طشت خرز
كنوز القحطاني
ولي الله
شايف لْـۆ لگيت العنده زعله وياك
وتعاند بروحك ماتباوعلـه
تريـد تگلـه احبك تسكت وتنـدار
ترجـع تلتفـت وعيونـك تگله
ً*******************************
ضليت صافنه مستغربه كلامه
_ يا عاكف تقصد عاكف عاكف لو غيره
_ نفسه رايه
_ و شوداك يمه من شوكت تشتغل وياه
_ وين جنتي البارحه
_ رحت اشتكيت ع عابد هسه يسحلوا للسجن
_ ذاك طلع كفاله لحد يوم المحكمه
_ اهم شي يتحاكم اهم شي النهايه اذا ما ينسجن تنسحب شهادته
راد يطلع وكف يحاول يفتح موبايل عاكد جبينه بازعاج عاينلي و مد الموبايل الي
_ تعرفين الرمز مو
_ اي
_ دخلي
أخذته منه
_ نسيت الرمز شنو
_ اي من العلاج
_ شدخله العلاج هو مرخي عضلات
_ جيبي رايه ما اريد صايره مثل حمزه هواي تحجين
_ اسفين عمي هاك فتحته
أخذه مني و جانت عيونه تراقبني واني ادخل الرمز شگ كصگوصه من ورقه چبيره كتب عليه الرمز حطه بجيب قمصلته
و طلع ضليت اعاين لظهره وهو يختفي ورا الباب و عقلي احاول افكر و احلل سبب النسيان عنده مستحيل من العلاج اتصلت ع حمزه رد من اول دكه
_ حمزه
_ عيونه
ضليت اتلفت منا ومنا من الهبطه عبالي ولي الله بعده واكف وسمعه رد حجه من طول سكوتي
_ روحه لحمزه احجي بيج شي الجلب بي شي
_ هاي عليمن جلب ع اخوي
_ تؤ اني واخوي ماعليج كولي شتردين
_ ولي الله من شوكت ينسى
سكت و سمعته تنهد بصوت مسموع و رجع يحجي من نبرته مبين حبه
_ تدريه شكد جنت افكر شوكت راح اگلج احبج و شلون اگولها بس هسه احسها فاهيه اني عبرت هالمرحله من سنين عبرت كل مراحل الحب و العقل وياج اني مجنون بيج رايه
صخنت ضليت اروح و اجي نخبصت و تخربطت اخر شي كعدت بمكاني و رجعت گمت سمعته ضحك و سد الاتصال لزمت خدودي نار من الخجل اخر شي وكفت بنص
المطبخ من استوعبت هو ما انطاني جواب لسؤالي و راح تخوصرت هذا ضحك عليَّ لو اكو شي ما رادني اعرفه
أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
