طشة خرز

مقتطف

مقتطف بعنون بداية النهايه

گاعده اصحح تقارير الطلاب و انزل الدرجات بالسجل و ليال تتعارك ويا زينب

_ ليال صدك جذب عقلج و عقل الطفله اريد اركز ما اگدر

ضيقت عيونها عليَّ و زمت حلگها بامتعاض

_ شنو قصدج عود اني طفله و مخليه عقلي بعقلها و انتِ شعندج كاعده يمنا روحي بغرفتج و صححي اصلا خطيه الطلاب الواگعين بيدج هسه الصفاره تركع عليهم

اخذت نفس و زفرته بنت عاكف محد يلحكها تصلي صلي انتبهت ع ابويا نزل كعد ع تخم و رخى ضهره عليه مغمض عيونه

_ شكو صاير شي

ابتسم وهو ع نفس وضعه مغمض عيونه

_ اخوج سحب الاستثمار من خليل و حتى الفوائد اخذهن هذه البدايه ابن زينب اعرفه ما يرتاح اله يكعده ع رنگات ياله يذبه سجن

طفرت ليال بحماس تسئل

_ يعني زينب جانت هيج قويه مثله

فتح ابويه عيونه يحملق بالسگق جر حسرة ندم

_ اقوه بنيه عرفتها بس اني كسرتها اخذت روحها منها و من يومها ما گدرت توگف ع رجليها بعد

_ يعني علمود جهالها هيج ضلت زين هي مو تزوجت مره ثانيه و صار عدها أطفال

ضحكت بسخريه و اني اتخيل الوجع الي تحملته امي كل هذه السنين

اسيا :- الضن ما ينسى ليال لو الف سنه عاشت و ماتت وهي بحسرة شوفتهم لو ميتين يمكن تگدر تتقبل وضعها وكلما تحن الهم تزورهم بس الفراگتهم غصب شنو حلها

لملمت أوراقي ردت اروح لغرفتي تراجعت من دخل ولي الله من اشوف عيونه عبالك شايفه امي ابتسم ابويه و سئله

عاكف :- اي ولي الله شسويت سمعت ساحب الاستثمار من جوه ايد خليل

جر سراحية المي صب بالكلاص شرب منه و گال

ولي الله :- مثل ما سمعت

عاكف :- اني گتلك دير أعمالي مو خرب أعمالي

ولي الله :- مشكلتك هذه عاكف مو انت جبرتني ع شغل تحمل كلشي يصير

ابتسم ابويه اله دك موبايله طلع رد و مفتح مكبره اجه صوت خليل

خليل :- عاكف شنو هذا الدايصير شلون تخلي يتصرف بكيفه

عاكف :- تعبت اني بعد مابيه المحامة و الشغل سلمته كل أعمالي و يشتغل بكيفه

خليل :- بس ماچان اتفاقنا هيج عاكف

عاكف :- ما جان اكو اتفاق بينا من الأساس ساعدتك قبل الخاطر زينب و من يوم خسرت زينب ردت ادمرك بس عابد وكفلي سجينة خاصره و اعتقد ولي الله ماراح يقصر وياك

خليل :- عاكف انت و زينب اني شعليي اخذ كل الاستثمار و بالفوائد هم و طلع عليه اشاعه سمعتي صار الگاع

رد ابويه و عيونه ع ولي الله

عاكف :- تذكر من اجتك زينب تتوسل بيك تحميها هسه روح توسل بأبنها بلكي يلين گلبه ولو اشوف اذا گطعك وذر ما يفوخ گلبه بيك

خليل :- اني مو هين عاكف لا تتصور اشوفه يدمرني و اضل مجتف

كز ابويه ع أسنانه بغضب و رد بنبرة صارمه

عاكف :- جرب تلمس شعره من راسه اذا هو خلى سمعتك بالأرض اني انزلك لسابع أرض و اخليك تبوس قنادر مو رجلين خليل

نطق تهديده و سد الموبايل بوجه خليل قطع السكوت الصار صوت صفارة ليال من صوفرت التفتنا كلنا عليها رفع ابويه حاحبه مصدوم

رفعت اديها مبتسمه

ليال :- عذروني تحمست من التهديد الله شكد حلو نوب اهدد عابد هيج

تعليقاتكم دخلت گلبي و ماكدرت ارد ع كل لان دا اكتب بالبارت ف هذا مقتطف سعيد هديه الكم ❤️❤️