ماكأنك زودتها ترى حسيت فيك من اول مامسكت يدي
ساري توتر: طيب تبين شي؟ انا بعد ماتطمنت عليك بروح ادور ورا اللي سوا فيك كذا
شِيام بأبتسامة خطفت قلب ساري للمره المليون : لا بس انتبه لنفسك وتتدارك نفسها اقصد يعني لاتجينا للمزرعة بعدين مصاب
ساري كأن هالكلمة اول مره يسمعها بهالحلاوه وهالحنية : بس ؟ مافي رد على كلامي اللي قلته لك ؟
شِيام تستفزه : اييه وانا ماسمعت وش قلت عشان ارد وبعدين انا تعبانه ولا ماتشوف
ساري يبتسم : اهم شي اني شفتك بخير وهالشي يكفيني واوعدك اخذ حقك ياشِيام
شِيام تطالعه وتبتسم وحست انها بدت تتعلق فيه وحبته وتحس بالامان بعد ماكانت تبني حواجز بينها وبين الناس
ساري ضاعت علومه : انا .. وتدخل الجوهره من وراه انت مين بعد ؟
وتطالع شِيام وتشوفها صاحيه وتركض لها تحضنها وشِيام تتألم : الحمدلله على سلامتتك يابعد روحي انتي كيفك الحين ؟ وترجع تطالع ساري انت مين وليه واقف عند شِيام وش تبي منها ؟
ساري توتر: انا انا بس
شِيام: هذا محقق وكان يسأل عن الحادثة
ساري يبتسم ويطالع شِيام: ايه وان شاء الله ناخذ حقك والحمدلله على سلامتك ويتذكر وجود جوال شِيام بجيبه ويرجع
شِيام: وش فيه ؟ ليه رجعت ؟
ساري يناولها الجوال: جوالك لقيناه بمكان الحادث ويبتسم ويروح
الجوهره: وش هالمحقق المشكوك بوضعه وش مناسبة الابتسامة بوضع مثل هذا
شِيام تضحك: هذا هو المحقق المهبول اللي كنت اشكي لك منه
الجوهره: بالله ووش جابه هنا ؟ جاي يتطمن عليك ولا فعلا بيمسك القضيه؟
شِيام تبتسم : يمكن كلها؟
الجوهره تبتسم وتضمها : ابي اشوفك مرتاحه ومبسوطة وبخير وعافيه ياحبيبتي انتي
شِيام : عروب وينها؟ ليكون صاير لها شي
الجوهره: لا لا راحت مع انسام لعيادة العظام وخالك راح للشرطة
شِيام: ياعمري ياانسام جايه وهي تعبانه
******************************
انتهى البارت .. جهزوا الشال اللي يدفيكم والهوت شوكلت لأن الحب وعواصفه قادمه وشعور الفراشات قادمه😔🤍 نجمة لدعمي يانجماتي
أنت تقرأ
نظرتك كانت بحر ونظرتي كانت غريق
Genç Kız Edebiyatıالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
