طشة خرز

البارت 10

#طشت خرز

كنوز القحطاني

زينب

گلبي إتلـــوع إتلـــوع بعـــد ميطيب

************************************

امج هنا

_ لا ماموجوده

رديت بتعجل اريد أسد الباب حتى يروح بس صوت امي خرب كلشي من صاحت عليَّ

_ منو رايه

ابتسم حسيتها ابتسامه مزيفه وكله عباره ع زيف ودجل گال

_ ما رايد شي بس احجي وياها

قبل لا ارد سمعة شهكة امي بذعر اجت بساع تريد تسد الباب عبالك الماضي كله واگف ورا وتريد تتخلص منه وهي تحجي برهبه طغت ع صوتها

زينب :- خليل روح الله يخليك ما كافي الاخذتوا مني

لزم الباب يمنعها تسد يحجي بنبره تتمسكن من كلام امي عنه حسيت كلامه كله كذب ونفاق

خليل :-زينب بس خل احچي وياج اجيت اشوف بس واروح ما رايد شي

_ ماعندي كلام وياك ولا رايده شوفتك

فتح الباب و دخل حضنها باس راسها وامي نافرته تبعد عنه وهو يحجي

_ عذريني والله تندمت على كلشي سويته تندمت لان ما وكفت وياج ماتدرين فرحتي من شفتج أبيت فاتن،، صح متغيره بس عرفتج

_ ندمك ضحكة بوجه واحد شايل جنازه روح خليك گتلك من زمان اعتبرني ميته روح جفيني شرك تعبت والقهر اخذ ثلثين حيلي

_ عمرج طويل خيتي اني اجيت اشوفج بس،، سكت شويه يتابعها بنظراته و نطق

_ اجيت اطمنج ع جهالج

لانت ملامح امي تحولت لالم و حزن تعاين عليه بلهفة العطشان وهو ملامحه ارتاحت كأنه لعب ع وترها الحساس،،سئلته بهلفت گلب

_ شلونهم زينين ؟؟

_ اي زينين وبخير عايشين عاكف ما قصر عليهم ابد

بلعت ريگها تعاين اله بنظرات راجيه وگالت بصوت مهتز متوسل

_ عندك صور الهم اريد اشوفهم

انتبهت عليه توترت ملامحه و تلافى توتره بسرعه طلع موبايله يگلب بي وامي تعاين عليه بجبين معگود وعيون مهتمه محت كلشي من گدامها وهمها الوحيد شوفت صورهم

شويه و دار الشاشه عليها وگال

خليل :- هذه اسيا

لمعت عيونها بشوق اخذت الموبايل من ايده حيلها كله يرجف گعدت بالگاع عيونها ع صوره ينزلن دمعها تمسحه بساع حتى تشبع شوف منها

وهو سحب الشاشه طلع صورة شاب وگال

خليل :- و هذا عابد

رفعت امي الموبايل تبوس بصورهم بروح ملتاعه تبچي بحرگه وعجز تحچي ويا صوره باشتياق و تعتذر منهم ع ذنب اقترفه غيرها بلا رحمه