بيت الجد عبدالعزيز
الجد عبدالعزيز يطالع الساعه ١٢ بالليل : ساري مايرد وللحين ماجا هو وراشد
ابو راشد: ماعليك يبه الحين يجون
الجد عبدالعزيز : اول مره ساري مايرد علي احد منكم قاله شي او ضايقه ؟
ابو طارق : وش نضايقه مانشوفه اصلا عشان نضايقه
ابو راشد يمسك ابو طارق ويناظره يعني اسكت
الجد عبدالعزيز : انا بقوم لغرفتي ولا جا ساري خلوه يجيني الغرفة ابيه
ابو راشد: ابشر يبه
الجد راح لغرفته ويكلم نفسه : وش اللي مكدرك ياساري
ابو طارق: ابوي كأن ماعنده حفيد الا ساري
ابو راشد : تعوذ من الشيطان قلقان ع حفيده وش تبيه يسوي
ابو طارق يطالعه : ولدك كيف راضي انه ساري اقرب لجده منه
ابو راشد : محد اقرب من احد كل واحد له محبته
ينزل ابو ساري من فوق : للحين ماجو راشد وساري ؟
ابو راشد : لا والله ولايردون
ابو ساري : الله يحميهم
( عند ساري وراشد بالسياره )
راشد : يعني الدكتوره هاوشتك قدام المحققين وانت انغبنت بسبب كذا ؟
ساري يضحك : شف انت وراسك كيف تفسر الامور اقولك تبي تطلع الولد بريء عشانه مريض عندها
راشد : طيب انت تقول الولد قال مو هو وتخاف انك ظلمته
ساري : تبي الصدق والله اني اتمنى يخيب ظني واني ماظلمته واسجن الدكتوره معه
راشد ميت ضحك: انت ملاحظ انك ماتتكلم الا عن الدكتوره
ساري : قهرتني ياخي وتدخلت بتحقيقي
راشد: ساري اللي ماعمره احد عصب به وكدر خاطره تجي بنت وتقلبه عصبي
ساري يوقف عند باب البيت : انزل لا اشوتك انت وهالتفسيرات وينزل وراه للبيت
يدخل ساري وراشد وهم يضحكون
ابو ساري يففز : هلا بالغالي هلا بولدي
ابو راشد : اشوفك جاي مبسوط عكس اول الليل
ساري يضحك ويضرب كتف راشد : واللي عنده راشد ياعمي ضيقته ماتدوم
راشد : يللا انا ابي انام وراي دوام ولدك ياعمي مايخلي احد ينام وهو يتنهد واصلني الصوت لغرفتي ويضحك ويروح
ساري : والله انك تنرفز اسحب كلامي الزيين عنك
ابو ساري : هاه ياولدي وش صار لك وليش كنت معصب اليوم ؟
ساري : لا والله مافي شي الا وين جدي
ابو طارق : دخل غرفته وقال لاجيت تلحقه
ساري : يابعد راسي ياجدي للحين مانام ويروح له
يدق ساري الباب ويفتح
الجد عبدالعزيز : هلا بحفيدي الغالي
ساري يبوس يد جده وراسه : هلا بك ياجدي علامك مانمت للحين
الجد عبدالعزيز : والله ان بالي انشغل عليك
ساري : لاينشغغل بالك ولا شي والله مافي شي
الجد عبدالعزيز : الله يجعل بالك دايم هادي ويبعد عنك السوء
ساري : اميين تبي شي ؟ انا بطلع انام
عبدالعزيز : مابي الا سلامتك وتصبح ع خير
ساري : وانت من اهله ويطلع ويقابل امه بغرفته
ام ساري : وش صاير ياولدي قالي ابوك انك جيت ويدينك متجرحه ومعصب
ساري : والله يمه ان مافيني شي ويدي صفقت الباب بالغلط
ام ساري ترفع راسه بيدينها: انتبه لنفسك ولا تشغل بالي عليك تعرف اني مااقدر اعيش بدونك
ساري يبوس يد امه : الله يخلييك لي يمه ويطول بعمرك
ام ساري : ويخليك لي ياروح امك نام وارتاح
....................................
بيت نيّاف
الجوهره: حبيبي اليوم سهران وش صاير ؟
نيّاف شارد
الجوهره تقرصه : وش فيك شارد هاه ؟ ليكون تفكر بوحده ؟
نيّاف يبي يشعل غيرتها : اييه ويبتسم
الجوهره تقوم وتحط يدينها ع خصرها : ياشييخ اجل وش مقعدك عندي دامك تفكر بغيري
نيّاف يضحك : طيب ماتبين تعرفين مين ؟
الجوهره بعصبيه : لااا ماابي اعرف مابقطع افكارك بروح انام عند انسام
نيّاف يقوم بسسرعه ويلف يده ع خصرها ويسحبها : وتفكرين اني بسمح لك تروحين ؟
الجوهره تتدلع : اييه يعني بنتظر انك تسمح لي مثلاً يللا بخليك مع افكارك بهالوحدده
نيّاف يبوس خدها : بس هالوحده يقولون لها ام انسام وحبيبة نيّاف تعرفينها؟
الجوهره تبتسم وتتلمس وجهه: لا مااعرفها مين ذي وبعدين مااحد قال لك انك بكاش كبير ؟
نيّاف يضحك ويبوسسها: لا ومين يتجرأ ويقولها
الجوهره تلعب ب اصابع يدينه : انا يابكاشي
نيّاف : اييه اذا انتي طيب مابقدر اقول شي
الجوهره تبوسه : وهه يازين البكاش حقي
نيّاف قاعد يتأمل تفاصيل وجهها ورموشها وعيونها
الجوهره : حبيبي كنت ابي اقولك عن شِيام وعروب
نيّاف بقلق : وشش فيهم ؟ صاير لهم شي؟
الجوهره : اهدا حبيبي مافيهم شي والله كنت ابي اقولك انسام قالتلي انهم بيجون بكره بعد دواماتهم ف قلت وش رايك تقترح عليهم ينامون عندنا هالويكند
نيّاف: ويلوموني في حببك ابشري رح اقولهم والله اني اشتقت لهم
الجوهره: والله وانا بعد وانسام تحبهم ومتعلقه فيهم مره
نيّاف: الله يخليهم لبعض ولا يفرق بينهم
الجوهره: ويخلييك لي ياحبيبي
............................................
الصباح الساعه 8 في بيت الجد عوض
الجده مليحه : صاحيه بدري اليوم ولا عندك دوام بالعياده ؟
شِيام : لا والله ويمكن اليوم مااروح العياده مرضاي حولتهم ع غيد
الجده : ليه يابنتي وش فيك ؟
شِيام: والله ولا شي بس مالي حيلل
الجده تمسح ع شعرها : لاتخبين شي ع جدتك
شِيام تبوس يد جدتها : مااخبي شي عليك والله ولو فيني شي بقولك ع طول
عروب توها صاحيه : وش هالمشاعر الجياشه من الصبح وتضحك
الجده : تعالي تعالي ياوردتي وتحضنها
عروب: يازينن ريحتك ياجده الله لايحرمني منك
الجده: ولايحرمنني منكم ياربب
عروب تطالع شِيام وتأشر ع عيونها يعني وش فيها عيونك متورمه
شِيام : ولا شي والله
عروب: اليوم بنروح عند خالي لاتنسين
شِيام : اييه مانسيت واشتقت لخالي والجوهره
عروب : مابتداومين اليوم ؟
شِيام: يمكن لأن احس مالي حيل
عروب: والحاله اللي تقولين بالسجن ؟ وش بيصير له
شِيام: والله مدري كلمت غيد تمسك الحاله
مشعل والجد عوض : صبحكم الله بالخير
الجده مليحه : وين اختفيتوا نسينا انكم موجودين وتضحك
مشعل : والله جدي كان يبيني اسقي المزارع معه قبل اداوم
عروب تضحك : ايه هذي شغلتك مايليق عليك رجل اعمال
مشعل يقلدها: انننن ع اساس انتي لايق عليك المحاماه
شِيام: مشععل هاه ؟
مشعل يضحك: نسينا من الملاك الحارس لعروب طيب يليق بها كل شي
عروب : ايوه خلك كذا
الجده مليحه تضحك: بسرععه اكلوا قبل يبرد الفطور وخلوا عنكم المناقره
الجد عوض : والله طلع مشعل فنان بالزراعة
مشعل يطالع عروب : زرعت لك نعناع ياراعية الشاهي
عروب : عشان ماعاد تشتري ؟
مشعل : اييه زين فهمتيها وهي طايره
شِيام : خلااص اسكتوا
...............................
بيت الجد عبدالعزيز
ام ساري: لازم تعالج يدك قبل تداوم
ساري: بسيطه يمه والله
ام ساري: ماهي بسيطه اذا تبيني ارتاح عالج يدك
راشد يدق الباب: ساري جدي يسأل عنك
ام ساري: جيت وجابك الله تعال اقنعه
راشد : ابشري قوليلي وش فيه
ساري يضحك ويأشر ع الجرح : امي تبيني اروح المستشفى عشان هالجرح
راشد : وتضحك بعد وهي صادقه مو جرح الا جروح وش فيك مهمل نفسك
ام ساري : شفت حتى راشد قال لك نفس كلامي
ساري : طيب خلاص بروح
ام ساري : لاتسكتني ب طيب
راشد : خلييه علي انا الحين اوديه المستشفى وقبل يداوم بعد
ساري : انا بروح لحالي وش توديني بزر قدامك
راشد يضحك: دام خالتي طلبت فزعتي معناته انا بوديك وغصب عنك
ساري يضحك: الله يعينني ع هبالك من الصبح يللا ننزل جدي ينتظر
ابو ساري: لا والله رجع البارح والحمدلله رايق
الجد عبدالعزيز : والله اني قلقت يكون فيه شي
طارق: ماعليك ياجدي ساري ماينخاف عليه والله
هاني : باركولي من الاسبوع الجاي ولدكم بيكون لاعب ناشىء
ابو راشد: الف مبروك ياولدي والله انك رفعت راسي
راشد جاي هو وساري
ساري: ماشاء الله مبروك وبيصير في عائلتنا لاعب ومنها للاعلى
هاني: الله يبارك فيك
راشد يضرب ع كتف هاني: مبروكك اييه كذا وانا اخوك حققت حلمك وبتصير لاعب
الجد عبدالعزيز: الف مبروك ياولدي والله يجعلني اشوفكم كلكم محققين احلامكم وفاتحين بيوت بعد
ساري : جدي خلاص حققنا الاحلام ويضحك
راشد: اييه بس جدي يقول وفاتحين بيوت بعد ويضرب ظهر ساري وان شاء الله عريسنا الجاي قريب
ساري يضحك: وش معنى ماتكون انت انا ماابي الحين
ابو راشد : لمتى ماتبون شوفوا طارق ماشاء الله صار عنده ولدين والثالث جاي
ابو طارق: ايه ولدي اول واحد حقق حلمه وفتح بيت بس مين يعلم جده
الجد عبدالعزيز يطالع طارق: الله يوفقه ويزيده من فضله وعقبال ياسر اللي ماحقق لا حلم ولا زواج
ساري : تبون شي انا بروح الدوام
يقوم راشد ويمسكه: على وين ولا تبي تهرب وعدت خالتي اوديك المستشفى قبل الدوام يللا قدامي
ابو ساري: ليه علامه ساري ؟
راشد: لا بس للجروح اللي بيده
ساري : الله يعين انت نشبه ولا ايش ابفهم اقولك بروح للدوام
راشد: لاتصرفني ولا شي ويسحبه ويطلعون
هاني: الله يعين ساري ع راشد اذا حط شي براسه مايتراجع
الجد عبدالعزيز: بس زين انه بيروح المستشفى جروحه كثيره
................................
بيت نيّاف
انسام : بابا مابداوم اليوم
نيّاف: وليه ؟
انسام: شِيام وعروب بيجون
الجوهره: يعني اذا بيجون مابتداومين؟
انسام تضحك: لا ماما بس قلت ابي اتفضى اسولف معهم
الجوهره تطالع نيّاف: بس ابوك قال بيقنعهم اليوم ينامون عندنا
انسام تفزز: احلفي ماما من زمان ماناموا عندنا
نيّاف: اييه قلت اذا جو اقولهم لاني انا بعد اشتقت لهم ولجلستهم وسوالفهم
الجوهره: اي والله من يوم توظفوا ماعاد صاروا يجون كثير
نيّاف: الله يوفقهم ويسعدهم دامهم بخير انا مرتاح
الجوهره: اميين يارب
..............................
بيت الجد عوض
شِيام : وجبت احلى قهوه لأحلى جده واحلى جد
الجد عوض: الله يسلم يدينك
الجده مليحه: فديت هاليدين اللي ماتسوي الا الزيننن
شِيام : وين مشعل
عروب: طس لدوامه
الجده : بس عيب اخوك بيزعل ( يعتبرونه مثل اخوهم)
عروب: اقسم بالله انه ينرفزني
الجد عوض: روقي وتعالي تقهوي هذا مشعل وهذي حركاته من يومه صغير
ويدق جوال شِيام " غيد"
شِيام : هلا غيد هاه بشري
غيد: والله مدري وش اقولك لكن للحين متحفظين عليه مع ان امه واخته اعترفوا
شِيام: وين عايشين احنا الولد لازم يطلع ويكمل علاجه بتسوء حالته اذا قعد هناك
غيد: والله مدري سألت عن سبب تحفظهم فيه قالوا مايقدرون يقولون
شِيام عصبت: مايقدرون يحتجزون مريض عندهم مو سايبه هي انتي وينك ؟
غيد: لسى عند المركز انتظر المحقق المسؤول يجي واكلمه
شِيام : انتظريني بغير لبسس وبجيب اوراقه واجيك وتقفل
الجده : بسم الله عليك بنتي وش فيك ليه عصبتي
شِيام : اشك انهم صاحيين الولد مريض وهم متحفظين فيه لو اعرف مين المحقق المسؤول بس ( ماتدري انه ساري)
عروب : اجي معك ؟
شِيام: لا مايحتاج بتجهز واروح
الجد عوض: الله يوفقك ياشِيام ويسهل دربك
.........................
عند ساري وراشد
راشد: شفت كانت فيه قطع خشب بيدك زين اني ضغطت عليك تروح
ساري: والله اني ماكنت احس بالجرح عاد تأخرت عن دوامك وانت موديني
راشد: وش هالكلام اخوك انا يللا وصلنا انزل
ساري: لاتمرني برجع مشوار
راشد يضحك : تبي الفكه لكن مابه فكه جايك الساعه 2 ان شاء الله
ساري ينزل : يللا فمان الله ويدخل
يطالع راشد يبي يشغل السياره ويحرك الا يشوف ساري ناسي جواله : والله انك مهبول ياساري تمشي وتنسى اغراضك ويوقف السياره وينزل ويسأل عن ساري واشروا له وشافه واقف يكلم وحده
راشد ليكون ذي الدكتوره اللي عصبت ساري امس ويمشي جاي لهم
غيد: بس احنا المسؤولين عن حالته ونطلب منك التعاون عشان نطلعه
ساري: بس انا ماسمعت الاعتراف منه بشكل رسمي
غيد: لما كانت الدكتوره شِيام في جلستها للمريض امس انت كنت موجود
ساري : ايهه بس لازم يعترف لي بدون تدخل اي طرف ثالث هذا النظام وياليت تطبقونه
غيد: بس انا سألت عن القضيه وطلع ان القاتل الحقيقي اعترف !
ساري: يااختي انا اتكلم عن اعتراف...
راشد : يامحقق ساري ويلتفت ساري ويقوله : وش جايبك هنا بعد
راشد شاف غيد وضاعت علومه وماعاد شال عيونه عنها
ساري يدقه بكتفه: وش فيكك ليش جيت ؟
راشد لسى يطالع غيد ويبتسم
غيد: استأذنك لما تجي الدكتوره شِيام...
راشد قاطعها : السلام عليكم انا شرطي بالمباحث العامه ومكافحة المخدرات اي خدمه لك
غيد تقول بينها وبين نفسها " وش فيه ذا " : لا مشكور احنا جايين لزيارة مريض مسجون
راشد يبتسم ويطالع ساري ويهمس له : هذي هي اللي خلتك تنقلب؟ والله انك ماتنلام
غيد: استأذنكم وتروح تبي تنتظر شِيام
ساري: لا مو هي وبعدين وش جابك انت ووش هالابتسامة اللي شاقه وجهك
راشد يتدارك نفسه: لا جيت اعطيك يالمهبول جوالك مستحيل تمشي وماتنسى شي
ساري يضحك: زيين يللا توكل ويدخل لمكتبه
راشد اخذته الهواجيس ب غيد : مااقول الا سبحان خالقك وش هالعيون اللي خبصتني بثواني ويضححك ويروحح
شِيام داخله للمركز وتقابل غيد : هاه كلمتي المحقق المسؤول ؟
غيد : اي والله توني قبل عشر دقايق ورافض تماماً مع انه ماعاد له داعي يكون موجود عندهم لكنه مُصر انه مجرم
شِيام عصبت وتاخذ نفس: ووينه المسؤول ذا ؟
غيد توقف : هذا مكتبة تبين تهدين بعدها ندخل ؟
شِيام : انا مارح اهدأ لين اطلع مريضي وتدخل بدون ماتدق ع الباب
ساري واقف وماسك المويه بيشرب ويطالعها : هذا انتي ؟ وش تبين بعد لسى فيه مجرمين تبين تعطينهم تقارير نفسية ؟
شِيام : اللهم طولك ياروح انا يااستاذ يافهمان جايه اخذ مريضي اللي حالته لو انتكست بتكون انت المسؤول الاول والاخير
ساري يطالع غيد ويأشر ع شِيام : ماقلتي لها وش قلت ؟ برجع اعيد الكلام انا مارح اطلعه لين يعترف بدون اي تدخل منكم ولا من غيركم وهذا النظام
شِيام تضرب بالملف بقوه ع الطاوله وبعصبيه : انننا عنندي صلاحية اني اخذ مريضي واطلع وبدون ماارجع لك حتى لكن قلت احتراماً للمسؤول عن القضية بنشوف للوضع معه لكن من الواضح لي انك بوادي والتحقيق بوادي
ساري عصبب ويضغط ع العلببه بققوه وتتعفط : اننا يادكتوره اعرف بالقانون واكثثر منك واحمد المجرم مارح يطلعع من هنا وهذا اخر كلام عندي
شِيام تبتسم بإستهزاء: طيب نشوف يا... محقق وتطلع هي وغيد
ساري عصب ورمى الملفات بقوه من على المكتب : مييين مفكره نفسهاا ويشوف الملف اللي خلته عنده ويعصب ويطلع ويناديها ياههييه
شِيام تحس ودها تعطيه لكمه بس مسكت نفسها وتطالعه وتشوف الملف بيده : هذا خليته لك اذا تبي تحتفظ فيه بعد مااطلع مريضي وتروح
ساري عصب اكثثر ودخل مكتبه: وشش تحسسب نفسسها انا محد يتحداني ويرجع يضربب المكتب بقبضة يدده
شِيام معصبه: مين مفكر نفسه كيف مانقدر نطلع المريض اللي يمكن يأذي نفسه واللي حوله انا مارح اطلع من هنا لين اطلعه وتقاريره كلها تثبت انه مايقدر يجلس بمكان مثل السجن
غيد : طيب كيف والمحقق المسؤول قال مابيطلعه
شِيام تبتسم : والمحقق ذا انا رح اخليه يندم وبنروح لرئيس النيابة العامة
غيد: الله يستر لاننسجن معه ياشِيام
شِيام تضحك: حبيبتي احنا مو مسويين شي غلط مريضنا يحتاج علاج وهو ماله ذنب انه يكون موجود هنا
******************************
انتهى اطول بارت اللي كان فيه هواش ابطالنا واول لقاء لراشد وغيد 😔🤍
أنت تقرأ
نظرتك كانت بحر ونظرتي كانت غريق
Genç Kız Edebiyatıالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
