طشت خرز
كنوز القحطاني
رهف
مـو انت الفـرس بـس چـانت ازمـه خيـل
سـايستـك غصـب وادريـك مـو گـدها
*********************************
محي :- دخيلك استر عليها
عاينت ياسمين بس بالتراك و الحجاب لافته شلون ما جان و طايح و شعرها نصه طالعه دموعها تجري و تشهگ بالبچي،،
حط ولي الله ايده بصدر عمي يدفعه يريد يطلعه من البيت و هو يحچي بعصبيه كاز ع أسنانه
ولي الله :- رجلك اذا عتبت بيتي مره ثانيه ابترها الك
لزم عمي ايد ولي الله الي ع صدرها بين اديه و باسها يحچي و يلهث بأنفاسه
محي :- ما اطب والله ولا أمر من گدام بابك هم بس بنتي استر عليها انت مو عندك خوات لخاطرهن استر عليها
ضحك ولي الله تك خد و كبرت ضحكته يقهقه بصوت عالي صارت صنته صفنوا عليه عمي و ياسمين بقلق تقربت عليه بخوف اعرفها ضحكة وجع و ألم
رايه :- ولي الله
تلاشت ضحكته بسرعه مثل ما بدأت تقرب ع عمي انحنى لمستوى و بصوت حاد
ولي الله :- خواتي ياهي منهن الي نحرتوها النجف لو لرملتوها وهي بأول سنين عمرها و يتمتوا ابنها قبل لايشوف وجه ابوه لو الترستوا گلبها سم من گلوبكم لو هاي
گالها وهو يأشر عليَّ بحرگه
_ لو هاي التهمتوها بشرفها و خليتوا بيها ذبحه صدريه ذني خواتي خاطر ياهي منهن ماكسرتوا حتى اخلي الكم خاطر
بلعت ريكي بهظم و كسرتي و كسرات خواتي كلهن صارن گبالي من غير كسرة امي الچبيره و كسرة ولي الما ظن الها جبر،
گعد عمي ع ركبه گدام ولي الله و لزم رجليه يتوسل بي و يبجي بدموع التماسيح
محي :- حقك عليَّ عمي اني غلطت و اطلب السماح منك بس ياسمين استر عليها اخوها يريد يذبحها
نفض ولي الله رجله من عمي و قبل لا يرد اجه حمزه و ياسر طبوا لان الباب مفتوح و كلنا بالحوش حد أسنانه ع عمي من شافه و حچه من بين أسنانه بحقد
حمزه :- شعندك هنا لك عار مو گتلك انت و النغل مالك بس توصلون لهنا احش رجليكم
نهض عمي يسحب بخشمه لعب نفسي نوب لزم حمزه
محي :- حمزه انت ابن عرب وصاحب حميه واني مدخل بنتي عليك اليوم تستر عليها
حمزه :- هسه صرت ابن عرب و صاحب حميه مو جنت ابن العُربيه و ماعجبكم
محي :- هذا حجي أنمار ماعليه بي اني بكد ابوك و توسلك استر عليها
حمزه :- مو كواد اني كدامك و اخذلي وحده لاعبه بالشطرنج
أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
