طشت خرز
كنوز القحطاني
حمزه
اجي اتبع اثارك حَتى ألاگيك
ومِن ألگاك أگلك والله صدفة
*********************************
نهض حمزه يمسح الدم عن شفته عاين لـ ولي الله بحزن تقرب اله راد يحاجي ما انطاه مجال ولي تركه و طب تنهد حيدره بصوت مسموع دك ع جتف حمزه مواساة
حيدره :- تفرج ما تضل ان شاء الله
اخذ حمزه نظره عليّ و طلع و حيدره طلع ورا طبيت ليجوه شفته ماكو صعدت لغرفته ادك الباب ماكو ما يفتح
نزلت دموعي ما توكف رجع اجه حيدره اشرلي براسه بمعنى وينه
رايه :- فوك بغرفته قافلها
هز راسه بتفهم و كعد ينتظر صد ع رقيه ابتسم بحزن و راح عليها شالها باس خدها يضحكها
رايه :- صدام مو وياكم ليش ما قدمتوا الادله و ينسحل خليل و يخلوا يعترف طيف وين
زفر انفاسه بصوت مسموع بتعب من الدا يصير
حيدره :- رايه تعرفين خليل كلش زين مو بس يهدد ينفذ هم ماعنده مانع اذا سجنا عنده برا الف واحد يكتل طيف صدك و يذبها براس ولي الله
_ ولي الله مو مثل قبل يمشي ع نيته اكيد يعرف يتصرف اذا احد اتصل بي ياخذكم وياه يتصل ع شرطه قبل لا يروح
ضحك تك خد بسخريه من وضعنا
_ و إذا اتصل بالشرطه واذا رحنا وياه النتيجه نلكى طيف مكتول
_ وهسه شراح تسون نبقى هيج جوه ايد خليل احنا يخطف و يهدد
_ جنه مضبطين كلشي ماعرف منين طلعت النا سالفة خطف طيف صفح و دمرت كلشي
_ و هسه شلون يبقى ولي الله خاسر هيج دوم
_ الله موجود لابد يجي يوم ينتهي الظلم هسه الوضع مكهرب خل يهدا و نفهم السالفه و نشوف شنسوي
مسح ع راس رقيه بحنان احسه عصر گلبي حتى لو حركه عاديه ما احب احد يمسح ع راسها هي مو يتيمه اني امها ولي الله ابوها
_ شنو صار بين ولي الله وحمزه ليش ضربه
_ ولي الله راد يكتل خليل قبل العقد و حمزه منعه و حبسه تصرف حمزه صح لو جنت يمه اسوي نفس الشي
هزيت راسي بتفهم اله
_ الألم ما يوجع غير صاحبه انتوا تشوفوا صح بس هو يشوف خساره خسر البنيه الحسبها العوض و المن لعدوه
_ انتي تكولين هيج بس مثل ما وجع ولي الله وجعني و وجع حمزه البينه مو يوم يومين من صغر سوه مستحيل نشوفه بهالحاله و مانحس بي بس اذا هو مو بوعيه نعيفه يضيع نفسه علمود واحد كلب
أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
