#طشت خرز
كنوز القحطاني
وَلي
ادوسن فوگ جرحي والچم الملچوم
و أخلي الساكنات لربهن يشغرن
و ألتج للمگابر على اعناد الضيم
و الگاهن وياي يگومن يگعدن
**********************************
رايه
سديت الموبايل نزل مبدل ملابسه بعده الموبايل بأيدي اتصل رقم غريب بدون اسمه أخذه من ايدي جاوب
واني اعاين عليه تهجمت ملامحه وسئل
_ لگيته ؟ وين؟
_ شكو منو هذا والمن لگه
سد الموبايل أشر ع وجهي براسه بستفهام
_ منو ضربج ؟
_ شنو وحده بوحده عود
دار وجه لبس قمصلته حچه و هو يطلع
_ لا تحچين اني اعرف بطريقتي
_ اي روح لطير السعد
طلع و رجع وگف بالباب ماد بس راسه مضيق عيونه و سئل بشك
_ شنو هذا العلاج
التفت ع المكان اليأشر عليه جنطتي و يمها علاجي رحت بساع رجعت بيها
_ حب راس
_ البارحه اخذتي منه و الصبح شبي راسج
_ شويه يوجعني لان ما دا انام زين
_ اممم
طلع زفرت انفاسي براحه حتى صخنت التفت ع رقيه منومتها ع فراش بالگاع خطيه بس نايمه مرتاحه شكلها ارتاحت أبيت خالها لان مابي أنفاس منافقين
غسلت المواعين جايب مسواك و حليب و حفاظات لرقيه هم رتبت كلشي و بديت انظف همزين اليوم عطله
نوب ملابسي و كلشي هناك انتبهت ع جنطتي مفردشه عگدت
حاحبي باستغرب رحت عليها اريد ارجع الغراض علاجي ماموجود عرفت ما صدگ بكلامي هو أخذه
فز گلبي من اندگ الباب طلعت وگفت وراها بخوف يكون ابويه
_ منو
بلعت ريگي براحه من اجاني صوت بنيه
_ اني جيرانكم
فتحت الباب سلمت عليَّ
_ صباح الخير... بس مواعينه يمكم
التفت ع بيت المواعين كلها جديده ماعرف ياهي الهم
_ تفضلي شوفيهن لان ما اعرفهن
ما گالت باطل طبت بسرعه تعاين ع بيت بأستكشاف اول ما طبت صفنت ع رقيه نوب اندارت عليَّ خزرتني
_ هذه بنتج انتِ مرته؟
عگدت مابين حواجبي مستغربه سؤالها بعدين طخت عندي ع منو تقصد
_ لا اني اخته وهذه بنت اختي المتوفيه
هزت راسها بتفهم و ارتاحت ملامحها
أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
