طشة خرز

البارت 26

#طشت خرز

كنوز القحطاني

حمزه

انا لو كتلك اجي اتعنى واجيك
وانته مامره كتلي  وجيتني
مره اذكر بلحلم كتلي تعال
واركض بنص الحلم خليتني
انه حطيتك حدر ضلعي ومشيت
وانته جلمه بكل حلك حطيتني
وانا غيرك لو ردت اهوه هويت
وانته لو تعرف تحب حبيتني
انه تانيتك جرف وابجي ع الماي
شويه خاف الله شكثر بجيتني
تمر عليه ومن تمر جنك غريب
وعلى كطره ماي الك ذليتني ,

***********************************

رايه

خليت رقيه و نزلت وراى حتى اگوله مو هو الفاعل مات حيلي من شفته طلع سچينه واجه عليه صحت برعب اريده يسمع مني فاقد ع وَلي يريد يضربه

رايه :- مو هو والله أنمار الأعتدى ع اختك مو اخويه والله

صاح بيَّ بعصبيه يرجع بخطواته بحذر يتفادى السچينه يريد يحچي وياه و الثاني يشامر بالسچينه عليه

وَلي :- رجعي لسياره

استغل انتباه وَلي عليَّ تقدم بسرعه عليه يريد يضربه ماعرف منين اجتني الشجاعه واني قريبه يم وَلي لزمتها بيدي احسها بدت تحز بيدي ماهمني كل همي يسمع مني فرفحت اريده يصدگ كلامي

_ والقرآن الكريم مو هو ابن عمي أنمار هو السواها

جرها من ايدي ع سريع جرحت أيدي حسيت بلحم چفي ينگص شاغت روحي ضربه وَلي كله براسه وگعه واجه يركض
نزع قمصيه لف أيدي والثاني دنگ شال السچينه وشرد سندني وَلي صعدني بالسياره فوگ الوجع صاح بيَّ بعصبيه

وَلي :- مره وحده بس سمعي كلامي مره وحده بس شلون لازم تعاندين

_ اعوفك يگتلك و اني اعرف منو اعتدى ع اخته

_ خل يگتلني ماعليج لا تدخلين لا تحطين روحج لو تشوفيني انذبح گدامج لا تدخلين

سكتت الألم ماخذني حتى گلبي گام يوجعني رقيه گامت تبچي أخذها بحضنه كمشها بيد و الثانيه يسوق بيها و رجع يصيح ماعرف شبي

_ هذه آخر مره الج رايه و حق لا اله الا الله اذا أدخلتي بعد لو رجفتي و تبچين و تلطمين اعلمج البچي شلون يصير

_ لا تهددني عبالك اخاف منك

هز راسه بتوعد و سكت و صلنا المستشفى دخلنا الطوارئ حولنا عمليات صغرى سووا اول شي اشعه لايدي خاف لايح العصب و متضرر بعدها بدا الممرض يخيط
بيها حسيت الابره تزرف بگلبي مو چفتي رغم حط مخدر بس احس بالابره من تدخل و تطلع وگف يم السرير جر راسي لصدره حتى ما اشوف الوجع عصر روحي
عصر ألم صدري رجع نفسه حتى اديَّ خدرت و نفسي گام يضيق شويه شويه حسيت عليه مددني ع سرير و اجه ممرض حط قناع الأوكسجين و شكل كانيولا علگ مغذي
و ضرب ابره بي عيوني ادور وياهم لمحة نظرة القلق و الخوف عليه انتبهت ع ايده متشنجه نفس ذاك اليوم يحرك بيها ما حسيت ع روحي لحد ما سحبني الظلام