طشت خرز
كنوز القحطاني
ولي الله
يا چَويات روحِي الـ ما أضن تبرد
*******************************
ما انطاه مجال صدام لعابد يحجي لو يعترض بساع خلى اثنين من الشرطه تأخذه و عاكف احسه عاين اله بمعنى يله طلع نفسك و حمزه صاح بشماته
حمزه :- كضوا زين لا يعضكم
صد اله عاكف يعاين اله صفح ما قابل يحجي ع ابنه شلون ابن هو عاد دخل عاكف للمركز و حمزه هم و حسب ما فهمه راح تصير وحده بوحده واحد يتنازل عن الثاني و يطلعون
ضلينا برا ننتظر تقريبا نص ساعه و طلع عابد وجه مايگصه الطبر من صار وجه بوجهي ارتخت ملامحه و تقرب صار كدامي
عابد :- رايه رهف وين اعرف اني غلطت و راح اعوضها عن كلشي و اعالجها
تفلت بوجه و زمخت
رايه :- انسى وحده اسمها رهف انت لو جلبه عندي ما انطيها الك نوب رهف
مسح وجه بضيق عاينت لمهره حطت جنطتها جوه ابطها و تخزر بي
مهره :- دخيلك بعد لا تحط روحك بواحد وتكول اعلاجه كل العالجتهم طبك عدهم الحار ع بارد روح عالج نفسك الأول بعدين حير بغيرك
خزرها عباله تخاف ضلت حاطه عيونها بعيونه و تخزر بي شويه و طلع عاكف و حمزه طلع يركص و ولي الله ورا ضليت فاتحه حلكي من شفته يركص و يطك اصبع همست لمهره
رايه :- مو اخويه هذا مبدلي
مهره :- لا هو نفسه بس لگف من حمزه
وصلوا يم عابد و ولي الله يحاجي حمزه و يسمع عابد
ولي الله :- حمزه شتكول ساجده
حمزه :- تكول من بين اديه وراح مني
ضحكوا ثنينهم دك موبايل ولي الله رد يحجي بصوت عالي
ولي الله :- هلا رهف خويه شلونج..... شنو حامل
من گال حامل عابد وسع عيونه وتقرب عليه أكثر و اللهفه واضحه بردة فعله و ولي الله كمل كلامه
ولي الله :- والله اذا تريدين نصيحتي نزلي شسوين بي ابوه واحد طايح حضه و انتِ راح تطلگين يله من اجي نتفاهم
ضليت صافنه حالي حال عابد و حمزه كمل الجذبه وياه
حمزه :- خل تنزله ابوه عابد و جده عاكف شيطلع اكيد كاولي
راح عابد ع ولي الله جره ع صفحه ماعرف شنو يحجون بس عابد عصبي و ولي الله يحجي ابرود حرگ گلبه
بالاخير كلمن راح بجهه و احنا رجعنا للبيت لكينا حيدره واكف بالباب سلم عليهم و حمزه سئله
حمزه :- هاا ماعرفت منو الراح لمرتك
طلع حيدره موبايله وجه الهم ماعرف شقروا بي
أنت تقرأ
طشة خرز
Misteri / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
