#طشت_خرز
كنوز القحطاني
حمزه
أعَز مِن رُوحي أعَزَك
وأنتَ أعز مِني
ياحسبة عُمر خاويّتها مِن صبايَّ
بطلت صَفنتي
وما بطَلت مِنك .
يَواهِس تِضحَك الدُنيا
على شفافَك
يبو الليّل الحَلو اليَلعب على
چتافك
أحَس روحي تأمِن
بيك وتخَافك
وأحسك لَغِز شنو انتَ؟
وشنو اوصافك .
*********************************
ليال :: تابعت ملامح عابد مختلفه عن قبل جان بارد و عصبي و كلما يدخل البيت عبالك عاصفه يتعارك و يطلع ينكد ع الكل و يروح اليوم يختلف
عيونه ع ولي الله الي رافع راسه يمحلق بالسگف و يصوفر بشفايفه و ينقر بأصابعه ع يدة التخم بلا اهتمام لوجوده نظرات عابد اله كلها ندم
معقوله يعرفون بعض قبل و ع شنو ندم عابد ضلت حسره بگلبي اريد أعرف قربت راسي لـ ولي الله و همست
ليال :- هذا اجه يله كوم كسره حتى اسولفلك قصة زواج اسيا لا جبر اسيا تتزوج واحد طايح حضه يدور نسوان عليها
بساع انتبه الي من حجيت اله ع زواج اسيا ضحك تك خد بسخريه ما مصدك كلامي
_ عاكف موجود و تنجبر
_ مو عاكف اقصد بابا الجبرها جدي ابو عاكف هو جبرها بعد عايش اني و اسيا نكره عود اكره انت هم لان سمعت جان يكره امك زينب
بعده ع جموده تقرب اله عابد وكف يمه مد ايده يصافحه نهض ولي الله لزم ايده من الرسخ و نفضها كـ سلام او حرب بالمعنى الادق
راد يحجي وياه مانطاه مجال خلى و طلع صحت ورا
_ تعال وين اتفاقنا شو ما ضربته
التفت مضيق عيونه بتفكير وعابد يعاين الي و اله رجع عليه صار مقابيله ضربه بوكس وكعه و عابد بعد ما مستوعب اصلا شكو رجع طلع و اني دفعت الكرسي و رحت لغرفتي قبلا يضربني
اسيا :: جبت زينب و طبيت كوه قنعتها تدخل شفت ولي الله ضرب عابد و الثاني ما شال ايد ابد ولا اعترض و ليال تضحك بسكوت بانتصار عرفتها هي السبب عاينت الها شلون
جرت نفسها و شردت بخوف من عابد تقربت ع عابد انطيته كلنكس يمسح الدم من شفته
اسيا :- مبين تعرفون بعض انت وياه و عدواه بينكم
كعد ع تخم فتح رباطه و ذبه يمه حط راسه بين اديه
عابد :- تهموا بجريمه،،،،، سكت متنهد بضيق ورجع كمل كلامه بندم
_ مو وحد تلاثه اغتصاب... قتل أصدقائه... و قتل اخته
بلعت ريكي تذكرت وجه الطفله الجابها ابويه من سئلته شلون ماتت امها رفض يجاوب هسه ربطت الموضوع يعني مو ميته موت عادي انقتلت
_ كمل
_ عدنا دكتور بالمصح معروف بالفساد مالته دائما ينطوا فلوس و يسوي تقارير للمجرمين بأن عدهم مرض نفسي حتى حكمهم سجن بالمصح جم شهر و يطلعون
أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
