# طشت خرز
كنوز القحطاني
وَلي
تعبان
واذا طگني الهوى يمكن اطيح
مالي واهس هسه لو غرگان هم مابيه اصيح
***********************************
رايه :: انتبهت ع ملامح وَلي الله عيونه دم ملامحه بيها كسر و خذلان انقبض گلبي رحت ورا حچيت بهمس لا تسمع امي نوب تقلق فوگ قلقها
_ وَلي شبيك
هز راسه ماكو شي يتهرب بنظراته عرفته بي شي وشي چبير هم لحگته ورا حتى اعرف شبي ما حسيت غير وگع من طوله صرخت برعب چن گلبي وگع مو هو
_ وَلي
ركضت اله اصرخ باسمه برعب گعدت يمه حطيت راسه بحجري اضرب ع خذه بخفه ماكو،، اجت امي تركض وجها ينطي ألوان جابت گلاص مي حطت بچف ايدها غسلت وجه وهي تحچي بخوف
_ ولج شبي اخوج شبي
_ مادري ماحسيت غير وگع من طوله ا...
قطعت كلامي من فتح عيونه بتعب وجه شاحب و شفايفه يابسه سندته اني وامي گعدته ركضت جبتله عصير امي جبرته يشربه وهي تسئل بي
_ شبيك يمه
حطت ايدها ع جبينه تشوف حرارته وهو ساكت
_ يمه احچي مريض! شبيك؟
عدل گعدته مسح وجه من المي ونطق بلا روح
وَلي الله :- مابيَّ شي يمه شويه تعبت بس
طلع ابويا من غرفته نظر النا بلا اهتمام و وَلي ما شال عينه بعيونه أبد حسيت اكو شي صاير بينهم حتى امي عرفت هذا الشي نهضت من مكانها بساع اخذت ابويا وطبوا غرفتهم
گام وَلي الله دخل غسل و بدل ملابس واني ورا ورا اريد اعرف شبي وهو ماكو غير جواب طلع من حلگه غير ماكو شي من راد يطلع من البيت اعترضت طريقه
رايه :- وين طالع ماتشوف وجهك شلون صاير اصفر ترى توگ وگعت من طولك لو تگعد خل اسويلك شي تأكله لو نروح للمستشفى احسن
تنهد بارهاق وتعب و گال
وَلي الله :- رايه تعبان ومالي خلك احچي والله من ارجع عود نتفاهم
_ زين وين رايح وانت بحالتك هذه يم حمزه !!
_ لا لشغل عندي شغل الولد راحوا من الصبح خطيه
_ وَلي يا شغل لخاطر الله الفلوس تجيبك لو انت تجيب الفلوس
زفر انفاسه كأنه يقاوم انهياره ونطق برجاء
_ رايه
ابتعدت عن طريقه طلع من البيت واني عيني ورا اول مره اشوفه بهذا الوضع لا أعرف شبي حتى اخفف عنه ولا اعرف
طبيت للبيت صوت امي وابويا طالع يتعاركون اكيد ع موضوع وَلي ابويا عجزت اعرف سبب نفوره من وَلي واگفله ع شعره ع اي شي يضل يحچي و يتعارك سواء الحق وياه عليه ابويا ضده اول مره اشوف أب ضد ابنه بهذه الطريقه يوم عن يوم صرت اتأكد اكو شي
أنت تقرأ
طشة خرز
Детектив / Триллерطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
