طشة خرز

البارت 19

#طشت خرز

كنوز القحطاني

ولايه

‏يا ليتَ أنّكَ مِنْ عُمومِ قبيلتي
أو ليتَ أنَّكَ من أخصِّ قرابتي
ياليت أُمِّي في عيونك خالةٌ
أو ليت أُمَّكَ في القرابةِ عمّتي
أو ليت تجمعنا عروق عمومةٍ
أو ليت بيتك واقع في حارتي
ياليت يجمعنا جوارٍ دائماً
لو ان بلدتك الحبيبة بلدتي

***********************************

اندفع اثنين من الممرضين لداخل الغرفه بقوة بعد ما نفتح الباب فجأة طلع رافع اديه بستسلام والدكتور طلع خشمه وحلگه يجرن دم
ضليت واگفه مصدومه گتله اعترف حتى تخلص راح ضرب الدكتور

أشر الهم الدكتور حتى ياخذوا لغرفة العلاج وهو صاح

_ اعترف.. اعترف ،،اني قتلتهم

باوعله الدكتور بحقد ضاغط ع قبضته بقوة بعد ما فقد فرصة بتعذيبه صاح الممرضين

_ أخذوا لغرفته

ابتسم لدكتور الممرضين أخذوا صعدوا طلع مو هين وذكي هم خلص من العذاب وانتقم لنفسه واني اگول تخبل والله ماكو واحد راح يتخبل هنا غيري

حسيت براحه لان انتهت هذه المرحله رحت كملت كل شغلي غسلت و رحت للبنيه الـ الوعدتها اروح لزوجها اسمها نرجس تلگتني بلهفه

_ هاا رحتي اله

_ اليوم اخويا من يرجع من الشغل العصر يروح للمنطقه و يشوف اذا بعده موجود حتى نروح اني وياه

دمعت عيونها بفرح انتبهت ع المرأة الچبيره گعدت رحت و اجت نرجس وراي هم ساعدتها تگعد ع سرير اديها ترچف مبين عليها الكبر و التعب فلت فوطتها شعرها كله ابيض خفيف رجعت لفتها بقوة ضعيفه

اندارت عليَّ براسها ادقق النظر بوجهي نظرها ضعيف و گالت بصوت متلهف

_ ما رجع علي

جاوبتها نرجس عني اطبطب ع ايدها بخفه

_ لا بعده حجيه ان شاء الله يرجع

هزت رأسها بلا معنى أدور بجيوب دشداشتها هنا وهنا ع شي ماموجود نهضت شالت المخده مفتاح صغير معلگته بسبحه ارتاحت من لگته و علگت السبحه برگبتها

ضلت صافنه بغير عالم و نرجس گالت بصوت ناصي

_ ابنها علي بسبايكر لسه مالگوا و هي عقلها خف شويه

_ بس ما مبين عليها بيها شي ليش ذبوها هنا

تنهدت نرجس بأسى ع وضعها و گالت

_ علي ابنها من زوجها وهي ربته و الذبوها هنا ولدها بزر بطنها

ضليت صافنه معقوله توصل بيهم اولاد يذبون امهم هنا تذكرت سجاد يمكن لو ما احنا موجودين هم هيج يسوي و أكثر