#طشت خرز
كنوز القحطاني
وَلي
حرامات التعب للما يجازيك
وحرامات الوفه للطبعه خوان
جرحك بالملح صدگ يداويه
ويزيدك عطش كلما چنت عطشان
شما تتعب على العگرب تربيه
يلدغك لو چنت فد لحظة غفلان
تترجه الوفة وين انت تلگيه
وتتأمل تمر من جذع ذبلان
***********************************
رايه
ما حچه شي غير ياسر و طلع مستعجل ردت اصعد ويا رقيه وحدها رجعت اركض للبيت دگيت عليه مشغول اتصلت ع مُهره
رايه :- شكو شصاير شبي ياسر
حچت ويا خاله صفيه تسئلها و رجعت جاوبتني
مُهره :- ما ادري والله حمزه هم اتصل ما فهمت منه شي و سده
سديت الاتصال اتصلت ع حمزه قبل لا يحچي سئلته بقلق
رايه :- شكو حمزه ياسر بي شي
جاوب باقتضاب صوت سيارت يمكن دا يسوق
_ لع
لعد شكو اكو احد نگتل اكو وحده اغتصبوها اكو احد مخطوف
سكت يستمع اقتراحاتي عبالك دا انطي اختر مابين القوسين وضل حاير
حمزه :- يولي اخذي نفس راح تموتين شبلاج نگلبتي عجوز كرد دنطيني مجال افگ حلگي
رايه :- يله احچي شتريد اكتب لك عريضه ياله
حمزه :- استغفر الله،،،، ماكو شي
رايه :- حمزه لا تضحك عليه چا وَلي ليش طلع مستعجل
حمزه :- ما ادري جاي المختار ع بيت عمج متصلين بي يردون الاسم كامل
رايه :- ليش
حمزه :- صاير هجوم عليهم و واگعين شهداء و جرحى هسه دا نروح و نفتهم
سده
ضليت اروح و ارد و الأفكار تلعب براسي هم ع ياسر وهم خاف صاير شي وحمزه مايگول و وَلي راح بس لا هم يذبوها براسه رجعت اتصلت عليَّ مُهره رديت بلهفه
رايه :- هاا ما عرفتي شكو
مُهره :- الحمد لله بس متصوب ابويه راح ياخذنا لبيت عمج ترحين ويانا
رايه :- اي هسه دقايق اجيب رقيه واجي
لملمت غراض رقيه و ملابس الها طلعت لگيتهم ينتظروني عمي عجيد يخابر يسئل باي مستشفى وصلنا وراح گعدت خاله صفيه يم مرت عمي تهون عليها
ومرت عمي تنوح و تكسر الخاطر الناس گامت تجي تسئل شويه واجه ابويه هم هو و غفران ضلت غفران وراح هو للمستشفى لا اني صديت عليها ولا هي مثل الغربه
اتصلت ع وَلي مايرد رجعت اتصلت قبل لا تنتهي المكالمه رد
رايه :- هاا بشر مابي شي مو
أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
