طشة خرز

البارت 33

طشت خرز

كنوز القحطاني

ولي الله.... رهف..... رايه

طبع السعاده دهن
و ماي اني ما ننجمع
شماننخبط ننعزل
و الفرحه طير بغصن
سهام الملامه و هلي معقوله ماتنگتل
و همومي نار بگطن اطفيها من هل الكتر

من ذاك الكتر تشتعل

******************************

نهروان

طلعت ولايه لشغل واني عيني بعد ما رضت تاخذ نوم التفكير نهش راسي احس روحي تورطت و ما دا اعرف اخذ القرار

الصح گمت فرغت الكنتور و بديت ارتب ملابسي فزيت ع صوت رمي طلعت اركض من الغرفه طلع سيف هم توه رجع من الخفر ما صارله ساعه طلع يركض واحنا ورا وامي تصيح بخوف

نازك :- وين ولكم تعالوا طبوا لاتجيكم طلقه تايهه

اخذت شال بساع حطيته ع راسي و ركضت حافيه

نهروان :- يمه الصوت قريب يمنا ع بيت رايه يمكن

خف و تلاشى صوت الرمي و صوت سيف يصيح و زلم هواي يصيحون طلعت زلم بيهم خمسه لابسين دشاديش سود و ملثمين بالشمغ اجت خاله صفيه و مهره و سيف يدفع

بيهم وهم يصيحون عدهم ثار ويا ولي الله صاحت بيهم خاله صفيه

صفيه :- عدكم ثار انتظروا يجي و واجهوا زلمه لزلمه مو هادين ع بيت هو شبي البيت غير الحرم يا حرم

عاط بيها واحد وهو يفتح لثامه

_ حجيه مالج غرض بينا يله امشي منا

_ وانت منو حتى ترفع صوتك عليَّ اذا انت زلمه من ظهر زلمه ضل واكف بمكانك اذا ما خليت حمزه يفرغ شاجور براسك اني مو ام ذيبه

عفتهم يتعاركون انتبهت ع مهره ادك بالباب الي تزرف من الرمي و تصيح باسم رايه و ماكو رد

نهروان :- سيف اعبر افتح الباب بس لا صار شي بيها

باوع الي سيف بقلق عبر بساع و فتح الباب دخلنا كلنا شفتها گاعده بالزاويا ترجف و وجها أصفر و حاضنه رقيه

لصدرها حيل و الطفله تصرخ ركضت الها مهره اخذت اني رقيه منها و امي و خاله صفيه يحجن وياها يهدن بيها و مهره راحت تركض جابت علاجها انطته الها شويه شويه هدات

نازك :- ها يمه شلون صرتي شيوجعج ناخذج للمستشفى

بلعت ريكها و مسحت ع وجهها

رايه :- لا خاله احسن ما يحتاج

سكتت رقيه هم بعد ما انطيتها حليب و ضليت افتر بيها لحد ما نامت خليتها بفراشها

نهروان :- منو ذوله و ثار شنو عدهم ويا ولي الله

قبل لا ترد ندفع الباب و دخل ولي الله يركض وجه مخطوف و عيونه كلها خوف گمبص كدام رايه حاوط وجها باديه و يحجي بصوت يرجف