# طشت خرز
كنوز القحطاني
زينب
والفرح طر المدينة
وانطه للناس التريده
دگدگ البيبان كلهه
ومن وصلنه انشلت ايده
اااااااااخ... ياحزنك يكلبي
جمره مضمومه بجريدة ...
******
_ رايدتج لابني محمد
بهتت ضليت صافنه عليها
_ خاله شتحچين انتِ شوفي حالي حال وحده تزوج
تقربت عليَّ حطت ايدها ع فخذي وگالت
طوعه :- تگيسج العافيه يمه
يمه چا شنو رأيج تضلين هيج چم دوب گوليلي تبقين دافنه روحج هيج ماترديلج طفل يسلي وحشتج
جريت نفس قوي ابلع غصتي
زينب :- لحد ما الله يحن عليَّ لو يرجعلي جهالي لو يرحمني وياخذني يمه
_ گولي يالله يمه هي هذه الدنيا دار بلاء انتِ هيج دا تعترضين ع امر الله الصار صار بعد والله لو ادري رجلج خوش ادمي ويرجع الج ويرجع جهالج ولا اطلب منج هالطلب بس
من كلامج عنه هذا طاغي ماينصلح اله ادور دنيا بيِ
قبل لا ارد حچت خديجة تأيد كلام امها هم
خديجة :- والله كلام امي صح
انطيتهن رفضي ونهضت رجعت الغرفه ياريتني ماطلعت منها حتى
خديجه ::ضليت واگف بحيره محمد ينتظر خبر مني اول مره اشوف اخويا هيج متلهف ع مرأه چان كلما امي تفتح ويا موضوع الزواج يگول الها سدي ماريد وهسه هو اجه بنفسه وطلب
طلعت گاعد اباب الحوش حاط مسجل ويسمع ينبعة الريحان حني ع الولهان ويا ما شافني طفى ونهض حچه مرحبا بلهفه
محمد :- ها بشري وافقت
قبل لا انطق تلاشت ابتسامته چن عرف الجواب هزيت أيدي بـ لا
خديجة :- لا ما قبلت بس لا تضوج انت تعرف بوضعها صعب توافق من اول مره يرادلها صبر
تنهد بضيق گال وهو يرجع لمكانه
محمد :- واني مستعد انتظرها عمر
باوعت اله بحزن اني اليحب يكسر خاطري واضل اضوج و ازعل وياه عبالك اني احب مو هو دعيت ربي يخليها تتجاوز هالمحنه ويلين گلبها عليه
رجعت طبيت للبيت سمعت سوت المسجل علَّى بنفس الاغنيه طبيت واني اغني بيها هم صارت بلساني صرت گدام الغرفه الـ هي بيها امي گاعده خزرتني
حطيت أيدي ع حلگي والله فشله البنت مقهوره وحزينه واني اغني هسه شتگول شمتانه بيَّ كون ما سمعتني ما شوف غير فتحت الباب وطلعت
مبدله ملابسها راجعه ع دشداشتها الأجت بيها وحجابها سئلتها متعحبه
خديجة :- ع خير وين رايحه
أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
