#طشت_خرز
كنوز القحطاني
ولي الله
جرعتك ياصبر رغم المرار البيك
وكالولي الصبر للفرح مفتاح
يادنيا بعد ما بيه كل حيل
خلص عمري عذاب شوكت ارتاح
اصبح بصوت والدمعات بالعين
ومحد يسمع المهموم لو صاح
اريدك هسه يمي وليش ما جيت
تعال وخلي كل الحزن ينزاح
ذبل عودي بغيابك والهجر طال
وكلشي حلو بيه من رحت راح.
**********************************
قهقه ابويه مستمتع ودنگ عليه وجه بوجه وحچه بتحدي :
تگدر للكل بس ماتگدر على ولي الله
راد يرد عليه بس الظلام كان اقوه منه سحبه شفت ابويه يأشر لنوماس يجي لزمت ايده ولي الله برعب وخوف
اسيا : شحطيتله شراح تسويله
نهض من مكان وبعده واگف يمنا دنگ براسه عليه مبتسم وحچه كلمتين مازادت اله الرعب بگلبي
عاكف : كل الخير
دخل نوماس وياه ممرضين ونقاله شالوا ولي الله حطوا ع نقاله وطلعوا ركضت وراهم سيارة إسعاف واگفه برا كانه مخطط لكل شي دخلوا بيها التفت ع ابويه رافعه اصبعي بتهديد
اسيا : و ين ماخذه رجلي ع رجله
رفع اكتافه بلامبالاة يمد ايده للأمام بمعنى تفضلي
ردت امشي اصعد وياهم سمعت صوت ليال تدفع بالكرسي وتصيح وين عفتوني
عين ع ولي الله وهو بالاسعاف وعين ع ليال اخاف ارجع الها و ياخذوا تصرف ابويه خلاني افقد الثقه بي وهو كأن فهم تفكيري حچه وهو منطيني ظهره يروح لسيارته :
عاكف : جيبيها مو طبعي الغدر اسيا
اسيا : اي كلش اني حطيتله المخدر مو؟
گلتها واني اروح ليال
اسيا : ليال دخلي جوه و عينج ع زينب
ليال :- لا اروح وياكم خاف تحتاجوني
تنهد بنفاذ صبر هو انتِ تردين منو يساعدج بشنو تساعدينه ردت احچيها وسكتت خاف تزعل دفعت الكرسي حتى اصعدها وياه ابويه اعترضت
ليال :- لا لا بالاسعاف بنفسي اصعدها عليج الله
جريت نفس بصبر رجعتها صعدتها بالاسعاف و رجعت للبيت ما أأمن اترك زينب يم ختام اخذتها صعدتها ويا ابويه حجه وهو حاط اديه ع ستيرن
عاكف :- بعد ماكو احد تاخذي
اسيا :- لا
صعدت يم ليال مانعرف وين رايحين اصلا بس اهم شي اني وياه انتبهت ل ليال تقرب أصبعها ع خشمه وراسها منزله اذنها ع صدره شويه ورفعت راسها
ليال :- عايش
اسيا :- لعد ماعرف
_ هذا أبوج شحطله ليش نام هيج
