بيت الجد عوض
الجده مليحة : عروب اختك قالت لمتى بتضل بالعياده ؟ اتصل عليها ماترد
عروب : والله مدري ياجده قالتلي فيه ملفات تبي تشوفها
الجد عوض : دقي عليها مره ثانيه يمكن ترد
شِيام تفتح الباب وتدخل : السلام عليكم
جدها وجدتها وعروب ردوا عليها السلام
الجده تقوم وتحضنها : خوفتيني عليك شوفي كم مره اتصلت
شِيام : والله انه كان صامت وماانتبهت له كنت مشغوله شوي
الجده تطالع عيونها : كنتي تبكين ؟
شِيام : لا من التعب ياجده
الجد عوض: لاعاد تحطينه صامت قلقنا عليك وانا جدك
عروب تطالع شِيام وتشوف عيونها انها فعلاً كانت تبكي : شِيام تعالي بقولك شي وتسحبها لغرفتها
عروب تقرب من وجه شِيام: علميني من هو اللي مبكيك والله ان اخذ روحه
شِيام تبتسم وتحضنها : احب اللي كبرت وصارت تبي تحميني والله ان مافيني شي بس اليوم كانت عندي استشاره بالسجن لواحد متهمينه بقتل ابوه وهو بريء بس عشان عنده نفسيه
عروب تفكها وترجع تطالع عيونها : اييه ووش صار ؟
شِيام : كنت اظن ان بس بعض الاباء ظالمين لكن اكتشفت بعد ان فيه امهات ظالمين تبي تحمي بنتها تقوم تحط ولدها قاتل
عروب بعصبية: حسسبي الله عليهم ياليتهم موقفين التكاثر هالاشكال
شِيام تبتسم : وانتي وش سويتي اليوم وليه ماداومتي
عروب تضحك: شِيام شكلك فقدتي الذاكره قلت لك رانيا هناك ولو فيه شي بتكلمني قلت اقعد مع جدي وجدتي دام ماعندي قضايا
شِيام تقرص خد عروب : ماني مصدقه ان اختي صارت احلى محامية
عروب تطالعها وتبتسم : واختي ملاكمتي وملاكي الحارس صارت احلى دكتوره
شِيام : يللا انزلي عند جدتي وجدي بغير ملابسي وانزل لكم ياوردة لندن
عروب تضحك : وشش الطاري كنتي انتي ومشعل تنادوني كذا يوم كنت ادرس بلندن
شِيام : والله انك وردتي من زمان وللحين ويللا لاتكثرين كلام وتضحك
تنزل عروب وتلاقي مشعل جالس مع جدها وجدتها
عروب: يووه وانا اقول وش فيه المكان ظلم
مشعل يضحك : قصدك من نوري طفت كل الانوار
الجده مليحه : انتم متى بتوقفون هواش
الجد عوض : والله كانكم بزران
عروب : شوفوه هو امانه ماينرفز؟
مشعل يموت اذا مانرفزها ويقوم يغني "انا والله انسان معجب بنفسي اعجاب ملهوش مثيل
لما تشوفني ياهتحبني ياهتعجب بي مافيش بديل رأيك فيّا خلهولك مش محتاجة خلهولك انا ولايلزمني خلهولك بس اسمع مني خلهولك " ويكمل ويروح لغرففته
عروب تنرفزت : شفتوا مو اقولكم ينرفز حتى ذوقه بالاغاني خايسس
الجد عوض يضحك: والله اني احبب لما اشوفه رايق ويغني
عروب : جدي بس مو ع حسابي يضحك
الجده مليحه : خليك منه وتعالي عند جدتك ماحضنتيها اليوم وماقلتي لها وش فيها شِيام
عروب تضحك وتجي جنب جدتها وتحضنها : مافيها شي بس تعبت من الدوام
شِيام جات من غرفتها : اهاا كذا ياعروب (وتكتف يدينها) طلعتي تنقلين علومي لجدتي من اليوم ماعاد بقولك اي سر وتلف راسها عنهم
عروب تقوم بسرعه وتحضنها : والله ان تقوليين تعرفين اني فضوليه
شِيام تسوي انها زعلانة : بعدي عني انا خلاص بطلت اقولك شي
الجده تضحك: عروب خليها هذا اذا ماجات لك وتكلمت بدون ماتقولين
عروب تطالع جدتها : تهقين ؟
شِيام تضحك : والله ياجده انك حافظتني
عروب : تعالي تعالي اجلسي بسوي شاهي واجي مع انك مزعلتني بس بمشيها لك وتضحك وتروح
شِيام بصوت عالي : لا تاخذين زعلي انا الزعلانه منك
.......................................
بيت الجد عبدالعزيز
الجد عبدالعزيز : والله اني قلقان على ساري اول مره اشوفه كذا
ابو ساري : الله يهديه ويده مدري عالجها ولا وماابي اخوف امه عليه
ساري لابس وطالع من البيت ولسى معصب والشرار بيطلع من عيونه ووراه راشد
الجد عبدالعزيز : راششد ع وين ؟ وعرفت وش فيه ساري ؟
راشد يرفع اكتافه يعني مدري ويطلع ورا ساري
ابو راشد : هذول بيت اسرار لبعض يعني انسى انك تعرف من راشد شي
طارق ينزل من فوق ومعاه عياله عزوز ومتعب
الجد عبدالعزيز : هلا بالسمي واخوه جيبهم لي
طارق : غريبه وين ساري وراشد
ابو ساري: والله طلعوا
ابو راشد: طارق وين ابوك ماله مدارج اليوم
طارق يضحك : والله راح هو وامي يزورون خوالي
الجد عبدالعزيز يلعب عيال طارق
طارق : تحبهم ياجدي ولا مثل ابوهم مسحوب عليه
الجد عبدالعزيز يضحك: لو مسحوب عليك ماعطيناك اثير
.....................
عند ساري وراشد
راشد : وش فيك بتطير بنا خفف السرعة
ساري يطالعه بنص عين يعني انطم
راشد : وقفف ع جنب انا بسوق باقي ماشبعت من نفسي عشان تقلب فيني
ساري يتنهد : راشد بتسكت ولا انزلك
راشد يضحك: تبيني انزل ولا تبيني اروح معك للخيول تراك طفشتني
ساري يبتسم : ابيك معي بس انت اسكت شوي من يوم طلعنا من البيت وانت ماسكت
راشد: شسوي قلقان عليك طول عمري ماشفتك كذا
ساري رجع يتنهد وماتكلم
راشد : فيه اشاره ماقطعتها تبي نقطعها ونموت ؟
ساري : انت وش فيك مابتموت محد يموت قبل يومه
راشد يضحك وماتكلم
ومرت نص ساعه والسكوت مخيم عليهم
وصلوا للخيول ويروح ساري لفرسه "شهم"
راشد يمسكه : ساري تكلم يااخوي قولي وش فيك ؟ الدم بيطلع من عيونك من كثر العصبية
ساري بعصبيه : ولا ششي خلاص
راشد يعرف ان فيه شي: طيبب بتقول بتقول
ساري يطنشه ويطلع ع حصانه ويكلم نفسه : انا اللي بكل تحقيقاتي ماطلعت غلطان تجي هالدكتوره وتطلعني غلطان قدام المحققين وياخخذ نفس
راشد بصوت عالي : ياسسساري تراني سمعتك انزل انزل علمني
ساري يضحك وماتكلم
راشد: ياااهبببل تتعال ولا قنصتك
ساري يوقف حصانه وبصوت عالي : انا ووشش اللي خلانني اجييب واحد لجاجج مثلك صرعتني
راشد : مابخليك لين اعرف وش فيك
ساري يتنهد وينزل من على حصانه ويجي عند راشد : عمري قلت لك اني ظلمت احد في تحقيق ؟
راشد : لا والله بس وش صاير مين ظلمت ؟
ساري : ماظلمت احد لكن جاني احساس اني ظالم
راشد يلف يدينه حول رقبة ساري : انت تحسب انك بتكذب علي يللا قول ولا مارح افكك
ساري يضحك: شكلك تبيني امردغك هنا
راشد : قولل ولا انا اللي بمردغك والله يللا قول مين ظلمت
ساري يتنهد : اليوم واحد كان متهم بقتل ابوه وكنا رح نوديه السجن بس جات دكتورته النفسية وغير افادته انه مو هو
راشد : ايوه كمل ؟
ساري يناظره : وش اكمل خلصت السالفه
راشد يحاول يستفزه : طيب والدكتوره ماقابلتها انت ؟
ساري رجع يعصب : لاتذككرني اقسم بالله لو انها رجال كنت عرفت اتصرف
راشد يضحك : خلاص عرفت وش فيك ويغمزز
ساري : وش فيك تغمزز ؟ ووش اللي خلاص عرفت ؟
راشد : خلاص عرفت وش اللي صابك ويرجع يغمز له
ساري بعصبيه: راشششد انت منجد تبيني العن شكلك الحين وانا الغبي اللي جبتك معي وخررر عن طريقي
راششد يضححك ويغنني بصصوت عالي " انخخطف قلبي وانا بوسسط الزحام ششدني نورن وقققلبي لهه وصصل عععينها اليمنى تبادلنني السسلام وعينها اليسسسرى ابادرها الغززل "
ساري يضحك وبصصوت عالي يردد عليه : الششرهه ع اللي يقولكك همومه ويروح
ويلحققه راشد وهو يضضحك ويغنني يبيه يغير ججو
.....................................................
عند ابو شِيام
ابو شِيام : اخوك ماله دخله بيتي لو يصير اللي يصير
اسماء: بس هذا اخوي الوحيد وانت تعرف ماعندي غييره
ابو شِيام : نسييتي وش سوا ببنتي ؟
اسماء: الله والبنت عاقه وماتدري عنك وبعد صار للسالفه 19 سنه خلاص انسى
ابو شِيام عصب: عاققه ولا ماهي عاقه اخووك اللي سواه انا ماارضاه تبين تزورينه روحي لكن يدخل بييتي والله مايطبه
وائل: لييه وش سوا خالي ؟
ابو شِيام : ماههو خالك ولا تقولل خالي ولا ابيك تروح له ولا تشوففه
وائل : اصلا ماننيي زايره بس جيت ابي فلوسس
اسماء: وين تودي الفلوس انت ؟ مصاريفك زايده هالايام
وائل: يممه تراني مو بزر تحاسبوني بتعطوني ولا لا
ابو شِيام : بعطيك الييوم بس خلاص ماعاد فييه لين تعلمني وين تودي فلوسك
وائل: والله يبه قطات مع الشباب وبنزين واكل برا كلها ترى تكلف
اسماء : انت مو مسؤول عن الشباب تصرف عليهم
ابو شِيام يعطيه فلوس
وائل: يللا انا طالع تبون شي ويدق جواله "عروب" ويتوتر
اسماء: وش فيك توترت مين اللي داق عليك ؟
وائل : الشبباب يللا مع السلامه
ويطلع برا ويرد ع عروب
عروب :هلا وائل لقيت لك مكالمة ماكنت عند الجوال والله
وائل: هلا بعروب هلا بأختي اللي ماتسأل لين اسأل كيفك وكيف شِيام
عروب: ياحبيبي بخير كلنا والله ودنا نزورك بس تعرف العداوه بين ابوي وجدي وبيزعل علينا لو رحنا
وائل: ماله داعي تتعذرين والله اني اعرف بس انتوا اخواتي بسأل عنكم حتى لو امي وابوي مايبوني اتواصل معكم
عروب : حبيبي انت كيفك وايش مسوي
وائل: بخير والله عطيني شِيام بكلمها
عروب تعطي شِيام الجوال
شِيام : هلا وائل اخبارك وش مسوي
وائل : هلا بأختي الدكتوره والله اني بخير بس حبيت اتطمن عليكم ومايمديني اشوفكم انتي وعروب هالاسبوع
شِيام : افا ليه ؟ ليكوون امك وابوي عرفوا
وائل : لا والله مادروا بس بطلع مع الشباب
شِيام: اها طيب بس انتبه لنفسك واذا احتجت شي كلمني
وائل: الله يخليكم لي ماتقصرون يللا فمان الله
................................
بيت الجد عوض
شِيام: ياعمري وائل مين يصدق ان امه اسماء وابوه يوسف طالع طيب وحنون
عروب : اي والله اللي يشوفه مايصدق انه ولد هالظالمين
الجده مليحه تجي من وراهم: عن مين تتكلمون ؟
عروب تتلعثم : مححد بس وش مصحي الحلوه للحين ؟
الجده مليحه: والله الشاهي اللي سويتيه لي ماخلاني انام
عروب تزعل : افا اجل ماعاد بسوي لكم شي
الجده مليحة تضحك : لا والله اني صحيت بتطمن عليكم وبرجع انام
شِيام تبوس راس جدتها : الله يخليلي اللي تطمن علينا مافينا شي والله والحين بننام
الجده مليحه : الله يخليكم لي تصبحون ع خير وتروح
عروب : ياعمري ياجدتي لسى عادتها من لما كنا صغار تطمن علينا قبل تنام
شِيام شارده في قضية احمد وايش صار عليه
عروب : ماخخذ عقلك
شِيام تضحك: والله محد ماخذ عقلي غير اخت صغيره فضولية
عروب تحضنها : لاتفكرين انك بتفتكين مني قوليلي وش فيك شارده
شِيام : والله ولا شي بس عندي حالات تشيب الراس ونص الحالات تكون من صدمات طفوله ومن معاملات اهلهم السيئه
عروب تتنهد : الحمدلله على خالي وعلى جدي وجدتي افكر لو ماهم موجودين وش كان بيصير فينا
شِيام : لاتفكرين خلاص انسي افتكينا من هذيك الايام وسوادها
عروب تطالع شِيام وتتأملها : الله لايحرمني منك يااحن واحلى اخت
شِيام تبتسم وتقرص خدها : ماتبين تنامين ؟ انا بطلع انام وراي مرضى
عروب : تصبحين ع خير واحلام سعيده
شِيام طلعت لغرفتها ومسكت جوالها ترسل ل غيد " بكره يمديك تمرين احمد وتشوفين التطورات ؟ ماابي اروح واتمشكل مع المحقق مثل اليوم "
ترد عليها غيد " ابششري ولا تشيلين هم هالحاله بشوف انا التطورات "
شِيام تتنهد وتحط راسها ع المخده وتفكر بكلام عروب انهم لو ظلوا هناك وش كان صار فيهم
***************************
أنت تقرأ
نظرتك كانت بحر ونظرتي كانت غريق
Chick-Litالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
