طشة خرز

البارت 20

#طشت خرز

كنوز القحطاني

تقول ولايه

لم المس يده
ولم احتضنه ولم ننظر إلى بعضنا البعض مطولاً
لم يجمعنا مكان أو صوره كانت محادثه فقط

لم احبُ كل هذا الحب يالله

************************************

ولايه

آخر يوم بالأسبوع حچيت لأمي عن عرض العمل بشهادتي وعن نقلي خفر و جوابها واضح قبل لا احچي الها قريت العقد ماكو شرط جزائي اهم خاف ما يناسبني الشغل أو تصير مشاكل حتى اگدر اتركه بسهوله وقعت و طلعت

للمصح أقدم استقالتي آخر يوم ولسه ما شفته ماعرف شنو سووا اله حتى تعب لهذه الدرجه

كلام اجيب

أقصى أمنياتي اشوفه بخير حتى اگدر اطلع من هذا المكان واني مرتاحه رغم قلقلي من بقاءه هنا بس ع اقل اشوفه بخير لآخر مره الشعور الـ بداخلي اله ما اعرف ماهية شنو بس المتأكده منه اريده يكون بخير و يطلع منا حتى لو يكون بعيد و ما تلتقي طرقنا بعد المهم بخير يكون

جريت نفس قوي و زفرته كلما ادخل المصح يضيق النفس بصدري كأني داخل زجاجه مغلقة جلت بنظري ع حديقه المرضى كلهم موجودين وقت طلعتهم هذا المصطبه اليگعد عليها فارغه

دخلت ليجوه صعدت اشوف اذا موجود باب الغرفه مفتوح يعني ماموجود دخلت الغرفه فارغه ماكو نزلت شفت ام احمد سئلته بآخر آمل عندي

ولايه :- صباح الخير خاله شلونج

_ هلا يمه الحمد لله برحمة الله انتِ شلونج

_ الحمد لله بس ردت اسئلج اكو مريض نقلوا للمستشفى لسه ما رجعوا

تلاشت ابتسامتها بأسى

_ لا يمه بعده هذا هم الله بلى بناس ماترحم

قدمت استقالتي و طلعت أجر ذيال الخيبه صارت گدام عيوني البزونه التگعد يمه ويشربها مي گاعده بنفس مكانه وگفت متردد مشت بتجاها تقربت عليها گمبصت مديت
ايدي الها باوعت الي واجت اخذتها وطلعت رجعت للبيت أحس روحي ضايعه ناقصني شافت امي بيدي البزونه

_ يا هاي شنو ولايه ناقصنا بزازين ماكافي عليّ نهروان

قبل لا أرد طلعت نهروان تعدل نظارتها بين شايله بزونها عيونها ع البزونه البيدي تأشر بشمئزاز

_ شنو هذه جايبتها من شارع طلعيها برا طلعيها لا بيها مرض وتعدي مشمش

اني روحي طالعه و البزونه آخر شي منه حضنتها بين اديَّ

_ اذا اطعلوها من البيت اطلع إني وياها اختاروا

صدت امي عليَّ غمت روحها و گالت

_ موده جديده هاي لازميها عليَّ اني خلفتكم لو انتم خلفتوني وامشي ع مرامكم

ضليت واكفه مُصره ع رأي يا جبل ميهزك ريح باوعت ع نهروان بتحدي و قبل لاتحچي توز أمي عليَّ گالت امي بقلة حيلة