#طشت خرز
كنوز القحطاني
رايه
الدنيا كسرت جفي و عضيدي
و بعد ميفيد عض شفتي و أيدي
شلي بدنياي لو غرب عضيدي هذاك الجان
من اوكع تجيه .
*********************************
رايه
قطعت كلامي انتبهت ع عينها بيها نقطه دم و گالت
_ هو الي اغتصب البنيه و قتلها رايه
بهتت ضليت لا اخذ ولا انطي صافنه بوجهَ
_ شگلتي
گامت تبچي و تضرب ع خدودها لزمت ايدها نترتها حيل
_ عيدي شگلتي قتل منو... أنمار اغتصب و قتل البنيه وانتِ تدرين و ساكته
همست بصوت خافت حتى لحد يسمعها تشهگ بالبچي
_ ذاك اليوم گلي قبل المحكمه،، ابويا وياه مايصدك و وَلي بالسجن منو يخلصني منه وهو گال بس تفتحين حلگج اذبحج و إذا ما شهدتي هم اذبحج
هديتها اديَّ يرجفن احس گلبي يدگ بضلوعي اريد استوعب كلامها صدمتي مو من أنمار اعرفه حقير و مجرم صدمتي من اختي شلون گدرت تسكت وهي نگدر تنقذ اخوها انداريت عليها
_ وليش رجعتي وياه من وَلي اخذ حقج و جابج هنا
_ خفت ع وَلي منه يشتغل بالمخدرات هو وصفاء خفت لا يحطون اله و يورطوا
_ قتل و اغتصاب و مخدرات والله اعلم شنو بعد و رحتي شهدت ع اخوج،، روز عندج عقل لو لا تدرين لو حاچيه
بالمحكمه چا رجعوا يحققون بالقضيه و نقذتي اخوج و حتى يوقعوا تعهد ما يتقرب الج
_ مادري والله الخوف شل تفكيري رايه راح يصير سنه اني عايشه بالخوف و هسه خوف و ندم نهش گلبي سوده بوجهي من لبسته لذاك الثوب الأبيض ادري بي راح يصير الچفن اليَّ
مسحت وجهي ضليت صافنه مات حيلي و طمست بيَّ الذكريات لذاك اليوم المشؤوم
فلاش باك
گعدت ع صوت الرعيد قوي و بدأت تمطر تزخ عاينت الساعه تلاثه شفت وَلي فتح الباب بيده جدر حطه ع تلفزيون السگف يخر نهضت من فراشي امي وياه هم منين ما يخر البيت تحط جدر
ضحكت ع گيف و همست
رايه :- هذه آخر سنه نحط جدوره ان شاء الله
دمغني وَلي ع راسي بخفه و همس
_ اشش نصي صوتج راح تسمع أمي و بعد لسه بي شغل هواي
_ باجر اذا ما جبتلي زعرور اگول الها
لاف ايده ع رگبتي حطني جوه ايده و يحچي
_ منين اجيبه الج خلص وگته
اندارت أمي علينا تفر بيدها و گالت
أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
